快樂．順景

營業中

休息中

今日晏晝去咗銅鑼灣，食個午餐先，經過見到有一間冰室，佢就係快樂順景，呢間冰室嘅午餐非常之抵食，亦都非常之份量多。我叫咗個午餐，佢係一個麻辣撈公仔麵，首先麻辣味好重，真係食到成頭汗，而佢嘅配菜，係一大塊極大塊嘅煎豬扒，煎得甘香可口非常好味。而佢仲有配搭火腿、炒蛋等等嘅常餐配菜，所以佢嘅份量係非常之多。最特別特別嘅係，佢嘅餐包係配菠蘿包，佢嘅菠蘿包亦都唔細個，而且非常鬆軟又好味。最後，配埋一杯冰凍嘅檸檬茶。

𓊔 𓊔 𓊔本來位於灣仔的老字號 — 快樂餅店和順景茶餐廳 開業近四十年，去年光榮結業後很多人表示不捨。所以今年5月決定以聯營方式，選址銅鑼灣蘭芳道，創立全新港式冰室 — 快樂．順景，主打香港人手製造餅食和懷舊經典美食。失而復得的港式情懷，一定要去支持一下。𓈎 快樂常餐．特濃番茄薯仔湯牛肉通粉 $58牛肉薄而嫩滑，蕃茄湯頭非常濃郁，裏面有蕃茄肉和薯仔粒，足料！配上火腿反蛋餐包，餐包不是普通餐包，而是菠蘿皮的！很有誠意。𓈎 快樂常餐．瑞士汁雞髀撈公仔麵 $58瑞士汁鹹甜平衡得剛好，公仔麵爽口彈牙。加上大大隻雞髀，配火腿炒蛋餐包，很滿足。𓈎 快樂忌廉筒 $15 來的就是為了這個！傳統冰室餅食買少見少，忌廉筒以酥皮包著忌廉，外皮香脆鬆化，忌廉餡比想像中輕盈，不會太油膩，好吃。𓈎 流沙椰絲雞尾包 $10麵包很實在，絕不是「空氣包」。流沙椰絲甜而不膩，老字號出品就是不令人失望。港式冰室的獨特風味和經典美食，實在應該繼續傳承下去。特別喜歡他們的麵包餅食，可惜胃容量有限，很多經典出品如沙翁唯有留待下次再試。𓊔 𓊔 𓊔

將兩間人氣舖頭合二為一，所以超級多人都要排吓隊，經典嘅香港味道芝士黑松露炸雞髀伴沙律🍗（$50）真係驚艷！啲炸雞髀外脆內嫩，仲有香濃嘅芝士同黑松露風味，一試難忘。而沙律清新，爽口，同炸雞組合得好啱口，令味覺有層次。忌廉筒（$15）忌廉筒係絕對嘅甜品享受。呢杯忌廉筒質地滑順，入口即化，忌廉香氣令人陶醉。甜品愛好者絕對唔可以錯過呢款經典。熱奶茶香港味十足嘅經典飲品，每次去茶餐廳一定要飲，咁先有香港嘅味道

特餐 $62有好大塊嘅炸豬扒配公仔麵，豬扒有醃過味，所以食落去好香口。另外個配料仲有菠蘿油，同埋炒滑蛋。焗菠蘿油冇得輸，啱啱焗到出嚟好香，再加埋冰凍嘅牛油，冰火交融，一定要食菠蘿油，世一。常餐 $58吉列豬扒烏冬，好耐冇食過呢一隻烏冬，係壽桃牌嗰隻，好懷念。吉列豬扒炸到非常之脆口，吉列豬同煎豬扒有少少唔同，佢嘅調味冇咁重，而且口感係仲加之香口。個餐包都係菠蘿包嚟，菠蘿包真係超級好食，啲蛋好滑。凍奶茶雪糕紅豆冰係一款好懷舊嘅港式餐飲，間唔時飲一杯真係好開心。

終於星期五冇去食Fine Dining去左我最熟悉嘅銅鑼灣@快樂順景鋸個港式扒🥘冇左塊鉄板風味減少小小影，感覺冇咁有儀式感，但相反又冇咁油煙，食完頭髪冇一陣味，之後可以去行街街。香煎牛扒、豬扒、鷄扒也合平預期，食到黑椒的惹味，配上粗薯條和甜粟米，挺飽肚。我嘅XO 醬滑蛋牛飯，都係必點名物，炒滑蛋上狠狠地加上XO 醬，絕對令香味升華，炒滑蛋牛肉混為一體，牛肉夠稔，不過冇乜牛肉味，配白飯底，好容易令人食到清碟。至於雪糕紅豆冰就我的童年回憶，一大球雲呢嗱雪糕；1/3 甜糯紅豆蓉和濃郁的花奶，就是正所講的完美比例。熱鴛鴦帶多個叉燒包第二朝做早餐叉燒包相當聚首，餡料十足，叉燒切得比較碎，但一樣唔影響佢嘅味道，叉燒汁做得唔錯，鹹香帶點甜味，包餅果然係佢哋嘅強項。每人一百幾拾，快樂其實超簡單✅

星期六夜晚去咗銅鑼灣食冰室，去咗呢間新開嘅快樂順景，叫咗兩個主菜。瑞士汁雞髀煎蛋飯，瑞士汁雞髀好入味，配上流心煎蛋，送飯一流😋😋叉燒蝦仁滑蛋雙拼飯，呢個10分推薦，滑蛋超級濃郁，叉燒亦都好肥美，蝦仁亦都好爽口，每一啖飯都配上豐富嘅材料，超級推薦！！😆😆😋😋

好耐冇試過食茶記下午茶! 呢日去咗快樂•順景食下午茶，冰室好有人氣，星期日都要排隊等一陣先有得入座。孜然生炸雞髀(送熱飲$48)呢個幾乎每枱必點，食完都覺得值得一試！雞髀分量十足，外皮炸得香脆，肉質嫩滑多汁，撒滿孜然粉更加惹味！可以配薯條、菠蘿油或雜果沙律，好懷舊！沙爹牛肉煎蛋米粉(送熱飲$42)呢個相對下就比較普通，沙爹牛肉調味甚鹹，欠花生香。兩款下午茶餐都奉送熱飲，喺銅鑼灣嘅講，性價比確係幾高！冰室亦主打麵包，當中仲有好多市面已經買少見少嘅款式！我就揀咗傳統忌廉筒（$15），由於手工繁複，而家已經好少麵包店供應，難得見到當然要一試！忌廉筒酥皮鬆軟富牛油香，包住香滑嘅奶油，邪惡但美味！相信如果新鮮出爐，會更加好食！身為榴槤控，見到有榴槤菠蘿包（$18）又點可以錯過！餡料真係加咗榴槤醬，味道濃郩。下次有時間都想試埋沙翁同雞批呢！

快樂、順景，你想要那一個？當順景時，人便會快樂；當人心境快樂，自然事事順景。故此，應是兩者兼備。冰室門面設計時尚，麵包櫃放滿一個個新鮮的麵包和蛋糕，款式眾多，吸引了不少客人排隊買麵包蛋糕。內裏裝潢同樣時尚，非一般傳統冰室的設計。設有多張二至四人枱，枱與枱之間空間較少，大家要坐得親密一點。餐牌設計清晰精美，附有圖片。分別有順景推介、滑蛋飯系列、快樂常餐、快樂特餐、全日早餐、港式扒餐、下午茶餐、西多士系列、三文治餐、自選公仔麵、飲品等，選擇多多。我叫咗快樂常餐R2: 秘製沙嗲牛肉米粉（$58）。常餐還配鹹香嫩口的火腿、鮮香嫩滑的炒蛋和特色餐包。特色餐包是迷你菠蘿包，入口暖暖地，菠蘿皮好酥脆，包身很軟熟，味道甜甜地，帶些牛油香，好吃！秘製沙嗲牛肉米粉好足料，牛肉份量不少，嫩而入味，沙嗲香辣帶些花生醬香，味道香濃，正！米粉煮得剛好，沾上沙嗲醬，爽滑入味！朋友點了一份全日早餐 （$62），超級豐富，大大份好滿足！有秘製他他醬炸魚柳、香滑的蘑菇嫩滑炒蛋、鹹香的法蘭克福腸和火腸、粒粒飽滿的牛油粟米和特色餐包，還有清新爽嫩的雜沙律配甘香的胡麻醬。大大塊炸魚柳，份量十足，炸得金黃香脆而不油膩，魚肉雪白嫩

銅鑼灣搵到呢間嘅港式餐廳門外仲有懷舊風味嘅蛋撻麵包餐廳全場爆滿，門外仲企滿等位嘅食客店員好有效率．好快可以入座除咗常餐之外飯類都好出色✨XO醬滑蛋牛肉飯即叫即製．面層滑蛋滑嘟嘟牛肉軟腍唔靭，好有份量加上XO醬特別惹味✨紅豆冰粒粒紅豆夠淋．而且唔會太甜夠哂冰凍係兒時嘅味道呀✨快樂忌廉筒忌廉筒外層比預期更酥脆裡面加入滿滿幼滑嘅忌廉既香口．又邪惡菠蘿包同呢個都係必食次選性價比高．以後Lunch又多個選擇

今日要趕住去探長輩們，所以要食過快飯~茶餐廳就最啱！入到去新淨光猛，啲staff好nice又好風趣，唔似啲光速茶餐廳成日都趕客咁樣~😂🔹XO醬滑蛋牛肉飯🔹 我估係自家製XO醬，好香瑤柱味，但唔辣嘅~蛋同牛肉都好滑~加埋啲豉油汁，係滑溜版嘅芙蓉蛋飯咁~🔹快樂常餐🔹有火腿、炒滑蛋同特色餐包，個餐包係菠蘿包，其他餐廳點會有吖！真心正~🔹瑞士汁雞髀撈公仔麵 🔹呢個絕對要推介！瑞士汁味道同分量剛剛好！唔會太甜，唔會多到浸住個麵~個麵好爽，啲汁撈到每條麵都有，好味！🔹阿華田雪山 & 雪糕紅豆冰🔹打卡一流！配合返冰室主題~阿華田好濃，紅豆冰好足料！🔹特式包點🔹忌廉筒、蛋撻、菠蘿包、雞批~特登叫黎打完卡，就打包拎返去俾長輩們食，佢地見到忌廉筒發光咁，全部share黎食好開心~

要杯水都唔肯，立刻黑面！只能說食物質素OK！但在銅鑼灣仍然做出這樣的服務態度，決定以後不會再幫襯這間餐廳了香港的餐飲業就是比這些茶餐廳搞死了，沒有人逼你們做生意的，也沒有人逼這些員工返工的！既然你們不喜歡做服務業，為何不躲在屋企睡覺呢？雖然知道這些茶餐廳不擔心沒有生意，但這樣對待客人他們一定會有報應的！感覺上堂食他們就是不開心，建議大家到其他餐廳，銅鑼灣也有很多茶餐廳的選擇吧，請不要幫助這些無良的餐廳！

下午茶食依啲希慎廣場附近的茶餐廳有越開越多的趨勢，開左幾個月的「快樂冰室」是我近期的新竉，最吸引是它的飽餅由土炮快樂餅店出品，在金鐘出曬名以懐舊包餅帶來街坊福利。當然茶餐廳落户銅鑼灣這地段，自然地包包也做得更精緻，價位高一點也合理。叉燒包$16真叉燒包，麵包軟熟、超級爆餡、貴得有道理。蛋撻雖然已經擺咗一段時間，我但因為放喺暖墊上，所以但我仍然係暖，蛋漿已經收水，入口仍然好滑，曲奇皮都幾脆幾香口，如果新鮮出爐應該好正。熱奶茶熱央兩杯都好有水準，絕對係水滾茶，靚比例亦都做得咁好。

呢間位於銅鑼灣的快樂·順景餐廳，裝修乾淨企理,上菜速度快,提供了一個美味的快餐選擇。他們的快樂常餐$62 包括有菠蘿油、豬扒公仔麵、火腿同炒蛋，真係非常豐富,物超所值！他們的菠蘿油超酥脆，非常美味。另外，他們的豬扒公仔麵也值得一試，大大塊豬扒炸得超鬆化，肉質嫩滑多汁，配上彈牙的公仔麵，絕對讓人食指大動。另外，仲有火腿同炒蛋，炒蛋口感嫩滑，有蛋香味。總體而言，快樂·順景餐廳以其美味的食物和實惠的價格而聞名，是一個值得一試的地方~

老字號的茶餐廳聯乘傳統的餅店在銅鑼灣重新出發，快樂．順景 Happy Cafe 便是由快樂餅店和順景茶餐廳合併而開的。裝修很明亮，座位夠寬落，坐起來都舒服。在店面還設有麵包櫃，大家可以在那外賣麵包。🍜快樂常餐．秘製沙嗲牛肉公仔麵 ($58)常餐會配火腿、嫩滑炒蛋和特色餐包，炒蛋真是幾滑幾香。特色餐包是一個菠蘿包，即食的話幾鬆軟。這間的沙嗲醬很惹味，吃落有花生香，牛肉的口感也很柔嫩。🥤凍奶茶 (+$3)有叫少冰，不過好像和朋友那杯正常沒太大分別。喜歡甜度適中，亦很香滑順口。

銅鑼灣嘅茶記都幾五花八門門面設計都幾得意有興趣都可以試下快樂順景嘅月餅🥮打卡: ⭐️⭐️⭐️ 整體係幾乾淨，啲野清清楚楚好吃: ⭐️⭐️⭐️⭐️價格: ⭐️⭐️⭐️⭐️又係平靚正啦~服務: ⭐️⭐️⭐️⭐️⭐️比起其他茶記，快樂有禮貌好多起碼唔係呼呼喝喝✨ 溫蛋牛肉飯不得了！非常滑！料多！香口！必吃！✨ 炸魚沙律沙律醬還蠻多✨ 波蘿油ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 快樂順景📍銅鑼灣蘭芳道3號地舖