快樂．順景

營業中

休息中

「快樂順景」，不是新年揮春句語，也不是佳節的善頌善禱：那不過是每個凡人的普遍願望而已！還有：那是一家位於CB蘭芳道的茶記店名。就因為沒有「茶餐廳」、「冰室」等形容，鄙人一直就走漏了她，直到這一天，另一個未曾計劃的「奇遇」來臨。傳統旺區的小巴總站旁，從來都食肆林立。南與北、一個還沒有來到的年份，是蘭芳道飲食歷史的一個個小段落。在附近一帶想找個至少像樣的茶餐，終於看到了她。應該說，她從來都在眼前，只是到這刻才進入意識！這是兩個「傳奇延續」的其中之一。話說皇后大道東，有兩家相鄰的老店、小店，一家是麵包店，一家是餐室。隨時代的更迭，兩店先後結業了，倒是前者走得比較「轟烈」，連大台都來懷緬一番。後來麵包店在一街之隔「重生」了，又吸引了不少注意力；原來本是鄰居的兩個名字，在這裡竟合體了！那是餅店的第二個搞作。鄙人實在見識少，相信您早就知道了！最初吸引我這個「餓底」目光的，是她的雞髀茶餐：有三個款式，瑞士汁的、炸完再加孜然粉的、還有加上芝士與黑松露的「輕奢」版本。雞髀是同伴的心頭好，所以一「發現」就被鎖定了。雞髀餐配薯條或沙律，十分常見。這裡有一個加兩蚊轉菠蘿油的選項，也不是沒有見過，甚至「免費升級

快樂·順景😘😘😘人人順景人人快樂銅鑼灣「快樂·順景」是由灣仔舊鋪、快樂餅店和順景餐廳、遷移銅鑼灣、🈴️併為新鋪、靚靚環境、坐得舒服、食🉐️招積😛😛港式扒餐黑椒牛扒餐🥩👍🏻$75+$3 轉凍檸茶🥤大大片共有兩片牛扒🥩、手掌🖐️咁大、濃香牛味、軟綿綿、夠腍身、淋上黑椒汁、惹味又滋味、伴金黃脆脆薯條🍟、飽肚🈵️足！勁正👅快樂常餐瑞士汁雞髀撈公仔麵👍🏻$60+凍鴛鴦🥤配火腿、特濃4.3牛乳炒蛋及特色餐包瑞士汁炆滷大大隻雞髀🍗、色澤均勻的豉油色、肉嫩入晒瑞士汁味、邪惡雞皮都咁好味🤤、公仔麵撈甜味瑞士汁加蒽花、麵條🍝軟腍度剛好、煙韌彈牙、4.3牛乳炒蛋🥚、濃香蛋味又滑嫩creamy、特色餐包（迷你菠蘿包）、精緻可愛😻、脆卜卜外皮、yummy yummy !必食、快樂忌廉筒$15、每日人手製作、外層酥皮烤烘雪糕筒形、金黃酥脆、中間注入餡料、奶香的忌廉！入口鬆化、溶於口裹！紅豆沙翁$13傳統手藝包點、炸至金黃外脆、沾上砂糖、內𥚃鬆軟充🈵️蛋香、加上軟綿紅豆🫘饀、甜而不膩👍🏻提子大麥包$16半呎長、大大個、人手製作、烤烘金香、色澤均勻、餡料黑提子🍇乾、麥包的好配搭！快樂·順景銅鑼灣蘭芳道3號地舖港鐵銅鑼灣站F2出

My colleagues suggested going to this resto since I am a frequent buyer of Happy Bakery, and they said I shd try this cafe which was co-founded by Happy Bakery. .We all ordered Happy Regular Set, which included ham, scrambled egg and signature bread (pineapple bun and croissant on that day). I got Pan-fried Pork Tenderloin with Stirred Spicy Instant Noodle. The pork tenderloin was super huge and quite meaty. The instant noodle was spicy and numb with a chewy texture. It was quite salty though. F

搵位度：🌟🌟🌟好食度：🌟🌟🌟🌟抵食度：🌟🌟🌟🌟每朝返工經過都要食佢個菠蘿包咁滯，確實係鬆脆可口。後尾有一次入咗去食佢份早餐發現確實係幾高質，呢個最普通嘅鮑片火腿通粉，出面好多時個湯唔湯唔水咁樣，佢唔會呀，真係做返最傳統港式嘅嗰個湯底俾你，每朝早暖胃又開心。另外值得一讚你就係佢個咖啡都幾好飲，雖然唔係咩即磨咖啡嗰啲，但係啡奶比例做得好，自然香滑。另外一個賣點就係佢餐包係菠蘿包，不過發現佢依期轉咗冇就咁門口買外賣嗰種咁好食。

態度好差越嚟越似澳牛佢應該只做外賣！不過我會叫我附近所有嘅同事朋友都唔好再食呢間啲嘢食幾有特色都冇用如果啲服務差到咁！我坐低加食左都唔夠20分鐘我本身係食得快，但係都唔使講頭講命收曬我啲嘢，搬曬枱，然後特登叫人搭枱搭落我前面（重點有其他食客早過我嚟早過我走所以有其他位），擺明好想趕我走咁，我食得快唔代表你可以趕我走！咁X澳牛不如門口寫限食時間直接趕客走算啦！又要做生意又要咁！！傻的嗎？！

食物難食，兩份菠蘿包同菠蘿油係凍嘅，蛋撻係冧嘅，常餐塊豬扒薄到張tempo紙巾咁，所謂雞白湯叉燒通粉，其實係味精清雞湯，通粉硬又未熟哂，咁樣唔係叫Al Dente, 鴛鴦無茶味無咖啡味， 環境侷促冷氣通風都無乜，出風口直頭污糟邋遢，衛生失佳，侍應服務還算友善，除左收銀個女人，行去埋單見住我企係前面，都選擇打埋個message 先，全程黑面無反應，唔會出聲confirm價錢，唔會問你用咩俾錢，唔會講聲多謝，唔會講聲拜拜。 呢種餐廳唔該唔好再影衰哂香港有心做飲食嘅人，你無心機做唔該執左佢，客人無欠你地的

只需港幣63的常餐、份量很足對香港人來說，兩個人也夠吃的，美中不足就是菠蘿包太硬了…其他還可以！如果可以改善一下菠蘿包的鬆軟度就完美了！火腿也可以煎一下會比較香！

近3個月係隔離做完gym都會黎呢度食，食物尚可，但個收銀真心差，平時黑口黑面都算，今日真係不得了，佢連作為一個人既基本禮貌都冇。今日我如常入去，可能忙冇人企門口，我禮貌性地同個收銀講左聲「唔該一位」，但係目中無人既佢完全唔理我，連抬高頭望都唔打算望我一眼，剩係係度禁手機。當刻真係覺得自己完全不被尊重，即刻講一句「唔食喇」調轉頭就走左，真係唔會再有下次。不過都要多謝個收銀阿姐令我發現隔離餐廳一樣有我要既野食，埋單只需要65蚊，服務態度又唔錯，起碼唔洗受氣，仲每日幫我慳返$20，都叫因禍得福。

今日去了上年開既快樂茶餐廳，前身就係灣仔快樂餅店，而家有成間茶餐廳啦。快樂餅店出名有懷舊包點，這裡一樣樣樣都好吸引🤩！我們今次係想食個早餐，等位等左5分鐘，留意到佢出面嘅麵包，個個都勁大個。等我入去試吓佢早餐好唔好食先。我們叫了一個蕃茄湯午餐肉粒通粉餐，另外一個雪菜肉絲麵餐，兩個都包一個細嘅菠蘿包同埋炒滑蛋。好過癮成個沙律，咁我哋梗係原諒奶茶啦，早餐奶茶真係唔同啲。碗麵同通粉都係大大碗，而且呢個餐只係$40咋。真係好抵食。

久唔久都去呢度食早餐，貪佢大大份之餘質數又有保證今日同朋友仔去食，大家都送完小朋友返學又就腳全日早餐 $64FuCay秘製他他醬炸魚柳Deep Fried Fish Fillet with Tar Tar Sauce特濃4.3牛乳炒蛋Scrambled Egg法蘭克福腸、煙肉、茄汁焗豆 及 特色餐包Frankfurter Sausage, Bacon, Baked Beans and Signature Bread炸魚柳超大塊，外脆內軟，點埋他他醬好惹味！炒蛋勁滑，口感豐富！ 最鍾意佢個餐包係香脆菠蘿包！ 如果細食叫一份share都夠另外餐飲最鍾意呢度既特飲跟餐都只係+$12！非常抵飲！我就叫左呢度既咖啡紅豆🫘冰！苦苦地既咖啡夠提神又加埋甜糯的紅豆非常match!

今日放假難得可以早起，當然係落去食返個靚早餐啦😎🤝🏻 位於利苑附近嘅快樂順景我哋放假嘅必食之選😆😆地點就腳，環境雅致，座位亦相當闊落😍今日整返個all day Breakfast🤤 即炸嘅魚柳，表皮非常脆😆 刀割落去有清脆嘅聲音，非常治癒🔪 外脆之餘裏邊仲非常之嫩滑😍魚柳嘅下便就係我最愛嘅黑松露蘑菇炒滑蛋，黑松露一啲都唔吝嗇，落得好多！非常惹味！另外仲有一個西冷牛扒餐牛扒大大塊份量十足 配上沙律菜及滑蛋 真的大滿足！我哋仲叫咗個沙嗲牛麵雙牛夾擊😎 港式牛麵早餐必叫牛肉肉質細膩 沙嗲味超濃郁雙重滿足再加埋紅豆咖啡冰呢個早餐真係滿分了💯快樂．順景 (銅鑼灣)銅鑼灣蘭芳道3號地舖

快樂．順景 地址: 銅鑼灣蘭芳道3號地舖電話: =====================常餐，伴住傳個人長大 ，細過父母帶我去食，一家坐在卡位，一碗麵，火腿雞蛋同toast,小胃截到滿滿。呢間快樂順景結合了兩大老店，吃到香港式麵包同茶餐廳。$60 先煎豬柳麻辣撈公仔麵，麻辣撈麵好惹味，而重點是個包，是mini 菠蘿包，因愛食包所以次次都比佢引到我點常餐。蔥油蛋豬扒飯是名物，豬扒大塊厚肉，醃到入味，蔥油同豉油汁好下飯$5 麻薯波波，味道視當天有朱古力 手掌心大qq 口感台灣我芋混酥，我本身好鐵意食，$18 ，好重手芋泥，唔太甜好食，紫色好靚

第一次寫食評，估唔到係嬲到要寫負評，仲要係第一次幫襯依間，亦係最後一次幫襯！首先同同事買外賣時，對於餐牌有不明白問一句，都俾佢串話：「唔係一定要睇圖，加錢咪可以轉，唔明有咩問題！」咁唔明問下都正常，你做得生意，客唔明就應該解釋，個餐牌圖令人難明，會唔會係你餐廳要改進先岩，使唔使咁差嘅態度！之後問點解收個錢會貴過牌餐，又串話：「點呀！外賣要加錢！」仲要眼啤啤，其實你唔講，客又點知要加錢，服務態度真係差到可以攞全港第一，仲要我哋買個兩個包都唔熱，又痴牙，一啲都唔好食！我前面有對外國人買野都係咁俾佢串，佢哋都用英文呻咗句！其實銅鑼灣咁多餐廳茶餐廳既選擇，真係唔需要俾錢買難受，仲要野食唔好食，加上世一差既服務態度，真係百年難得一遇，我同同事都唔會再幫襯，亦會叫身邊既同事朋友唔好幫襯！

喺銅鑼灣行完街三四點，想搵間冰室食個港式下午茶。喺SOGO行過嚟，4分鐘左右，就搵到呢間冰室，地點好方便！裝修都好別緻～我哋想輕鬆食個下午茶，揀左菠蘿油同西多士～每一樣嘢都好好食，冇中伏！🌟一口西多士配雲呢拿雪糕西多士的蛋液包裹得好好，又炸得啱啱好！一口就食一口西多士😍😍配埋雪糕，又凍又熱，感受係口腔融化嘅感覺！雖然好邪惡，但係好好食！！🌟菠蘿油熱辣辣嘅菠蘿包配合凍冰冰嘅牛油！！真係冰火兩重天！口感同味道都豐富複雜！！😍😍👍🌟最後，當然唔少得一杯紅豆冰同黑牛，去配搭西多士同菠蘿油～❤️❤️

細個住灣仔時成日會去呢兩間鋪食早餐同買麵包，知佢開左向銅鑼灣，但都係近排去Sogo順片去試下隔左咁多年，佢杯凍檸檬茶都係一樣味，仲係咁濃茶餐選擇都多，價錢又唔算貴，黎銅鑼灣唔知食乜好就會過左黎呢間食。今個月已經第2次黎，瑞士汁雞髀個汁好味，撈麵剛剛好，常餐有個細波蘿包好好味，黎呢度一定要食佢d包先滿足但呢間鋪無賣炸咖哩牛肉包，黎左兩次都唔見有，希望下次會見到，唔洗特登去灣仔麵包店先食到。每次食完個常餐都會買麵包外賣，夜左就好多包都賣哂。