意樂餐廳 (海趣坊)

營業中

休息中

這間小店已經變為我和爸爸的食堂，因為價錢十分便宜不用三十蚊已經有一個下午茶餐，而且味道不錯 。今次我叫咗柚子雞翼沙律沙律芝麻醬都好香，而且菜都唔少，三隻雞翼味道都唔錯都好香，柚子香整體都好，而且仲有杯熱飲添。爸爸叫咗個沙爹牛肉長通粉，沙爹牛肉味道都唔錯，吾會冇咗牛肉口感，但湯底同長通粉太淋就只屬一般。飲品方面我哋今次叫咗檸檬茶和奶茶，奶茶味道都濃奶味唔算好重，味道唔錯 檸檬茶嘅檸檬都夠酸，而且紅茶味都好出，所以整體飲品上面都滿意 。

今晚同我妹同姨甥女去海趣分店食飯，叫左個芥茉意大利飯、加拿大安格斯牛扒餐同意式風情pizza…有幾樣野好唔滿意1. 姨甥女整跌左隻碟，侍應收走左隻碟後完全冇意向補返隻碟我地2. BB倒瀉水，本身已經冇俾紙巾我地竟然都算，竟然冇人過黎抹枱抹地，張枱我地用濕紙巾處理左，有個侍應行過明明已經見到塊地濕左，完全唔諗住抹！後尾有人發現叫侍應抹先抹，仲要求其抹完就算，都冇抹乾淨3. 因為個安格斯牛扒餐係話配薯條，但送到黎係冇薯條，我地問個侍應，個侍應係黑面，轉頭拎個薯條過黎話…其實係因為頭先冇薯條，所以先俾沙律我地！我同我妹都異口同聲地說…咁應該講聲呀！他們俾餐時講聲我地會接受，他們唔講聲，我地發現時緊係追啦！4. 其實之前去過一次，個次有個員工同另一個落緊單既同事傾計，搞到同事差D落錯單…我地都紛紛話，唔可以等同事落完單先吹水嗎？去過咁多間餐廳食飯，未試過去一間咁差的，我妹本身係侍應岀身見到咁既服務態度已經好憫，我妹甚至black list左它！希望餐廳既服務態度可以改善

餐廳環境都唔錯，有個落地玻璃窗都幾開揚啲座位 set 得幾近，但都幾好坐嘅嚟呢度食 lunch，嗌咗個 pizza 🍕 pizza 唔係好大個，不過好足料都幾好食跟餐個湯都 ok無記錯好似 total around $40，都算咁～

早上遲咗起身，醒起附近商場有幾好食既早餐開到11:30。趕落去食剛剛好。果人覺得雞扒不錯，個麵包有蒜蓉味所以幾好食。但習慣要特別叫雞扒走汁先會有果種香趣。份糧剛剛好！

點左瘋狂辣肉醬扁意粉，意粉黎到。。但同memu相好大分別囉😪😪😪開頭第1啖覺得幾辣，第2啖已辣到舌頭開始㷫㷫地。。第3啖就真係好㷫，火燒舌頭咁濟，我停一陣。。覺唔對路，我係食得辣架，但意粉辣成咁，相信冇人可以一啖一啖咁食囉，我冇理由食一啖，停15分鐘再食第二啖架!我就同侍應講，佢話話明係瘋狂呀嘛！緊係辣啦！話冇得換，叫我下次要講明小辣喎😥😥😥另1位侍應就話唔食得辣就唔好點😡😡😡😡😡，我係食得辣架!但辣得太過份，我先出聲，唔想食到胃痛囉!!全部侍應態度都係非常之差和惡劣!!!杯咖啡就幾好飲。。最後被迫放棄整碟意粉!我以後都唔會再黎幫襯，貼錢買難受!!

分別來左尼間野3次，主要因為方便每次都一肚氣走，次都 " 不負眾望"今次下午茶點左個米蘭肉醬芝士焗脆薯條，對一家餐廳來講，要整正常味道不難但當拎到埋枱時，一陣焦味緊隨，我眼前出現一碟焗燶晒既薯條即時就反映，姐姐再拎去廚房，我諗住再焗一碟都5分鐘掛點知1分鐘就拎返俾我，佢原來只係將燶既部分拎走。。。我發誓以後都唔會來

今日無無聊聊就搭車去左屯門碼頭。海趣坊一向冇乜嘢好食，見到呢間未食過就入去試試。店內的窗有海景，望下個餐牌……每樣都只係大概40蚊。食物方面，我叫左卡邦尼長通粉配粟米忌廉湯。長通粉加埋D汁超 入味，俾個like佢。唯一不足係個湯D料硬得滯總結:咁ge價錢簡直係超值la

吾想成日飲茶，今次試下食西餐，就黎到這間成日都多人食的西餐廳，今次同爸爸一齊食這個天使面餐意大利特濃蕃茄湯天使麵（炒蛋加鮮野菌）配蒜香牛油多士$41：講真蒜香牛油多士有蒜茸香同微溫的確幾好味，黎到個面覺得奇怪，面質同平時軟身有吾同，類似幼版意粉。蛋有2隻同什菇都吾少，面上面仲有蕃茄醬。點知飲一口湯，濃濃豬骨湯係度，說好的特濃蕃茄去左邊？？？其實已期望吾高但起碼倒多少少蕃茄醬都好呀…好失望，最後硬食晒再飲杯冇咩茶味的檸檬，30分鐘都冇就離開

枱中間隔很迫食物分量很少質素差焗飯只有數羹罐頭湯的味道Pizza大小及味道只是同麵包店的8-10元貨色差不多只約10厘米大除芝士外冇乜其他配料可見底部還要煎燶變黑永無下次不要貼錢買難受

自從係海趣坊開左意樂蝴蝶商場又比領匯收左好食又抵食既茶餐廳已經消聲匿跡意樂除左初開張太多人後漸漸變左我同屋企人半個飯堂時唔時就去食DINNER座位舒適，未算太擠迫阿爸就最鐘意佢呢個雜扒貪佢唔係好貴又咩都有嘛不過個腸好一般，我係腸怪咩腸都鐘意食都麻麻地佢太林既質地，意樂既薯條特別好食，好野味，唔知佢點整既呢汁有2款，黑椒同牛菌扒既SIZE都唔算太細，實夠飽我唔記得呢個飯叫咩名係咩海鮮燴飯？定海鮮risotto？雖然佢有推介公仔，不過我覺得個汁唔合我口味有少少酸既蕃茄味，我覺得之前食既wasabi味既risotto比較好食！果個既wasabi唔辣，但有wasabi香既芥辣味~不過wasabi果個就無咩肉，得d菇今日去到佢多左個餐牌，全都係pizza，每個40幾50蚊，屋企人就話叫個唻試下唻到好細個，相中既我係拎左一塊食左不過好好味喎又！比起我之前去又一城果間餐廳有得比架~係無咁多料，但餅底因為新鮮出爐，都香軟

跟女朋友一家行到海趣坊，難得見意樂餐廳不用排隊，我們就走進去。 牛扒如果一個人食真的比較多，有飯有薯條有塊扒跟雞蛋，飯的味道是偏鹹，食後會十分口渴。薯條比較諗身，無甚特別。牛扒無味亦無口感，最差。份量來說真的很飽，牛扒的質素差，雜扒會更好食。作為附近的居民久不久吃一下無妨。總結評分味道:5/10 價錢:5/10 (70)環境:5/10服務:5/10

見到終於冇咁多人排就試試晚餐，點知都要等半個鐘，但都值得鐵板雜扒種類多，雖然份量唔大但都食唔晒，煙肉ok豬扒ok腸仔ok，最特別跟隻蛋炒飯又多，不過牛扒可以唔試又簿又唔夠林冇肉味

今日去了大澳, 撘船入屯門碼頭, 食埋晚飯先返, 本來係諗住食越南嘢, 但媽媽話有意樂, 想食, 門口好多人等位喎, 咁好生意, 就係度等啦, 等左唔係好耐就有枱. 餐廳都幾迫, D枱好細, 走廊好窄. 佈置都特別的. 餐牌都好吸引, 好多選擇, 我食鐵板餐, 媽媽食鰻魚炒飯. 另外, 叫左一碗羅宋湯, 羅宋湯都好快到, 好足料, 夠晒熱, 好味呀, 夠酸, 我鍾意. 鰻魚炒飯都好香, 不過太多醬汁, 好咸, 都有好多細細粒的鰻魚. 份量OK, 不過可以唔好加咁多汁一齊炒會更加好味. 我的雜扒鐵板餐, 牛肝菌汁, 一條好長的腸, 雞扒, 豬扒, 薯條, 炒飯, 煙肉, 雞蛋. 雜菜. 炒飯, D汁太多, 攪到全部都好淋呀, 整體OK的, 條腸好味, 雞蛋熟晒已經係個鐵板底痴住左, 食唔到啦. 豬扒, 雞扒都好淋身, 但冇咩味, 個飯都OK, 乾身的, 薯條過火左, 有點燶.

今朝老公提議去海趣坊試新嘢, 一去到門口, 好多人等位喎, 正想打退堂鼓, 老公見張飛只係等三張枱, 好! 就等一陣啦! 估唔到5分鐘就有位了.老公最想食佢嘅牛角包, 就叫咗兩份重量級全餐:-有茄汁豆, 一片磨菇腸, 一片餐肉(佢明明寫係火腿), 忌廉炒蛋, 當然仲有牛角包啦.茄汁豆, 磨菇腸, 餐肉無咩特別, 忌廉炒蛋真係夠滑, 又有好香嘅奶味, 正!  牛角包入口香酥, 掂!叫咗個蕃茄濃湯腸仔煎蛋通粉比百厭仔, 蕃茄濃湯望落夠色水, 但味道一啲都唔濃囉, 有啲失望 餐飲不過不失埋單 $92.00

上星期六（27/6）早上終於能夠戰勝睡魔，早起床去做運動。因為這個緣故，讓我有機會在運動過後到意樂吃個歐陸式早餐。在海趣坊開業了不久，因此仍然有很多人願意等候座位。門外的「購物車團」，可見不少食客是家庭主婦。有趣的畫面。特別的燈飾。桌椅都是厚實木材質，而且是深色的。感覺比較昏沉。餐具早已放於桌上。店員遞給客人的水是暖的，這點不錯。沒有看過胡椒粉以這種器皿盛載著……早餐給素食者的選擇有二：鮮雜菌番茄湯通粉（$27）及意大利番茄濃湯配煎蛋或/和鮮野菌（可選兩款配料）+ 通粉 / 米粉 / 公仔麵 / 扁意粉（$29）。早餐餐飲配即磨咖啡或特配奶茶。其他飲品不知道是否需要另付費。我點了鮮雜菌番茄湯通粉。下單時向店員確認沒有肉類。也要求去掉洋葱和蒜頭，如有。怎料，我的湯通粉變成這樣！我再仔細查看餐單。沒錯，是番茄湯……於是再問店員，她說有客人要求清湯頭，以為是我下單要求的。很快便給我補上番茄湯的通粉。加了新鮮番茄粒。湯頭味道微酸帶甜。番茄湯頭的味道總令人精神一振。吃到最後會看到浮在湯表面的油份。加油及煮熟的番茄才能釋出更多的茄紅素，因此，那點點油我並不介意。通粉煮得剛好的質感。不會軟腍。雜菌是