意粉屋 (翡翠明珠廣場)

營業中

休息中

今日去到明珠廣場既意粉屋食下午茶，食到我道氣頂住頂住。1）事源5點左右我到達意粉屋準備拎定位等屋企人食下午茶，起初未有卡位我都照坐住先。坐左未夠5分鐘根本乜都無郁過就見到對面卡位食客離座，咁我就過左去，亦係佢地執野其間非常禮貌地表明因稍後有小朋友同大肚婆會到希望坐得舒服D。點知其中一位極短頭髮的女職員（應該非最初級侍應，起碼都supervisor）態度都幾不良咁問：你係邊度過呢？！ok,雖然我係食客有權提出合理要求，不過我未經你地店方同意過左呢，我都有小小唔岩，所以我忍你。2）之後到5點10分左右，個女職員又行埋呢用都幾唔友善既聲音〈善意〉地提醒我：小姐，我地下午茶到5點半嫁炸喎！ok,我屋企人的確未到，我又未叫野食的確有〈白坐〉的嫌疑，我，忍，你！3）到5點24分左右我已經叫左野食不過未到，個女職員走埋呢：小姐，我地下午茶截左單啦喎！我：我同你地另一位同事落左單了。她 ： 哦！咁我同你收埋d餐牌先！之後二話不説就收晒走人。我要強調，雖然該女職員係字詞之間無任何一字構成不禮貌，不過無論態度，語氣，神情都無令我感受到友善。其實食物方面是好吃而且抵食，不過該女職員既態度令我唔想再去依間意粉

今晚同學(契仔媽媽)預祝我生日。 去左意粉屋食咗個豐富晚餐; 其實每次我去意粉屋不論午餐或晚餐都一定叫套餐，因為價錢一定抵啲，而且選擇亦好多。今次叫左個set配周打蜆湯，叫咗個酥皮，雖然要額外加錢及酥皮好heavy, 但係加左酥皮真係好好味。晚餐通常配2个主菜。我地叫左星級醬燒珍寶原條燒豬仔骨配脆薯條，意大利黑醋番茄沙律。另外雙層芝士焗海蝦，蟹肉意大利粉，採用車打芝士及巴馬芝士配製，啲芝士溶左係面，超好味。其實吾一定成日食龍蝦天使麵的，其他食物都可以試下。最後餐飲加$重轉左ㄧ杯香濃朱古力奶及草莓雜果賓治， 超級邪惡的一頓晚餐。

JP 戲院開返之後, 就連周邊既餐廳都改頭換面;變成一個美食廣場, 名為 Festiva at JP Plaza, 有成 6間餐廳可選擇!!!今次我跟男友揀左意粉屋, 因為實在太耐冇食過啦~~以前我好鐘意去食佢地既芝士火鍋架"*今次我就叫左佢地最新出既【芝士法國春雞伴烤新薯及香草忌廉野菜】芝士控表示見到個名已經好想食啦!!法國春雞SIZE 都幾大隻, 入面仲有忌廉汁既野菜墊底;望落賣相不錯~~上台之後侍應會切開隻春雞, 入面既流心芝士即刻流哂出黎~~香噴噴既芝士香, 而雞肉的質地都算OK, 配埋芝士一齊食味道唔錯!!!可以話抵食夾大件之選"*之後飲個波士頓龍蝦湯;龍蝦湯鮮味十足, 味道都夠濃郁, 入面仲有粒粒龍蝦肉添~~總括黎講個人很滿意, 而且價錢不太貴；食完飯睇埋場戲就剛剛好了!!

大家平時都一定有機會去意粉屋餐廳食pizza意粉, 已對我來說他的質素都是有保證的, 不過今次還是第一次去food court食意粉屋, 但是在food court吃並不代表質素一定差個餐廳的說. 見到銅鑼灣JP Plaza Food Court意粉屋 新店有新店獨家的流心芝士法國春雞伴烤新薯及香草忌廉野菜 (HKD178) , 當然就要試一試啦, 一來到首先就見到份量十足的法國春雞, 加上陣陣的流心芝士香味, 令人已經食指大動 再用刀切開春雞, 一切開就不得了, 濃郁的流心芝士蜂擁而出, 原來法國春雞裏面滿是流心芝士, 所以吃的時候非常的芝味; 而且法國春雞擔擔肉, 如果還鹽芝士不夠的話還有第下大量的流心芝士可以沾上來吃的呢~所以基本上就算一個大男人, 我想吃完都已經飽飽. 波士頓龍蝦湯 (HKD63), 採用美國波士頓龍蝦肉,配以龍蝦頭淆製的湯底鮮味滿溢, 龍蝦味十足 想不到在food court 可以吃到平常在餐廳吃過的質素呢~

自從JP 戲院告終後，都沒有到過翡翠明珠廣場，想不到在銅鑼灣中心地帶的它最近又有新搞作，原本一間間的食肆變成了美食廣場Festiva，有大家樂，上海婆婆，意粉屋，米線陣，丼丼亭同埋zakka. 很久沒有食意粉屋了，對它總有偏好，今次就選它吧！他們最新的流心芝士法國春雞伴烤新薯及香草忌廉野菜 ，聽到個名都覺得好正，雞肉加上芝士應該無問題啦！待應上菜會幫手將春雞切開，手勢純熟，這個應該是最火熱的菜式吧！溶化後的流心芝士遍佈春雞的身體，香氣撲面，彷彿是變成它的血，合而為一。 但可能因為要滿足香港人抵食夾大件的心理，我略嫌春雞肉質不夠嫩滑，有點老。如果可以選用細一點春雞會更好。波士頓龍蝦湯，龍蝦湯鮮味十足，應該是用了很多龍蝦頭去煮，才能如此濃厚龍蝦味。再配上龍蝦肉，提升了龍蝦湯的層次，更加立體。滿分為10分(1分最低，10分最高)食物：8.5環境：8衛生：8服務：8價錢：8舒適度：8總分：8

早排發現意粉屋有新推出的菜式－－流心芝士法國春雞伴烤新薯及香草忌廉野菜。介紹話流心芝士係由三種芝士整成。見到個廣告已經流曬口水，最近終於去左試～切開之後可以見倒芝士的顏色較平時見的深，有少少流心的效果，睇得出落足料。食落特別香濃，而且有回甘，配雞肉真系好正。配菜亦做得唔錯，新薯口感爽嫩，如果細切或採用口感軟腍的焗薯更佳。另外仲叫左個升級版的龍蝦湯。湯入面有唔少龍蝦碎粒，熱飲OK，放涼之後味道偏苦。

流心芝士法國春雞伴烤新薯及香草忌廉野菜 一提及「The Spaghetti House」，想起甚麼？我想起「一個價格開始遠超於食物質素的地方」，以前小時候覺得來這家餐廳晚飯，定必會美味又飽肚，但前一陣子，我跟朋友活動後去吃，吃過以後想要投訴，就是因為它的價格開始遠超於食物質素。今次見到銅鑼灣有獨家的「流心芝士法國春雞伴烤新薯及香草忌廉野菜」，我決定放下成見，給這家餐廳多一次機會。 新鮮焗製的法國春雞，看上去感覺蠻不錯吧。香噴噴的春雞讓人們垂涎。先試試旁邊的野菜，試一口薯仔，嗯，香草忌廉味呢？不打緊，也許是跟春雞一起放入焗爐的緣故吧，薯仔除了自己本身淡淡的味道之外，還有陣陣春雞的香氣，讓人食慾大增呢。 切開春雞，芝士緩緩流出，陣陣幽香並不算濃郁，但卻叫我欲欲若試，沒法子啦，芝士控就是這樣子的。加上春雞實在是不錯，唯獨讓我找到敗筆，就是雞還有點血水，其實我明白大型的連鎖式餐廳很多時是倒模般把食物整出來，適量的解凍也是必需的，幸好這只是一少部分而已，要不然就把這剛才我對它的好印象完全抹掉了。不能說這是極度美味的食物，但個人來說，這是the Spaghetti House值得一試的菜餚呢

我諗我差唔多有10年冇去過意粉屋嗰度食嘢，因為覺得佢同出面嘅西餐廳差唔多，而且佢係連鎖式嘅店舖，味道應該唔會太好。今日就俾人帶咗來呢一度食，話新開，想食呢度，想試吓，咁唯有試一試囉。估唔到真係有驚喜，首先佢個龍蝦湯好有質素，飲落去唔覺得係味精。而真係有龍蝦味道，仲配有淡淡的忌廉味，而且入邊總會有龍蝦肉，性價比高。再嚟就係講佢呢一個燒雞，佢係原隻燒雞仲唔係普通咁簡單。而係流心芝士，係出面真係未一見過呢一個配搭。當燒雞上枱嘅時候，店員就會幫你切開，入面嘅芝士隨即湧出，又香又滑。當真質素不錯，唔似連鎖快餐店嘅質素。

同好姊妹飯聚黎左翡翠明珠廣場嘅新Food court，叫Festiva，呢度可以一次過食晒中式西式同日式，主食同甜品都可以一個地方就搞掂。好鍾意Festiva個環境，以木同綠色嘅大自然設計作主調，感覺好舒服！流心芝士法國春雞伴烤新薯及香草忌廉野菜：呢個好食到不行！一切開隻雞啲芝士就湧出黎，芝士味濃，未食已經聞到好香。雞外脆內滑，肉好夠味。薯菜雖然唔係主角但都好出色，煮得岩岩好，食落口感十足！波士頓龍蝦湯：成個湯蝦味濃，又有蝦肉係入面，好足料！建議趁熱飲，攤凍左會有少少苦味。

這晚和媽媽去了翡翠明珠的意粉屋，原來是最近新裝修過的！我們先點了龍蝦湯，侍應會在上湯之前加上鮮忌廉，甘香的龍蝦湯，口感很滑，裡面還有很多小龍蝦肉！這次和媽媽主要來吃這個邪惡的流心芝士法國春雞伴烤新薯及香草忌廉野菜！燒春雞用一個鍋子盛裝着，侍應在我們面前切開這隻法國春雞，香濃的芝士隨即湧出來，雞肉非常嫩滑， 連雞胸位置都非常軟稔！外皮烤得很香脆！下面的配菜還有西蘭花和椰菜花，當然還有薯仔，都沾滿了香濃的芝士，非常惹味！