快樂小羊火鍋餐廳

營業中

休息中

住油尖旺區，經常來快樂小羊中餐和晚餐中餐部分6.8折，晚餐8.8折，折後依然貴d。今天週六晚市才去過二樓。週末午市一樓是坐不滿的程度不過現切羊很吸引！擺盤很大燒串和烤羊排幾好吃😋記得趁熱吃。是去過咁多非燒串餐廳裡，極少見的好味！今天竟然有一百蚊六隻生蠔，幾抵鍋底其實還是蠻味精的，沒有蘸料提供，但本人愛酸，服務生會提供醋也蠻好服務水平時好時壞環境也有點陳舊和油膩座位真的很奇怪，明明空間很寬敞，台下的支柱是正梯形，很影響坐姿總之為了一口羊肉會經常來啦

蒙古烤羊排係必食之選，羊排既油脂配合微騷而嫰滑既羊肉，帶俾我一種動漫食肉既滿足感。輕輕一扯，成舊肉就脫落黎，而最後黏住骨頭既羊肉亦都係必嘗。清湯湯底其實幾好飲，嗌左個羊肉大拼盤，佢有三種肉，有一隻就比較柴，但另外2隻都算嫰，同埋有食羊既風味，只能說滿足。馬奶酒都幾好飲，個酒囊真係幾得意，當然飲既時候就係用個細細既茶杯仔，別有一番風味。而餐廳有個落地大玻璃，你話個景靚唔靚就見仁見智，但個感覺一流。埋單2個人夾埋就$800左右，呢個價錢如果你只係想打個邊爐就係貴左少少，但本身鐘意食羊既話就真係幾抵食。

被帶到落地玻璃旁的既卡位 竟然見到有2隻曱甴喺度食掉咗既野食 非常骯髒！！卡位亦非常多垃圾 之後同職員投訴有關曱甴 被安排到另一卡位 都不是特別好 地下都是紙巾 麵碎 等 令人非常不滿意!!!

由樓下個接待員到樓上全層的侍應嘅服務都好差。入門口話左俾個接待員知book左枱，佢就叫我上樓，上到去根本無人帶位，我再問侍應一次我book左枱即係邊張係我嘅，佢話唔清楚叫我打俾朋友問下佢哋到左未坐喺邊，吓即係餐廳係無record嘅，之後又要問番樓下嗰個先問到邊張枱係我。之後坐低明明最早點左湯底，偏偏嚟哂成枱嘅嘢就係無湯底，原來根本無幫我哋落單。落左野飲，又係唔催唔嚟。最不滿都係冷氣唔涼，打邊爐地方一定熱，佢夠膽個冷氣唔涼!廁所啲冷氣仲涼過出面。野食係ok的，個羊肉串燒同和牛串燒好野味，打邊爐啲牛小排同黑毛豬都好新鮮。

好耐都冇嚟到旺角呢一邊打邊爐，朋友就推介呢一間係油麻地出口附近嘅快樂小羊，喺地鐵站行過去大概三至五分鐘嘅時間，行到過去新寶戲院有大大個招牌，非常容易搵到，亦都位置方便。今日我哋就叫做一個麻辣同蕃茄湯底，麻辣湯底非常出色，亦都唔會係死辣，我同朋友都非常鍾意 佢嘅肥牛肉非常正，份量都好多，雪花非常平均，唔會有太肥嘅情況出現，再配埋蕃茄或者麻辣湯底，簡直就係正！嚟到呢度梗係要叫羊肉片，羊肉都唔會太蘇，而且口感都唔錯，非常厚，餐廳嘅價錢亦都唔係太貴，CP值非常高! 有機會再去幫襯

[✨羊迷必試蒙古烤羊羊火鍋🥘]今日經過旺角，終於有機會試吓呢間主打係蒙古羊肉火鍋嘅”快樂小羊”喇🤩💗成雙鍋（大鍋-辣湯+清湯）$128辣湯方面，係用傳統做法調制，未至於辣到食吾到既。清湯方面，用左紅棗杞子等等材料搭配，幾養身，又特別👍🏻👍🏻💗羊羊大拼盤 $268份量十分足夠，擺盤美觀有心思，卷成花朵咁🌸，好岩打卡📸。羊肉肉質十分嫩，羊味濃，唔騷！😳真心真心推介必試❗️🫶🏻💗蒙式烤羊排 $338用烤型式調製，肉質香脆吾會柴，好juice，同埋用左特製既香料燒，香味撲鼻！😋💗白鱔片$168鱔片係厚切，好大片，淥一陣就食得，非常彈牙。💗鬼馬墨魚滑$88墨魚味好重，吾似一盤街市買到果啲，好滑好彈。😊💗鴨血（半份）$34鴨血既質素屬正常水平，好食過超市買包裝果啲。💗洛神花沙冰$30飲到好重洛神花既味道，啲冰冰好綿，而且吾係太甜，非常解渴。🧊💗百香果特飲$24用百香果果肉做底加梳打水調制，飲落去好爽！🍹✨環境方面，地方十分寬敞，坐落地玻璃既卡位仲可以望到旺角波鞋街既夜景！🌃😍😍

《超嬲》雖然坐得舒服，食物質素好！但唔會再去！四人點了，象拔蚌刺身、羊肉卷、安格斯牛、魷魚、鴨血、響鈴卷、鬼馬油條、菜、後加甜品。消費咗$2300。可惜用餐約一小時已被職員催埋單，攪到成家冇晒Mood！我6:15入座（寫明8:30交枱）我點第一輪嘢食，去到7:15職員問我仲叫唔叫嘢食，根本我枱上野都未食晒，我話：「我睇睇餐牌先。」之後點第二輪（因為根本枱擺唔晒，亦冇可能一次過點埋甜品嗰啲擺喺度）隔咗10分鐘，又另外一個職員話：「你仲點唔點嘢食？」頂！即刻着咗😡！我問佢：「而家係咪要趕埋單？」真心嬲！兩個職員係咁催我埋單咁！ 我話：「你搞到我食到好唔舒服，好似好阻住你哋咁！」 佢迅速彈開，佢老闆企咗喺附近！老實講，三大一小消費$2300食1.5小時絕對唔過分，我唔明佢做乜係咁催！我埋完單落到樓下根本冇人等位，亦有吉枱，唔知佢催嘜Q。 超嬲！以後都唔會再去！

每次嚟呢間餐廳都冇得輸，最好食嘅當然係佢嘅牛小排同羊肉串！基本上每次去都係點類似嘅食品。雖然外邊飲月桂冠一定係比較平，但係唔知點解响呢度飲感覺特別happy 不過大家要留意睇吓你咩時段過去，有時會用open rice discount 特別平，到時會用佢哋嘅優惠券特別平。埋單之前可以問吓侍應，佢哋都好Nice可以幫你計吓數計到最化算另外，餐廳嘅空間好大，位置亦唔隔涉。火車站行去都只係大概10分鐘。响度一定要推下，十卜十卜！

第一次嚟朋友食開推薦我地黎食全家人都讚好味好抵食湯底揀左麻辣，番茄同原味湯底味已經好夠唔需要再點豉油或者醬汁D羊同牛都好新鮮 兩個相比都係羊嫩d推薦大家試下燒羊肉粒同烤羊棒骨 超級好味下次會想再黎

話說，「快樂小羊」是我們一家在UK最愛吃的餐館。爸爸的同事說：「香港的快樂小羊也很不錯啊！」爸爸興奮地把同事給他的優惠券帶回家～作為他醒目的女兒，當然即刻訂枱為他慶祝父親節啦！爸爸和媽媽都吃得很滿足呢！P.S. 如今有68折，不需用Coupon. 😚另外，UK比香港便宜很多，但香港多很多款式～😝

疫情前去过几次 昨天是疫情后第一次去服务员态度一如既往的好但是！一楼前台排位的女服务员 请你不要翻白眼 我们比预约晚了十五分钟到 非常感谢你把两个小时交台时间也顺延了 但是你的态度有点差 客人不懂你的小票写的是啥 问你的时候 好好回答就行了 没必要配表情包 希望改进

正宗的蒙古烤羊肉，火鍋（有藥膳湯、蕃茄鍋、麻辣鍋同酸辣湯底，客人可以「雙拼」或者「三拼」。呢度除左羊肉火鍋之外，仲有蒙古炙烤、）食材新鮮，高質，種類多，價錢合理！環境寬敞，共兩層，每層都過千呎，客流量多，經常full位！

前排食完，一直心思思想再食，不過今次發現原來打邊爐個湯底真係真係真係好重要，亦都要夾個人口味。上次叫左招牌湯底——清湯同麻辣，今次侍應介紹話酸辣會辣d，麻辣麻d，就叫清湯同試下酸辣，點知對酸辣好失望，可能印象中既酸辣係太2酸菜魚果隻，但係呢個酸辣就真係冇乜特別，食到辣味，但味道層次唔豐富，我寧願捨辣取麻。今次主打牛肉拼盤（牛舌、牛肩胛、牛小排）同羊肉卷，都係肉同油脂均勻，有牛肉、羊肉香，唔會有筋，鞋唔鞋就靠自己睇淥既時間啦。青檸梳打出呼意料咁好飲，叫左兩round, 好過叫有色素糖漿既特飲。烤羊肉串依然係必叫之選。叫左娃娃菜同油麥菜各一份，都好新鮮。

以前經常食小肥羊，依家轉食快樂小羊，鋪頭係旺角鬧市加埋落地玻璃，遠處已經望到。鋪頭好大，3層高，唔難Book。今次食鴛鴦鍋，有酸辣湯同蕃茄湯底。黎到一定要食羊肉，羊肉有好多款，價錢由$150至288不等， 任君選擇。除咗羊，點少得豬肉、牛肉，岩曬唔同口味嘅朋友仔。羊肉唔太騷，肥瘦相間， 味道鮮甜。最正係有烤羊排同烤羊串，火鍋＋燒烤串贏曬其他火鍋店。 雖然烤羊串， 但唔會烤到啲肉好乾！ 灑上辣椒粉同孜然粉， 超惹味！ 嘢食種類多， 滿足唔同人口味。

同朋友都係晏晝戰鬥力好d既人，所以齊齊晏～晝～打～邊～爐～細個既時候會一齊揀食buffet/放題，以量取勝，近年重質不重量，寧願單叫都想試d自己想食既野，今次就試下呢間，果然不負所望😆我地揀左招牌清湯同麻辣湯，侍應話d湯已經夠味所以唔使點醬，試飲幾啖，果然好濃味，似當年好興既藥膳湯底，之於係咪健康，打得邊爐就無謂深究。食物主打係牛肩胛&塔拉上的快樂卷（羊肉）。牛肉係比羊肉有咬口，但羊肉因為更細塊更薄，真係細個普通話書講既「涮羊肉」，一涮就要既起即食，都好夠羊味。蒙古馬奶酒，雖然有38度，但都好易入口，口感creamy, 味道有少少似Bailey, 唔似五糧液果d好中式白酒咁啃，不過空肚飲係會有d揦胃，但食住打邊爐飲就好有feel. 先倒d係小酒壺度醒酒，再倒入酒杯，唔覺唔覺好快飲左半支，如果雪左先飲更正😋原來呢隻酒係蒙古好出名，有好多呢個造型既紀念品，都幾得意。烤羊肉串，超級超級超級推介👍🏻三色蝦滑，味道中規中矩。建議叫d薯粉，好吸湯底味。整體好好食，送左coupon, 希望快d 再黎食。