意房菜

營業中

休息中

本身係為左個千層面而黎既 但坐到入黎見到咁會款野食，就嗌左個千層麵($79) 一對大生蠔($39)同煙三文魚蜆肉燴天使麵($82) 兩個麵都包一款小食同野飲重有餐湯，係好抵既。個湯我個覺得還可以，之後到個蠔...真係勁勁勁難食🤦🏻‍♀️都唔緊要，因為我係為千層麵而黎，好可惜個千層麵都係難食既，比起平時既千層麵佢有大大既唔同就係鋪左一層好厚既薯蓉係面然後個麵就一叉就散，勁少肉醬，唯一個天使麵係過得去。沒錯！係好抵，但唔會再黎食。

又到開心煩惱嘅時間，晚餐唔知食咩好。個肚話我知今晚想食西餐，於是就同男人提議。咁岩佢講起上次食過一間西餐唔太貴而且質素唔錯，所以佢就帶我去試一試啦。一到門口就見到有人排緊隊，好彩兩個人唔駛等即刻有位。餐廳嘅選擇算係多，咁嘅價錢包湯、小食/甜品同飲品，其實真係算係幾抵食。我揀咗黑豚扒拼黑松露雜菌炒蛋，跟飯。佢份量算係多，黑松露炒蛋整得幾好食，黑松露味香。豬扒算厚身，雖然食唔到黑豚味男人呢就揀咗牛柳risotto。非常大碟，佢都食唔曬。今次佢就話質素一般，唔知係咪多人嘅關係😂甜品，揀咗tiramisu，唔得，食咗一啖就推咗俾男人整體嚟講，都ok 唔錯嘅

今晚突然想食西餐 揀左呢間試下 試左主打嘅酥皮湯加酥皮鵝肝牛排 呢個價錢嚟講有驚喜 鵝肝就正正常常 但個牛整得幾好 熟度啱啱好 食落好嫩 酥皮湯都好好飲個價錢加呢個水準 本人好滿意 尤其我本身唔係突別好西餐 希望可以一直保持水準

旺角女人街食肆林立，下午茶時段嘅意粉飯只是35蚊以下都非常抵食， 餐牌都整得幾好， 色彩豐富， 圖片吸引， 飲品仲有幾多選擇， 有冰沙梳打。一坐低， 感覺張枱笠痴痴， 地下又有垃圾。 餐廳嘅裝修些許殘舊。叫了一個吉列豬扒意粉， 賣相好似好好 ，意粉酸左Ｄ， 吉列豬扒脆炸， 有啲雪藏味。 33蚊沒有太大的期望， 味道真係麻麻地。柚子茶雖然是大杯，啖口的。 咁不如老細你沖杯細啲嘅，好味啲好過。平是平， 但我不會虐待自己， 下次不會幫襯。

約咗朋友喺旺角食飯，唔知係咪星期五嘅關係，一入去已經好full ,我地坐咗六人枱，中間兩個位本身係空嘅，隔離對情侶走咗之後入咗新嘅兩個坐佢哋嘅位，再有人入，侍應叫我地坐中間，變咗左右夾攻，食牛扒但係好似係茶餐廳咁😂😂我叫左酥皮鵝肝牛扒，好好食，牛扒好淋，好嫩口，生熟啱啱好，同啲酥皮好夾，黑椒汁都好好食，但係我覺得個牛扒本身有味就唔使點，鵝肝普普通通，比較細，呢個牛扒我配意粉，意粉好難食，係個汁好怪羊扒龍蝦薯菜龍蝦好細隻，但係都幾爽口，羊扒好un，好似阿婆啲肉咁，仲要冇味😂😂以後入呢間千其唔好食羊扒，人哋主打食牛扒就食牛扒啦！！不過薯條係焗薯條，好好食！嘢飲我叫左珍珠奶茶，係完全冇味嘅，同我飲水冇分別，朋友嘅係青蘋果綠茶，佢話好似以前食冷麵嗰啲青蘋果綠茶😂😂朋友嘅龍蝦湯勁好飲，好重龍蝦味

呢間野係當年天地堂 一個同學介紹有時旺角想食抵野就揀佢!已經唔記得幾錢啦 總之就一大塊西冷 50蚊有找 有餐湯有野飲跟 邊到搵呀😋每次都食呢個西冷餐 有時配薯菜 有時揀意粉 真心唔錯

晚上去到旺角，明知大圍冇啖好食，還是去較熟悉的意房菜，食埋晚餐才回家。叫了兩份酥皮鵝肝牛，已加大咗鵝肝，酥皮一如以往，不存希望，便沒失望。鵝肝煎得外脆內軟，但多士就唔好食，純粹用來配鵝肝而設，白湯太稀，牛尚整得唔錯。我們另叫了4隻大生蠔，機乎每次來吃晚餐都必食的，39蚊兩隻，仲有人開埋，仲抵過自己去批發買，唔食也對自己唔住。唔計加大鵝肝及生蠔，都係百鬆d一個餐，有湯，主食，飲品及甜品，仲想點?價錢及食物尚算成正比的，對我而言，收貨喇。

下午茶時段，出開旺角女人街附近，便自然諗起意房菜，但我平時多數在晚市來的，很少有機會在下午茶時間出到嚟呢頭，因此，沒太多機會試這兒的下午茶餐。今日嚟到才知道，原來，呢度下午茶才三，四十元，真係好抵食，我叫了煙三文魚卡邦尼磨菇濶條麵，味道唔錯。家人叫了照燒牛肉拉麵，也沒咋型。另叫了雞扒旦(忘記了名稱)，她也說味道ok。以這價錢同做出來的食物，我覺得自己已經有賺了。如果日後下午再行開呢頭，都一定會再來。

今日特登行去旺角, 去左花園街搵食, 見門口餐牌幾吸引, 就試下。個羅宋湯味道唔錯德國鹹豬手午餐$50, 有湯有特飲, 真係好抵食, 本身都擔心咁平, 食物會否很差, 點知豬手黎到, 大大舊, 食落落唔油膩, 切開肉質嫩口, 豬手炸過, 皮好脆口, 好香口, 鹹味適中, 唔會好鹹, 肉又彈牙, 估唔到比咁既價錢, 有咁既質素。焗豬扒飯賣相吸引, 鐵板上熱辣辣, 茄汁味好香濃, 酸酸甜甜好醒胃, 配有蕃茄菠蘿, 豬扒肉質鮮嫩入味, 好味。套餐只係$39, 真係平靚正。蜂蜜綠茶好好飲, 好香蜂蜜味, 又唔會好甜。哈蜜瓜珍珠, 好香哈蜜瓜味, 珍珠好煙韌。

本來想食沙嗲王，但是見排晒大隊就隨便行入女人街搵食。小食好多都只是廿幾蚊，所以就求其想食就叫估唔到細細舖仔會整芝士手指，當然和the hub無得比，不過廿幾蚊想食咩???物超所值啦!!!玉子豆腐我鍾意喎，清清地加埋木魚食招牌芝士薯蓉肉醬千層麵，芝士得好少咋，不過最重要係個肉醬唔夠肉醬feel，茄汁味不足好傷心小福子品味奇特，叫左個好中式的牛柳粒抄烏冬，日式只在於塊鐵板唔講味道，但是真是好似油呀值得一提是舖仔細細，但d枱記化無限，同埋一個待應睇全場，所有動作急的，但是又唔亂，記性仲好好添，勁呀!!!

記得以前讀書嘅時候意房菜係其中一間食堂印象中食物味道吾錯好幾年無去食今日經過就入去試下啦午餐有20幾款選擇，包餐湯&餐飲都要諗一陣先簡到食咩~忌廉湯入面有粟米粒&蘑菇粒淺紫色嘅飲品有淡淡嘅香芋味吉列猪扒好大塊上枱熱辣辣，食落口好香脆呢個石頭鍋入面有牛肉、泡菜、芽菜…味道幾好，份量都幾多不過我都係比較中意韓式石頭鍋飯40蚊左右就食到好飽真係好抵食

咁岩經過意房菜，食過佢既晚餐都ok，一於試下下午茶。雖然又係個啲常見既野，但太耐無食肉醬意，點左個芝士焗肉醬意，加杯凍奶茶!因為要焗，上菜時間算快，十分鐘多啲就黎到，睇賣相可以睇得出佢係新鮮整黎焗既，因為焗太耐會乾，而佢不論賣相定係撈既時候都係濕身juicy。叉起既時間仲有熱辣辣既煙，同溶到拉唔起既芝士，證明佢夠哂新鮮! 味精方面有5星，佢既肉醬味道岩岩好，唔會太酸太甜，影響左芝士同免治肉既味道，意粉可能因為既叫即整，都係比較濕潤同滑，唔係因為太熱既話真係可以一啖吸左入口。整體黎話意粉軟硬適中，肉醬偏中性，唔鍾意食酸野既人，加上芝士同肉醬焗出黎，味道好夾

旺角食開都係哩間食扒，好抵食，食親都係招牌鵝肝牛扒，熟道岩岩好，好夠淋加上鵝肝好香個餐都唔洗100蚊連有湯，餐包，飲品同甜品另加蠔都係29蚊2隻，另外今次重加左黑松露炒蛋都好香滑，只係坐位迫啲，不過好抵值番

今日有天地堂所以就過嚟食嘢今次晏畫就嗌番茄吉烈豬扒意粉 $38包埋餐湯 忌廉湯 同一杯台式飲品我叫左椰子珍珠 我係學生有學生證重可以減5蚊😚其實真係好低玩 重點味道係好唔錯我成日都嚟食不過午餐其實冇番茄吉烈豬扒意粉我嗌蕃茄龍利柳個餐但轉吉豬嘅但係午餐個番茄汁同下午茶個番茄係唔一樣嘅午餐個番茄汁係就咁倒落佢嗰種啦下午茶嗰種番茄係佢本身已經同啲意粉撈埋 即係炒左落啲意粉到嘅入味好多我就唔鍾意午餐個番茄汁所以就叫staff比個黑椒汁我杯椰子珍珠堂食會大杯啲 我個杯係轉左外賣所以細杯啲嘅

旺角真係聚餐好地方，有平有貴，選擇多多係fd推介下，來到呢間餐廳。翻開menu，牛排、意粉、石鍋飯、生蠔etc...價錢真係OK點了牛排+意粉套餐。全份餐包括羅宋湯/忌廉湯、蒜蓉烤麵包片、如上圖主食（黑色小碗裡面是土豆泥和蟹肉棒）。選擇了羅宋湯，味道一般，不過不失。蒜蓉麵包片較硬，沾著餐湯吃更易入口。習慣切完整塊牛排再開動牛排邊緣地方香氣十足，但中間稍有血色的部分卻咬不爛了！！突然！！感覺有塊硬硬的東西插到牙肉上取出一看，原來是一塊黑色塑料碎片正是那尖尖的一角直插牙肉！好恐怖！食慾大減，之後的每一口都變得小心翼翼。（請原諒我真心不想拍下那塊塑料碎片）六點半左右到，唔洗排隊。邊食邊傾計，侍應陸陸續續主動來收咗食完既碗碟，七點幾食完，侍應自己幫我地打單可以理解既行出門口，原來已經有唔少人排緊隊！---------------是次晚餐雖然要加一，但人均消費不到一百元。對於西餐，價錢算平。牛排上的塑料碎片著實壞了用餐興致一心顧著和久未碰面的fd傾計，費事同侍應計較，希望今次只係特例