意粉屋 (翡翠明珠廣場)

營業中

休息中

同好姊妹飯聚黎左翡翠明珠廣場嘅新Food court，叫Festiva，呢度可以一次過食晒中式西式同日式，主食同甜品都可以一個地方就搞掂。好鍾意Festiva個環境，以木同綠色嘅大自然設計作主調，感覺好舒服！流心芝士法國春雞伴烤新薯及香草忌廉野菜：呢個好食到不行！一切開隻雞啲芝士就湧出黎，芝士味濃，未食已經聞到好香。雞外脆內滑，肉好夠味。薯菜雖然唔係主角但都好出色，煮得岩岩好，食落口感十足！波士頓龍蝦湯：成個湯蝦味濃，又有蝦肉係入面，好足料！建議趁熱飲，攤凍左會有少少苦味。