忠誠茶座泰國菜

營業中

休息中

落咗成個星期雨，今日終於好天，所以踩單車入大尾督食嘢。大尾篤如果唔燒嘢食的話，來來去去都係得果幾間餐廳選擇，最後決定食泰國菜。可能早幾日落雨的關係，所以蚊蟲特別多。腳邊有小強陪咗我成個晚餐時間。講返食物......沙嗲串燒豬肉其實味道不錯，仲有番茄同菠蘿做伴碟，沙嗲醬內有花生粒。我知道串燒係要花啲時間整，但係都唔使淨係用火辣一辣個面，成舊肉粉紅色咁上碟㗎，不過可能係我唔習慣食生豬肉。佢啲椰青就麻麻啦，椰肉勁厚皮，硬到食唔到，愛來煲湯就差唔多。椰青水唔甜嘅，好失望。