忠誠茶座泰國菜

營業中

休息中

一家人在假日晚上駕車到位於大埔大尾篤既忠誠茶座泰國菜晚餐茶座開放式設計，高樓底沒有壓迫感，餐廳寬敞晚上九點正，我們訂座了也要稍等一會兒才入座，真的好熱鬧餐廳菜式種類選擇好多，我們點了好多款食物，包括鮮魷蝦醬通菜、波蘿海鮮炒飯、蒜蓉包、炸泰式春卷、豬牛串燒、生菜包(豬肉)、泰式薄餅、青咖哩雞和泰式甜品拼盤鮮魷蝦醬通菜，這個我超喜歡喔！蝦醬醬汁超濃郁，通菜和鮮魷都和蝦醬混和一體，好濃味！波羅海鮮炒飯熱哄哄上台，味道很香，好足料!! 有青口、蝦、魷魚、魚等等，炒飯底夠乾身，加上少許肉鬆，很正！蒜蓉包又是新鮮上台，烤哄得超香脆，蒜蓉味十足，沾上青咖哩，更是絕配喔！炸泰式春卷我覺得就比較失色，皮面不夠香脆，有點林身，但裡頭餡料足夠豬肉牛肉串各半打，點上沙嗲醬，新鮮熱辣辣入口，味道濃郁，肉身不會太乾，燒得挺好豬肉生菜包一如以往的，不過這個確實比較辣呢泰式薄餅又是另一愛吃，因為很香口，薄餅做得很鬆脆，這樣串著上台，很特別青咖哩雞是當晚的主角，咖哩煮得很好，很香既椰汁味，咖哩不算辣但好濃郁，吃蒜蓉包和薄餅就少不了點咖哩囉最後吃到八成飽之際，貪吃的我當然叫甜品喔！這裡有個甜品拼盤分大中小，我們就點了個中

上星期日同屋企人黎食晚飯，和以前一樣都係要book枱，book左枱但都等左十幾分鐘先有位...我地五個人食左炸蝦餅、燒牛肉、串燒豬、菠蘿炒飯同濕炒河粉,味道全部都幾好,keep到水準！特別推介燒牛肉，好juicy好好味，我地次次都會order的😁

超喜歡的泰茶。今餐$700。食物質素好，只係有些菜式過份鹹，價錢合理。1)泰式古法浸雞。啲雞肉滑到呢，超滑又有雞味，正到爆炸。配埋泰式醬汁更野味。。正。十級推，黎到一定要食2) 明爐生魚。嘩。。一開始覺得好特別點解會用生魚而唔係烏頭呢？因為市面大多數泰國菜館都係用烏頭。而且我諗，用生魚咪會好多骨，驚食死。。但原來係用左生魚係更加體貼既一件事，因為生魚肉質滑，就算點滾住佢黎食，都仲係好滑。相反烏頭就會愈滾愈鞋口。而且生魚無我想像咁多骨，而且都係大骨。但唯一不足係個湯底鹹多啲。。再改善下可以100分。3) 炸蝦餅，感覺到係自家製，啖啖蝦肉，不錯呀。4)金鈎醬炒荳角，第一次食e個醬，幾特別，而且一啲都唔鹹，係個好嘗試。5) 青咖哩牛肉，嘩第一啖食落而鹹到無朋友，點解可以鹹到痴左線。雖然食得出，這是我食過的青咖哩最好味道的，但確實鹹到飛天。。應該係失手姐。。希望下次食無事。。而牛肉都煮得好，不會過老。而食咖哩當然要配薄餅食，好酥皮，不錯呀。。6) 椰青好清甜，又多水，正爆7)西米膏，同芒果西米膏都好正，食落平起平時其他店爽口，因為竟然落左馬蹄，好爽口好好食。 總括黎講。我會再黎食啦。。咁正。。

是日和姊妹們一行4人由大埔踏單車往大尾篤，交車後順便在大尾篤晚餐。其實我們並不熟悉該區，沒有特別頭緒吃什麼，來到忠誠茶座泰國菜，只見餐廳內的食客頗多，又需訂座，應該不太差吧!餐廳是有蓋的露天式茶座，坐落租單車附近的地方。幸好已訂座的人沒有前來餐廳，我們毋須等位便可入座，不過需在7:45pm前交枱給下一輪客人。我們立即點了多款食物，包括香葉包雞、香甜咖哩雜菜蛋、夾心蝦肉酥、串燒沙爹雞或牛、泰式焗薄餅及炒泰國金邊粉，最後還點了泰國Chang啤酒，啤一啤!最先來了香葉包雞，共有6件，雞肉質地很淋，醃料很夠味，沾上旁邊的甜酸醬，味道更好。夾心蝦肉酥雖一點也吃不出蝦肉味，但表皮炸得很鬆脆，內裡亦算啖啖肉，非常好吃!香甜咖哩雜菜蛋，有些紅紅的辣油，看似很辣，但實際一點也不辣，但咖哩好香，有點失分的是內裡的雜菜及蛋不夠咖哩味。我們特地點了泰式焗薄餅，用來將它沾上甜咖哩，而薄餅原先也整得很脆口，當沈上咖哩後，吃落甜甜地，值得推介!點了串燒沙爹雞或牛各4串，每人1串，雞不過不失，淋淋地，沾上旁邊沙爹汁，雖然不辣，但好惹味。串燒沙爹牛就差少少了，肉質地太韌，用了多重牙力才能咬開=.="炒泰國金邊粉亦感到有

Came by for lunch the other day in this relatively touristy spot. Our table was in the "outdoor" section that was air sealed using vinyl and had a fan...Good:- Spicy Beef Chow Fun - Noodles were fresh and flavoring was strong. This dish was spicy.- Satay Beef - Flavorful and tender beef.- Curry Beef Brisket - Tender chunks of beef brisket in a flavorful curry.Okay:- Fried Curry Puff - On the bland side and the puff didn't have much filling on the inside.Miss:- Paper wrapped chicken - Bland, dry,

*請注意，因為舊電話壞了，此食評沒相可upload...星期日的晚上，跟朋友們駕車到大尾督吃飯。多年來，忠誠都是我們的首選，這次都不例外。坐下來，看看MENU。嗯，價錢好像沒有大改變。我們照舊叫了生菜包，菠蘿炒飯，一串薄餅。再加碟咖喱雞，釀雞翼，炒通菜，明爐烏頭，三式大菜糕~餸來了! wah...沒來一段時間，餸都變少了... 百物騰貴，沒加價，減量總不能免。 不談份量，談味道吧！要迎合不太吃辣的人嗎？生菜包沒以往的辣。菠蘿炒飯~ 還是足料的！炒飯充滿甜甜的菠蘿香味~食2碗飯絕對不是問題~串串薄餅~ 仍舊鬆化！Dip dip咖哩汁真的超美味~咖哩雞方面，因為有朋友不吃辣，所以我們擇了甜咖喱~味道一般，也許因為我喜歡吃辣吧。釀雞翼~ 第一次在忠誠吃~也不錯，岩岩好~ 夠香口！可以列入“下次再叫”行列炒通菜~ 味道適中~不會太鹹~明爐烏頭~ 也是第一次在忠誠叫這個。魚很滑，酸辣湯味道剛剛好！又可以列入“下次再叫”行列三式大菜糕~ 由於是for同桌的小朋友的，沒嘗試到...曾嘗試大尾督其他食店，還是喜歡這間舊味道

下午四時廿分逛到大尾督，忠誠的下午茶時段到四時半。侍者招呼我說不打緊，點了餐後可以慢慢坐。想不到，位置偏僻的大尾督都有下午茶客呢!下午茶有西式亦有泰式，蝦餅比較吸引。先上暖水一杯，杯乾淨水也沒怪味。檸水檸檬片也足。送上來的蝦餅，夠熱也不大油，但下面有一層麵包，蝦膠的分量較少。行累了，找個地方落腳，食物新鮮，飲料不俗，坐得舒服，32元，是可以接受的。

又是一次山長水遠的經驗.露天座位,很好,可吸煙.點了冬陰功湯,味道不錯,材料足,具有泰式風味.咖哩是泰菜必吃之選,味道只是不過不失,不夠辣,也不夠濃.點了薄餅伴咖哩,口感不錯.波羅炒飯欠了少許火喉,但十分足料.魚,朋友點的,我沒有品嘗,因怕少許醒味.整體質素,不防一試.

是日去咗踩單車由馬鞍山入大尾篤，因為秋高氣爽嘅關係，好多人都會踩入去。好在我地一早book左枱，如果唔係要等好耐。我最鐘意個企喺嘅酥餅同個GREEN CURRY。一齊食一流。平時食明爐生魚我係食SPICY嘅，不過朋友食唔到，原味都OK。會係比較酸少少。

甜咖喱配牛 甜得尼幾香 有青椒同洋蔥做配料 咖喱配焗薄餅一流阿 咖喱同薄餅好夾 炒金邊粉 酸得尼辣辣地 好開胃阿 有蝦 如果對蝦敏感既人要注意啦辣荳醬炒通菜 上台時覺得唔夠熱 熱啲就好啦 雖然食落都真係幾好食 辣辣地 有落辣椒去炒 椰汁芒果冰 正正常常 椰汁好甜 但芒果好酸

有听同事介绍过呢间泰国菜，重话工业村就有折添。呢日同事揸车入大尾督吃lunch。无叫泰国泰，每人一份椰汁咖喱牛腩饭。分量唔算多，问想罗多碗咖喱汁得唔得不过被拒绝左咖喱味道唔错，牛腩好林，好入味。薯仔都好林好入味下次同老公踩单车黎大尾督一定会再食！

星期日天氣好好，同朋友去左踏單車，由大圍出發，踏到去大尾篤。到左大尾篤之後大家都開始肚餓，於是周圍睇下邊間餐廳好食。 離遠見到忠誠茶座門口已經大排長龍，抱住"咁多人排應該唔會太差"既心態，就決定食呢間。因為我地早到，拎左籌之後等左十幾分鐘就有，唔洗等好耐。不過因為有好多人訂左位，我地6點入座，7點半前要埋單離開菠蘿海鮮炒飯好足料!! 有青口、蝦、魷魚，菠蘿既份量亦比一般既餐廳多，正!牛腩好"淋"，薯仔都煮得好入味，不過精華所在係啲咖哩汁，撈飯食超正 其實我本身麻麻地冬蔭功，覺得佢太酸，不過呢間既冬蔭功煮得唔錯，酸中帶辣，非常開胃我地仲叫左一份甜品拼盤，有黑糯米同其它泰式糕點，都幾好食。最尾埋單只係$650，我地5個人除開，姐係每人$130，個人覺得都算幾抵食  一定會再次光顧 

今日真係開心~粉絲約我去食生日飯~~佢提意入大尾篤行個轉食泰國野~~我都好耐冇入去~所以全力支持!~去到可能太早~我地係第一枱客人~自己選左個心儀位置~開始睇餐牌~餐牌整得好靚~我最中意呢D咁靚的美食~一邊睇一邊揀~得兩個人真係要點得好小心~太唔想有食唔晒以免做成浪費!!可能冇咩人~所以服務員對我地的服務額外周到~冬陰公湯(加辣) - 超入味~堅真材實料~好多香料味氛氛散發出黎~食人聞到已經好想飲~!當中仲有好多海鮮,上枱時仲用個小小的火爐慢慢咁煲住,唔會等佢咁快凍,又唔會煲得急而變乾水~好細心又過隱~所謂加辣加左都唔覺~有點失望,可以加多少少辣椒仔~咖哩海鮮 - 上枱時睇個樣真係好得~熱騰騰出晒煙~魚蝦蟹青口帶子樣樣有少少~唔係太大件,埋喺結達達的咖哩汁中~感覺好充實~可惜咖哩汁對我同粉絲黎講唔係太辣~有D可惜~蔥油餅上枱有少少暖~外層脆脆地~沾埋咖哩汁一齊食,正~!!明爐魚 - 筷子咁長的烏頭魚,估唔到咁細條~有少少失望~我同粉絲都勁中意食魚~!!配菜好多~包晒成條魚~有點OVER泰式炒大蟹 - 蟹蓋有兩隻手掌拼埋咁大隻~真係好大~好多肉~但就冇咩糕~可能唔係糕蟹掛~我地只係貪食,

提起大埔泰菜，好多人都推薦食忠誠，因為口碑好，遇著狂風驟雨嘅日子，我地一行四人殺入大尾督，去到問口已經勁多人排隊囉飛，好彩時間尚早，入到去就要即刻點送，因為七點半要交台即係食個半鐘。 咖喱昧吾夠香，佢有蛋花都幾滑，好彩只蟹都吾錯。 呢個冬陰功的確好精致，用個細煲裝住，四個人，真係一人一碗已經無曬，除佐細之外仲幾酸肉都ok，酱汁吾好食 辣椒膏炒青口，幾好食嘅 好油啊，無乜特別 朋友怕辣，就叫佐汁另上，但係碟嘢嚟佐成半個鐘催佐好多次都係無嚟，叫佐幾個待應，個個都係聽完就算！甘嘅服務速度，我點樣響你地限時內食完呢 咖喱角 簿餅+蒜容包，點得呢個都係月嚟點咖喱汁食，特別係蒜容包，好脆基本上嘅水準係属於中等質素，點解甘多人嚟食可能係因為個環境，而且周圍嘅泰國菜館都無乜幾間，如果要我特登入嚟，排隊，仲要限食個半鍾嘅話，我未必考慮。

Openrice Account 都使用了一段時間，為了這一家"忠誠泰菜"決定寫上第一篇食評。因工作關係，經常要食泰菜，而且本人十分喜歡泰國。一直都知道大尾督有幾家泰菜，而且頗為出名，友人「吹雞」請食飯，全部人「特登」入大埔食，可是服務和食物都令本人極度失望。食物：我們點了9個菜，包括：甜咖哩雞、咖哩蟹、冬蔭功、炒通菜、炒金邊粉、明爐生魚、豬頸肉、串燒、烤麵包。食物賣相還可以，但味道就很一般了，份量簡直是不堪，女仔都會嫌細份。咖哩不夠入味，咖哩雞採用一般超市買到的雪雞，引用「美女廚房」的經典對白「雞有雞味、咖哩有咖哩味」，而且不夠熱；咖哩蟹有用蛋花整咖哩，味道還可以，但蟹是霉的。冬蔭功，蝦有三隻，但用上一個極迷你的煲仔，每人只係分到少少，而且不夠入味，辣度是一般港人能接受的。炒通菜，敗北之作，還是不夠熱，而且炒出來成碟水。炒金邊粉，比一般茶餐廳還要差，也是不夠入味。其他食物我也無心機食落去，照片也不是影很多。服務：侍應不懂應變也沒有禮貌，落完單唔覆。我們點Singha泰國啤酒，他說啤酒「未雪唔夠凍」，但唔識攞冰桶出來。