意房菜

營業中

休息中

這間餐廳在平時的上學時間，會有很多中學生在這裡吃午餐的，基本上每次都要等位的，所以我和同事根本沒有機會來進餐不過，現在正值暑假，沒有了中學生後，餐廳立即少了很多人，我們終於有機會來試一試這間餐廳了我們一共連續吃了一星期，每次都叫了不同的食物和飲品，午餐價錢大約$37~50左右，包餐湯，主菜和冷熱飲品(珍珠系列都包括)，十分抵吃第一次的午餐，【黑椒西冷牛扒配薯條】，這個餐只需$41，這麼便宜的價錢，本身我以為只是超級市場BBQ牛扒的質素不過，竟然有驚喜，牛扒十分大塊，而且都算厚身牛扒的口感十分【淋】和軟身，肉質嫩滑，完全沒有根，一咬便斷而且牛扒都幾有牛肉味，十分美味第二次的午餐，【紐西蘭鑊仔牛柳配薯條】，這個餐更便宜，只需$39不過一分錢一分貨，雖然牛柳份量都算多，有5~6塊左右，但有2-3塊牛柳是比較多根的，口感比較堅韌，難一些咬斷只有3塊左右的牛柳口感比較【淋】一些，但牛柳的牛肉味卻沒有西冷牛扒這麼重，味道比較一般但是，其實它的水準每天都不同的，有一天同事的牛柳口感十分淋，而且又有很多肉汁，牛肉味亦很濃郁，味道不錯的但真的要看大家的運氣了另外，薯條的味道都不錯這些其實應該是薯角，十分

在旺角區尋找地方食飯，好多人都會集中去彌敦道兩旁的商場去看，或是疊埋心水上樓去食什麼放題，韓燒等等。我在旺角食，好多時都會想到這些樓上店。不過，有時都想找找地舖食飯的，只是先達兩旁的食肆，質素參差，好多時都揀唔落手。是日，我同太太把旺角行街後的飲食目標轉移到女人街。以前在旺角工作時，早已經知道女人街的排檔背後，係有不少會令你大呼意料之外的好食肆。所以，我立即決定走入去找，當我們看見一間名叫《意房菜》的小店有素食的餐點時，就立即推門而入了。 有晚市套餐，當然是一人一份晚餐啦，令我們覺得開心的，是他們的意大利雜菜湯是純素的。味道濃郁，充滿蕃茄味。蒜蓉包，夠香脆，送湯不錯。 套餐包一個餐前小食，是一個蟹柳條加薯蓉。這看起來有少少日本 feel，而原因，就早已經在英文的店名說明了，這是一間 fusion 菜，有意大利，有法國，有日本，也有韓國的風味。而這一個蟹柳條加薯蓉的食品，普普通通啦。 太太的素食是什菌石頭鍋飯。絕對是熱辣辣的，而且多了味道濃郁的醬汁，吃起來有味道，濃濃香香的。有幾種不同的菌，令到此飯又香，又充滿口感。 我選擇了焗芝士薯蓉肉醬千層麵，是一個極飽肚的東西，單是面層的薯蓉已經可

跟男友一起來，很久沒吃過一間難吃到要blacklist的餐廳忌廉湯沒有淡忌廉香/奶香，也沒有牛油香，連粟米也吃不到有味道(應該是煮了好久連粟米原本的味道也煮出來)，但就感覺只是喝了一碗忌廉跟水是2:8+一堆味精的湯，是難喝到沒有喝完。沒有見過用生菜伴碟會連生菜莖都用上(忘記拍照)，就算說不浪費食物上碟了也不相信會有人吃這部份，餐廳有時就輸在這些小細節上。那個所謂薯菜根本只是薯仔，吃不出有放任何油，鹽煮/焗，雖然說比較健康，但餐廳來說這種程度的薯仔我在家都可以做，為甚麼要付錢在這裡吃。飲品不予置評，香芋珍珠奶茶像水一樣，美碌比較好但只有一個甜字。甜品好像是送的，Tiramisù，吃不出來餅乾的部份，口感也不是幻滑的芝士奶油，界於蛋糕和凍硬了的植物(劣質)奶油之間，明白每間餐廳Tiramisù的recipe都不同，只能說這個不太對我口味。環境一般，當晚不幸坐近門口位置，門口員工不停開門，熱氣不斷流進餐廳，最讓我覺得無禮貌的行為是，他向外面等位的客人介紹菜式，居然是指著正在用餐的客人，這裡是動物園嗎，我用餐是供別人觀賞的嗎?真的難吃到生氣，連2個人只點了2個餐2杯飲品水吧都可以漏單，惟一可以

在旺角等人，點知塞車遲到。中午飯變吃下午茶，唯有快些醫肚，便一齊入咗間平民化的小西餐館。由於是下午茶時段，$35左右有主餐，仲有珍珠奶茶飲，都幾抵。焗芝士白汁海鮮意粉，熱辣辣上枱，白汁唔太鹹，海鮮唔係太多，意粉畧冧些。焗鮮茄豬扒飯，炒飯底都很熱，焗得很透，有很多塊菠蘿，所以鮮茄汁偏甜，但混飯吃相當不錯，豬扒都幾多同埋juice。可能由於是下午茶時段，份量似乎細啲咁。不過加上珍珠奶茶，凍飲一樣唔使加$，旺角地區算好抵啦。

今日一班人落mk食晚飯,打算去通菜街搵下野食咁有人suggest去意房菜,之前食過都覺ok 就諗住去多次我地一班人8點先到步,知道實冇位,加上我地人又唔少,所以覺得等下冇所謂去到個waitress俾左張飛我地話第2張就到我地,咁我都知佢只係呃住我地先,因為我都見到有2堆人數同我地差唔多o既人等緊

今天想在旺角找不是飯麵的選擇，在旺角超多選擇下，作新嘗試選了通菜街這家Little Fusion。價錢超級合理，本來沒太大期望但卻反而感覺食物質素非常之高，感到極為驚喜。首先說39元的芝士雞扒午市套餐， 午市套餐含餐湯羅宋湯/忌廉湯及餐飲(凍飲也沒有加價)! 套餐薯條竟然是厚切並配以鮮茄醬而不是一般的Ketchup, 這確是非常驚喜。 羅宋湯亦很認真制作，很濃很惹味！而飲品方面除了一般的奶茶咖啡亦可選擇台式飲料。這等價錢在隔壁的花園街是沒有可能出現的，這個發現真的是一大驚喜！

旺角好多細細間小店，今日想食西餐，入了這間。天氣咁熱.，餐廳內冷氣夠已加分。叫了煙三文魚卡邦尼火腿蘑菇寬條麵跟羅宋湯凍檸茶。羅宋湯好濃夠晒味， 卡邦尼意粉芝士汁多味濃，煙三文魚得1片，但都算大片。

平日因為工作太忙冇時間好好地同偽太食餐好既，所以今晚同偽太去二人世界。由於工作地方係旺角，最多食市選擇都係旺角，所以我地就去左女人覓食。之後見到呢間西餐就入左去喇!裝修簡單，餐廳乾淨。由於肚餓，二話不說就叫左呢間餐廳既招牌菜酥皮鵝肝牛柳配黑椒汁。牛柳口感適中，唔會太硬或太軟， 依然能夠保持牛柳本身既味道，鎖住牛柳既肉汁，鵝肝唔會太油。牛柳同鵝肝中間夾住一塊蒜蓉包，同時蒜蓉包又唔會因為夾左係牛柳同鵝肝中間而變到林哂， 蒜蓉包依然包留到卜卜脆既口感。

炎炎夏日黎到旺角, 餐廳選擇係好多既, 但黎到意房菜附近, 實在太熱啦, 加上很肚餓, 所以唔想再周圍行一大輪慢慢搵野食。下午茶黎講, 呢間真係一分錢一分貨既, 30幾蚊到40幾蚊, 有意粉/飯/薯條你簡, 仲包埋杯凍野飲, 對荷包唔深既我黎講係好OK 的!選擇唔少架, 打開本MENU 入面都仲有兩大頁選擇架~叫左個紐西蘭鑊仔牛柳意粉, 份量對女仔黎講係夠食既, D 牛柳都幾JUICY, 意粉唔會太多汁, O岩我~ 最起碼唔會煮得太軟~叫左杯香芋珍珠~下午茶唔洗加錢~座位其實係幾逼下架, 下午茶時間都一樣幾多人下~人多黎既話都有機會要等下位~~

做野做到3:00到，係附近食返個lunch,行過見到三十幾蚊一個牛扒飯，好抵咁😳決定試一試～我既lunch 查實已係下午茶時間，有12款選擇都係三十至四十零蚊，本身打算普通茶餐廳都無咩大期望，正常食飽就算。咁我就選擇左603跟飯既跟熱飲一杯，同事們就有食焗意粉或焗飯咁。野飲我叫左熱檸水，味道無咩特別，但特別在佢個匙羹，係個剷尼😂😂好過癮，不過篤落差少少，個角cake住塊檸檬落唔返尼😅牛扒飯到～賣相唔錯😳牛扒估唔到都幾大塊，我同事個牛扒意仲大塊😯伴菜有青瓜同蘿蔔，青瓜爽脆清甜，蘿蔔都無腥味。黑椒牛扒好似舊式餐廳既味道，除左大件肉都淋唔會痴牙，$36不收加一，有呢個質素算係好好。👏🏻👏🏻以後lunch又多一個抵食選擇😙😙

以前去旺角，多數都係掃街為主，但而家人大左，開始覺得食野應該要坐係度慢慢享受先得。臨近糧尾，所以呢間小店岩哂我!!😆 晚餐價錢由$69-$158，包左前菜、餐湯、主菜、甜品、餐飲!! 連埋加一，$100都唔駛就可以食到咁多野，真係經濟又實惠~~😀餐湯 – 羅宋湯，偏酸多菜，開胃餐湯 – 酥皮忌廉湯 (+$6)呢度既酥皮湯可以揀羅宋湯底，不過咁特別既配夾我就無試啦。😂酥皮唔係脹卜卜，不過都仲酥，可以接受；忌廉湯有少許菇同粟米粒，味道正常蒜蓉法包 – 焗得好脆，不過無蒜味無牛油味主菜 – 美國極黑豚扒拼黑松露什菌炒蛋配薯條 ($98)望落營養豐富，有肉有菜有碳水，而且仲有菠蘿做生果，幫助消化~😍豬扒都算厚身且大塊😮，食落唔韌又唔乾，肉質比較偏向用鬆肉粉”拿”過既嫩滑感，但仍然有少許爽口，而且無乜肉味😐炒蛋既黑松露味好香好濃，應該落左唔少松露；炒蛋亦夠滑😋。薯條非常粗，接近一隻手指粗；輕微炸過，表面少少焦同脆，但入面好粉既薯條；食落無咁熱氣主菜 – 紐西蘭西冷牛扒拼芝士條拌燒汁配意粉 ($95)西冷扒比豬扒更大塊!! 而且仲要有番咁上下厚度添!!😮牛扒中間位有少許粉色，除左筋位好韌之外，其他

喺旺角行街,又想慳錢,就周圍搵下有咩平嘅下午茶餐醫下肚,被呢間跟餐送珍珠奶茶吸引住,就入去食啦~~~焗葡汁雞皇飯,下午茶只喺$34,非常抵食一上枱,我嚇了一跳,焗意份嘅份量十分多,葡汁非常香濃,葡汁又好多,每條意粉都有汁,唔會太乾,但雞肉就有D乾身...最令我驚喜的是,一杯大大杯苿香珍珠奶茶,奶茶好香滑,珍珠都好彈口,好好味但就覺得太多冰....整體來講,呢個價錢,份量大,質素都好OK.值得再去食.

夜晚黎食，不得不讚個價錢真係幾平，60幾蚊起有set dinner, 有湯、前菜、主食、飲品，飲品選擇仲要唔係hea野，有珍珠奶茶同玫瑰花蜜揀，個玫瑰花蜜甜甜地，而且唔係假既人工味！個西湯鹹左少少之外都幾好飲，個蒜蓉包整得好脆，多啲蒜蓉就更好！但叫左果個手打湯烏冬味道真係好一般，個烏冬唔彈牙又淋（已經一上碟就盡快食）、份量又少，個湯係奇怪既味精味，同埋唔知點解個豬肉已經分開上，個湯烏冬仲係咁油。相較之下，個正常既豬肉好食好多。可能呢間餐廳既西式野會好好多，我朋友叫左意粉就話ok。成晚最好食既係果個前菜，一小碟蟹柳薯蓉！最抵讚係餐廳啲員工態度真係好好有有禮貌，仲會叫我小心個石頭鍋熱，夠貼心～話說溫馨提示，google map個位好似標錯左，搵左好耐先搵到😳😳😳

用一個平價錢食高質菜，確實很難得。入到旺角要食牛扒，一定會有自己喜歡的店鋪，這間店是我非常喜歡的一間。唔駛$150就可以食到一份豐富的牛扒美食，可說是親民價錢XD餐牌有好多不同選擇，唔食牛肉都唔怕。香草羊架有3件+.+ 羊肉的味道突出，只是香草味道不夠，如果再濃一點就更完美。另一份選擇了肉眼扒，肉的厚道足夠又大塊，選擇了三成的，肉汁夠鮮甜。薯角味道不錯，不是炸的，所以不擔心這頓飯太油膩。飲品方面(配送)：有好多台式飲品選擇，選擇了茉香珍珠奶茶，茉莉香味飄散，台式奶茶偏牛奶味重。怕肥可以選擇綠茶，仲有女生喜歡的花茶！餐湯：羅宋湯味道算濃郁好飲，如果喜歡可以加配酥皮。忘了說，還有蟹柳薯蓉的小食w不過環境比較迫，座位與鄰座沒有間隔，所以坐得不算太舒適。為了美食也是值得的。

同中學同學敘舊，嚟到依間以前同同學成日食lunch既地方唔知咁耐冇食過啲水準係咪一樣ok呢環境係感覺有啲窄同音樂較到太大聲了大聲到同朋友講野都覺得好辛苦仲好影響食野感受晚市比午市選擇多好多，仲有得揀鋸扒套餐但晚市價錢上就貴啲同要收服務費我就揀左食黑毛豬扒配黑松露磨菇炒蛋加意粉朋友就揀左鵝肝加脆皮牛配薯條首先先唻左碗紅或白湯兩碗都幾好飲，尤其紅湯唔會太酸入面仲好多菜另外，再配埋每人一塊多士。如果多士係外脆內軟就更好了而家呢隻感覺成個有啲太硬了黑毛豬肉好厚實又好大塊！上菜嗰刻見到咁大塊都o咗黑松露炒蛋我同朋友都覺得好好好食蛋好香好滑！意粉就係普通既茄汁意粉，冇咩特別朋友嗰鵝肝加牛配薯條啲牛肉都超厚又唔難咬真係幾好食！不過就冇我嗌嗰份咁大份了餐配既薯條都幾好食係自己鐘意嗰款薯條，同又夠熱！正最後仲可以揀甜品。店員俾我地揀牛乳or提拉米蘇我地都揀左食牛乳！雖然只係細細杯，但牛乳味好香濃！好食好想再食多幾杯呢總括，野食係幾好食的而且套餐有哂咁多野都算性價比幾好。但現場環境真係音樂太大聲了！令到食物幾好食都有可能會影響客人情緒喔希望如果下次再唻唔會仲係較咁大聲音樂