愛群餐廳

營業中

休息中

今晚，又去了愛群吃晚餐~ 其實，間中也會去這間餐廳用膳，因為這裡的食物質素普遍幾好，而且價錢亦合理，甚至可以說「抵」~ 也許因為是置身於長沙灣吧~! 畢竟鋪租不會好像在港島區那麼嚇人~和男朋友分別點了兩個晚餐，他點了牛柳，我點了龍蝦尾併龍脷柳~ 首先，來一個餐湯~個人較喜歡這裏的忌廉湯，因為味濃之餘加入了菇菌，不過，由於怕滯 (因為平時吃完整個晚餐都是超飽的)，所以是次點了紅湯，其實也不錯的~ (補充：其實還有餐包，只是我不吃而已)之後，就是餐前小吃，串燒雞肉~之後，就是主菜了~看見龍蝦尾已很興奮~ 哈~ 不過，略嫌可再濃味一點，因我是「芝士怪」~ 另外，龍脷柳煎得幾香，頗美味，薯蓉也不錯，混合了牛油，有少少鹹味~ gd~這個牛柳也很美味，很腍，入味~ gd~ 其實，個人是很喜歡吃牛的，不過，之前曾在這裏吃過有點 "孩" 的牛扒，所以今天不吃牛呢~ 說實在，這裏的牛扒水準不平穩，有時候很好，但有時候則一般。但其他食物的質素則keep到不錯的水準~由於男朋友今天很肚餓，所以追加了意粉~ (晚餐本身配薯蓉，好像加$5就可再加添意粉)口渴了，來杯凍檸茶吧~!上埋甜品，唔該~男友選雪糕，我則吃

餐廳外表是比較殘舊，店內的燈光有點昏暗，是典型七八十年代的港式西餐廳格局。餐牌上其實有不少選擇湯飯、小菜、咖哩等等。價錢比荃灣區的莎樂美便宜，但套餐的形式跟莎樂美的一樣，有湯、餐包、主菜、甜品、餐飲。今天在這裡吃晚餐，我和朋友各自叫了2個套餐個「黑椒牛仔骨」和「燒汁豬扒」。服務員不算多，但餐湯很快送上，接著上的就是前菜,炸蝦條，吃完前菜不久，主菜就到，上菜速度十分快，值得一讚。「黑椒牛仔骨」和「燒汁豬扒」的賣相不錯，主菜雖然是黑漆漆的肉扒，但綠油油的配菜令它顏色豐富，增加食者食慾。言而，牛仔骨肉質有點乾而油，令我有點失望。豬扒方面就不錯，軟硬適中，不錯的。

其實經過呢間餐廳好多次 但系次次都無留意到 真系爸爸介紹先知有呢間餐廳炸！我地入去食果陣系3：30pm 下午茶時間 入面得幾台有人 同埋燈光都好暗 有好多都系陽光泥既 但系冷氣好舒服：$ 呢間餐廳系有下午茶餐既 不過價錢都吾平 太約都系$30-$40 加野飲同加餐湯都要加錢 加紅豆冰就加$6〜我地好快就叫左野食喇 餐牌都寫得好清楚既 加上無咩人 d waiter都好專注服務我地〜一落左單d餐包同餐湯好快就泥到 餐湯好好飲阿 夠濃夠味之餘仲系熱辣辣架〜紅豆冰都吾錯 吾系特別大杯吾系特別出色 不過幾多紅豆 都算ok拉！仲有2杯凍檸水既 不過好多冰 2啖就飲哂〜至於主菜呢 我覺得最好食系肉醬意粉 一上台真系好香好香 用叉篤落去果陣層肉醬系脆卜卜架 真系未試過)^o^(仲要超級多肉碎 食極都仲有 算系一分錢一分貨。我原本就吾系幾中意食牛既 所以都無食到 不過真系聞到好香 食左少少薯菜 d黑椒味好重好夠辣 如果中意濃味既朋友就可以叫黑椒汁！但系個炒河真系好吾掂 吾單止無味 仲要炒到好碎 d班球好靭 完全吾好食

途經多次，想不到今天才試吃還是和相識多年的朋友來餐牌上其實有不少選擇如果和女朋友仔來，點兩份扒定必吃不下，結果只會令男孩勉強狂倒進肚子這兒有湯飯、小菜、咖哩可供選擇，頗多元化羊西冷實太美妙，要在其頂部、側邊、及切開均拍個照，留下其倩影，惜不能留下其「倩香」利刀輕輕一滑，薄薄一片羊西冷略帶紅色，絕對夠熟、頂底五分一為脂肪，羶味迫人、肉香四溢，想起即垂涎三尺如非另點了一個咖哩有飯，我想其實這樣份量的扒，個人可吃兩件咖哩牛筋腩肉亦夠腍，只有三兩件未夠腍其餘的筋部或肉，均達致「化境」咖哩汁亦有馬拉咖哩特色，夠辣，不太多椰香，亦不像日式帶甜味環境除了舊一點外，沒有丁點兒問題如果喜歡懷舊情調像我的話，可能更會給此店加分這兒遠較花園餐廳美味、寧靜，可能還便宜一點，還有理由到花園餐廳嗎?

一日之計在於晨，今朝早餐中伏(詳見老叟29/4 對老麥食評--如果通過到openrice 評審......) 豈料晩上......到青山道提貨，一日辛勞後飢腸碌碌，行過愛群心想要以肥肉飽餐一頓! 一坐低，二話不說先點$115的雜扒餐 (包餐麭、焗田螺、餐湯、鐵板雜扒、甜品啫喱/雪糕及茶/啡)。老叟熱愛豬手，問部長是怎樣做，答「咸豬手梗係先烚再焗過至上鐵板啦」。好，就來一客吧 ($85 連餐麭、湯、豬手、甜品及餐飲）！食物來了，餐麭是室溫的，餐湯、田螺、雜扒等水準請參考相中評價再加點平常想像力便清楚了等了十五分鐘，主角來了! 看看相片吧： 豬手皮外的微焦不是焗出來而是放在熱鐵上煎的--所以只有少許部位而不是整隻帶不平均的微焦......算吧，急不及待切開一口，皮夠軟而面層肉也算滑可惜卻啖不出傳統港式咸豬手的咸香.....再切深些吃一口............啊？！室溫的豬肉？！難道這其實是冰火豬手？基於老人家見識少，只好默默吃下較熱的部位便匆匆結帳回家自我檢討好了........

座落長沙灣青山道的「愛群餐廳」，外表殘舊，內裡燈光昏暗，典型七八十年代的港式西餐廳格局，我都算常客，雖然餐廳有時比較嘈雜，但食物質素尚可接受。今天在這裡吃早餐，叫了個「牛扒煎蛋早餐」。我通常會在點菜時講明要太陽蛋的，否則往往會給了我太熟的荷包蛋。蛋煎得可以，半生熟剛剛好合我心意。 而重點是牛扒，切得很厚及大件，雖然是全熟的，但也不太硬，幾鬆化，黑椒汁落得幾重手。 加上茄汁豆及一小片蕃茄，還有小餐包，令這早餐很豐盛，好飽。熱奶茶只屬中規中䂓，OK香滑。埋單$28，還算抵吃。

母親節為免人多太逼提早左一星期慶祝母親大人想剧扒指定愛群我地之前黎過慶祝生日媽咪中意佢大件夾抵食可能真係臨近母親節比起平時起碼多左1倍人但我地一行7人餐廳都好快比到位我地好喜歡小店經營既親切我地7個人隨便就加張櫈就已經OK了未坐底都已經見到人地大大隻龍蝦一於整番隻LA~個餐真係超級抵食又湯又扒又甜品都只係百零蚊仲要有甜品.......而且水準不錯餐湯-酥皮魚翅海鮮湯 - 好足料,假魚翅及蟹柳都夠多,燶燶地既酥皮香脆餐湯-羅宋湯 - 好香港既羅宋湯,夠辣,濃郁,我好中意依個,因為辣既羅宋湯已經好少有鐵板鑊仔牛柳 - 7位中有4位點依個,大家都話好好食德國咸豬手 - 嘩!真係超級大隻,搞到要SHARE少少比大家先OK,味道OK,不會太咸,而且肉質嫩滑龍蝦拼鑊仔牛柳 - 碟上就$105/,鐵板上要件135,我揀左鐵板,不過黎到一D都唔鐵板,落汁都無"乍乍"聲,下次不用鐵板了,龍蝦真係好大隻,加上上面既薯蓉+ 芝士,好好味,啖啖肉!正!!!不過牛柳就一般,太熟了...我食完龍蝦之後.由於不是鐵板,已經涷左,所以無咁好食~~~甜品- 有雪糕同什果啫里 - 全部都揀雪糕 - 味道就係一般朱古力雪糕

人身處旺角, 本來想襯美而廉餐廳結業前, 把握最後機會去食個鐵板餐, 因剛吃過茶餐不久, 又不太想來一個early dinner, 稍為夜一點, 又要大排人龍, 最後去了呢間愛群餐廳, 襯還未有被地產商收購前, 還是早些去緬懷一番7:00 前去到人不多, 叫了一份晚餐和一份穫仔牛柳餐, 下單後, 餐湯即時送上, 接著上的就是前菜, 正當吃之際, 主菜又來, 上菜速度可謂極快, 可能這都是一般茶餐廳正常運作罷紅白餐湯各一, 附有一個小餐飽, 紅湯材料不賴, 酸甜開胃, 白湯則味道一般焗肥美大隻的青口作為前菜, , 加上用了火腿煙肉來焗, 入口惹味主菜羊柳賣相也不錯, 入口帶一點羶香, 可惜份量細件之餘, 切開後, 更發現豐腴的肥膏也不少, 對我來說, 可以食的部份不多穫仔牛柳餐一 客三片, 幸好我們要五成熟, 送到枱時, 已經有7成熟, 入口尚算嫩滑食到差不多, 侍應很快上前問我們要什麼餐茶, 我問他可否要蜂蜜柑桔, 他也說可以, 但沒有提醒食客此餐飲要叧加HK$3, 到了埋單時, 才發現每杯要加多HK$3, 幸好飲完之後, 感覺這HK$3都值得加, 材料用了柑橘加蜂蜜

今日本來想去打邊爐慶祝生日,但是book不到今日,只好取消再找別的,記得自己好久沒鋸扒,就決定來愛群吃個最愛的牛牛(已經不理戒不戒口,死就死的心態),今天一來,又發現加價了,每次都至少加5蚊,今天的晚餐有肉眼扒,阿娘就叫了這個,我自己就叫獲仔牛柳要洋蔥汁5成熟,好快就先來餐包餐湯,包還是有微溫,湯我叫了多渣,包是軟熟的嘉頓小餐包,湯是酸味很夠的濃味菜湯,煮淋的菜都入晒味好好吃,平時來吃都要羅宋湯(除非戒口),晚餐的前菜是越南春卷,有趣的是用沙律醬來伴,外皮鬆脆頗好吃,不過都應該是某冷藏現成品好,到戲肉了,先來阿娘的肉眼扒,然後再到我的獲仔牛柳,平時食開我都頗滿意,但今次竟然給我9成熟,我本來以為一塊半塊會係咁,結果全部都係,D肉有好強勁的梳打粉味,連肉味都蓋過了,不過一直蘸著茄汁吃還勉強吃得下,但最大的問題,居然係響牛扒吃到有渣,我吃了10多年的餐廳今天竟然給我吃這種東西!我真的吃得超不爽,另外阿娘要的那份晚餐,給的牛扒反而是5成熟,又係超重梳打粉味,阿娘連一半都吃不下,都給我吃了,不過好難得,連我都吃不完,最後喝個奶茶吃個雪糕就走人了,價錢越來越貴(已經追到花園餐廳價了,質素越來越差

今日本來想去打邊爐慶祝生日,但是book不到今日,只好取消再找別的,記得自己好久沒鋸扒,就決定來愛群吃個最愛的牛牛(已經不理戒不戒口,死就死的心態),今天一來,又發現加價了,每次都至少加5蚊,今天的晚餐有肉眼扒,阿娘就叫了這個,我自己就叫獲仔牛柳要洋蔥汁5成熟,好快就先來餐包餐湯,包還是有微溫,湯我叫了多渣,包是軟熟的嘉頓小餐包,湯是酸味很夠的濃味菜湯,煮淋的菜都入晒味好好吃,平時來吃都要羅宋湯(除非戒口),晚餐的前菜是越南春卷,有趣的是用沙律醬來伴,外皮鬆脆頗好吃,不過都應該是某冷藏現成品好,到戲肉了,先來阿娘的肉眼扒,然後再到我的獲仔牛柳,平時食開我都頗滿意,但今次竟然給我9成熟,我本來以為一塊半塊會係咁,結果全部都係,D肉有好強勁的梳打粉味,連肉味都蓋過了,不過一直蘸著茄汁吃還勉強吃得下,但最大的問題,居然係響牛扒吃到有渣,吐出幾片後研究了一會,應該是XX(自行猜想),我吃了10多年的餐廳今天竟然給我吃這種東西!我真的吃得超不爽,但我又不想跟他們說,只好放這裡跟大家分享發洩一下好了,另外阿娘要的那份晚餐,給的牛扒反而是5成熟,又係超重梳打粉味,阿娘連一半都吃不下,都給我吃了,不過

身處深水埗又想平平地鋸個扒,心目中即刻諗起兩間餐廳.一間係飛鷹,另一間就係愛群,再過啲嘅金鳳已經因為太遠而不列入考慮之列.兩間餐廳位置,一間近太子,一間近長沙灣,我無辦法兩間都去巡吓.呢啲情況,就緊係揾OP幫手啦.一睇之吓,飛鷹食評差到無倫,一於試吓愛群.愛群的格局係老式豉油西餐廳,級數我認為稍稍比金鳳高,因為佢哋有裝電視啲位亦多到唔會有被趕之虞,你幫襯佢,佢會預咗你慢慢食吹吓水咁.服務就真係唔掂,啲老伙計精過鬼.話說當日我見到是日晚餐係澳洲牛扒,然後餐牌入面又有澳洲牛扒.我問佢點解餐牌嗰個貴5蚊,有乜分別.佢答我是日晚餐塊扒大塊啲.咁又大塊啲又平5蚊,就緊係是日晚餐啦.出到嚟先知是日晚餐係碟上而唔係鐵板上,仲要無得揀汁.當堂明白哂點解會平5蚊,更明白剛剛係個伙記反推銷我唔好叫鐵板餐.食物方面以豉油西餐來說都係差,澳洲牛柳面層又乾又鞋,好似炸過咁.伴碟蔬菜白烚,仲要水流流.汁料無得揀黑椒汁,得蒜蓉汁唔夠惹味.餐湯都係唔掂,啲芹菜洋蔥都未烚淋,咁唔駛問緊係開完啲味精湯再加返雜菜作配料啦.同行朋友點了一個鐵板黑椒雜扒餐,奇怪在點白飯要另加5蚊.後來先知係薯菜以外再加一碟白飯,即係一句講哂無

其實我都算是這間餐廳的常客,就來這寫一下食評!因為戒口中好想食魚扒,就來這裡吃大件魚扒了,但我又唔食得蛋,唔食得吉列,只好揀個華都石班餐,雖然佢話有少少蛋汁,但我好想食魚扒魂出現左,冇辦法,只好食啦,另外3個家人都刺激我,食牛><記得我至愛的羅宋湯有牛(又要戒),今次改飲忌廉湯,濃度同味道都剛剛好,麵包這次也烘到剛好熱不靭,他們上菜好快,飲完湯就上主菜了,我的鐵板魚魚,光睇表面都睇唔出,原來係有2大塊半的,不過我食果半舊果陣,發現個底好燶,好難食,次後再食第2塊大的,都係燶,算,我搵茄汁蓋住d味食埋算.........以前唔洗戒口我黎食牛柳食吉列都好食,今次真係試到乜野唔好食了另外再講下刺激左我的食物,家人1叫了晚餐鵝肝汁獲仔牛柳(我冇事一定會叫)家人2號的酥皮牛柳,仲有半打田螺(食晒先記得未影相),之前食過都不錯,不過份量少了一點,唔夠過牛癮家人3號叫了我好久好久前就想試的鵝肝拼牛柳,這個份量比我響外面吃188蚊的還大份一倍,連鵝肝都有2片!食飽飽仲有餐飲同甜品,有啫喱同雪糕,平時都係揀雪糕,好可惜今次只有士多啤梨味,之前都係食朱古力的!唉..............

話說, 七月一日, 是香港一年一度的七一遊行大日子, 我同一班兄弟姊妹今年繼續攪街站, 之後更約埋一起於第二天聚餐一下,聯誼感情.而我們已有一共識, 就是要食羊!在網上 看見有人推介愛群餐廳有一個$80的法式芥末西冷羊扒餐,正合我意,故打了去訂檯,不過原來是無得訂的. (我們有近20位朋友出席....) 為免無位, 2/7 18:30去了拿位(約人19:00), 雖說無得訂位. 不過但老闆娘好好人, 依然預備了20人大檯俾我地, 先讚!打開餐牌, 除了$80的法式芥末西冷羊扒, 還有$95的鐵板羊板餐, 結果由於$80供應有限, 我們一半人是$80 餐, 一半是$95餐.先來的是餐包及湯, 有羅宋湯及忌廉湯選擇, 我叫了羅宋湯, 入面好多椰菜! 再LIKE!!之後上的是主菜. 前文提及, 由於法式芥末西冷羊扒有限, 我只好點了鐵板羊扒餐法式芥末西冷羊扒-一卷羊柳, 沒有骨,啖啖肉般, 朋友說幾得!鐵板羊扒餐-3大件羊架!不太羶,合少吃羊的朋友,可選燒汁, 洋蔥汁,蒜蓉汁或黑椒汁. 食落幾香口, 燒得少少脆而不窿也, 而且十分軟熟!而配菜就有薯條等另外, 加$3可有飯或茄汁意粉,朋友都是

愛群餐廳，又是在區內屹立數十載的食肆。中學時間偶爾會過來吃午餐，但畢業後，便絕小再訪，對上一次寫呢度既食評已是五年前的事，我想也是時候重溫這裡的扒了。環境仍不算太殘舊，還有著電視，坐在裡頭也不覺得是什麼懷舊餐廳的了。肚子餓，懶理它屬新屬舊，有否「執」過，最重要是在餐牌揀選心水食物。幾經掙扎，終要了首爾牛柳，朋友點的我就沒有碰了。餐湯可選羅宋湯或忌廉湯，我要後者。白湯濃稠總算得宜，有點磨菇及紅蘿蔔片等材料，只嫌味道稍為淡口了一點；圓圓的衛星麵包，起碼是熱，要挑剔的就是不很軟熟，其實仍不是嚴重，都可以既。牛柳以鐵板上，在廚房在已預先淋好燒汁，不過仍是熱燙，感覺亦對辦。要了五成熟的牛柳，切開並沒有粉紅色的肉質，還好吃起來質感嫩滑，富牛味，不會有經過嚴重化學處理的效果。幾十蚊貨仔，收貨有餘。插在面頭的車厘茄，沒太酸，反而隻蝦仔是又凍又不爽，要扣分。挺累的一天，想喝杯熱咖啡，可惜出品是苦苦澀澀的，跟我條命一樣。服務麻麻，錯單漏單情況相當嚴重，我等好脾氣的人還可以忍住，隔離檯的一對男女已經破口大罵了。

上星期經朋友介紹下去了愛群餐廳食飯。朋友說此餐廳大件夾抵食，而且品質比好多出名的老式餐廳還好。當晚我點了「黑椒牛柳炒意粉」，意粉炒得很香，有鑊氣，沒有多餘的油。正!另外，老公點了「吉列朱扒湯飯」，朱扒炸得鬆軟，不油不膩。值得一試。湯飯內仲有什菜，好細心呀。今次因太肚餓所以忘記了影相，下次再去一定影相。好開心同大家分享，因香港真的好難以這價錢，有這麼有誠意的舊式餐廳。