愛家素食 (PORT 33)

營業中

休息中

食得太多肉有時真係會好肚漲，感覺個人好重。今日想食下素，但認真身體很誠實地話我知好多素菜館都好油。上網一搵，原來呢間全球好多分店，亦是好多年歷史。又咁啱好近我做野。於是去試試。因為第一次，又帶著好多疑問去點餐，多得店員好細心咁講解，仲幫我整左個hidden meal。原來佢地素漢堡唔係出面嘅人工肉，係大豆同紅菜頭做的，所以有口感得黎又有色水，我比工人姐姐睇，佢一口咬定係牛肉😜😜😜而芝士都係好植物奶做，其實真係有營養、有口感、有視覺、有健康、有環保

今日做野做到唔記得左食飯，就係工廠區到搵下有咩食啦，點知發現到有間素食店。所以就入去食下先😋見到menu都幾多野可以揀，而且價錢都幾平民~分別就點左兩個餐。🥦漢堡套餐素豬柳扒配沙律芥末醬，豬柳扒無論口感同味道都完全唔似食緊素，一啲都唔假，仲有炸薯波，用氣炸鍋炸，唔油之餘粒粒脆卜卜，唔會好厚粉😊薯仔味夠濃~正呀。🥦川味素牛件麵套餐雖然係素，但我食到有牛肉香味，做得好出色👍🏻而且佢個素荷包蛋嘅蛋黃係用綠豆蓉做，口感做到同真嘅冇乜分別，跟餐仲有杯雜果梳打添😋🥧朱古力蛋糕杯平時素蛋糕比我嘅感覺係又硬又實，但佢做到又軟又淋嘅效果，而且朱古力味又夠濃，素食嘅朋友生日有口福喇😍估唔到新蒲崗嘅工廠區開左間咁好食嘅素食店，真係方便係附近返工嘅素食朋友仔🥰除左有得堂食外賣之外，仲可以買返屋企自己煮添✨

Loving hut喺香港都有十幾年歷史🌟，以前試過九龍灣淘大分店，主要食中式粉面飯素菜為主，今次路過新蒲崗見到有分店就試試佢😎.新蒲崗分店同九龍灣嗰間好唔同，店舖雖小但一應俱全裝修風格比較似Cafe，食物主要以西式為主留意番座位唔多（目測四位左右），但坐得都舒服😌.我同朋友每人叫咗一個套餐，有湯、主菜、餐飲.🍴菠菜蘑菇湯🍲睇顏色就知好足料🤪好香菠菜、蘑菇🍄味道，由於佢唔係忌廉湯，所以食落去好清新好開胃、冇一般西餐忌廉湯咁油膩👍🏻.🍴未來漢堡扒配素芝士🍔+薯波🥔超級推介😍😍😍😍😍漢堡包用咗Beyond Meat 漢堡扒🍔Beyond Meat主要成份為豌豆再加入紅菜頭汁，❌不含動物成份，亦無激素、抗生素、膽固醇，✅含有豐富植物蛋白質，係時下最流行嘅植物肉，連Bill Gates都有份投資💥聽完已經覺得好犀利，食落去簡直不得了🤪不論賣相同味道，唔講都唔知係植物肉，直頭好似平時食漢堡包咁🤣加上餐廳整得好食，連埋生菜🥬、蕃茄🍅、素芝士🧀，咬落去好豐富好惹味😚如果真係話有分別嘅，就係佢冇平時漢堡包咁油膩😋另配上脆炸薯波，佢用咗氣炸鍋整，所以唔會淋淋.🍴Omnipork 新豬肉肉醬意粉🍝 + 素

平時食太多肉，不妨揾日平日Lunch叫個素食Lunch 😊 俾身體排下毒之餘，又可以減輕.🌱 墨西哥卷豆腐扒 配薯波及草莓茶 $48豆腐扒個香味同口感都突出，就算全部都係素都唔會好Dry👍🏻 而且啲菜好新鮮，聽講啲醬都係佢哋自家整 (都係素黎).而薯波係用氣炸鍋炸😆唔會好熱氣，又飽肚；佢上面會散小小辣粉，唔會無味，亦都可以點茄汁.而草莓茶雖然只係茶包，但好濃草莓味，唔係好假嗰啲草莓味，冬天飲好舒服。.而且同個店長傾開，原來Loving Hunt，係好地方都有，例如台灣、韓國，其實地方甚至有「電視台」.除左Lunch，仲可以訂純素蛋糕同相關素既產品😍

送文件去新蒲崗比老闆簽名，之後又要趕住送返公司，冇時間食去午餐，唯有買外賣，咁啱經過一間純素快餐店叫愛家素食 。餐廳面積都不大，以外賣為主，店內亦有幾個吧檯式座位可堂食。店內也有售賣很多素食產品，方便客人選購。餐牌有意粉、漢堡、墨西哥卷和炒麵，食得肉多我都想食下素，買個午餐返公司食！沙嗲肉片炒麵：素肉片仿真度極似，肉質軟嫩，富有彈性，炒麵係用純素蝦子麵，無蛋、無奶、無五辛、無動物成份，純天然材料，不含防腐劑及人做色素，加上蔬菜豆干和沙嗲醬炒，十分惹味！奉送餐茶：斯里蘭卡薑茶清新宜人，香味十足。

我比較喜歡西式素食，款式多選擇之餘好似好味啲😋因為我怕中式菜的醬汁好甜好濃😆，近日發現這間素食店好多好評，還有我喜歡的漢堡包一定要去試下。🍔🥬🧀🍅未來漢堡扒套餐$78配素芝士和飲品真係有驚喜，漢堡扒真係好似牛肉味，有肉汁，芝士濃味，青菜、蕃茄新鮮加埋醬汁更美味，店員都話這個漢堡扒最接近肉味。素芝士波不是用千年油炸，而係用氣炸煱，色澤剛剛好，唔會太燶，有十幾粒芝士波實在食唔晒😆，下次想試下意粉類。🖼店內座位不多，環境好衛生，還有其他素食產品發售。🌟另外，要稱讚店員非常有耐性、又有禮貌去介紹每款食物，廚房是開放式，可以睇住店員烹調食物。

今日去開新蒲崗， 夠鐘食晏，但又冇乜心水， 醒起愛家係附近開咗間新派分店， 一於去試試啦。店舖細細， 只有幾個座位， 菜式選擇亦不多，我叫左個黑椒蘑菇漢堡跟餐湯， 今日餐湯係菠菜蘑菇湯， 幾特別都好味， 至於漢堡， 個黑椒汁好好味， 沙律好清新。最後要讚下兩位店員好有禮貌， 好nice。

- - - - - - - - - - - - - - - - - - - - - - - - - 愛家素食新蒲崗店行年輕路線，menu同九龍灣唔一樣，不過呢間分店座位唔多，午餐時間成日都爆滿，建議早少少去！Loving Hut’s San Po Kong location offers a different menu that targets younger customers, but there’s limited seating so better get there before the lunch hour rush.🍳 XO玉燥拌麵配素荷包旦 Noodles with Vegan Egg $48隻太陽蛋雖然無燶邊，但係絕對誠意十足，蛋黃蛋白像真度好高！xo醬微辣好惹味，豆乾口感煙韌，感覺好似去咗台灣！This dish tastes like Taiwan! The sauce is mildly spicy and the dried tofu has a nice chewy texture. And OMG the vegan egg is sooooo good

Loving Hut 這個品牌吃素的人都一定認識，我之前在台灣和新加坡都有吃過，今次第一次在香港吃，食物中規中矩，勝在全部係純素而且價錢幾平。Loving Hut 在香港現有三間分店(根據oenrice資料)，這天來新蒲崗工作，見附近有分店有上去試試看。餐廳位於PORT 33商場一樓，一上扶手電梯就見到，原來成層都係食肆。這邊的食店面積都不大，看來以外賣為主，方便附近工作的人買回去吃。愛家店內設有幾個吧檯式座位，最多可以坐6個人。除了堂食之外，店內也有售賣很多素食產品、乾貨和日用品，方便素食者順便購物。餐牌分意粉、漢堡、墨西哥卷和炒麵幾個系列，全部都有套餐，漢堡套餐 HK$50 有找仲包湯和沙律，真係一個平價快餐選擇。另外有這款「荷包旦拌麵套餐」可以揀。甜品有兩款口味純素慕絲，想訂純素生日蛋糕也有提供。雖說是快餐食品，不過上菜速度唔算快，可能佢地無正式廚房而且得兩個人又好多外賣單。這天我早到早點餐都幾快有得食，之後開始人多就要等比較久。附送的餐湯係紅菜頭番茄湯，好香紅菜頭味，入面也有椰菜可以食下，都幾好飲。招牌叉燒漢堡 HK$48店內的餐點都以 Loving Hut 自家品牌的素肉為主

今日好想食beyond meat漢堡，但又唔想食麵包，極力要求店員特制呢個餐比我，原來，淨食呢個漢堡扒都好好食，咬落去勁juice加埋我最鐘意嘅玉碎意粉，一次過滿足哂兩個願望大哈意粉嘅白汁唔只白汁咁簡單，食落仲有一陣松露香味，但又唔太濃，問返店員先知，原來係白松露嘅味道

屋企附近開了一間愛家素食，是一間純素快餐店，店子小小，堂食只有幾個吧枱座位，所以多數以外賣為主。餐廳走新派路線，以西餐為主，有意粉，漢堡，墨西哥卷，炒麵等，份量大，價錢合理。員工亦會主動向客人介紹食物，十分有善。店內除了有熱食提供，另有零售一些素食食物及有機用品。末來漢堡是近排在素食界的大熱，這裡都有提供，大大個漢堡配上特式沙律及餐飲$78，這塊純素的末來漢堡扒是以碗豆為主要原料打造，色澤同口感都跟真的肉類很相似，而營養價值更可媲美牛肉。厚厚的漢堡扒配上蕃茄，青瓜，超濃的芝士及superfood 羽衣甘藍，賣相不錯，食了一整個都沒有罪惡感。平時在超市單買一塊末來漢堡扒及羽衣甘藍都不便宜，所以$78 其實不貴啊!沙茶玉絲炒麵，$55份量十足，用上大量紅蘿蔔絲，椰菜絲，豆乾及素肉片炒成，素肉片跟真的肉片9成相似，食落似麵筋，用上沙茶醬來炒，味道不錯。套餐包了健康的餐飲，黑杞子胎菊茶及西榴汁。

某天朋友同我行街話想買素食於是佢就帶左我去port33既愛家素食店，入面位置唔多，但由於坐滿晒人，所以我地決定叫外賣拎走食，我地叫左一碟白松露磨菇醬配素蝦意粉，素蝦大大條，而且口感好彈牙職員更細心將外賣既意粉同醬汁分開放置，甘就唔驚浸淋d意粉啦～如果d醬汁可以再多少少就更好，之後叫左杯紫蘇梅汁，生津止渴，酸酸甜甜幾開胃，朋友叫左墨西哥香茅天香吉卷餐，香茅天香吉即係素雞，咬落真係好似食緊雞肉卷甘嫁，入面仲有菜同墨西哥卷包埋一齊食唔會好膩而且所有叫既食物都係落單即制既，保證無添加同新鮮，廚房開放式可以睇住職員制作食物既過程，仲叫左杯細既黑豆金盞菊花茶，菊花茶味香濃，仲配左氣炸鍋無甘油既炸薯波，今餐真係食得健康。餐廳內仲有多款保健食品同飲品，有興趣都可以望下。

平時都好中意食健康食品，畢竟年紀開始大，機器都開始壞壞地，要學下點樣養生，所以上星期就去公司附近Port33既素食餐廳食我最愛既漢堡，而呢個用素肉做既未來漢堡就係我今日既目標。-✨ 未來漢堡套餐($78) (⭐⭐⭐⭐⭐/5🌟)滿分既漢堡!!!!!呢個未來漢堡係用左素肉漢堡排，不論質感同埋味道都係同真正既牛肉差唔多，唔知係幻覺定點，我feel到有肉汁係個漢堡到流出黎~~而最最最最重點就係佢塊芝士，芝士味仲重過真正咁芝士，勁邪惡~~~必食漢堡之一-✨ 炸薯條(跟餐) (⭐⭐⭐⭐/5🌟)本身以為Loving Hut既炸薯條會好油膩同埋外型同正常薯條差唔多，點知原來都幾大唔同、幾有驚喜~ 炸薯條形狀好似波波咁，好得意，加上應該係同左植物油炸，所以完全冇油膩既感覺!-✨ Nestle有氣礦泉水(跟餐加$5) (⭐⭐⭐⭐/5🌟)好少可見到餐廳有賣呢一種有氣礦泉水，有氣可以過下氣水癮之外，仲好健康tim~————————————————————————————#BE新蒲崗#BE誠實豆沙包

✨中女獨食難肥日誌 ✨愛家素食 LovingHut 中女食新蒲崗天氣好熱，lunch經常沒什麼胃口，就會想吃清淡一點。新蒲崗這一間Loving Hut比較適合素食新手，像我這種，平時不是素食者，但有時想吃清淡一些或是green monday就可一試了。買個外賣就可以回office慢慢吃😜豉油皇豆干炒麵 $55炒麵套餐包飲品，值得一讚這個炒麵不會太多油，平時吃炒麵總吃到滿口油，這個不會呢🥰炒麵的「肉片」，驟眼一看真的與一般牛肉完全沒有分別！而且有好多塊，吃下去感覺似是菇類，幾特別幾好味！而且有我愛的豆干，唯一是價錢比平時吃炒麵偏貴一點。墨西哥卷餐 $48比起炒麵套餐，墨西哥卷餐更抵食！餅皮好味，特別是夾的「蝦肉」好有驚喜！口感竟然有蝦的爽彈，本來會以為似蟹柳之類，但原來口感好很多，不過提一提墨西哥卷有芥辣醬，不吃辣的朋友走醬會比較好！而且沙律有少少醋調味，新鮮好吃！黑杞子胎菊茶這個茶有微微天然的甜品，好香！我和朋友都好喜歡特式湯感覺好真材實料，好多蔬菜攪拌而成，南瓜味重，也不錯。

第二次食呢間素食餐廳，質素依舊唔錯。整體比較濃味，配搭上唔同嘅素肉，適合偶爾茹素嘅非素食者。.🌯叉燒墨西哥卷（$48，連餐湯、沙律）餅皮保持到乾身，新鮮翠綠嘅蔬菜好養眼🥗。素肉正常貨色，醬汁比較亮眼，酸酸甜甜好開胃。.🍝沙茶玉絲炒麵（$55，連紫蘇梅汁）沙茶醬均勻地沾滿麵條，所以啖啖都係香濃花生味。素肉片口感似菇，有少少爽口，吸晒沙茶醬好惹味。但由於整體比較濃味，建議落多啲蔬菜中和下🥕🥬🧅。