忠誠茶座泰國菜

營業中

休息中

中秋正日慶祝，6點半左右到，無訂位，已經好多人食緊飯。好彩有位，不過8點交枱，上菜速度快，所以唔聲住食飯。叫左夾心蝦肉酥4件($55)，三味炒大蝦4隻($138)，串燒沙嗲豬肉($62)，香甜咖哩雞肉($72)，泰式焗薄餅($42)，濕炒貴习($68)，泰國甜品大會。炸蝦肉酥脆卜卜，即炸，非常熱，食個陣要小心辣到口。蝦肉結實，雖然油炸，不過唔油膩。加d甜酸醬就好開胃，飯前小菜。原本以為炒蝦會辣，不過佢唔算辣，反而帶d甜甜地。有4隻大蝦，肉多而彈牙。仲有其他配料，菠蘿，椒，洋蔥等等一齊炒，以海鮮既價錢黎講，尼到食海鮮比其他泰國菜餐廳算平少少。沙嗲串燒有4串，雖然唔算多，不過d肉燒得好嫩，而沙嗲醬都幾重花生味，醮d就更好味。甜咖哩可以揀雞or牛腩，雞肉唔係帶骨既雞件，而係雞肉，份量有好多，仲有幾舊原粒大薯仔。面頭有紅毛丹(?)，仲有d花生碎，調一調味。雖然望落有紅色油，但唔辣既，係甜甜既咖哩，唔食辣既朋友，可以叫尼款甜咖哩。食過唔同款既泰國菜，得尼間見到有焗薄餅，用木棒串起。尼款唔係脆卜卜既，外層係酥脆皮咁，望落係漲卜卜，但其實入面唔係空心，有d酥皮層款咁。濕炒貴习用料豐富，有豬肉，雞肉，

因為焗薄餅而放係”我的收藏”。應該超過一年既時間，今晚又可以減少一個”我的收藏”傳統舊式泰國餐館裝修，無訂位，7點前到，侍應姨姨話盡快食盡快還枱😂，之後又聽到對其他食客講要8點半前還枱。兩個人的晚餐，總不能叫太多，每次食泰國菜都喜愛有咖哩，紅，青，黃咖哩，今次叫左一個幾特別係其他泰國餐館唔容易見到，鑊仔紅咖哩火鴨。超欣賞用火盆坐熱咖哩，無論食幾耐，都可以係暖暖咁食。鴨有足夠調味，而且無意用火熱住幾耐，肉都唔會變韌焗薄餅真係一流，為左一道菜式而遠赴係正確嘅。無論隔左15分鐘 30分鐘，薄餅嘅外皮仍然都係鬆脆，入面仲好鬆軟，雖然薄餅內裏唔係有好多層。外表已經夠特別，一串既薄餅，吸晴力已經好夠椰汁炒西蘭花原來係炒好既西蘭花上碟後再淋上椰漿，感覺有啲怪怪。仲有泰國菜最愛既燒牛肉，真係好夠味，5成熟岩岩好，唔洗點任何調味。食到中途突然覺得忠誠依個名好熟耳，諗下諗下，大埔一閒盆菜唔係個名都叫忠誠咩，唔通兩間餐廳有關係？後來詢問侍應姨姨，得知兩間係同一老闆同一餐廳，唔怪得火鴨咁好食。為左燒牛肉同薄餅會再光臨。

如果以為平日入大美督吃午飯不用等位，那就大錯特錯了! 由於旁邊的芭堤雅小廚滿座的關係，與同學們到來忠誠午膳~夏天陽光普照，吸引不少人到大美督進行水上活動，當然我也不例外啦! 這次挑戰新運動: 風帆，對於一向沒甚方向感的我，可算是相當有難度，不過經過2天課堂，都尚算可以控制得到，不過下次再玩應該要到10月了，要知道夏天玩帆船會有著中暑的感覺，也不能像獨木舟般想跳進大海就跳進大海，要駕駛帆船的技巧與知識相當多!由於我們一行十多人，店員安排我們坐房仔，不過內裡養了不少蚊，幸好我穿wetsuit，否則未吃午飯先要餵蚊~泰國牛丸湯米 ($26) (凍飲另加$6)天氣熱得過份，不想吃熱飯就要來了一碗湯米，湯底偏甜，就是泰國湯河的特色~ 牛丸幾彈牙，配上有咬口的米粉，雖然份量不多，但對於快中暑的人，這份量就已經很足夠!由於太累，忘了影那杯走甜的凍檸茶la~

難得朋友今日話揸車入大埔行返個圈玩返轉，心思思嘅我哋又想食泰菜，所以今日就嚟到呢一間餐廳。如果有揸車會非常之方便嘅餐廳小聚， 揸車嘅話拍喺對面就得㗎啦食物份量都幾多下，價錢未算話好貴，係地點唔算太就腳。但如果一班人就算踩單車嚟食都好方便嘅 。而且都幾有feel ，😎食物分量本身都唔算好細份，而我最鍾意就係梗係佢哋啲串燒呀小炒等等啦。😃不過菜呢我就覺得一般般，可能唔啱時候啦，食落有啲鞋口。😁不過整體都幾好食㗎。

最近天氣都幾好 即刻相約友人去踩單車踩到入大美督 緊係要補充下能量呢邊都有幾多餐廳我地就揀左食忠誠呢間泰國菜店員安排左我地坐係透明膠簾果邊以為坐呢d位會比較焗同熱 畢竟都叫貼近戶外但其實一d都唔熱 仲好涼爽tim野食有好多選擇總有一款係岩你口味我地就分別叫左紫菜湯粉配泰式魚蛋仲有魚露浸雞湯粉粉面可以揀金邊粉 米粉 公仔麵 河粉叫完野食 野飲幾乎係即刻送黎大熱天時 緊係要飲返枝可樂先得友人食紫菜公仔面配泰式魚蛋港式魚蛋就食得多但泰式魚蛋就真係未食過 是好吃的 可以列為清淡之選可惜無影到相 至於我呢 就揀左魚露浸雞湯河就咁睇名 會以為係用魚露醃雞 加工後再上碟野食一黎果陣 發現係有驚喜的呢個餐絕對係誠意之作雞同湯河嘅份量都好足 不得不說 就咁睇 都令人食指大動平時係出面食開有雞嘅餐 多數都係得幾件雞肉呢度唔止係得幾件 仲要有雞翼同小雞槌雞唔止入味仲好滑就算唔點魚露黎食都好好味 (最後魚露係成為左伴碟的)呢度無加一收費抵食得黎又好味 份量又夠下次再黎大尾督 是會再黎吃的

一家人去大埔遊山玩水，的士司機推薦去忠誠泰菜晚餐，於是試試。訂了晚上6點，剛入座，餐廳便近乎全滿，厲害！點了蝦餅、串燒鱔片、串燒牛、青咖喱雞、冬蔭公湯、炒金邊粉、焗薄餅、咸魚炒椰菜苗、酸辣鳳爪、芒果西米糕。每款都很好吃，串燒鱔片獲大家極好評，肉質彈牙，魚皮焦香，美味！結果encore了一碟，每人分到兩串，正！青咖喱配薄餅好好食，薄餅不是油膩膩那種，非常好！一串咁上好得意。蝦餅是球狀的，彈牙！酸辣鳳爪份量大，食極仲有，抵！酸酸辣辣，味道調較剛好，很開胃。咸魚炒椰菜苗咸香，又不會過咸。炒金邊粉的味道也不錯，炒得乾身，也不油膩。串燒牛也好，不太乾身，香口有肉汁。總之全都好好食，全家都好滿意，多謝大埔的士司機推薦！只是太遠了，下次有機會再來試多幾款菜式。

今日同老公慶祝紀念日 年年都食自助餐日本野 今次想食泰國野 所以兩口子入左大尾督食忠誠。一向都知呢間泰國菜係大尾督好出名，老公成日去食，我就第一次，所以就老公發板。燒鱔: 外脆內軟，熱辣辣，好香口。海鮮炒飯: 材料豐富，味道正常，無太大驚喜。串燒: 醬料同肉串都好味，唯獨4串都要同一款肉，唔可以混合，所以淨係試左牛肉，豬肉同雞肉要留待下次了。咖哩、薄餅: 我一向都唔係咖哩愛好者，我就唔比意見。不過我老公就好鍾意食咖哩，最後成煲食到見底。我就比較鍾意薄餅，可能佢串起既緣故，薄餅整體都相當脆口，又唔係太油。集錦甜品拼盤: 我一向都唔好甜品，但今次甜品其實最impress我。除左芒果、大菜糕、椰汁西米係凍既，其他甜點都熱既，而且甜度適中，岩哂唔好甜既朋友。我最鍾意佢既甜薯同綠色三角柱體果件(唔記得叫咩名)。初初諗過唔bk位，但好快就坐滿哂人，走既時候出面好多人等位，睇黎真係好多fans黎食野。今餐相當飽，兩個人叫唔到太多野，因為份量都唔細。我地兩個人都叫得算多，因為想試多d款，所以食到撐住走。

諗住避開母親節正日，星期一少d人先補番餐飯，點知忠誠可以多人到爆炸。好在有人打左去訂位環境都係咁啦，成條街d餐廳都大同小異，地方寬敞，算乾淨，但就係呢間特別旺。野食Portion偏細，出菜唔多統一。同一碟野前後分兩次叫，賣相同味道都有差別。唔會唔好食，野食我地都係碟碟清晒，但又未去到要排晒隊咁誇。價錢方面算合理，人頭都係百鬆d...職員好有禮貌，而且人手都好充足，所以如果平日過來應該都係好嘅選擇。

西貢忠誠茶座係我屋企聚會必選泰國菜食好少少但又會太貴落樓一大班人都好夠位坐地點唔太方便但揸車的話都有地方泊嘅每次聽到黎呢度我都超級開心因為又有得食好好味嘅野喇款式多樣多人食又可以試多啲唔同野其實都唔知點寫評價因為樣樣我都覺得幾好今次食過最出色炸銀雪魚外脆內軟又新鮮又滑係停唔到口個隻另外焗嗰個款薄餅好厚身好有口感中間嘅鬆脆層位配上咖喱真係一流其次今次叫咖喱青口個咖喱係甜嘅同埋超香椰汁味不得了自己對菠蘿炒飯特別鍾情可能係有細食到大有情意結真係覺得肉鬆腰果等等嘅配搭好match呢兩年個人食嘢健康左菜嘅選擇對我哋嚟講都好重要木瓜沙律緊係媽媽至愛提提係好辣嘅食唔到辣嘅朋友記得叫小辣

同朋友去踩完單車，踩踩下已經不知不覺入左黑，好肚餓又唔想食燒烤咁heavy之際，就係附近入左呢間泰國菜，對上一次食已經係幾年前。呢間係一間幾正宗又幾有feel既泰國菜，啲waiter 會著住五顏六色既衫。我地果晚嗌左4個餸而已，無嗌到飯，但都食得好飽，份量十足。菜好好味，係用豆醬炒，咸咸地，同蝦醬又有少少唔同，有時真係會食到豆。另外，咖哩嗌左綠色既，配雞，本身以為會好辣，又出奇地辣得好好味，用佢再沾上烤薄餅，簡直係一流。

2人行去開大尾篤緊係又去下忠誠啦～通常夜晚黎多午餐真係第一次～即管試下啦叫咗2個午餐配飲品～泰式扎肉湯粉絲配熱奶茶～泰式炒金邊粉配熱奶茶泰式扎肉湯粉絲～冬蔭公湯底正！成碗份量還可以～食落一D都唔辣～可惜湯太少～夾起D粉就冇咩湯～食落得粉味淡到呢問個阿姨可唔可以加D湯～佢比咗一小碗～加落D粉到超正泰式炒金邊粉好夠火喉賣相一流～味道夠正宗～有半生熟蝦、花生碎、肉松、蛋絲、芽菜、櫻花蝦乾～再配一片新鮮蕃茄一片新鮮青瓜餐配熱奶茶～茶味濃可惜“鞋口”咗D除咗九龍城依間算好正宗

今日入咗去大埔大尾篤試下呢間遠近馳名嘅泰國菜 我無咩EXPECTATION, 因為我最 LIKE 去泰國食泰國菜叫左菠蘿炒飯啦, 炒貴刁啦, 乾炒牛河啦, 其實已經偏向左香港嘅味道雞串燒啦, 牛肉串燒啦, 食到炭香味, 都唔錯 其實係好味嘅. 菠蘿炒飯店都有菠蘿嘅甜炒椰菜嘅炒得好硬, 如果老人家食就唔係好好啦! (BUT 呢隻菜係咁既) 但係其實都可以接受其他就好似茶記咁囉最好食係個 DESSERT, 真係有D THAI FEEL, 但係都幾甜, 不過算啦冇所謂啦食餐飯開心心就得啦

大美督釣完魚就去對面既泰國餐廳食晚飯，有預早訂位以免到時等位～訂咗6點，準時入坐～不過職員話7:30還枱但當日唔太多人所以即使過咗7點半都無催還枱炸鮮蝦餅（4件） ＄78雖然個名叫蝦餅但佢係一個波形，熱辣辣上枱蝦餅好彈牙而且蝦味濃，味道唔錯再配上酸酸甜甜既醬，開胃得黎唔會膩冬蔭公（蝦湯）＄108個湯味道只飲到酸，唔係好飲到海鮮蝦味～雖然個湯有3隻鮮蝦但味道方面就唔太吸引。份量大約分到3 碗左右而且價錢小妹覺得價錢偏貴，如果配料或者味道可以增加同改善會相對吸引好多泰式古法浸雞 （半隻）＄152呢隻雞雞肉好滑，雞皮亦好爽但有部分位置好似未熟咁～D肉仲有血水所以小妹都無食哂～不過可能用浸既方面煮雞，所以會出現咁既質感～可惜小妹怕生同肚痛所以放棄咗不過配上微辣辣醬都幾正綠咖喱配豬 ＄72 ／ 泰式焗薄餅 ＄42綠咖喱沒有食到辣既感覺不過豬肉片都幾多味道方面，小妹覺得偏淡，沒有好濃既咖喱或者椰香味，所以呢款綠咖哩沒有很喜歡，不過叫咗個泰式焗薄餅所以都要沾下個綠咖喱食～薄餅好似酥皮，鬆脆既感覺，沾上咖喱後都保持到個質感，唔怕熱氣都可以試下泰國金邊粉 ＄68金邊粉同樣地都似偏淡，顏色偏向好淡既紅色，

又係一餐好好味嘅泰國菜啊！收咗工之後屋企人開車入去大埔❤️❤️老實講地點唔太就腳，如果冇揸車嘅人，就要轉多程車先嚟到。但係真係好好味，絕對物有所值。首先講吓個環境先！初初上網訂坐時，我以為佢係一般嘅茶餐廳🌚入到去餐廳燈光比較暗，所以如果好鍾意影相嘅朋友，可能要揀個靚位啦。呢餐飯食咗九百幾蚊未到＄1000，但係美中不足嘅呢就係通菜一般。可能唔係太啱時候掛，我覺得比較老同鞋十十，所以唔太好好味。但係味道方面樣樣嘢食都唔會話太鹹或者太重口味。所以我自己都好鍾意食❤️同埋如果你係約埋一班朋友踩單車嘅話，呢度都絕對順路架！因為都係大尾篤附近🤤🤤好啦唔講咁多！快啲睇相啦🤓

We had lunch here after bike riding for two hours. It is convenient as it is just across the road/bike lanes from some of the bike rental stores.It’s not the most amazing Thai food you’d ever have, but it is more than adequate - especially when everyone is hungry!!! The green chicken curry was very tasty and spicy. The pad Thai and fried rice were okay. The veggies with salted fish were delicious.