愛家素食 (PORT 33)

營業中

休息中

昨天到新蒲崗Port 33的《Loving Hut 愛家》享用午膳，相信素食者已得知這間素食店。是日飯餐共有三款，選了牛蒡毛豆栗子菇飯，另加了南瓜粟米湯。用石鍋盛裝著熱辣辣的牛蒡毛豆栗子菇飯，除了牛蒡絲、毛豆、栗子、秀珍菇外，還有紅蘿蔔絲、藜麥、紫菜等材料。濕潤米飯帶點醬油味，稍為有點鹹，但配上清淡小菜，就能中和飯鹹味。不得不提可愛的配菜，是煎荷包蛋和清甜椰菜紅蘿蔔絲。豆腐製的荷包蛋，儼如雞蛋荷包蛋。^^南瓜粟米湯，糊狀的南瓜蓉和新鮮粟米粒，甜甜的味道，真好吃。店主很慷慨送給食客一大杯熱雪梨茶，微甜的雪梨茶很好喝。踏入秋冬，吃這美味又健康又熱辣辣的飯餸，全身也「暖笠笠」，心情也愉悅。食店還出售素食產品，買了黃金蕎麥五穀海苔米餅與家人一同分享。付款後，店主送給我兩塊黑芝麻合桃紅棗小食。謝謝🙏*可以預訂純素凍糕😊

想explore吓新蒲崗素食，食清啲。今日lunch點咗呢個素鰻魚漢堡set ，包餐湯，又有沙律，沙律菜份量好多，塊素鰻魚都好好味！老闆仲送咗自家製五仁月餅，真係好抵食！咁抵嘅價錢仲有落地玻璃位置坐，非常好的午餐，會再回來食❤️

星期六中午到工廠區找素食，Port 33 新舖有返Loving Huts. 午餐點咗牛蒡栗子炒飯（$65），好味。店員熱情款待，起菜快，又送零食試食….. 自行攞餐去落地玻璃另一邊枱凳開餐，人不多，陽光足，夠寧靜，又無人催你走，真係在新蒲崗工業區幾難搵嘅！

係這間餐廳食嘅每一啖，都令人驚喜萬分！今次試咗佢哋嘅墨西哥卷豆腐扒，真係一啖豆香，每口都食到新鮮蔬菜嘅甘甜🥦，而啲薯波佢哋用氣炸鍋整，食落去外皮香脆，入面軟綿綿，夾雜咗一啲微微辣粉，食落層次感十足！同埋佢哋嘅草莓茶😍，飲落去草莓香濃得嚟唔膩口，湯湯暖暖，真心舒服。再嚟嗰碗豆乳味噌叉燒湯烏冬，啱晒冬天食！湯底用豆乳整，滑嫩得嚟香味濃郁，個素叉燒真係做得出神入化，食落去肉感十足，但又知道係健康嘅選擇。配嘅黑杞子胎菊茶，唔單止散發自然香氣，喝落去仲有滋補功效，真係養生又解渴💪🏼。最後我想讚下佢哋嘅值得一提嘅細節，好似嗰紫蘇莓汁嘅獨特口味，雖然同想像中嘅唔同，但嗰抹鹹香同埋微妙嘅酸甜，係一種新鮮嘅嘗試。正所謂，不嘗不知，一嘗驚喜連連！呢間素食餐廳，確實俾我發現咗好多平時未必會留意嘅美味素食選擇，下次又要再嚟試過🌟！

最近愛上素食，無意中喺公司附近發現依間餐廳—愛家素食。由於有選擇困難症，而餐廳又實在太多選擇，有墨西哥卷、日式拉麵、麻辣淮山麵、漢堡….. 我喺門口望左一陣都決定唔到食咩。 經過店內職員推介，最後楝咗麻辣麵餐($50可選兩項配料），不過麻辣湯味道比較偏淡，但素肉就好好味，加多$5仲有杯無糖豆漿。 Lunch time 喺新蒲崗嚟講依間餐廳算係好chill, 坐得舒服唔多人，職員亦都好有禮貌。另外，店內亦有些自家製食品，例如餃子。亦有素食蛋糕可以訂，如果素食愛好者真係可以考慮下，因為唔多地方可以買到素蛋糕。

今日又係10齋日…正值午餐我又走去公司附近嘅素食店幫襯一下我嗌咗一個套餐加$8有一個餐湯今日店員介紹有一客特色鰻魚飯食落去口感都唔錯睇落去都真係幾像真我仲叫咗兩款小食…..其中一款係辣肉腸…食落去軟軟地…口感都幾特別加上有少少辣都幾開胃跟住再加多$25要咗一盒素沙嗲串燒…呢款沙嗲串燒有別於一般素食店…我覺得佢哋似用冬菇做嘅…口感都幾特別…但係份量就略嫌少咗少少整體嚟講成個素食套餐都唔錯係我10齋日其中一個開心選擇😂😂😂

正值昨天初一…下午要搵一間素食店…就去了公司附近商場的一間連鎖…呢間連鎖最近都執咗啲淘大的分店…真是可惜的雖然新蒲崗呢一間地方細細…但係都有幾多不錯嘅選擇樣樣我都想試吓…今次我就揀咗一個黑椒蘑菇漢堡扒意粉首先加$7有個湯加$5有杯無糖豆漿…個湯都幾杰撻撻呢個黑椒蘑菇漢堡扒真係不得了…食落去好有質感而且一啲唔似齋另外個忌廉白松露醬意粉都幾好味👍🏻👍🏻如果鍾意食濃味嘅就覺得好正呢一餐總共74元….都算值得幫襯

愛家素食愛家素食的新蒲崗分店以輕食為主，餐牌分意粉、漢堡、墨西哥卷同麵類幾個系列，除咗堂食，店內亦有一組雪櫃賣素食產品，食飽飽可以順便shopping🛍.🌀菠菜蘑菇湯好香菠菜、蘑菇🍄味道，落足料製作，口感濃厚，好清新.🌀黑椒蘑菇素漢堡扒 $58麵包稍稍煎過，特別鬆軟，素豬柳漢堡扒、新鮮嘅沙律菜，配上惹味黑椒汁，感覺豐富而唔會覺得有罪惡感😋.🌀素魚柳漢堡 $68素魚柳漢堡包賣相吸引，素魚柳食落juicy，有豐富口感😋仲有氣炸薯波，好幸福🥰特別一提，點薯波嘅蕃茄醬同魚柳裡面嘅沙律醬都係自家製，誠意滿分💯.🌀朱古力慕絲杯一試難忘嘅朱古力慕絲😍朱古力味好濃🍫店員介紹材料有豆漿同純朱古力，好味得嚟又健康.🌀朱古力蛋糕杯蛋糕杯亦係絕素，無添加蛋奶成份有亞麻籽同意大利米，蛋糕口感濕潤，忌廉亦十分輕盈，好impressive，好味程度有點超出我對素食蛋糕嘅expection呢👍🏽

呢碗「餐」「蛋」麵並非一般的餐蛋麵！因為佢係冇餐肉同埋冇蛋㗎🤣🤣 真係好強～ 平時甚少出街食素食嘅我表示震驚！！ 今日同屋企人去咗佢公司附近嘅一間素食店食lunch～ 屋企人唔食辣，好彩佢個麻辣麵可以嗌唔辣🤣🤣🤣 所以嗌咗一碗素荷包蛋+新餐肉麻辣淮山麵（唔辣）🤣 唔講嘅話完全唔知道原來塊餐肉唔係真餐肉🤣 隻雞蛋就係用腐皮嚟整，感覺好得意！我自己就嗌咗一個蕃茄新豬肉肉醬意粉🍝配豆腐扒～ 我會俾10/10分呢兜意粉！個豆腐扒出奇意料地好味，熱辣辣，夠味得來唔會太鹹，意粉個蕃茄醬都煮得好好味～ 我哋坐咗喺收銀附近，老闆娘得閒嘅時候同我哋傾咗幾句，先知道原來舖頭入面所有醬料都係佢哋自己煮👍🏻👍🏻😯 因為佢哋全店都冇用到任何蔥蒜！真係超勁！雖然間舖頭唔算好大，但係lunch time生意都好好， keep住有好多附近返工嘅人嚟買外賣，好彩我哋早到，先有兩個位～ 老闆娘好好人，見好多客人都有同老闆娘傾吓計，應該都係支持嘅熟客💕

天天街外用膳，有時會吃到胃脹脹，始終食肆用的油及調味，與家居日常用的有分別，所以間中都想吃輕怡一點。這店位於Port 33，店子整潔乾淨，只有吧枱幾個座位，但可以看著店主烹煑、一起閒聊，輕鬆用餐。店內提供幾款午餐，這次試試墨西哥卷餐，附湯、沙律及茶。~~~~~~~~~~~~~~~~~~~~~~~~~~~~~~🌮墨西哥卷餐🥗 （附紅菜頭湯、雜菜沙律及茶）$48🍲紅菜頭湯⭐️⭐️⭐️⭐️⭐️先來紅菜頭湯，顏色鮮豔。點餐時知道餐湯是紅菜頭湯時，擔心有伏，因為在外用餐喝喝過的紅菜頭湯味道都怪怪的！這個湯比其他食肆的杰，看得出十分足料，試喝一口，嘩，非常鮮甜、無草青味，也無臭腥味，很濃、很creamy，很美味！這是我第一次喝到令我喝不停口的紅菜頭湯。🌮墨西哥卷+沙律⭐️⭐️⭐️⭐️墨西哥卷與沙律同上台。是雜菜沙律🥗，醬料味道麻麻。接下來是吃墨西哥卷，我忘記了自己選了哪款素食材料。記得餡料充滿蔬菜，而且非常新鮮，醬汁是甜甜酸酸的，很好吃！墨西哥卷的皮較厚實，而蔬菜是乾爽，不會被醬汁浸濕，我很怕吃到濕濕的包餅皮的，這裏的墨西哥卷沒有這個問題。不過，覺得卷皮有點硬。總括而言，$48一份輕怡健康午餐，有足料好味的湯、一定

睇餐牌都唔知道係素食，食落又幾特別幾好味咁！素餘柳漢堡包係好似真魚柳，但係佢無魚，似係豆腐之類製作，其實有好豐富口感，加埋配菜蕃茄沙律菜配合到出來效果好好啊👍🏻！包裝盒都好硬淨！🙂價錢配飲品都合理啊！😁估下咩來？煎蛋🍳配餐肉？個樣係啊！係新餐肉，煎蛋係腐皮做，中間個黃似係南瓜茸，得意啊！😆配淮山麵👍🏻👍🏻好麵質。成件事砌返埋加清清地芫茜湯，效果好好，成碗湯飲哂！😄另外加左薯波，中規中矩！😬埋單價錢參考一下！🙏🏻👍🏻👏🏻

呢間全素餐廳提供的套餐好經濟亦有特色。忌廉白松露醬幾淡口、有點松露香氣；素豬柳係用氣炸鍋整無咁熱氣，食落一樣香口。我幾鍾意佢哋嘅素百香果蛋糕，質地較粉狀果味幾香。紫蘇莓汁好好飲，完全係話梅嘅液體版、酸甜中帶點鹹味夠解渴Pasta Combo White Truffle SauceVegan New York Steak Plum Juice Passion Fruit Mousse Cake ~Vegan/Gulten Free意粉套餐 忌廉白松露醬素豬柳漢堡扒紫蘇莓汁(細)百香果慕斯蛋糕～純素無蛋奶/無麩質 佢哋亦有賣健康零食、家品、個人護理和寵物用品等，一站式非常方便

現代都市人工作煩忙，有時3餐都要在街外食，而大部分食肆都是多油多肉，想注重健康吃得清淡些，選擇卻很少。位於新蒲崗爵祿街Port 33商場內的「愛家素食」，開業3年，提供新穎的素食菜式，這簡直是新蒲崗區素食沙漠中的甘泉，附近街坊的福氣。「愛家素食」店舖面積不大，一邊放了幾張高椅，另一邊放了素食產品。最吸睛是門前的廚櫃放了個蛋糕，原來這家店的蛋糕是絕素，不用蛋和奶做的，真好奇是什麼味道。《百香果慕絲杯》《朱古力蛋糕杯》$25先試試兩款甜品杯，外表和一般的蛋糕杯沒有不同，百香果酸酸甜甜，香氣滿溢，朱古力味就與普通的朱古力蛋糕分別不大，素食者又有多樣的選擇。 《漢堡套餐配炸薯波》$58採用素豬柳漢堡扒製成，夾著新鮮的沙律菜，麵包鬆軟，充滿麥香，好好吃。還有炸薯波配茄醬都很好吃。一問之下，原來店舖9成的醬料都是自家製，蕃茄醬、沙律醬……確保是全素的。《墨西哥卷餐》$58色彩繽紛的墨西哥卷，見到已令人胃口大開，素火腿扒口感像肉，內裡還有粒粒的菠蘿，咬落新鮮酸甜，食一份已很飽肚。《羅漢果蜜》《草莓茶》套餐還包一杯飲品，羅漢果味道清新，草莓酸甜，各有特色。

今日去新蒲崗開工，lunch 覓食時突然想起附近Port33有間素食，所以就去試試..Loving Hut !主打健康素食，店舖只有少量座位，是Bar 檯式而且可以望住㕑房，安心食用🤪漢堡套餐-叉燒配素蛋跟薯波；麵包煎過，口感軟熟；叉燒看似牛扒，口感煙靭，味道似叉燒又夠惹味！素蛋很有驚喜😱外型和口感完全似一隻熟透的荷包蛋🤩全素食者必試👍🏻氣炸薯波，沒有油膩感，夠健康！意式肉醬意粉配素豬扒，素豬扒是氣炸，外脆內軟，口感不錯！肉醬汁是店舖每天整，惹味又開胃！

愛家素食·Loving Hut新蒲崗自從有MiKiki商場，我多咗去呢區，不過都係幫襯商場裏面嘅食肆。朋友帶我去兩條街之隔嘅Port33食下午茶。呢間新派素食吧，個名好有愛！有堂食有外賣，舖頭兼做純素蛋糕，擺賣多款素食，有得食有得睇又有得買走！食物價錢相宜：墨西哥卷跟紫蘇莓汁賣$48。素鷄同蛋黃芥茉醬好夾，細細粒炸薯波，外脆內軟，用氣炸鍋整，唔怕熱氣！紫蘇莓汁有少少鹹味，唔係我想像中嘅酸梅味⋯朋友嘅淮山麵套餐 ($50) 包兩款自選餸，佢揀咗素荷包蛋同素牛柳。跟餐奉送豆漿。素荷包蛋係小店精心炮製，外型神似到不得了！綠豆蓉嘅味道口感，同雞蛋黃有得比！地址：新蒲崗爵祿街33號 PORT 33,1樓103A舖