快樂小羊火鍋餐廳

營業中

休息中

呢間食打邊爐嘅餐廳規模比想像中大，有成兩三層，裝修幾靚，吊燈好有特色，而且座位闊落，好適合一家大細或者同成班朋友黎😚😚😚餐廳配料選擇好多，除咗有一系列羊肉、牛肉、豬肉，仲有串燒、小食、甜品等可以揀，應有盡有👍🏻👍🏻👍🏻湯鍋有1人鍋，雙人鍋，以及供3位以上嘅鍋~而家仲做緊食$300送$300現金券活動湯鍋我哋揀咗成雙鍋 $88 ，麻辣同清湯，麻辣湯底夠辣又夠味，清湯清淡得黎唔會完全無味😋😋肉類我哋點咗做緊特價嘅A級羔羊肉$28，超級大盤，呢個價錢十分抵👍🏻👍🏻而且一啲都唔羶！牛肉點咗美國M5和牛（小份）$84，牛味較重，油脂偏多，食落好嫩口🤤🤤仲有西班牙黑毛豬（小份）$79，豬肉比想像中嫩口同香，肥瘦均勻，推薦！！配料點咗自製土豆粉（小份）$14，口感煙煙韌韌，幾好食👍🏻👍🏻鴨血（小份）$24，份量唔少有成六片，抵！海帶苗$26，口感爽脆，唔錯😋😋我哋仲叫咗雙椒一口牛串燒$28，牛肉好嫩好多汁😚蒙式烤羊串$26，羊味偏重，烤得好入味😋😋甜品叫咗紅糖糍粑$38，紅糖份量啱啱好，糍粑煙煙韌韌韌，好有口感最後，嘢飲叫咗水蜜桃特飲$27，兩個茶位$32~

小朋友考完試，日日放早，最啱就係去食靚午餐。小朋友鍾情打邊爐，今日就試吓呢間羊羊打邊爐。之前都收到風，午餐超抵食，3.8折，真係超抵喎，會再食😋我哋叫咗蕃茄鍋，四喜臨門（四款唔同嘅羊部位），機爽脆脆牛舌，美國牛肩脊，蒙式烤羊串，炸魚皮，蒜泥雞肉。然後加咗一杯巨峰提子沙冰，一杯可樂，早知小朋友個杯沙冰咁靚，我都嗌多一杯啦。四喜臨門，即係有羊嘅四種部份，喜歡羊嘅朋友，一定要叫，四種不同層次嘅牛，一次過可以食晒。羊肉味好香，大大份，好彩小朋友發育時期，勁鍾意食肉，個樣淨係打卡都抵。每片切得好薄，淥一陣就可以食，入口即溶，仲有豐富羊香味另外牛舌都好味，薄薄地一片，食嘅時候有彈牙嘅感覺，夠咬口。牛肩脊都好味，好香牛肉味，薄薄一片，快熟又好味。烤羊串都好惹味，加咗孜然粉，同羊肉好夾，喺鐵板上，嚟到熱辣辣即刻食。炸魚皮同埋雞肉，都係正常發揮。正常好味。只係有啲估唔到杯沙冰有驚喜，好大杯，仲要啲味唔係太假。打住邊爐仲可以冰冰爽吓，爽爆😝另外仲有醬料自助區，蔬菜自助區，任攞任食。材料仲要新鮮。總括，性價比高，一定會再食，羊肉真係無得輸。😋Yummy Yummy: 9/10😋

-快樂小羊火鍋餐廳-📍旺角.餐廳喺旺角波鞋街附近，鋪面好大，每個座位都好寬敞，坐得好舒服。超級抵食的半自助火鍋、食材新鮮好味而且完全唔貴，而且有10幾種蔬菜係自取任食，性價比超高。.配料選擇非常多，仲可以揀大份或細份，就算只有兩個人，都可以嘗試更多不同種類嘅食材。.濃郁酸辣金湯鍋 ($98)初初以為個湯底會好油膩，但係煲滾後其實一點都不油。酸辣味好夠，非常滋味，同埋更突出食材嘅鮮味。.美國肥牛 湯底點任何一款酸辣金湯就送一碟美國肥牛，估唔到份量咁多。肥牛油脂分布平均，脂肪分佈好靚。.A級羔羊肉 ($28)A級羔羊肉做緊優惠，200g都只係$28，真係超級抵食。羊肉份量不少，最重要係完全不羶，非常好食。.機爽脆脆牛舌(小份)($34)同平時食開嘅燒牛舌完全唔同，呢度嘅牛舌片比較薄身，所以淥熟後咬落非常爽脆。.美國M5和牛 (小份)($84)食落入口即溶，帶有濃郁嘅牛肉鮮味。.西班牙黑毛豬 (小份)($79)肉味濃郁。.軟滑魚肚 (小份)($39)魚頭每件都好厚身，好大片，吸收晒湯底嘅精華非常好食。.堂煎蜜蒜羊裡脊肉 ($128)點菜後先知呢款羊肉原來係燒嚟食。超級推介嘅一款羊肉，無論係用

🍴成雙鍋中鍋 清湯加酸辣湯 88 蚊 送美國肥牛一份56 蚊酸辣湯似酸菜魚既湯 帶d香辣 好入味 出面枱水吧 菜任拎 攞d粟米 菜 南瓜 薯仔放落去好正肥牛🐂好爽口彈牙 🍴a級羔羊肉56蚊羊肉一份28 蚊 已超多片 羊味正常 而且好足料抵食🍴雙椒一口牛 28 蚊一口牛牛肉juicy有三色椒調味 正🍴蒙式烤羊串 26 蚊🐑羊肉出面帶d香脆 羊肉味香 好正🍴手工韭菜餃 19 蚊細份🥟韭菜餃好新鮮 板夠彈牙🍴老板羊肉餃子 18 蚊細份🥟 羊肉味香 配埋蘿蔔綠 好正🍴澳洲m9 和牛 144 蚊🐂牛肉切得好薄身 好足料 軟林 正

同朋友慶祝生日，所以就去咗旺角嗰間快樂小羊打邊爐，平時都好多人食，好彩book咗位，位置又好方便我哋，喺寶石戲院隔離，我同朋友都好滿足，呢間打邊爐好好食，又唔貴，2個人食500蚊都勁飽，性價比勁高！！佢仲要做緊食300送300優惠活動！下次再嚟食！酸辣湯底味道同數字味嗰隻酸菜魚差唔多味，非常夠味，酸味好出，辣味好香！完完全全帶晒啲辣味出嚟，我鐘意食辣都覺得佢辣，食得辣既人一定要試下！好過癮，用嚟淥菜，索晒湯好正好刺激！肥牛兒家嗌酸辣湯底仲要送一大碟肥牛，啲肥牛好大份，啲肥牛淥完後，令到個湯底好香肉味！羊肉 嚟到快樂小羊緊係要食羊，但啲羊好正，一啲都唔羶，兒家仲要做緊特價，$28就有一大碟，幾乎一蚊一塊，勁抵食！牛舌牛舌啲肉質勁靚，厚薄度切到啱啱好，淥10秒拎返上嚟啱啱好，好爽口！豬肉勁抵食，一份$39都夠2人份量，厚薄啱啱好，淥完都唔會過硬，入口即溶嘅感覺，點埋豉油食就最好不過。鮑魚$38有4隻勁抵，淥1分鐘左右拎上嚟，好彈牙，一啲都唔梅，食落都好新鮮。鬼馬墨魚滑真係好鬼馬，但用咗油炸鬼，塗上墨魚滑，同埋蟹籽，拎去淥，首先個油炸鬼索咗勁多湯，一啖咬落去，好多湯，好正！墨魚滑同埋蟹籽淥完

好耐之前已經聽講快樂小羊呢間店唔錯，見佢地做緊午市38折優惠就黎試下佢啦！我地揀左清湯同麻辣湯底，清湯入面有好多藥材，麻辣湯底唔太辣，孜然味重，唔係平時好多油果種麻辣湯，幾特別自助吧既蔬菜選擇雖然唔多但樣樣都好新鮮，粟米好甜必食！薯仔擺落麻辣湯煲到最後淋淋地都好好味牛肩肉：牛肉大大塊又有牛油香，抵食特價A級羔羊：雖然肥肉多少少而且薄片，但$28咁多片肉冇咩可以挑剔羔羊裡脊肉：份量好多，羊肉好厚又唔騷，有啲黑椒調味，抵食羊肉串：同大陸果啲$10/10串唔同 呢個大大舊羊肉，又唔會太咸，宜家仲有38折添！蒜泥牛肉（新品）：牛肉好厚但完全唔靱 蒜味香$58有呢個份量好抵食Po 小紅書/關注whatsapp仲有楊枝甘露送本身又38折又送甜品已經好抵，原來仲有買$300送$300優惠，環境舒適野食又好味抵食，一定再黎呀用埋個優惠先

😎而家叫指定湯底，仲會送肥牛肉一份，呢個價錢嚟講真係非常抵食，牛肉份量都幾多，而且油花平均，加埋佢湯底其實都幾好食，喺出邊叫一份牛肉都最少$80起跳，呢一個combo, 真係好抵，大家都不妨可以試，湯底味道亦都唔會太鹹，非常適合，出邊嘅蔬菜，亦都係無限任食，啱晒我哋呢一啲每樣都想食少少嘅人，比較鍾意食蘿蔔，蘿蔔可以吸晒湯底嘅精華，而且一開始就落，琳琳地更加好食！😎自製土豆粉，非常抵食，$14，而且非常煙靭，第一次食土豆粉，口感上都覺得幾好，而且加埋湯底味道都幾好，我會覺得係唔錯！😎炸魚皮，呢一個價錢嘅講又係非常大，魚皮熱辣辣，可以即刻食或者浸落去個湯度，非常香口，啱晒鍾意食脆口嘢嘅朋友！😎羊肉，羊肉做緊特價，最平嘅可以$28份，餐廳嘅羊肉處理得非常好，完全冇蘇味，而且呢一個價錢真係冇得輸，出邊都冇可能食到，餐廳仲有其他唔同羊嘅小食，都見到隔籬枱都有叫，下次多啲人嘅時候返嚟試吓先😎手工滑三拼，三樣嘢入邊最鍾意食墨魚滑，墨魚滑爽口，而且非常好食，加埋少少蟹子令到成個口感更加完美，總括嚟講都幾抵，買單店員仲送咗現金券俾我，下次可以食300送300，一定要返嚟再試，總會嚟講，性價比CP值都高！

喜歡食羊嘅朋友必定要嚟呢一間一間超大間嘅食羊火鍋店，樓底超高仲要勁闊落坐得好舒服！配料同蔬菜要出面自助區， 記得要拎薯仔同蘿蔔吸晒啲湯好乸正超入味！先叫左個成雙鍋 -分別 麻辣湯及酸辣湯麻辣湯濃郁四溢,辣而不燥,而酸辣湯酸中帶甜,清新爽口。而家叫酸辣湯仲會送多份肥牛。「滑嫩太陽卷」份量十足,肉質厚實鮮嫩,羊肉不羶「A級羔羊肉 」性價比超高，又平又好食 搭配土豆粉,吸晒啲湯汁超好食！「蒙式烤羊串」則香氣四溢,上碟嗰陣仲嘀嘀噠噠聲熱辣辣，食落去超香口「巨峰提子沙冰」,冰爽酸甜,清新怡人 仲可以解辣添而家仲埋甜品「楊枝甘露」,甜而不膩,爽口可口。而家仲做好多唔同嘅優惠300送300現金卷活動性價比超高，值得一試再試

快樂小羊個名就聽得多,食就真係第一次,食完好喜出望外,都真係幾好食。主要係食材夠新鮮,叫左一碟肥牛,都幾平,但同平時火鍋食開既肥牛唔同,佢係更高檔次。叫左串串蝦,個頭勁大,都幾多串,肉質鮮甜,同個蕃茄湯鍋都幾夾。水魷魚係冰鎮咁上,口感彈牙爽滑。南非鮑魚洗到好乾淨,好大隻又好彈牙。海膽丸味道都唔錯。因為材料樣樣都好新鮮,唔洗點醬料,食佢既原味已好正。仲有呢度好多材蔬菜係任添,仲要勁FRESH,好抵食。打卡仲會送甜品--楊枝甘露添!

快樂小羊都開咗一段時間，但係我前排先至去食，發現佢真係好抵食。只要點酸辣湯底，就可以免費送一份肥牛，就算係鴛鴦湯底都有得送，然後佢你只要關注佢wts，咁就可以有免費嘅楊枝甘露，而且依家佢淨係需要$28就可以叫到一碟好大份嘅羊羔肉。而出邊嘅蔬菜區都係放題任食任拎。除咗呢啲抵食嘅嘢之外，佢其他嘢食都好好食，例如佢嘅烤羊串，唔會太騷，而且調味得好好。另外佢鮑魚都幾抵食，而土豆粉好彈牙，而且係佢哋自己整嘅。

放工突然之間好想打邊爐就同朋友嚟咗呢間幾出名嘅快樂小羊第一次嚟都幾驚喜 原來佢個舖頭有兩層咁大入邊有好多位星期四都坐到差唔多滿晒坐低之後店員已經即刻同我哋介紹佢哋做緊蔬菜放題佢哋唔係任食係單點嘅 但係蔬菜都做到放題 真係會慳唔少錢🤭而且佢啲蔬菜一啲都唔馬虎有幾種唔同嘅綠色菜 仲有蘿蔔南瓜薯仔等等鍋底方面，我哋揀咗蕃茄湯同麻辣湯蕃茄湯酸酸地非常濃郁 見到店員加湯都係加返蕃茄湯落去 用嚟淥菜一流麻辣湯就非常香 不過就略嫌唔夠辣🤣首先前菜我哋叫咗個韭菜盒子呢個前菜好食到癲咗 佢有四大塊 價錢只係$13😂真係平到傻我哋忍唔住，最後叫多份再encore 😆呢個真係一定一定要試肉方面，我哋叫咗一碟$28嘅A 級焦羊 以為$28好細碟，點知嚟到個份量嚇親😂呢個係佢哋近排做緊嘅優惠重點係羊一啲都唔騷 我平時完全唔食藥都食咗幾舊🤤跟住叫咗個快樂牛拼盤 盤牛係大過成個湯底佢有四種唔同嘅牛 入邊仲有牛舌每種牛都係入口即溶呢個價錢可以食到咁高質🥹另外叫咗鴨血同埋鬼馬墨魚滑質素好高鬼馬墨魚滑就好似油炸鬼有啲蟹籽喺上邊好香口 我個人就好鍾意😆呢個舖頭做緊好多唔同嘅優惠買300送300 😍即係下次嚟食等於今次免費😆

快樂小羊火鍋餐廳 Happy Lamb Hot Pot📍旺角豉油街60-104號XX Arcade部分地舖至2樓完成進修課程，將迎來愉快嘅週末，難得高興，我就約咗朋友一齊去旺角食返餐好嘅。因為我唔食牛嘅緣故，朋友一向同我食飯都好少會叫牛肉嘅餐點，食火鍋就更加只會食豬肉片同羊肉片。一次食火鍋時，我哋發現大家都非常喜歡食羊肉，所以我就做足research，揀咗一間羊肉火鍋專門店帶佢試試。未介紹食品前，想先讚一下餐廳設備同餐飲安排。餐廳趁夏季推出優惠，除咗有唔少餐點有驚喜優惠假，就連蔬菜都有免費放題，而且種類繁多，每款都新鮮有光澤。我哋比較推介薯仔片、南瓜片、黃帝菜、西生菜、莧菜等，放入唔同湯底內煮，都盡吸湯底精華。另外，餐廳坐位亦相對寬敞舒適，特製嘅爐具喺鍋邊設有抽氣位，所以環觀都無睇到有白煙，衫褲亦不易沾上火鍋味，非常貼心。*餐廳正做優惠，5:00前結帳離坐/9:00後入座即享午市/宵夜時段38折優惠，非常抵食！ 💰$88成雙鍋 🍲 (中鍋)1-2人建議選擇中鍋，由於想試試兩種湯底，所以我哋揀咗成雙鍋，分店點選清湯同蕃茄湯；嗜辣嘅朋友可以揀酸菜鍋或者麻辣鍋，聽聞評價都不錯。 💰$228羊

之前行旺角已經成日經過呢間快樂小羊，朋友話見到最近呢到做緊啲激抵嘅優惠，而家午市時段同埋宵夜時段都做緊38折優惠，而且仲有食$300送$300現金券活動啊‼️聽落咁吸引，即刻同朋友一齊打返個靚邊爐做午餐～ 成雙鍋💰HK$88火鍋湯底我哋簡咗清湯同埋酸辣金湯！清湯其實係藥膳湯底，呢到嘅湯底全部都係濃郁惹味，令到其他食材唔需要再額外點醬汁都已經好夠味～A級羔羊肉💰驚喜價HK$28 (原價$88)羊肉味道一啲都唔羶，又大大碟，有驚喜～美國M5和牛(大)💰HK$168近期新品之一，牛肉味重，肥瘦均勻，推薦👍🏻～澳洲M9和牛(大)💰HK$288都係近期新品之一，油脂分布平均，入口即化，感覺再肥美啲🤤～美國牛肩脊(小)💰HK$69牛肩脊色澤都幾靚，味道一樣咁出色～手工瑤柱蝦滑💰HK$78蝦滑表面有好多瑤柱，好足料，口感爽滑彈牙～生雞蛋💰HK$3用來點牛肉一流，令牛肉口感更順滑～雙椒一口牛(1串)💰HK$26烤過嘅牛肉油香四溢，再加埋用咗孜然粉去調味，好惹味～水蜜桃特飲💰HK$27水蜜桃味香濃，飲落清爽解渴～總括來講，呢度嘅湯底惹味，羊肉唔羶，全部食物都好好味又唔貴，仲有埋自助任食嘅蔬菜吧，性價比超高

對於喜歡食羊肉嘅朋友黎講,今次發現咗一間超正宗嘅羊肉火鍋專門店,絕對唔可以錯過呢個機會。呢間店舖位於旺角,環境幽雅舒適,座位寬敞,非常適合一家大細或者三五知己一起來吃飯。重點係佢哋提供既羊肉火鍋,絕對係一絕之選!首先,佢哋嘅雙鍋選擇都係大家最愛嘅款式 - 清湯同麻辣湯。個清湯好鮮甜純正,唔會有羊騷味,而麻辣湯就夠辣又夠香,簡直就係絕配!兩種湯底俾大家選擇真係太貼心啦。再來,佢哋嘅招牌 - 羊羊大拼盤,絕對係食家必點!包括咗各種不同部位嘅新鮮羊肉,例如肩肉、腿肉、內臟等等,每一樣都好味至極,仲有唔同口感,非常豐富。想增添菜色嘅朋友,可以加入一些配料,例如鮮嫩滑溜嘅鴨血、爽脆可口嘅凍豆腐,又或者自家製作嘅手工羊肉餃,都好適合一齊煮。另外,呢間店仲設有自助服務,可以隨意取用各種配料,好似蔬菜、醬料、公仔麵等等。咁樣就可以根據自己嘅口味去調配,玩味無窮。總括來說,呢間羊肉火鍋店係性價比高、羊肉不羶又鮮，整體口味同環境都好出色,絕對係大家最佳嘅選擇。

.‼️❤️ 記得CLICK我PROFILE關注我呀 ❤️‼️.🥘 H̾o̾t̾p̾o̾t̾ ̾H̾a̾v̾e̾n̾ ̾f̾o̾r̾ ̾M̾u̾t̾t̾o̾n̾ ̾L̾o̾v̾e̾r̾s̾ @ 🌟 快樂小羊火鍋餐廳《👽食神大媽打邊爐》.💁‍♀️ 圖片展示美食為：成雙鍋 HKD 108包克圖牛羊涮 HKD 248A級羔羊肉 HKD 28手工丸雙拼 HKD 78蒙式烤羊串 HKD 26響鈴 HKD 19凍豆腐 HKD 12楊枝甘露.👽一般火鍋店都係以牛所謂主要肉類，但呢間就係少有主打羊肉嘅火鍋店。仲要最近做緊優惠，超級抵！.🥘 選擇困難索性叫「成雙鍋」一次過食兩款湯底：清湯拼麻辣湯。清湯帶藥材味，而麻辣湯則香辣濃郁！.🐂 牛肉就當然係打邊爐嘅重點，而呢度主打食羊，一於叫「包克圖牛羊涮」，由牛肉同埋羊肉組成，肉質鮮嫩，油花分布平均，入口即化，同湯底非常夾！.🐑 做緊優惠，「A級羔羊肉」足足200克減HKD60，必點！有羊鮮味，無腥氣，真係非常抵！.🍡 肉肉以外，梗係要食丸丸。選擇困難症叫左「手工丸雙拼」，食齊手打Q彈鮮蝦丸拼黑松露羊肉丸。好好咬口，有成十粒好足料！.🥠 湯底濃，一定要叫索湯嘅配菜。「響鈴」同「凍豆腐」吸盡所有濃湯精華再一啖食落肚，超滿足呀！.🥬