忠誠茶座泰國菜

營業中

休息中

屋企人想食泰國菜,諗左幾間都唔岩心水,就醒起好耐無去既忠誠,因為無訂檯一定要等半個鐘左右,所以好多時無預定幾時食,一諗起都要打消念頭,今日唔理喇～太想食照去。佢地既座位唔少,有一般餐廳2-3個鋪既座位,我地約7點去到,食客非常多已坐滿,等位的也不少呢,望下訂檯簿仔,仲有10幾張檯先到我地,等到近一個鐘,有位了。叫個椰青解解渴$48,好大個好清甜,3個人叫左兩個,飲極都有!一個椰肉超嫩可以食哂d肉😍。泰式古法浸雞$152,食左咁多次原來未叫過呢個,皮香肉嫩連皮都食埋,超滑又有雞味,配埋泰式酸辣醬更正!串燒沙爹牛肉4串$58,花生醬加沙爹醬超香滑,牛肉燒得幾好,但有幾舊大既好韌。焗薄餅$42,有8塊咖喱未到時,我地一人食塊先,超鬆脆煙韌既薄餅,配埋咖喱吸哂d汁仲正!!鑊仔綠咖哩斑塊$85,超中意食涼瓜斑腩既我試試咖喱斑塊,原來唔系好夾,但綠咖哩一向是我首選超好食,仲有洋蔥,茄子,蘑菇,韭菜。食到一半仲有好多咖喱汁,再叫蒜蓉包$38,6塊超香脆軟熟,無得頂!

襯仲未到炎夏，黎大尾篤行吓輕鬆吓。鍾意黎忠誠食野，佢啲泰國菜係幾好食，夜晚散叫係仲好食。今日晏晝黎到，有午市套餐，咁就食午餐啦。芭提雅喇沙肥牛麵$55，幾大碗，個喇沙湯底好好飲，好濃蝦味，又好香椰奶味，可惜肥牛冇乜牛味，似豬頸肉多過似牛，點解咁奇怪?!青咖喱雞絲炒飯$45，食得多啲中式炒飯，難得有青咖喱炒飯，梗要試吓。幾香青咖喱味，面頭有一塊炸物，以為咁著數送咁大件野。原來係炸洋蔥定唔知炸生菜，好油吓，都唔夠膽食。唔俾好過啦今日午餐一般，得閒要入黎食吓晚飯先得~

慶祝一周年，黎左食泰國菜！好味道 比得上九龍城！但價錢當然就比起九龍城貴啲... 呢個好好味！ 好脆好有口感，脹卜卜咁，呢個薄餅最出色！配埋咖哩一流呀！叫得薄餅當然點少得咖哩！叫左軟殻蟹咖哩.. 兩樣野分開上 好處係軟殻蟹仲好脆！之前九龍城食食炒埋一碟..覺得咁樣仲好食炸蝦球 份量有啲少！食落好彈牙！外脆內彈牙！配埋汁 一流 ！ 食親泰國野一定要叫！最後仲有象啤！ 呢到野食好味..但上菜有啲慢..象啤由點餐開始就叫..提醒左起碼3次！ 先係用餐中既後段到 .. 要改善下...不過態度好好..相信都係太忙所至

落咗成個星期雨，今日終於好天，所以踩單車入大尾督食嘢。大尾篤如果唔燒嘢食的話，來來去去都係得果幾間餐廳選擇，最後決定食泰國菜。可能早幾日落雨的關係，所以蚊蟲特別多。腳邊有小強陪咗我成個晚餐時間。講返食物......沙嗲串燒豬肉其實味道不錯，仲有番茄同菠蘿做伴碟，沙嗲醬內有花生粒。我知道串燒係要花啲時間整，但係都唔使淨係用火辣一辣個面，成舊肉粉紅色咁上碟㗎，不過可能係我唔習慣食生豬肉。佢啲椰青就麻麻啦，椰肉勁厚皮，硬到食唔到，愛來煲湯就差唔多。椰青水唔甜嘅，好失望。

餐廳位置：香港人踩單車，最常都係吐露港入大美督。依間餐廳剛剛好就係交車舖對面，好方便。當你見到一大推舖頭食tea,而你又唔邊間好味，我就推介你試吓依間嘅下午茶。食物：話說五一黃金日，小妹都係踩完單車，身水身汗，肚入面條中蟲想開餐，當然想tea一tea。咩都唔睇，就係想食下午茶餐，飲小小嘢 ，咁佢有下午茶餐，正。1。先介紹佢個「炸蝦多士」真係好味，外脆內彈是炸蝦多士常識吧。個重點喺個醬！！！！不是平時食到的超市雞醬味，佢有多少少糖漿甜，然後甜酸醬味再出來，好味!好夾！2。再黎公司三文治就係一份公司三文治，麵包有烘底，沙拉菜吞拿魚夠凍，蛋夠熱，有誠意。做得唔錯。3。茶餐加15蚊，有一客薯條。依客薯條，炸得剛好，全部金黃，無黑點無炸蕉。外香脆，內不乾。好一碟成功炸薯條。蕃茄汁可以多一包咁就更好。但因為自己懶，無再問佢拎啦！4。餐飲加4蚊有餐飲，都係正路茶啡，無咩特別。特飲不包，要另叫，計全費，所以放棄了。我加4蚊飲枝枝裝樂，爽爆!5。甜品：椰汁芒果黑糯米黑糯米濕軟度適中，溫溫暖暖；個芒果又甜又多汁，仲係凍嘅。無得輸餐廳服務：侍應耐心，服務好，今日見佢哋好忙，不過落單，反應，俾水，樣樣足。但可

今晚有屋企人生日，大家約左去大美督忠誠食泰菜，對上一次去食都隔左差不多一年，屋企人book左6點食飯，入到去忠誠已經坐無虛席～～我地order左炸蝦餅、海南雞、蒜香炸銀鱈魚、菠蘿炒飯、焗薄餅、串燒、春卷⋯⋯大約10分鐘就上菜，海南雞依然同之前一樣好入味同嫩滑、而銀鱈魚就炸得好脆、好香口，焗薄餅都同樣香脆～～其餘小菜就一般，菠蘿炒飯比之前炒得差左～～飯少少硬～之後切蛋糕慶祝，夥計話要收$50切餅費～都要局比啦～到7:30，d夥計趕住執枱，迫我地走～今日真係食得衝忙

今日同同事一齊去大尾篤食lunch一行9人，因驚叫餸散叫要等好耐，所以就吃碟頭飯，9人當中，3個食叫咖哩，1個食麵，5個食雜排飯…不過lunch hour真係好多人，1：15pm叫餐，頭2碟咖哩都1：35pm先有得吃先介紹下依個椰香咖哩牛腩飯$52唔食得辣嘅人都十分“岩”吃好香嘅椰汁味，少少咖哩味，偏甜的薯仔好淋，牛腩唔算好淋，但又唔會覺得好硬，個人認為好吃！依個不得不介紹，先係同事推介(我上次已吃，所以知好味）豉油雜排飯$52飯一碟，再跟一碟餸不過唔知係咪今日5個人都叫依款，真係出得好慢（我慢吃吃左半碟咖哩，雜排先出）有牛排，豬排，煙肉，雞翼，腸仔，蛋，菜十分有成意的雜排飯，牛排，豬排仲要已切條，雖然唔係成塊咁上，每款排只有三條，但一般都夠食。鷄翼炸得好趣口，另外個鼓油汁都好好味，應該係已煮過。飯餐不論跟冷熱飲都要加錢e.g. 加凍檸檬茶就+6

踩到入大尾督 緊係食返餐好既慰勞下自己啦行左幾間 發覺呢間最多人！ 好多人等位！睇埋餐牌覺得價錢ok7點半左右黎 等左大約15分鐘 坐係餐廳既左面 類似隔離店既帳篷入面 比較靜醃無骨雞腳 2隻辣椒開胃同食完最尾真係好辣！ 小妹唔食得辣 面頭既雞腳同配料都食得到 但中間至尾尾的已經好辣 要飲水 好食程度：下次可以試下第2樣紫菜豆腐肉碎湯 10星！大推介！清淡！鮮甜味！令人一飲再飲！ 補充踩單車所流失既精神分量可以分到6碗左右 泰式焗薄餅 咖喱炒鮮魷 呢個唔抵食甜咖喱 完全唔辣 味道有啲似日本咖哩 魷魚得幾舊 點薄餅食係浪費左舊薄餅推介：紫菜豆腐肉碎湯 10星服務大部份係後生仔女 普遍無黑面 都幾nice同聽客講野 佢地傾計都幾搞笑

今日清明假﹐預約左上門狗狗美容﹐所以整日都係屋企﹐而老公就開舖﹐收舖後接埋我去大埔大尾督出名的泰國菜館﹐菜館名稱『忠誠泰國菜館』﹐這間菜館日日都高朋滿座﹐一般要等半小時才有位的﹐可能今日係清明﹐好多人都拜山加上我們又夜來﹐所以5係等左好耐已經有位﹐菜單上見到金袍筍殼魚﹐這是我老公至愛﹐所以先來點左呢隻小菜先﹐其後加了泰式古法浸雞半隻、咸魚炒椰菜苗、生灼肥牛湯金邊粉。金袍筍殼魚即廣東菜的油浸筍殼魚﹐外皮炸脆又不失魚肉鮮𠰌﹐不過建議上碟將豉油分開先﹐如果5係外皮便不會脆了﹐且索晒D豉油﹐這樣魚便太咸了﹐泰式古法浸雞同廣東菜白切雞分別不大﹐味道都不錯﹐雞肉也很滑﹐咸魚炒椰菜苗咸味合到好處﹐最後埋單剛好$500﹐不收加一外還送泰式甜品。這間菜館長期客人多的原因﹐明白了。

呢兩日天氣都超級好趁着星期日去咗大尾督踩單車踩完之後梗係唔好放過食泰國餐啊忠誠泰國菜不嬲都係出晒名排長龍今次我哋即興就冇訂枱walk in 緊拎飛都等左一個鐘啊！首先係泰式無骨鳳爪啦呢度嘅鳳爪都算係辣架但係越辣越過癮啦另外一定要試嘅係呢個泰式焗薄餅超級鬆脆啊食薄餅點少得叫埋個咖喱啊！今次是找黃咖喱牛腩一啲都唔辣架但係都好香濃大家有機會一定要來試吓

呢間泰國菜雖然遠在大尾瞥但在一個平日的晚上依然座無虛席。以前踩完單車都會去，可能次次都係勁餓的狀態下食，記憶中係好好食的今次去感覺失色咗，咖哩係港式，不過百一蚊有軟殻蟹仲要另上就原諒左佢。香葉肉碎炒芽菜都冇咩泰國感覺。較好食嘅係燒牛肉，點嘅時候會問你幾成熟，叫了五成，上菜目測只像三成熟嚇了一跳，但食落都咬得爛。點的醬汁依舊好味。另外點菜時覺得貴貴地不敢點太多，原來是免收加一。所以二人份量晚餐大概百幾一位，也算可以。

知道尼間餐廳幾出日，五六日一定要預約先食到，所以與友人揀左平日黎食冇預約，8點左右到，餐廳有7成人客，2個人坐4人枱，唔洗迫，平日既好處😆去個日天氣轉凍，坐底就送上2杯熱水，係幾窩心👍 我地總共叫左5樣食物，以2個人來說算幾多，不過我地冇叫飯，所以都食得晒，好飽！金鈎醬炒荳角：食泰式唔一定食通菜，食下荳角都唔差，金鈎醬鹹鹹地，荳角爽口，撈飯一流。燒牛柳：因為我唔食生野，開頭見到肉中間生生地有啲怕怕，食食下又幾好食，牛肉夠嫩唔會硬，醬汁酸酸辣辣好開胃，值得推薦👍咖哩炒大蝦：蝦分量唔多但夠大隻，咖哩汁分量好好好多但唔辣，配薄餅食係最適合而且好食。焗薄餅：皮薄爽脆，新鮮出焗既時候最好食，配咖哩汁一流，就算冇叫飯，食幾個薄餅都夠飽。咖哩加薄餅尼個配搭不可缺少，叫咖哩就叫埋薄餅，叫薄餅就唔可以唔叫咖哩囉😂生菜包豬肉：生菜好大一片，豬肉分量頗多，比想像中更辣一點，但好食。整體來說，食物味道很好，分量適中，環境唔錯，夜上有啲燈飾睇落係有氣氛啲既，下次會再黎食！

今天是美津濃半馬賽，Honey 到大美督工作。大清早，還以為這是熱門郊遊地點，一定有不少食肆供應早晨。行來行去，只有一間。唯一選擇，都好…好過無。雖然獨市，早餐選擇不少，價錢也不貴。Honey叫五香肉丁鷄蛋岀前一丁……真｢難得｣，岀前一丁被煮得不似岀前一丁是浸淋，並非煮淋！！浪費了岀前一丁的爽滑麵質。我叫了餐蛋麵，同樣，是浸淋……明白的……快呀嘛。但是，牛角包就好味！熱辣辣的，牛油香，鬆化。獨市，算是不錯了！寒冷的大清早，有熱食，不應要求太高！

係大埔又想食泰國菜，係openrice度見到哩間好似唔錯，叫左外賣。泰醬手撕雞 - 味道辣辣地，但又唔係好正宗既泰國辣味。份量唔算好多，雞仲有少少羶味🤔炸魚餅 - 好結實，表面炸得唔算脆，味道唔係難食又唔算好食，中規中矩。雞串 - 正常雞串味道，冇羶味，可以再叫。波蘿海鮮炒飯 - 海鮮份量都算多，但味道又係一般般，唔係特別突出。哩間餐廳都算幾偏下，踩單車經過都可以食下，但如果要特登份去食就冇咩必要啦，因為味道唔算特別好味

咖哩冇雞件，出野超慢，味道太甜，炒飯冇餸，又要等勁內，又要準時交枱，其實價錢同食物不差距好大，所有食物偏甜，又不外如事，價錢又唔係特別平，有少少好，係D服務員有些笑容