意樂餐廳 (海趣坊)

營業中

休息中

意樂係我經常食既西餐廳，lunch 同dinnar都好出色，今朝我就同屋企人食左意樂既早餐,早餐黎講份量都好豐富！我地叫左兩個雞扒餐，每份可以配兩樣配料，我就簡左滑蛋同埋火腿，我屋企人叫左熟多同腸仔，每份餐都有兩片蒜蓉包，所以已經好夠食，但係我屋企人再加配左無糖牛奶麥皮，真係超級豐富先評論一下滑蛋，用左好香既牛油去炒 ，超滑超正呀，火腿亦係煎得好香雞扒普普通通啦，啲汁可以再濃啲牛奶麥皮係好滑同好creamy,但真係一d甜味都無 但整體黎講 都係好食既埋單$100內，早餐黎講吾算平

今晚係屯門海趣坊既意樂itamomo食飯 ，呢間餐廳我食過兩三次 真係好優秀西餐黎講價錢係屬於好平好抵食，食物質素亦都真係吾錯！ 今晚可能平日關係吾洗等位就入得，坐低即刻有員工拎杯水比我，服務態度好環境都一流，裝修好歐陸式，又吾會同隔離枱好近！我叫左77018既蒲燒鰻魚炒飯（$52），無加飲品，如果想飲野就要另外加配！飯一黎到上面既木魚仲郁緊！份量方面比我相像中多，食完岩岩好夠飽，可能炒埋左一碟關係 ，鰻魚吾覺有好多，但磨菇就成碗食極都仲有 ，我覺得味道都係好味既 ，飯既硬度亦都炒得岩岩好 ！正啊餐廳既menu:之後發現到餐廳一個細心位 ，每張枱角都有個標籤，係講緊佢地餐廳食物既健康小tips ，幾得意整體黎講真係吾錯呀 值得推介同朋友家人一齊黎

呢間係屯門碼頭既意樂我真係成日食，好味抵食到忍吾住要打番篇食評裝修有種工業風格 係到食野真係好有feel 座位亦夠闊 坐得舒舒落單8分鐘 野食同野飲就上左 ，雖然今日黎食既人都幾多 ，但估吾到上菜咁快，今次我食既係香草烤雞鮮菌忌廉扁意粉（午）$48 ，飲凍檸茶+$3意粉份量適中，好creamy，配菜有磨菇 豆同洋蔥食哂成碟都吾會膩，雞件好香好滑又好多舊 正 以後都會成日食，因為真係平民又好食埋單$51，平既西餐黎講真係數一數二，

是日媽媽休息，唔煮晚飯所以落樓下求其搵間餐廳食呢間餐廳主要食西式菜，帶少量日式菜美國安格斯牛扒因為唔係鐵板上，所以叫七成熟牛扒都好淋，不過無乜肉味醬汁另上，有牛肝菌同黑椒，黑椒比較辣(唔食得辣既建議揀牛肝菌)配菜有芝士薯蓉，芝士焗蕃茄，燒粟米，薯條白汁芝士焗雞拼司華力腸雞扒鐵板上，肉質嫩滑，芝士味香較杰醬汁另上，有牛肝菌同黑椒司華力腸只有一片，較少較細配菜有煎蛋，薯條，脆肉瓜，芝士焗蕃茄，炒飯香草雞扒野菌滑蛋飯雞扒份量適中，嫩滑滑蛋正常水準，滑身但蛋香較少醬汁另上，有牛肝菌，黑椒同蒜蓉整體而言性價比高份量適中偏多，免加一收費

其實嚟過哩間食好多次的了，不過之前冇寫過食評，每一次嚟我都期待有機會食到薯蓉田螺，因為唔係次次都有得食，雖然唔係超好食，但只係約$35，對於一個住附近又中意食薯蓉田螺的人來說，可以過下口癮是一件好開心的事! 今次一坐底就慣常問下有冇田螺先，但侍應話已經停售了!! OMG so sad!!! 其他小食我又唔想食，個人覺得哩度的薯條整得唔好食，所以算啦，淨係食正餐啦! 我點的“法式紅酒香茅燴牛肉配珍珠飯”，味道是夠的，但個人覺得啲汁希少少會好味啲。老公點的“慢煮秘製咖哩牛坑腩小鍋配珍珠飯”，我係一個只食得BB辣的人，個人一向都覺得哩度的咖哩好辣，今次都唔例外幾辣下，但咖哩是好香的。哩度的啫喱冰冰是我最愛的飲品，當食啫喱甜品之餘又有得飲，當然有啫喱在內，果汁份量相對就會比較少，要解渴的人還是叫別的喝好了。

呢間囡囡至愛的餐廳很多地方有分店。今次我地入屯門新戚家sleep over,係佢屋企附近都有一間。瞓醒去食早餐，一般茶記的火腿湯通粉，佢有。不過湯頭冇咁味精。蒜蓉多士係厚多士，食完飽曬。點咗白汁雞肉湯意粉俾囡囡。意粉比公仔麵健康好多。特色D有「重量级」早餐，有一大法國牛角包，火腿+餐肉+滑旦+漢堡扒+粟米(俾人快手食曬，影唔切)。成份高級西餐廳all day breakfast 咁。但價錢就平一大截。即磨咖啡係巴西咖啡豆。很香濃！

收工同媽媽二人晚餐，決定食啲平價小小西餐，每碟平均四五十有找。鐵板餐盛為七十幾蚊，但份量夠我一個年輕人食。利賓納啫喱，味道剛好唔會太甜，而且啫喱份量特別多，個人覺得餐加幾蚊好抵🤩三文魚沙律，分量足夠，麵包糠好大嚿味道亦有點奇怪，但其他實質唔錯。💪🏻蕃茄雞扒飯，個人覺得味道一般，汁小飯多，但好彩雞扒味道幾好幾滑。到最後的鐵板餐，料好多，薯條太乾身，司華力腸味道怪怪，反而扒係最好食，個人覺得70幾蚊，可以考慮其他選擇🤥

一家人係屯門碼頭個海濱長廊散步完，就去咗附近嘅意樂餐廳嘆個下午茶~ 估唔到一間普普通通嘅遍西式嘅餐廳都佈置得咁靚，牆上掛咗唔同國家時間嘅時鐘。我叫咗焗卡邦尼意粉，因為係下午茶，所以預咗比起午市晚市係細份少少。雖然細份，但係要有嘅味道一啲都冇少，焗到焦焦地嘅卡邦尼配上長通粉就係一流。西多士拍得上正宗嘅茶餐廳，外脆內軟，花生醬好厚。另外豬扒飽配薯條都唔錯，豬扒唔會好細塊，咬一啖又有麵包同豬扒，薯條夠脆口。

有時想食西多士的時候會黎呢間餐廳～宜家出面好多連鎖式餐廳，西多士中間無花生醬😢但呢間仍然有😋叫一碟花生醬厚切西多士配糖漿($28)，真係睇住佢不斷加價😅上年價錢仲係$21。厚西多士剛剛炸好又脆又軟，熱力溶化在面上的牛油，配上香甜糖漿，食落去又香又甜真係好好食😍環境方面都算唔錯，但係卡位地下有D垃圾未清😅______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️

意樂其實真係 好難食。係就係親民價食意菜西餐 但個食物質素真係試過唔想再試有d菜式係無咁伏的，例如pizza，係幾好食個皮夠鬆脆。但佢主打既意式菜真係不了。全部個sauce都好浠 淡而無味忌廉天使麵 係好浠的 自己煮一定好食好多⋯d配料都係煙肉同菇 收$53其實完全唔值呢。拿破崙炒飯得個紅字 都係無蕃茄味既。Risotto係濕飯 好淋好淋好淋唔係幾知自己食緊乜扒餐過得去 但同茶餐廳4-50蚊水準差不多。飲品黎講，基本上係糖水加冰。不過呢d集團野 個包裝好好睇睇行平民路線 點都會有人幫襯。！！！！

價錢大眾化，選擇不太多。勝在味道不過不失，比茶餐廳好坐，也可以坐很久。兩人點了兩個tea set: 1. 公司三文治，比一般下午茶細份，三文治太乾，可幸蛋、火腿、生菜都夠。2. 蕃茄海鮮篇意粉，味道太淡，冇咩味同樣地，海鮮份量唔會少，唔算難食。跟餐加左兩隻芝麻雞翼，太細隻。飲品叫了紅豆啫喱冰同抺茶紅豆冰，係超冇味，叫左少冰，依然成杯冰跟餐轉特飲加$8 就好唔抵，飲水好過。對食物毫無要求可以來食，至少唔會好難食

野食本來都正正常常，但去到收銀個陣，本身有個職員幫我地分開收，但之後黎左另一個職員，就將比左嘅錢退番比我地，話咁樣唔得，會"倒亂"佢地。乜依家收銀唔可以分開比咩?個時人又冇乜，定係個個收銀唔識計數呀?

海翠坊有好幾間餐廳，下午茶餐來說，這間算抵食！「意樂」原來有好多分店，今次第一次食。「日式芝麻燒雞炒珍珠飯」下午茶份量來說，都算大碟。味道唔太鹹，中上質素，雞件份量適中，芝麻醬OK。珍珠米煙煙韌韌好食。「原茄烤豬扒焗珍珠飯」跟珍珠飯一樣，大碟抵食。個汁唔太鹹又唔太酸，味道適中。豬扒一大塊，切左件，方便食。配菜有兩條青豆。其實下午茶餐來說，的確抵食，咁嘅價錢，又喺港鐵站上蓋嘅商場內，都算是一個不錯嘅下午茶選擇。

心血來潮落街食個早餐平時去意樂食下午茶都覺得味道幾好今日就試試個早餐叫左個火腿通 蒜多 熱朱蒜蓉多士都幾香幾脆幾好食杯朱古力無hea沖 都落得幾足朱古力粉 幾濃 唔錯total $26 早餐黎講算係咁可以一試～

今日有道意樂食飯，因為之前食過佢嘅下午茶覺得幾好食，所以今次再嚟 ，味道同價錢都算幾抵食。今次叫咗 下午茶，加八蚊有水牛城雞翼，等咗大約十分鐘就到雞翼就到，幾好夠辣，而且雞肉都幾嫩滑。 豬扒包 薯條 ，薯條味道好差動而且好乾身 ，豬扒包味道只屬正常唔太差，反而醬汁味道唔錯 。芝士火腿 長通粉 ，長通粉冇乜味，芝士味道都濃同拉。。整體都好飽肚， 以下午茶差點食不完。 另外嗌咗兩個湯麵 ，蕃茄味偏淡，流心蛋吾流心。飲品方便咖啡味道唔錯夠香九濃郁。