意房菜

營業中

休息中

說好了要繼續在通菜街尋找美食今次經過呢間西餐廳，男店員非常落力介紹食物，望下餐牌有好多唔錯既選擇就入左去了。同男朋友分別叫左兩個都有「」既扒類 - 酥皮法國鵝肝牛柳，美國極黑豚扒拼黑松露雜菌炒蛋。酥皮的確同圖片有點出入，只係一條邊圍著牛柳和鵝肝（而唔係成個包住），但仍然夠香脆鬆化鵝肝配上多士係永恆不變的真理，鵝肝煎得好香味道一流！而牛柳雖然外表看似有點兒過燶，但食落好juicy，好有咬口。而極黑豚扒都同樣咁juicy，而且切出黎仲要係粉粉地紅色，好有彈性！黑松露炒蛋好夠滑，又唔會水汪汪。成個套餐仲包左紅/白湯，飲品，仲有甜品。雖然個餐湯麻麻地，但勝在主菜夠出色，價錢又唔貴，整體而言性價比高。

叫咗個芝士龍蝦加肉眼扒,百幾蚊*!!!!!!!係，出乎意料好食😍😍一定會再黎😜餐廳感覺似cafe,明顯地有出心思😯大家第一次去一定要試佢招牌菜💕侍應都介紹得好好,招牌菜原來已經賣咗十幾年啦😨下次要試多幾樣先

新年前要去銀行排隊排咗好耐，成四點都未飯過野，男朋友就火速帶住因為肚餓而發脾氣既我入嚟食；佢話中學果時成日尼食，所以想帶我試下，植身見佢既teaset 平成咁真係冇嗱特別期待叫左個千層面同豬手配薯菜今時今日＄43嘅千層麵可以係邊度搵？？？竟然，個味道係絕對唔差，只不過係個醬汁比較淡，所以有一點似普通肉醬意粉嘅味道，但係入面嘅芝士份量都可以接受，每一啖都可以拉到少少絲出嚟！至於個豬手飯我真係好鍾意好鍾意，佢大嚿得來啲肉完全唔硬，雖然某部份嘅表面有少少lon咗,所以令到個皮好硬,但係切開左黑色燒焦嘅部份所有都好好食,唔算太鹹但又有好香，雖然薯菜嘅份量雖然係少啲，但係因為個豬手夠大隻所以我都夠飽！如果下次下午茶諗唔到食咩，想茶餐廳嘅價錢食西式野我絕對會揀返呢間

今日午飯時間同同事們來到女人街搵食，我地一行7人入左呢間經常逼爆的西餐廳，我地7個人逼起張6人枱度，食得有d辛苦。呢間餐廳價錢不貴，1pm前買單仲每個餐減$5，一些特飲如珍珠奶茶都不用加錢，所以有好多學生去食。我記憶中呢度個忌廉湯一般，所以點了羅宋湯。黑椒西冷牛扒配薯條條，牛扒都算淋，不會難切和咬開，薯仔幾好味，但d青瓜和紅蘿蔔就不太岩胃口。焗芝士白汁海鮮飯，料幾多，而且好快就上，不用等好耐。蒜蓉汁牛脷燴長通粉，同事話牛脷幾淋。鑊仔牛柳配意粉，同事話唔太夠汁，亦有少少韌。珍珠奶茶珍珠略少，但呢個價錢算係好抵。

呢次個tea set我先食左～～HK$343點3 Tea Time，１個人身處旺角，選擇多，唔知點揀好...要求：想食飽個肚仔，心癢又想飲珍珠奶茶，分開買又好似唔抵咁...仲要無得坐．好快就想起呢間意房菜！原因：係佢向我中學時期已經成日食佢～小妹出黎工作多年，都仲見到佢，裝橫亦仲算新淨，格外令我懷念同Ｄ中同一齊既時間～門口睇個餐牌，選擇款式好多，都未諗好就入左去先，反正座位都感覺良好．餐牌～整體黎講，有肉食，又有意粉或飯或薯菜揀，已經先滿足我想飽肚既要求～奉送埋香港人最愛o既飲品，奶茶．紅茶．綠茶．花蜜．．．平時同朋友吹水最鐘意叫呢Ｄ飲，咁多款，今時今日呢個價錢，已經好難咁抵食～就算有，都一係無得揀，一係貴夾唔飽．order左我最愛食既牛餐－紐西蘭鑊仔牛柳＋意粉叫左杯～凍茉香珍珠奶茶牛柳意粉：牛有少少韌(un)，味道剛好，由於我食得比較重口味，所以覺得仲可以濃味少少．意粉汁都好足夠～：意粉軟硬剛好～茉香珍珠奶茶：比較淡味，無咩香味，或者冰太多吧．珍珠都好多！呢個就差左ＤＤ啦～環境上都係幾舒適～不過waiter似乎唔夠~只見１位負責寫野同執野收錢～總括黎講，經濟set餐，水準一般啦～呢個

呢間小店由中學開始已經係到食，開左十幾年都有，星期日下午去開旺角又想食平野，就諗起呢間鋪頭啦！由於已經係下午茶時間，起身又未食過野，就叫飽d影得差左少少，影唔到d薯菜haha,下午食呢d好heavy,但好抵食呢！一個下午茶餐仲可以叫埋珍珠奶茶，都係$47，去邊搵！如果夜晚食出面個豬手都要百幾蚊啦！另外叫左個石鍋飯，雖然唔係燒得太熱，但份量好足，30幾蚊送埋珍珠奶茶真係好抵呢！多年冇見，都唔係加左好多價，係呢個年頭仲可以食到咁平既野都幾感動

附近這條街食店多的是，西餐也有許多選擇。在店外，應該是老闆的男士很落力的推介，及有許多不同價錢及款式的食物。天氣冷，衣穿多了，又購物完，不周圍找了，一於試試。的確有許多選擇，老公叫了青口拼豬肋骨，我叫了酥皮鵝肝牛柳。先來紅白湯同蒜蓉飽。飽硬得非常，不是香脆，浸了湯放入口好了。白湯都幾鹹。老公個餐先來，豬肋骨個size可以的，個汁都幾特別，伴一隻細小的青口。等了再等，等到老公果份差不多食完，我果份終於到了。好野當然要等，期待萬分。但是...首先牛柳是既定的生熟度，一放下，看見，失望非常。酥皮，只是一條像酥皮的長條圍著牛柳，仲要散開的。塊皮不香不脆，吃了一口便放棄了。鵝肝，不覺得香，煎得一般。主角牛柳呢？我覺得是炸過的，非常多油溢出，表面脆？！中間質味可接受，夠軟。枱是非常擠逼。我一定不會再光顧。

意房菜此店位於旺角女人街，經常經過，見佢已係到幾年，仲未轉手。一定有佢個人之處，今次就入去試一試。嘩，第一眼就見到，廣島生蠔，$45兩隻，愛蠔的我，立即叫兩隻試試。生蠔肥大，好Creamy但海水味冇乜，不過好好味。heee....即時叫多咗兩隻。另外，叫了鵝肝牛排，鵝肝細細塊但煎得香又脆，牛排細細塊但肥厚，切開有小小細，very good....仲送甜品同飲品，叫咗珍珠奶茶同tiramisu...水準一般，以套餐計算係咁㗎啦。

3點3，又到左食下午茶嘅時間啦。今次係女人街入面覓食，見到一間裝修幾靚嘅餐廳。所以今次就揀依間啦下午茶套餐選擇都幾多，價錢算中價啦因為依個價錢其實只係平午市$5唔算平好多飲品以台式飲品為主焗芝士白汁海鮮飯&珍珠奶茶 $35今次就試左焗芝士白汁海鮮飯同埋點左杯珍珠奶茶黎飲焗芝士白汁海鮮飯海鮮份量都有返咁上下，有青口、蝦、帆立貝等等但飯嘅份量就略嫌太少，我諗一個成年男性一定會覺得唔夠食而白汁嘅味道好奇怪，可能係因為太稀引致白汁味不足同埋食唔出有芝士味珍珠奶茶珍珠份量超級少，飲左幾啖就冇晒同埋奶茶味道係偏向台式奶茶味但飲得出好明顯係用奶粉沖，味道好淡飲唔出奶茶嘅奶香同茶味希望下次再黎個陣會有所改善啦

#意房菜好迫好窄好忙漏單一般誤以為完整既套餐係包括：1 前菜 2主菜 3甜品。呢到係有個碟所謂前菜就無甜品架 小心呀~（重點係無人問過 無人提醒）蟹柳仔 或 蛋糕 奶凍 。。。。

女人街兩旁有好多唔同食市，有時有無食過都唔記得，而且選擇都好多下意房菜我同男友印象中無食過，唔知食咩食下焗薯都唔錯，叫左個平既2人餐(貴既有pizza)好在叫平因為都好飽下有特價叫左生蠔做頭盤$38兩隻，新鮮但無咩蠔味2人餐包左咩?1，蒜蓉包/餐湯 (忌廉/羅宋)無咩好影2，小食盤 ~ 炸雞翼/炸芝士條3，一人一個焗薯我要左酸忌廉煙肉，如果多點煙肉碎會香口好多，太少似裝飾男友叫左茄汁豆芝士蝦，都幾多蝦下，感覺好似豐富點4，芝士焗西花5，餐飲 (咖啡都飲得下既)

意房菜呢間餐廳好耐之前係實習時同同學黎過當時覺得幾好味咁上星期同隊友探訪完社區係酷熱天氣 加 空氣唔流通 打風大前夕底下完全係社區入面行到想食咁岩到MK 拿拿聲搵野食，岩岩好佢只係需要等一陣就可以入終於可以抖一抖以前黎過都知唔算太貴，價格幾吸引，而且學生仍然有-5蚊嘅優惠TIM! 不過呢間野其實所有動作都快手快腳所以服務態度就一般般同埋地方幾窄不過醫肚最緊要同學同我一樣都叫左個薯容千層面先黎湯，紅湯比較咸白湯呢就........ 冇咩料囉不過咁平又送湯，其實都冇得要求太多而且仲送一啲特飲，有得選擇下都好啦個千層面黎得都算快因為好多人等位著蓉焗得有啲過火，有啲位已經焗到好硬而千層面方面呢...其實唔太得，啲面痴實到一舊舊...唔知點食咬落去一大舊好似食緊一舊面團咁而個汁又係太咸啦... 食到人仲想飲水過未食個陣而且份量普普通通，有啲啲小其實女人街好多野食...有機會去嘅話都唔需要再係到求其食個飯不過講真價錢又係一個好重要嘅因素!

行左陣街，諗住搵間餐廳食個下午茶，我見呢間下午茶都有好多選擇，我揀左德國鹹豬手薯條同玫瑰花蜜，野食一黎到因爲我肚餓所以就好快切豬手食，放舊肉入口第一個感覺就係好臭同埋好騷，再切塊皮試下又冇臭味喎，搞到我只係食晒啲薯條隻豬手我係食唔到，食野既胃口都冇晒🤢呢間餐廳其他野我都未試過，但試左呢次，我諗我唔會再黎。因為我真係未食過咁難食咁臭既豬手😡😡

今天自己一個在這裏吃下午茶,一直很想吃千層麵的我,看見這間店下午茶居然有千層麵,就二話不說點了這個餐,由於是焗的關係,我好似等了10分鐘或以上,這個千層麵上面放上了薯蓉,薯蓉的味道不錯,千層麵味道正常,不過不失,不過下次再來就不會點這個了

昨天因為朋友想吃西餐,原本是選好了吃皇后冰室,但後來來到皇后冰室,看見隔離店的意房菜餐廳(就是這間餐廳),我朋友被這間餐廳深深吸引,因為差不多價錢但食物比較多,所以感覺上比較抵吃,於是我二話不說便轉了這間餐廳，這間餐廳環境是偏暗,如果是一對情侶來一定更有氣氛我朋友叫的是玫瑰飲品,而我是青薠果綠茶,但我覺得這杯野飲太甜了,好像下了很多糖我朋友叫的蕃茄龍利柳意粉,我有試了小小,味道不錯我的是雜扒意粉,豬扒沒什麼味道,雞扒味道不錯,意粉都整得幾好味,軟硬適中加$6元可以轉飲酥皮龍蝦湯,見佢咁抵,減緊肥的我都忍唔住加錢轉左佢,雖然賣相一般,但味道係唔錯的