快樂．順景

營業中

休息中

快樂•順景，你想要哪一個？當你順景時，便會快樂了；當心境快樂，自然覺得事事順景，所以應該係兩者兼備✌️餐廳主打香港人手製造餅食和懷舊經典美食，所以一定要支持😄全日早餐，超級豐富包括有秘製他他醬炸魚柳，魚柳勁大塊，炸到金黃香脆而且不會油膩，香滑的黑松露蘑菇炒蛋、脆皮的法蘭克福腸、嫩口的火腿、粒粒飽滿的牛油粟米、清新爽脆雜菜沙律配甘香的胡麻醬、特色餐包，餐包不是普通的餐包，而係脆皮菠蘿包，入口暖暖哋，非常有誠意👍

去一轉快樂順景, 午市食物選擇好多 梗有一款啱你! 同屋企人去 佢哋好開心 可緬懷香港地道美食~蔥油豬扒太陽蛋飯 : 蔥油豬扒好惹味😆 仲有太陽蛋 撈飯好正!!全日早餐: 招牌菠蘿包 配吉列魚柳，炸得脆又抵食😋順便嘆番個包啦～食返件傳統忌廉筒、軟熟菠蘿包、沙翁新鮮岀爐，熱辣辣，無得頂🥖🥰

先黎2碗飯，蝦仁滑蛋飯❤ 同叉燒蝦仁滑蛋飯❤，黎到大大份，超級有份量，呢個價錢一定食得飽! 成大塊滑蛋鋪滿哂隻碟，滿滿既大隻爽口蝦仁同肥美香口既叉燒，原隻原塊上! 而且滑蛋入面有好多香口既蔥，撈埋食落唔油膩，仲好滑DODO既滑蛋夠哂香口，豐富嘅材料同味道，真係一啖接一啖! 推薦~黑椒雞扒餐❤2個食肉獸再叫咗多份黑椒雞扒餐，雞扒夠哂厚身，所以咬起黎啖啖肉，雞扒出面煎得香脆可口，而入面好Juicy食果陣仲有D肉汁流出黎，點埋香口惹味既黑椒汁，大滿足呀!

間鋪頭係公司附近，有興趣食澳牛的態度，可以試。食物差過巷仔記及大家樂，檸茶俾成杯冰你。炒蛋好干，冇味。另外，本人推薦除左巷仔記及大家樂以外，可以食希慎food court。如果貴少少，可以食十字冰室。

📍快樂．順景 (銅鑼灣)📍銅鑼灣蘭芳道3號地舖🟡常餐：雞白湯叉燒通粉 $58（+$5轉烏冬）配：火腿、嫩滑炒蛋、特色餐包🟡雪糕紅豆冰 （特飲+$12）🟡芋頭麻糬酥$18成日喺銅鑼灣經過「快樂．順景」，今日終於有機會食。叫了招牌常餐，雞白湯叉燒通粉，加5元轉換成烏冬麵，懷舊嘅烏冬麵味道，好正！即係茶餐廳先有呢隻味。雞白湯好鮮美，個餐搭配火腿、嫩滑炒蛋和特色餐包，個包真係好值得讚！加哂分！茶餐廳一定要飲雪糕紅豆冰！只需加12元，小朋友之選！係茶餐廳嘅朱古力雪糕，紅豆的甜度剛好，好有回憶嘅味道！最後叫咗我最鍾意食嘅芋頭麻糬酥，同台灣一樣咁正，冇諗過茶餐廳會有得食！芋頭好香，麻糬的口感Q彈有嚼勁，外皮酥脆，下次經過再買粒食！呢間銅鑼灣冰室真係合格，之前食過幾間銅鑼灣冰室都搞唔掂，「快樂．順景」食材好，簡單又快嘅常餐都做得好好！之後會再黎！

快樂餅店和順景茶餐廳為兩間歷史悠久、在灣仔相鄰的食店，去年分別宣布結業，有幸今年聯手在銅鑼灣捲土重來，賣的既是懷舊情懷，亦是香港的昔日完美味道。首先，我們來品味早餐B沙爹牛肉麵（$38）。牛肉片適度的煎烤，保持了肉質的鮮嫩和多汁，然後配上豐富的沙爹醬，與濃郁的沙爹醬相得益彰，最後搭配著彈牙的麵條，麵條與牛肉和醬料完美結合，整體口味濃郁，讓人食指大動。接下來，早餐B亦包括炒滑蛋和特色餐包（菠蘿包）。炒滑蛋的口感柔軟滑溜，口感非常順滑，搭配著菠蘿包的香甜口感，形成了一種獨特的味道結合，絕對令人驚喜。而菠蘿包則呈金黃色，外層酥脆，內部鬆軟。第三道咸牛肉三文治烘底（$28+$2）。以咸牛肉作為主要的內餡，搭配著烘底的麵包，咸牛肉的鮮味和麵包的香脆形成了一種美妙的口感對比。最後是凍咖啡（+$3）。既有咖啡的香醇和苦味，又能解渴消暑。凍咖啡的口感清爽，帶有微微的甜味，非常適合作為一個涼爽的飲品享用，成就一頓豐富的早餐。快樂•順景地址：銅鑼灣蘭芳道3號地舖

懷舊冰室重開，叫了一個快樂常餐，但食完不是太快樂。💜快樂常餐，瑞士汁雞髀撈公仔麵配火腿太陽蛋 $58（⭐️⭐️⭐️⭐️⭐️/5）先講個撈公仔麵，一上枱俾個雞髀size驚艷到，大過我手掌，雞髀嫩滑，唔會柴，剛剛好。瑞士汁甜鹹適中，公仔麵彈牙爽口，整體個撈公仔麵係出色既。配搭既火腿同太陽蛋味道正常發揮，餐包係菠蘿包俾到驚喜。份量足夠，菠蘿包食唔晒打包。個常餐其實性價比好高，但唯一不快樂既地方係個別男性侍應既服務態度唔好，放餐係大大力擲地有聲，飯品都爭啲倒瀉，問佢問題又唔耐煩，反而侍應姐姐服務正常。如果想繼續keep到人流，建議服務態度要有改善。✅性價比高✅食物出色✅適合朋友🧑‍🤝‍🧑聚餐❌個別員工服務態度唔好💰人均消費$60

【港人情懷。快樂順景】位於銅鑼灣的港式冰室， 由兩間老字號快樂餅店和順景茶餐廳聯營的。將懷舊美味撞上新派元素重新呈現。餐廳提供多款港式餐點，門口也有售自家手製懷舊忌廉筒、紅豆沙翁和各款新鮮出爐的麵包。❈ 蔥油香茅豬扒飯 HK$66 （凍飲+HK$3)蔥油香氣濃郁且不油膩，豬扒的份量頗多，肉質嫩滑，口感帶一點點彈牙，香煎的處理也保留了肉汁。流心煎蛋的蛋液配上米飯再加上蔥油的香氣會在口中慢慢散發，口感相融。凍檸檬茶的茶底香濃不會苦澀，正宗港式味道，很推。

今日嚟咗銅鑼灣行街，行到攰攰地搵咗間茶記，冇諗過勁好食，而且CP值又咁高✌🏻叫咗個沙嗲牛轉烏冬，個沙嗲牛真心好高質，沙嗲味非常之香濃，而且牛肉好嫩滑，而且烏冬嘅份量好足，作為下午茶餐超級飽，而且呢個係一個常餐，有埋個細菠蘿包配搭炒滑蛋連埋火腿，好滿足👍🏻另外仲叫咗個黑椒雞扒餐加薯條，我會話個雞扒好厚身，但係煎得好Juicy，仲好有肉汁，配搭埋香口嘅黑椒汁，同埋脆身嘅薯條，簡直滋味滿瀉😋臨尾點少得個甜品，嗌咗個一口多士配花生碎雪糕，一口西多士好好味，配搭埋花生醬蜜糖等等，每一啖都好邪惡，而且個雪糕係朱古力味，都幾好食，好有驚喜😍嚟得茶餐廳點都要叫杯紅豆冰，正常發揮又唔會過甜，凍檸茶都係水準之作，整體嚟講食得唔錯，上餐速度非常快😎

約咗朋友在附近食嘢呢位朋友好鍾意食茶記佢就帶咗我嚟食呢間茶記啦蔥油豬扒蛋飯 巨型豬扒我就叫咗個麻辣豬柳麵，冇諗過一間茶記都可以咁好食，而且服務很好，下次我都會再幫襯

知道鋪租貴，1張4人枱，4個都唔識，比國內朋友笑似坐牢，唔怪得個個返堔圳食，起碼有啲尊嚴，做客的都是有消費，坐對住果個咁近，真係食衰d煲彈咗啲咖喱汁過嚟，唔怪得我做都返上去自己攞嚟衰

成日比朋友問我，人生有咩意義，講真我自己都答佢唔到，但至少我知道自己而家做緊咩，每一日唔係白過，實實在在，就係最充實既一日，或者已經係最好既答案？ 📌全 日 早 餐 - $62▪️ 秘製他他醬炸魚柳 -▪️ 黑松露蘑菇嫩滑炒蛋 -▪️ 法蘭克福腸·火腿·牛油栗米·特色餐包 - ▫️ 你以為all day breakfast先可以係café食到咩，冰室一定得！呢個「全日早餐」有我最鍾意既炸魚柳，外層炸得夠鬆脆，裡面魚肉好juicy，完全唔乾，個sauce亦帶出鮮味，正；炒蛋夠均勻，口感滑溜，蛋香十足；整體我都覺得幾有驚喜；加2蚊仲可以將餐包轉奶油多呀！📌特 飲 -▪️ 咖 啡 紅 豆 冰 - (+12)▫️ 黎得冰室，野飲點可能唔嗌杯經典「咖啡紅豆冰」，甜與苦之間既bonding，紅豆份量又多，絕對係誠意之作。

快樂．順景 地址: 銅鑼灣蘭芳道3號地舖快樂麵包店在灣仔區多年歷史，港式麵包忌廉筒好出名，只要唔怕肥（因用植物油脂打成忌廉，會企身好多，油同糖就是肥），佢變了同老牌港式茶餐廳結合，今日終於有機會一試。$66 蔥油豬扒煎蛋飯 ，見是店家推介一定要試試先。豬扒厚身用了香茅醃製，富油脂加上煎太陽蛋，太量蔥油同甜鼓油用來撈飯，已是平凡又美味。瑞士汁雞蛋飯，雞髀多肉個汁索曬入去。麵包是好食，egg tart 細細個，幾口就可以食完，老婆餅個餡似mochi 口感。

快樂順景價錢💲: $58/ $68/ $12-18好味程度😋: 3.7/5服務🍴: 3.4/5環境🗾: 3.4/5性價比🥢: 4/5回頭率😚: 3.4/5-灣仔的快樂餅店超有人氣，而家呢間位於銅鑼灣的茶記正正就係有佢地的包食，唔洗排隊都食到佢地的出品啦！餐牌上唔多選擇，都係一般早餐/ 茶餐：扒餐，經過可以係門口買個包食😆-✅瑞士汁雞脾撈公仔麵常餐。雞脾大隻入面，已經滷到一切就散，某啲位置有小小柴，但普遍都可接受。因為用瑞士汁所以唔會太鹹，而係甜甜地😉 公仔麵煮得啱啱好，夠硬同挺身😍 常餐另外包括的火腿炒蛋都正常，炒蛋滑得來好濃蛋香。跟餐迷你菠蘿包面頭的皮鬆化，如果可以係熱就好！-✅✅叉燒蝦仁滑蛋雙拼飯。🥚的份量非常多完全覆蓋所有飯🫣 蛋好滑，入面包住叉燒同🦐，成碟好豐富！蝦幾大隻，叉燒都有好多片。個人好鍾意佢個炒蛋裡面好多蔥☺️ 撈飯超香口。-✅腸仔包。超級無敵大個🤩條腸唔頹，係條長的脆皮腸來👍🏻 包住佢的包夠軟熟，有小小千島醬，味道唔單調。-✅芋頭麻糬酥。同台灣手信個d酥差唔多，酥皮唔油膩，鬆化。入面包住滿滿的芋泥，味道都唔人工😋 係有小小甜。中間的麻糬好大舊，係好黏個隻，成粒好似食緊

店名: 快樂．順景地址: 銅鑼灣蘭芳道3號地舖銅鑼灣站F2出口，行4分鐘環境: 3.5/5價錢: 3.5/5味道: 3/5快樂餅店之前個忌廉筒好出名，今次佢哋喺銅鑼灣開咗茶餐廳，夜晚一於嚟試吓，入邊裝修算懷舊，幾有特色😗叉燒蝦仁滑蛋雙拼飯❤️❤️❤️$68份量十分多，炒蛋嫩滑，叉燒份量多，但比較韌，蝦仁大隻爽口，但整體偏咸🥲食到後面一直要飲水😕凍檸茶❤️❤️❤️+$3茶味香但比較淡，茶味唔算好出🙈瑞士汁雞髀撈公仔麵配火腿、嫩滑炒蛋、特色餐包❤️❤️❤️❤️$58公仔麵彈牙，唔會煮到過淋，雞髀大隻，肉質嫩滑又入味🤩炒蛋口感嫩滑有奶香，唯一扣分位係菠蘿包，同樣係凍嘅😢阿華田雪山❤️❤️❤️+$12整體來講無咩特別，但上面嘅cream令佢飲落太膩，都係飲普通奶茶咖啡會更好😂芝士腸仔包❤️❤️$18咬落係凍嘅，麵包因為凍哂口感太硬☹️芋頭麻糬酥❤️❤️❤️$18麻糬軟熟有拉絲，但都係凍哂，而且食落無咩芋頭味，略為扣分😕