意粉屋 (翡翠明珠廣場)

天氣涼涼地歎返個煲仔麵 天氣涼涼地，總係想食煲仔類嘅菜式 ~ 諗起煲仔沙嗲牛肉麵 ，早幾年前曾經去慈雲山「榮記茶餐室」食過一次 ~ 到上年就知意粉屋有出「煲仔沙嗲蛋牛麵」，趁dayoff去試一試！煲仔沙嗲蛋牛麵用砂煲原個上，令麵條保持熱度兼且好有feel ~ 麵質適中，湯底有花生粒、唔算好杰身。我食嘅呢一碗有5大片牛肉，仲有埋燶邊太陽蛋， OK吖！可惜2片蒜蓉包比較燶同太過脆，唔太係我嘅口味。我嗰日食呢一個餐做午餐，仲貪心加咗 $18 酥皮蘑菇忌廉湯，好飽 ~…查看更多

最近我去咗銅鑼灣 The Spaghetti House 品嚐咗佢哋幾款全新主打菜式，創新世界料理融入傳統意式風味，令人一試難忘！📍地址：銅鑼灣百德新街22-36號翡翠明珠廣場1樓Festiva 3號舖🥩 俄式牛肩肉卷卷意粉美國牛肩肉炆得非常入味，肉質軟腍，配上人氣意大利卷卷意粉（fusilli lunghi bucati），每條意粉都吸晒俄式醬汁，酸甜中帶少少香料味，食落層次分明。🍕 意式雙層安格斯芝士漢堡薄餅配脆薯條呢款薄餅好有驚喜感，由2塊薄餅夾住紐西蘭草飼安格斯牛肉，重點牛肉肉味濃郁，雙層芝士香濃拉絲，薄餅底脆口唔油膩，多種層次非常飽肚又滿足！薯條炸得金黃香脆，外脆內軟，係完美嘅配搭。🥘 西班牙海鮮飯用料非常講究，加入矜貴番紅花粉、煙燻紅椒粉同多款海鮮，香氣撲鼻。低GI米煮得啱啱好，煙韌得嚟唔會太硬，食落健康又唔失口感，係一款值得推介嘅主菜。🍵 日本抹茶芒果鮮奶宇治抹茶味道濃厚，唔會太苦，配上香港人至愛嘅香甜芒果蓉，口感滑順，甜度適中，飲落清新又解膩，係一杯好有層次嘅飲品。🍮 法式焦糖燉蛋（Crème brûlée）用天然零卡羅漢果糖製作，甜而不膩，焦糖層薄脆，燉蛋滑如絲，入口即化，係一個完美嘅甜品收尾。整體嚟講，The Spaghetti House 創意料理，再加上不斷創新，味道真係有驚喜。而且銅鑼灣分店環境舒適，空曠夠大，舒適度滿分！…查看更多

一直有去意粉屋食下午茶，食物質素不錯，雖然價錢不便宜，加上要服務費。但最近發現他們有一個做法本人覺得不太好，就是每逢維園有活動如工展會，花展等，銅鑼湾店就會加價直至活動完畢。曾向店舖經理反影，經理就是笑笑，無言以對!…查看更多

🐽 熱熔芝士德式香腸拼盤用鐵板熱住上，芝士漿倒落去嗰陣真係睇見都流口水。香腸煎得外皮脆卜卜，咬落肉汁爆出嚟🐽 韓式炸雞粒芝士通心粉窩夫玩crossover幾過癮，炸雞粒肉質juicy有蒜香蜜糖味。下底窩夫鹹鹹地帶蛋香，同拉絲通心粉一啖咬落去，甜鹹交錯幾得意🐽 封門牛柳pizza餅底薄脆似餅乾，面頭鋪滿半溶馬蘇里拉。牛柳粒切得大粒又軟淋，車厘茄烤到爆汁幾清新🐽 荷蘭鬆蛋餅芝士忌廉肉醬意粉蛋餅煎到微微焦香，肉醬明顯有慢煮肉碎同忌廉煮法幾新鮮，忌廉汁掛滿意粉又唔會水汪汪…查看更多

一直都有同朋友間唔中去食意粉屋食飯，而咁多間入面，我最鐘意嘅就係銅鑼灣 翡翠明珠廣場嘅呢一間。 所以今次就一個人去嘆下ME TIME啦去到呢個廣場，一搭扶手電梯係戲院格離直行一條路就到啦。雖然係銅鑼灣，但食咁多次晚市，基本上都唔洗等位就可以入去。而且餐廳入面啲燈光暗暗地，情調非常舒服 ；好有平時高級西餐廳既感覺。所以，咁多間意粉屋入面，我就最鐘意呢間啦。作為好鐘意食膩野嘅人，我今次就叫咗個「芝士卡邦拿意粉」然後轉咗闊條麵試試。上碟嘅時候，侍應會比兩款大芝士你揀，然後再係你面前刨啲芝士碎上面，非常治癒。而卡邦尼配上超彈牙嘅手工闊條麵係非常有口感！作為忌廉丶芝士控既我，表示超超超鐘意食。叫夠一百蚊仲可以加$8.8就可以叫一份「焗忌廉菠菜田螺薯蓉」，田螺都好多隻架又好食 叫大餐牌野食仲可以再$38加配「森林蘑菇忌廉湯」同凍熱餐飲添~蘑菇湯勁Creamy，我杯凍檸檬茶亦都好大杯，好多檸檬呀～…查看更多

打風日子去左食意粉屋，下午茶去到5:30，睇完戲去食下午茶，好耐無食過意粉屋，餐牌轉左，點左甜品及pizza 餐，共$143. Pizza 份量只有一個手掌大的size. 包一杯飲品，如果要酥皮湯要額外加$18。部分凍飲唔洗加錢，我就點左熱咖啡，奶仔好cream, 成杯咖啡好creamy. 不算飽肚，另外下午茶要加一服務費。…查看更多

味道是保持水準的， 味道好食新鮮溫度夠， 但食物的份量太細， 餐的份量也很少 選擇不多。好處是不會趕你走，我哋由6點坐到8點半，都不會出聲 趕走， 只是收了我們檯面的碟，但沒有出聲算係咁喇。…查看更多

📍銅鑼灣 - 【意粉屋 The Spaghetti House】銅鑼灣百德新街22-36號翡翠明珠廣場1樓Festiva 3號舖（港鐵銅鑼灣站E出口，步行約3分鐘）⁡平時放假都會同屋企人去咗銅鑼灣食下嘢，貪Spaghetti House環境寬敞又好坐，而且食物質素都有一定保證🤣得閒都會去食👍🏻⁡今日我就叫咗個《輕盈肉醬意粉🍝配酥皮湯🥣（牛肉肉醬） $94》。⁡保持水準，肉醬甜中帶酸，味道香濃，非常開胃，而且食嘅時候仲熱辣辣，好味！而杯凍咖啡雖然係要自己落糖水同奶嗰種（好多餐廳以呢種形式提供嘅咖啡都係好難飲），但係呢杯又幾好飲～而且仲好大杯🤣食完嘢都仲可以慢慢飲下咖啡傾吓偈💕⁡⁡⁡…查看更多

12月30日 星期六，今日與家人一起逛逛工展會😊 黃昏時分去附近 翡翠明珠廣場睇吓有乜嘢食，好耐冇去意粉屋，即管試吓 「下午茶」環境舒適，坐得舒服芝士蘑菇牛肉漢堡 $98烘了嘅面包（芝麻）好食，牛肉漢堡 肉汁豐富，夾住番茄、生菜、沙律醬下午茶拼盤 $98兩隻雞翼，味道麻麻哋，蒜蓉包2片厚切😀火腿 有筋，少量沙律🥗菜一杯薯條，點茄汁🤗 香脆 … 唔錯，脆炸魷魚圈 （12個） $62嘩🤗份量挺多，炸得脆，嫩肉 魷魚😋😋好熱🫠 餐飲 ： 忌廉…查看更多

🫕西式 🫕芝士火鍋 🚹1-4人 🐻#芝士控——————芝士控🐻見到冬天限定嘅芝士火鍋推出左，當然要去食吓😆！海鮮拼盤·芝士火鍋🫕$498🥓雜錦凍肉拼盤風乾火腿、風乾牛肉、莎樂美腸、辣肉腸、蜜瓜🐻‍❄️：類似頭盤，因為風乾火腿本身已經有咸味，其實點唔點芝士都得🤣🐻：鍾意濃味嘅可以照點芝士🐻🐻‍❄️：蜜瓜點芝士個口感幾得意😆外熱帶咸，內凍又甜甜哋，好似冰火兩重天咁🤣🥗滋味拼盤意大利黃瓜、意大利青瓜、甘筍苗、車厘茄、煙斗粉🐻🐻‍❄️：煙斗粉最尾倒落去撈煮「傑」左嘅芝士醬好好食😋！🐻：其他蔬菜都係點唔點芝士都得🤣🦐海鮮拼盤虎蝦、煙三文魚、帶子及甜椒串🐻：帶子大隻又新鮮👍🏽，點左芝士反而有啲可惜🐻‍❄️：煙三文魚一放落去，可以攞上嚟，唔係就會太熟啦～經典包籃法包粒、迷你油條🐻：法包如果係一口size就更好😚🐻‍❄️：太大好吸芝士，又要咬😛店員好友善，問都會盡力解答，例如🐻🐻‍❄️就問左店員各拼盤食嘅順序🤣店員建議次序：頭盤➕海鮮➕蔬菜➡️法包油條➕通心粉🐻‍❄️：店員話唔跟呢個次序，有機會食晒芝士但未食晒其他配料；🐻🐻‍❄️跟左，就啱啱好同時食晒🐻：不過最後先食法包會覺得唔夠喉，因為芝士太少已經點唔到、倒落去撈又會整冧左法包…🤔所以🐻🐻‍❄️有個「建議改良版」：法包➡️海鮮➕蔬菜（頭盤）➡️油條➕通心粉先用法包點芝士，蔬菜、海鮮因為要放落芝士入面煮大概5分鐘，可以中段食，滾嘅期間留意芝士存量👀，夠芝士可以點埋頭盤、唔夠就咁食都得😛；最後倒晒通心粉同炸油條落去撈芝士醬當日跟Openrice訂位仲有甜品送😆大家訂位時可以留意吓優惠仲有無～～🍮椰香意大利奶凍配烤菠蘿及 鮮果🐻🐻‍❄️：意大利奶凍食落勁似椰汁西米露🤣另外，有一樣要投訴，當日餐廳寫經典芝士火鍋餐售罄，但明明食材係其他餐都有嘅芝士火鍋+法包油條，好似要大家一定要叫貴啲嘅餐，感覺唔太好…結論：新鮮試一次ok嘅，🐻認證芝士有咸香好食👍🏽…查看更多

今日同屋企人出去食飯，係翡翠明珠廣場到搵嘢食， 見好耐都冇食西餐咁就去咗意粉屋度食。其實入去食都冇乜特別要求， 諗住佢可能都有啲晚餐set，冇都唔緊要，價錢唔係叫平，平均一個飯同意粉都要百幾二百蚊（仲要加10％服務費）真係唔明點解會有人等位叫左個芝士 焗雞肉煙肉千層闊條麵叫係最正常（不過佢份量唔多）。個黑松露帶子忌廉汁意大利飯，個d帶子只係烤一烤咁，有陣唔係咁好既味道，而且暖都唔係。。。成餐飯都食得唔係咁愉快。希望佢地可以改善下。…查看更多

跟老朋友回來一聚， 約你銅鑼灣吹水幾個鐘 未有 目標不知道去哪裏坐低 本來潮著百德新街的方向行 點知經過 銅鑼灣jp見到有意粉屋不如就 食下下午茶t1t 下晝三點半見入面也有六七成滿座 要 員工要安排了一陣才可以 給我們位置地方環境舒服 木系建築 可能就稍為窄少少下午茶的餐牌主要由80多元到98元 感覺 菜式 跟澳洲餐廳outback差唔多 唔肚餓就幾個人嗌了一份沙律我就點了 häagen-dazs雪糕窩夫 我點的窩夫 軟硬度適中 朱古力味 也不會過甜 高分有水準 厚厚的份量是兩位女士食都飽的哪一種 飲品oreo 看上去合格美觀但 實質味道就比較水 幾位員工都非常有禮貌 知道我們有女士想飲熱水就直接給我們一瓶熱水瓶 總結的是這個地方十分適合 朋友吹水 非繁忙時段 坐兩三個鐘 這個價錢 在銅鑼灣也算合吧 換著在百德新街入面的名牌食店恐怕200蚊一位 最後 要改進的就是 食品速度比較慢我們等了半小時後才有嘢食…查看更多

🧨年味渐浓，铜锣湾也热闹纷呈。🫕阿姨心心念许久的芝士火锅，在百德新街翡翠广场1楼的The spaghetti house成功种草！非常典型的一家西餐厅，用昏暗的灯光本想烘托一丝浪漫，对于视力不太好的我而言就是需要打着手机的电筒看菜单。 杂锦冻肉拼盘芝士锅 芝士锅必然是今日主角。总体而言没有异常出彩的地方，搭配了十多种食材来裹芝士，个人觉得反而是面包🍞最好吃。搭配了一个烟三文鱼牛油果沙拉和杂锦冻肉拼盘，其实就是各种火腿，这些冷盘的食材反而放到芝士锅里面去涮一涮味道出奇的好吃😋主食多加了一份 海鲜墨鱼汁意面 十年前第一次接触墨鱼汁意面的时候就彻底沦陷，虽然卖相是那么的黑黢黢，但根本无法掩盖加了两颗辣椒之后对整个意面风味的升华！…查看更多

天氣凍緊係要打邊爐啦，The Spaghetti House 既芝士火鍋係唔錯既選擇，不過佢地張枱真係好細！要食完一樣野先有位擺其他野！ 首先係前菜，煙三文魚牛油果沙律🥗，煙三文魚好大塊好味，沙律份量好多，隔離枱驚食唔晒直接打包帶返屋企🤣🤣 芝士火鍋勁豐富！有炸雞翼、粟米、通心粉、油炸鬼、火腿、肉丸、麵包粒、西蘭花、薯棒、大啡菇等等，最好味係通心粉同麵包粒，索晒啲芝士勁正！肉丸本身已經油，再加埋芝士就有啲滯，唔太推薦～ 食完真係勁飽，雖然芝士好肥，但真係好好味呀🤣🤣…查看更多

📍<< 意粉屋 >>銅鑼灣百德新街22-36號翡翠明珠廣場1樓Festiva 3號舖意粉屋🍝 中價西式主題連鎖餐廳中扮演著領導者的角色。現在意粉屋已開設超過30間分店，遍佈香港、九龍、新界及華南地區。亦都係好多80 90後無限嘅美味驚喜💯‼️同生意頭腦嘅來源，成功嘅例子。回想起小時候，父母帶我去意粉屋當時並沒有太多食品選擇，現今卻有好多優惠。不停設有下午茶優惠，兒童餐選擇，芝士火鍋🫕等….由經典意粉到不停有全新主餐牌，款式繁多美味💯‼️🍑舔舔脷指數：🌟🌟🌟🌟🌟/6環境指數: 🌟🌟🌟🌟🌟/6服務指數：🌟🌟🌟🌟🌟/6性價比指數：🌟🌟🌟🌟/6回頭指數：🌟🌟🌟🌟🌟🌟/6＜滿分🌟🌟🌟🌟🌟🌟>以上屬小編主觀（非專業）食評，所有意見只供參考#意粉 #銅鑼灣美食 #美食 #回憶 #foodguide#吃貨人生 #吃喝玩樂 #hkgers #hkfoodie #hkfoodblogger #HongKongFood #eatshitsleeprepeat #HKIG #HKFoodBlogger #相機食先 …查看更多