意房菜

營業中

休息中

今日午飯時間同同事們來到女人街搵食，我地一行7人入左呢間經常逼爆的西餐廳，我地7個人逼起張6人枱度，食得有d辛苦。呢間餐廳價錢不貴，1pm前買單仲每個餐減$5，一些特飲如珍珠奶茶都不用加錢，所以有好多學生去食。我記憶中呢度個忌廉湯一般，所以點了羅宋湯。黑椒西冷牛扒配薯條條，牛扒都算淋，不會難切和咬開，薯仔幾好味，但d青瓜和紅蘿蔔就不太岩胃口。焗芝士白汁海鮮飯，料幾多，而且好快就上，不用等好耐。蒜蓉汁牛脷燴長通粉，同事話牛脷幾淋。鑊仔牛柳配意粉，同事話唔太夠汁，亦有少少韌。珍珠奶茶珍珠略少，但呢個價錢算係好抵。