快樂小羊火鍋餐廳

營業中

休息中

朋友好即興問我一唔一齊食快樂小羊打邊爐，咁啱朋友識人唔洗等位又比好抵嘅折扣我地，咁當然要捧下場啦。第一次去食呢間火鍋店，主打菜式係羊肉☺️，諗起食羊肉好興奮，餐廳環境好大，冷氣好夠涼唔洗食到流晒汗，湯底方面叫咗個鴛鴦湯（清湯+麻辣），而火鍋配料可以係qr code到落單。我地4個人叫咗個快樂拼盤（羊肉+豬肉+牛肉），一次過食晒你想食嘅肉，肉類切得厚薄均勻，涮一陣好快就食得，羊肉好夠羶食落好有羊味，而牛同豬食落唔會好靭，一樣咁嫩。滑嫩太陽卷一樣好食，羊肉味重，賣相好靚，鐘意食羊嘅你可以試試呢幾道菜式。蒙式羊棒骨嚟到好大枝好吸引，係鐵板上面熱辣辣，用咗好多調味料鋪係羊棒上面，燒到好香脆，咬第一啖好多肉汁爆出嚟，油份好夠，食落辣辣地好惹味，肉質嫩滑超正！除咗羊肉吸引其他火鍋配料都好好食！！

今日一行七人嚟到旺角打邊爐。餐廳樓底好高，空間感十足，總共三層，座位極度寬闊有點像深圳海底撈的用餐環境～以鬧市嚟講，咁既用餐環境算係唔錯！餐廳服務非常周到貼心，女侍應時不時過來加湯和加茶，又耐心介紹菜式。嚟到快樂小羊當然要點羊肉啦。事先聲明，我係唔太中意食羊既人，因為好怕羶味。但今次我竟然食左好多羊，因為我覺得唔羶！睇返d介紹先知原來快樂小羊標榜自己係用六個月大嘅蒙古放牧羊，羊既年歲越大肉既羶味都會越重，所以呢度啲羊肉食落去會無咁重羶味，我覺得鐘意食羊肉嘅朋友一定要嚟品嚐一吓，同埋同我一樣本身好怕羊羶味既朋友都可以黎一試。

鍾意食羊嘅你哋絕對唔可以錯過呢間位於旺角鬧市既快樂小羊 唔知道大家以前有冇食過一間叫小肥羊 佢直頭係小肥羊嘅高階版 🍲🍽🐑🧚🏻‍♀️餐廳不定期都會推出唔同嘅優惠 🌟🌟識食嘅你哋記得留意吓拉😎今次我去食就係有68折嘅優惠✌🏻成雙鍋即是麻辣🌶️配清湯 佢個湯底味道非常之特別蒙古湯底 就算係唔使再另加醬汁都已經非常之夠味 🤤🤤👍🏻今次我哋嗌咗兩款羊肉🐑一款係塔拉上的快樂卷 另一款係千層肋腹 兩款羊肉火滾之後放5至10秒已經可以食得 羊肉帶有非常濃烈羊羶味 肉質嫩滑 佢仲有牛同埋其他好多羊嘅部位選擇🥢🍽🍻

每逢想打邊爐 都一定會諗起既火鍋店！快樂小羊顧名思義就係一個食羊既地邊，但係除咗羊肉之內，佢嘅牛肉都好正，價錢都好合理～我哋揀咗麻辣湯底同蕃茄湯底，餐廳冇豉油提供，因為好嘅湯底已經好夠味，的確係唔需要。麻辣湯底幾香，唔油，不過唔夠辣。蕃茄湯好濃，超鍾意！除左火鍋既肉之外 我仲好鍾意佢既烤羊肉串燒，因為真係有大陸風味！勁香既之然味，羊肉亦唔穌，好好味。四個人我建議可以叫一盤大拼盤肉～因為佢既肉都好多，又靚，再加其他配料，當然薯粉都係必點！

天氣雖然熱，但都無阻我打邊爐既興致😂只要有冷氣就乜都無問題架啦😅其實係有日去行街，個朋友無啦啦話想打邊爐🤔我心諗：咁鬼熱🥵仲打邊爐想中暑咩🤨佢又話冷氣好夠而且lunch period 後無咩人，講到唔食會錯過北極光咁🥹最後我都屈服左陪佢去食。餐廳門面光亮，冷氣又真係好夠既，雖然佢主打食羊，但都有其他菜式比唔食羊既人🙋🏻‍♀️我就係唔食既一份子，所以我地點菜只點左牛同一啲配菜，湯底我地簡左光陰鍋😅即係清湯$128，而嘢食我哋就揀咗呢啲：💁🏻‍♀️美國牛肩胛$188💁🏻‍♀️快樂涮涮牛舌$168💁🏻‍♀️巨峰提子沙冰$32💁🏻‍♀️荔枝沙冰$32💁🏻‍♀️土豆粉$38💁🏻‍♀️娃娃菜$38💁🏻‍♀️山藥半份$18以我哋兩個女仔嚟講份量其實都算多，佢一份肉好大盆夠三到四個人食，佢呢間火鍋店主張唔使點醬料，食番食物本身嘅原味👍🏻個湯底其實好濃味， 啲肉淥4到5秒已經可以食得，絕對夠味，牛舌係必食嘅item😝一上到枱成朵花咁樣好靚，同埋啲肉切得好薄食落唔會韌👍🏻牛肩胛好重牛肉味同埋都幾香嫩，都可以一試，土豆粉吸咗湯嘅味道，煙煙韌韌都好好食💪🏻其他蔬菜可以幫助解膩，唔係食肉獸可以唔需要理會😏🙅🏻‍♀️如果唔係太口渴

今日又來我最愛嘅快樂小羊打邊爐🍲😍對於我呢啲一年四季都鍾意打邊爐嘅人來講，好多餐廳都係主打食牛，但我就最鍾意食羊。🐏🐏一入到嚟第一時間就叫咗激情鍋（麻辣）湯底香濃，食落去，配上羊肉，好match🤭叫左2個羊羊大拼盤，肉質鮮嫩，好香濃。再叫咗個草原大片羊🤭飲品方面，叫咗百果香特飲，好香百香果嘅味，芒果沙冰，清爽嘅感覺，大熱天時飲感覺好爽🤭🥤🥤環境方面，裝修得好雅致，啲位又闊落，唔使逼住逼住，如果坐近窗口，仲有落地大玻璃😍

鍾意食羊嘅一流好難得先搵到情投意合嘅朋友一齊黎食羊 晏晝過黎 好好坐 枱櫈都比較闊 坐得都舒服叫咗個鴛鴦湯底 因為諗住食菜佢有唔同款嘅羊 叫個拼盤都食得晒由於我同我啲朋友都係好鍾意食羊 所以一次過叫幾隻唔同款反而我哋就冇叫豬同埋牛 因為佢呢度個麻辣配羊肉真係好味啤酒都好抵飲我哋三個人都飲咗一個Tower不過真係睇住時間訂位唔同時間有唔同嘅Offer最終我正價時段去左 …睇返OpenRice先知道有優惠😭😭😭😭

第三次嚟快樂小羊，貪佢大間易book位，火鍋配料新鮮，羊又整得好味啱曬飯聚等左五分鐘左右就安排好座位，座位闊落好坐，每次都叫鴛鴦鍋底（清湯+麻辣），麻辣唔會太辣，連我平時少食辣都食到，湯底同醬汁要向職員order，其他火鍋配料就可以用QR code落單牛肉+太陽卷（羊）快樂牛肉拼盤快樂涮涮牛舌肉類嘅厚薄均勻，涮一陣好快熟，羊羶味唔重，牛羊都一樣咁嫩滑。仲叫左鴨血、萵筍同娃娃菜等配料，同樣新鮮。芝士和牛水餃免治和牛食落同隻芝士真係好唔夾😅仲要8粒百幾蚊，唔推薦孜然羊肉串羊肉好嫩好易咬，調味啱啱好，用鐵枝羊肉唔會黏住更易拆落嚟，更增添風味烤羊架諗住同羊肉串應該一樣咁好食，食落都易咬嘅，可惜調味太濃薄皮韮菜盒見到幾得意叫嚟試下，個皮應該加左唔少蛋黃去搓，煎到金黃色幾養眼，裡面完全得韮菜，口感單調，食多舊仲會覺得太油膩，如果加入肉碎會比較好。職員收碟時倒瀉左朋友杯飲品，就送左牛乳甜品比我地，質感界乎於布甸同啫喱之間，表面嘅糖水就太甜喇。網上book枱有85折，6個人埋單兩千都幾抵食，會繼續嚟！

I am a true lamb lover. Don't feed me any lamb that is not gamey! Happy Lamb Hot Pot is famous for grass fed lamb and just the perfect place to satisfy my lamb appetite.激情鍋 Mala SoupThe mala soup base tasted exactly like 小肥羊 Little Sheep. Lots of garlic cloves, scallions, nutmeg and various herbs. For me it wasn't hot until the soup got concentrated and I added spinach that absorbed all the chili oil, then it started to taste a bit spicy lol.塔拉上的快樂卷 was the leanest meat but tender. 千層肋腹 had more

第二次食了，都仲keep到水準，係到食火鍋就一定唔係要求個湯底會有咩特別，麻辣湯夠香夠濃就OK🤣 基本上食材都新鮮，唔錯👍🏻羊肉味道岩岩好，唔會過分地‘ 蘇’ 😳肉質唔會散，算滑得黎幾有咬口😆鴨血都唔錯，實得黎岩岩好🥰下次仲會繼續嚟食🤤

行過旺角舊戲院呢邊，總會見到有呢間佔地都幾大嘅火鍋店。招牌大大個，隔幾條街都見到。喺旺角呢個咁貴租嘅地方，開咗幾年都仲係人頭湧湧，總有佢嘅生存之道。先來講湯底，有人食辣，有人唔食得，咁就自然叫個鴛鴦底。麻辣嗰邊唔算好勁，算係一般香港人接受到嘅辣度，另一邊雖然叫清湯，但係味道都係十足，用嚟淥菜都好好味😋有個拼盤大大盤上枱好有氣勢，入邊有晒豬牛羊三寶，牛同埋羊都係肥瘦均勻，自問平時都幾怕羊肉嗰浸騷味，但係呢度嘅羊肉唔會令人反感，所以平時就算唔太好羊既我，都食完一塊又一塊。其他火鍋配料都一應俱全，全部都新鮮好食。最咪梗係要睇價錢值唔值，幾個人食到飽晒，埋單除開一人都係$300左右，算係物有所值👍

同事請吃午餐，慶祝業績增長。火鍋店內部環境優雅，座位寬闊。成雙鍋。辣湯和清湯的鴛鴦鍋。塔拉上的快樂卷。賣相美麗，羊肉嫩滑，沒有羶味。三併滑。蝦滑彈牙。墨魚滑惹味。羊肉滑味道一般。總結：食物美味

經OpenRice 訂坐就有85折，6個大人成到飽哂都係2000蚊，計落同去任食果d差唔多，不過限時2個鐘就真係2個鐘就催埋單，想坐耐少少都唔得除咗打旁爐，個烤羊串推介一試，堅好食

大佬我都想飲凍既茶姐 打開menu 凍既全部得即沖甜野 同 汽水甘飲法 會唔會糖尿病呀 見佢有鹹檸檬 諗住拎8蚊出黎 要杯冰同檸檬啦佢拎到出黎 竟然係沖好既鹹檸檬七如果係甘 我叫罐裝好過啦張圖係罐裝 加杯冰出到黎比沖好既我有得選擇我就唔想飲沖好既汽水我真係介意圖文不符 唔係罐裝汽水 我好介意人人都有介意既野 唔開心呀 我都係想凍杯好凍既汽水有咩錯錯就錯在今日黎左呢到打邊爐打上黎講下 認真講 唔叫貴 但唔叫好好食我係某d食雞煲既地方 食過更好食既

昨天07/06晚與同事一齊，叫了野食，食物新鮮，但湯底要咗，番茄、麻辣同清湯，但點知，番茄湯濃好味，麻辣有味但就淡而無麻辣，清湯都係淡而小甜，而且間店另我再失望就係點解無咗羊肉醬汁嘅，傳統係有。湯底不如街市買重好味過佢，麻辣都係，另我去一次吧！無下次了。希望如有市民去食，請加留意有否改善。