意樂餐廳 (海趣坊)

營業中

休息中

在屯門碼頭的意樂餐廳，每次來訪我都必點的就是他們的蘑菇忌廉湯和蒜蓉包。這款蘑菇忌廉湯濃郁滑順，湯底使用新鮮的蘑菇，香氣撲鼻，令人一喝即愛。湯面上飄著微微的奶油泡沫，口感豐富，每一口都散發著蘑菇的鮮香，令人回味無窮。搭配的蒜蓉包也是一絕，外皮烤得酥脆，內裡則是柔軟的麵包，撒上香濃的蒜蓉和香草，讓人忍不住一口接一口。熱乎乎的蒜蓉包與忌廉湯的搭配，既能吸取湯汁，又能增添風味，簡直是完美的組合。餐廳的環境舒適，服務態度友善，讓人感到賓至如歸。無論是與朋友聚會還是家庭聚餐，意樂餐廳的這兩道菜都絕對值得一試，帶給你美好的用餐體驗！

在意樂餐廳用餐，愉快的體驗！他們的蒜蓉包非常好食，外脆內軟，蒜香四溢，搭配意大利餐簡直絕配。每一口都令人陶醉，絕對值得一試！強烈推薦給愛好意大利餐的朋友們！意樂的意粉味道也非常出色！每款意粉都煮得恰到好處，醬汁濃郁且入味，無論是番茄還是奶油醬，都能完美襯托出食材的鮮味。特別是他們的海鮮意粉，新鮮的海鮮搭配意大利面，口感極佳！意樂的海鮮意粉通常使用新鮮的蝦、貝類（如青口或蚌）、以及魷魚等多種海鮮。這些海鮮不僅味道鮮美，還為意粉增添了豐富的口感和層次感。每一口都能品嚐到海洋的鮮香，非常值得一試！

在屯門碼頭到附近商場來個下午茶，經過意樂餐廳連鎖店，店內有大玻璃窗，入內有對着大窗的疏化位，對着大海十分寫意。間中都有入此連鎖餐廳用餐，故對餐牌也熟悉，價格相宜。忘記問朋友天使麵如何😅我選了豬扒焗飯，份量大，味道可以，今次嗰杯朱古力十分濃郁，十分滿意。

店舖職員完全不理會客人尤其短髮女子分店經理當面叫佢落單佢都會當睇你唔到落單等半個鐘頭冇野食上追單都可以唔理你完全唔憂做你一定埋單咁款仲要系統壞由客人坐客人要求手寫落單佢話未必得咁為什麼不停止放客入場

走進意樂餐廳，感覺好親切，就好似返咗屋企廚房。咁啱同妹妹試咗一頓午餐，大晒！首先，秘製咖哩牛坑腩小鍋珍珠飯真係賣相滿滿分👌🏻。那個牛坑腩，咬落去肉質滿滋味，軟滑得來又有嚼勁，攪埋香郁得嚟微辣咖哩汁，每一啖都好過癮。邊度會想到秘製咖哩撈埋珍珠米一齊食，真係開心到喊😂！再講我自己個烤雞茄子百里香忌廉焗珍珠飯，講真，茄子有啲少，不過烤雞就真係滿分💯，走柔嫩路線，肉質細膩，忌廉汁香郁帶點甜，撈飯一齊食，正！珍珠米又一讚，好過常食香米，口感十足！加哂的巴馬臣芝士焗蒜蓉包，啖啖蒜香夾帶著芝士的香脆，聽日又想食！🧀凍飲就實話實說，一杯涼爽帶點咖啡蜜味道嘅凍檸茶，真係消暑解渴，滿足嗰種嘅！意樂餐廳，不單止飯好食，感覺仲好似俾人溫暖咗心窩。下次再黎，我要試埋其他！🍴👀

經常嚟呢度食早餐，好早期裝修完已經轉了用qr code自助落單，食過好多次扒餐，一塊扒加2款(腸仔，餐肉，蛋。。。)，因為唔鍾意食餐肉嗰啲加工肉，所以通常都係叫流心焗蛋，炒蛋。食咁多次，今次第一次俾侍應通知，唔可以叫2款蛋，但我話你qr code電腦俾我㩒，我亦唔係第一次咁樣叫法，佢話公司新規矩喎，我話唔係公司新規矩，係你廚房佬懶得整多樣野啫，之後佢堅持要我改，最後唯有話要2份炒蛋。出餐一睇，咪又係得一份炒蛋，呃人嗰少少野，個餐都四十幾蚊，真係無良。

朝朝送小朋友返學，送完都會諗去邊食通常都到意樂食早餐意樂早餐款式非常多！價錢合理，平民價又可隨意配搭加蒜茸包又有輕食餐有啲早餐$3x已經好夠飽但sofa要換一換佢，甩哂皮又介腳，著短褲真係會整損

意樂嘅牛扒餐，是想像不到的高質, 只需$98 鐵板燒芝士牛扒有驚喜！這道料理絕對會讓你驚艷不已。嫩嫩的牛扒在熱騰騰的鐵板上燒烤，配上濃郁的芝士融化在上面，牛味重，質感嫩，咬落係好滿足嘅口感，口感和味道絕對是完美結合。切開牛扒時，那層芝士會慢慢流出來加上鐵板的聲音,  令人食指大動~ 加埋薯條同芝士蕃茄，成個餐超幸福~ 無論是與家人共享或與朋友聚餐，這道鐵板燒芝士牛扒都能成為眾人討論的焦點。推介大家選黑椒汁，會惹味d。另外煮硯跟餐只需加$38 , 好多煙肉同洋蔥十分惹味, 硯亦冇沙, 但略嫌太多殼, 肉好像有點少~ 

週末落黎食，餐牌都算幾多選擇，出餐速度一般。不建議揀意粉類野食，冇咩味難食。焗飯或者扒類不錯，值得一試下午茶幾抵，多選擇，有時經過填下肚都ok，但唔好要求好好食🤣

所謂嘅日式肥牛炒烏冬：烏冬又脹又濕又爛。炒野不但唔乾身，啲汁又酸，請問「日式」日左喺邊度？😓真係又貴又難食。一兜咁嘅垃圾如果只係收$40都算，依兜咁嘅野收我$60真係離曬譜。之前都有食過其他野，但食間餐廳係一家迫你用QR code落單，而且無flexibility可言，想叫佢少飯/少份量/扣底都做唔到。如果有食過嘅人，就會知餐廳啲配搭好奇怪，你依個汁想轉飯/意粉/其他麵類又唔得。仲好意思收咁貴店面啲同事就圍埋一邊吱吱渣渣吹水，我同先生食完野企喺收銀到等，個個望完我都唔識得過尼收錢。算，我當收錢一定要經理級去收，但亦無一個同事去通知經理叫經理過尼收錢，經理又唔知死左去邊蛇王…個個都唔收錢咁我下次係咪可以直接行出門口？？

用OpenRice幫襯買早餐，無得揀熱飲，只有instant coffee, 餐牌有好多都不齊全，仲有，開買時間又不準時，做嘢都無規律，嗰啲人懶懶閒，究竟想唔想做生意嘅！

唔識新科技就唔好學人整咩qr code俾人叫野，擺啲item出黎俾人揀，原來係無貨唔叫得，真係長知識.................啲侍應又唔helpful，仲要話返個客轉頭日，呢到真係好有趣。學人跟風點知搞到仲混亂，唔搞好過搞.................你間野本身啲野又唔係好食，早排裝修完個環境都仲係咁差，如果仲要加多樣野趕客既，好，咁我只好祝你好運囉...................

講起就火滾, 陳曾在開業初期來這間食過, 當時是可以的, 點知之後越食越差, 野又越來越鹹, 當晚想俾次機會佢, 就試下佢外賣自取LA. 我都算係咁, 2個人食叫夠3樣野, 點知勁難食, 又厄稱!! 火都黎.張相都係食到谷鬼氣先影, 所以係明顯食過, 最初打開個賣相係可以既. 但食落又乾, D 蒜和鹽都無撈云既!! 一D 蒜到苦, 一D 淡戍戍, D 蜆肉有離殼甩出來是正常, 點知有3隻係無開口!! 一係死既, 一係唔熟, 仲要搵到6隻空殼!! 搵唔到D 肉!!! 離晒譜!絕對無下次, 求我都唔黎。

嗌炸魚薯條另外追加11蚊沙律，食到一半發現無畀到薯條我，我用手機點餐上面係寫住加錢追加沙律，並唔係加錢轉沙律。另外嗌杯凍華田，杯野飲上面嘅粉全部結曬塊係上面。。

喺海旁附近， 入去商場裏面搵嘢食， 特別想食西式嘢所以就入咗呢一間餐廳。 其實個原因係因為見到餐牌lunch set都唔貴， 我就叫咗一個豬扒芝士珍珠米飯， 豬扒個質地非常之鬆軟，另外芝士好有芝士味十分濃郁。 仲有嘢飲，想飽肚， 不錯之選。