忠誠茶座泰國菜

營業中

休息中

之前好多次想訂位都話full,今日可能因為落雨,居然即日都訂到位同家人去食飯我地一行五人,先嚟兩個小食:青木瓜沙律:個汁的味調得幾好,酸酸辣辣,青瓜絲又爽口,又夠多花生碎鳳爪我覺得好好味,因為個質地正正係我鍾意嗰種,唔會太淋身,亦唔會好似泰式嗰款太硬身,配埋個汁,正!食泰國菜,冬陰功一定唔可以少啦!個鍋睇落細細個,但都分到五碗有多架,而且好足料,啲蝦又新鮮主菜要左三個:干炒泰式牛河呢個味道好食,但唔覺得有泰式feel囉,可以不試青咖哩牛呢個配薄餅一流呀,唔會太辣,有椰香,啲牛肉都好滑菠蘿雞絲炒飯個飯炒得好靚,唔油夠乾身,鍾意佢面頭有好多肉鬆最後要埋兩個甜品千層糕鐘意佢有椰漿伴食,千層糕亦好香斑蘭味,暖食煙煙Un Un芒果糯米飯好大碟抵食,芒果夠甜,糯米飯好綿我地食左咁多野都唔駛五百蚊,好味又大碟,唔怪得成日都full booked la.

今天為預先慶祝父母生日，來了這家我們全家經常光顧的泰菜餐廳，已成了名符其實的飯堂；這次就來為它寫一次食評吧！先來一道香葉包雞，這是弟弟每次的必食之選，也由於他的酷愛、我還沒來得及拍照便被「打劫」了，原來一碟有六件的……><看嫩多汁的雞肉，再加以泰式辣醬，開胃之選呀！來到了主菜，這個是新嘗試，之前沒吃過。嗯……味道還算不錯，但因肉較少咬勁不夠，吃下口感覺「得個辣字」，風味不及「避風塘」式，相比之下，還是傳統的辣椒膏炒蟹好吃點。這個也是必食之選，飯炒得一粒粒，加上肉鬆提子乾，味道清新，而海鮮也算大件，只是整碟飯份量較少，只是個迷你菠蘿的size這是新菜式，咖喱汁不錯，但軟殼蟹炸得不夠脆這個也是必食之選，一碟四件，茄子乾脆爽口，香草蝦粒味道奇match，記得要熱食串上的烤薄餅造型得意，咬感脆口，但個人還是較喜愛煎薄餅味道太咸了，豆角也嫌太硬總結，一頓食得開心的生日飯 各位想去的朋友記得先訂位唷

Turned up at lunch time but they were able to seat 7 of us straight away,Staff were there at the table with menus even though the place was busy,Split order as some of our party arrived late but the food that was ordered first came quickly and was good - green curry which was really creamy and minced pork with fried rice and chilli. Really nice authentic taste on both.Drinks were also quick to arrive.The rest of the party arrived and orders were taken.The food was quick and good.The naan bread w

同朋友去左大美篤玩風帆, 中午行出來搵食, 諗下不如近近地去呢度, 話晒出名!兩個人被安排去左一張四人檯, 闊落, 侍應態度好好!地方又乾淨!我地叫左兩個午餐, 連飲品都係一人HK$35 - 咖哩牛腩飯 - 咖哩味好濃, 好香, 又唔係只得個辣字, 咖哩汁中的椰汁帶出咖哩的香味, 牛腩又炆得好 "林", 有牛香味, 加埋個配菜薯仔, 入晒味, 胞肚又好味!原汁牛腩飯 - 個汁好香好有肉味, 帶出晒牛腩香味, d蘿蔔吸晒d精華,好正! 兩碟牛腩份量都好足夠, 啖啖肉!兩個飯仲連兩杯野飲, 飲品我地叫左凍奶茶, 水準一般, 無咩茶香味, 得個甜字.....

### 不要人講你就信 - 各人有各不同喜好、口味及準則 ###今天一家三人開車到大尾督行一行，並來一個 late lunch。星期六、曰大尾督洎車比較難，閒日直情可以洎到餐廳門口。這家餐廳頗大、客多、環境就像一家熱熱鬧鬧的高檔茶餐廳。招呼也不錯和挺快手。我們點了咖喱牛腩飯+湅0荼（set lunch）、魚蛋冬蔭功湯河+咸0七（set lunch)、加一客辣肉碎生菜包。各樣食物味道還不錯，就是不夠地道。那個咸0七落足一整個咸青檸，好味道，真的不頼。埋單一共是百多元，算是抵食。如果是找一個有味蕾刺激、價錢相宜的食肆，這家可以是一個算擇。但是如果是一心吃泰國菜，這家未必是你的一杯茶。

呢間野一向多人 有心食一定要book位~個日星期日~ 個fd渣車入去~ 我地book左6點~去羅位~ 已經見到差唔多坐滿曬~可能比較忙~ book左位都要等佢地忙完先比到位我地坐底~一行5人~ 總共叫左豬頸肉,咖哩大蝦, 咖哩牛腩, 冬陰公, 一桶白飯, 蒜蓉包, 薄餅(焗), 炒豆角, 咸魚炒芥蘭, 甜品拼盤豬頸肉:好好食, 唔要佢比個個汁個人覺得重好~咖哩大蝦:必食之選, 次次黎親都叫咖哩牛腩:一樣係必食, 不過覺得今次好似差左冬陰公:本人唔食辣, 唔知點, 不過朋友都話ok, 唔差白飯:覺得一定要, 如果唔係會sin曬個2個咖喱汁蒜蓉包:不過不失, 難有驚喜XD薄餅(焗):不過不失, 難有驚喜XD炒豆角:不過不失咸魚炒芥蘭: 呢個... 唔係唔好食, 不過真係唔覺得有咸魚味甜品拼盤: 個賣相唔得 ,味道唔知, 因為朋友們將食剩既白飯迫我食曬= =""" 飽到連甜品都食唔到XD總結: 感覺上比之前差左D D, 不過都重好好食

一個悠閒的星期六，入左大尾篤逛一逛食個午餐，揀了泰菜，實很久沒去過大尾篤，雖然家住大埔，其實入去都要成15-20分鐘。講回食物，四大一Ｂ點了幾款食物！泰式簿餅：味道一般，略嫌硬左少少，而且都係要有Ｄ咖喱汁蘸蘸下先好味！泰式酸辣牛柳：一道很開胃的菜，夠辣，牛肉唔o鞋口，不錯！泰式干炒牛河：干粉切成類似陳村粉咁，係一塊塊唔係一條條，而牛肉用免治形式，唔係我地一般食的牛河模樣，但炒得不錯，又夠辣，反而一塊塊河粉挾起黎仲方便Ｄ！冬蔭公湯：材料足，上檯後再煲熱Ｄ，蝦好大隻，湯真夠酸，吃飲的會鍾意，不愛湯水的我，麻麻！泰式豬頸肉：硬身，有待改善，反而覺得上水街市大排檔好過佢好多！菠蘿雞肉炒飯（碟上）：一道小朋友食的炒飯！用上鮮菠蘿，十分好！泰式蝦春卷：上檯時熱辣辣燙口，大大隻蝦，ＧＯＯＤ！埋單差不多四百！假日之選

同女朋友去週年紀念, 本來唔太大期望, 但發覺都唔錯, 去到個的WAITRESS幾好服務, 最重要係加水時間好好, 唔會成日走過來DISTURB 客人, 留意去客人冇水會自動去加唔屎人叫, 我叫左佢個焗薄餅, 脆香口，賣相好好, 好特別, 我諗要好好功架既先做到, 的薄餅熱度剛好, 而且好脆, 呢個我比90分, 其他都一般以上水準, 個紅CURRY我覺得香料幾足, 可以TRY TRY, 食左都係200元度, 幾抵食

一眾好友在行山之後都顯得格外肚餓，在此要特別多謝活動負責人的安排，令我們不需要等位，一眾二十多人立刻可以入座，並開始點食物。叫了一個碟頭飯：荳醬雞扒雞。口味可以，可惜是它的醬汁太多了。然而它的咸檸七就很好了（不知是否因為太渴）另外也加了一份串燒雞，算是尚可。

第一次到忠誠吃晚餐已是很多年前, 約2003年, 一食就愛上了他們的泰國菜, 煮得很出色, 另我食指大動, 專程開車入到大尾篤都是值得的, 連食剩打包回家都是種美好回憶~後來也有去過幾次, 每次都是很心满意足的離去:好味的食物, 合理的價錢, 休閒的環境, 服務不俗, 還不收加一, 都是讓我留下美好印象的一家食店.上周又去了一次, 我們只有2個人, 所以只叫了泰國啤酒及檸檬蘇打, 另外叫了炒蜆, 冬蔭功及沙嗲牛肉河粉. 服務人員有點不濟, 看起來很年輕, 但真的是基本功不足, 間她大啤酒有多少毫升, 要問廚房, 再問她那小啤酒多少毫升, 又要問廚房, 唉~大象啤ok, 檸檬蘇打也很ok, 但食物就跟以前吃過的差很多.炒蜆味道一般, 滿口都是很濃的醬汁, 食不出海鮮味.沙嗲牛肉河粉不錯, 保持水準. 最差的是冬蔭功, 4只蝦, 剝殼時全都是硬身的, 就像用隔餐的蝦煮的, 落單時說明要小辣, 卻一點都不小辣, 最慘是裡面的蘑菇是酸的, 但我都吃完後才跟執枱的年輕服務人員反映, 她只是一句'啊'就沒有下文...唉~難怪在網上要送小食吸引食客, 但只有平日可以使用!

因親人常來呢度食, 慶祝吃飯都會來吃, 所以晨早又BOOK了兩張枱~熟識我親戚的WAITRESS/WAITOR態度係非常好 , 但後生的WAITER/WAITRESS就麻麻地喇 ~因怕掛住食野, 掛住傾計, 所以未放到全枱餸, 就拍定張照先, 之後.......... 梗係已經狂吃了.......... 冇影相了...... 當晚叫了金勾醬炒豆角, 肉碎炒芽菜, 串燒(豬牛雞各4串), 燒鰻魚串, 豬頸肉, 燒牛柳粒, 咖哩蟹, 青木瓜絲沙律, 無骨鳳爪, 薄餅, 冬陰公湯 ....ETC飲品, 我自己就飲青檸菊花蜜, 酸酸甜甜正~ 其實樣樣食物都已經吃過很多次, 樣樣都係好好味~ 但今次去, 水準差了很多, 份量又少了, 唔知係咪換了廚房呢?!

生日一行人到忠誠食飯叫了10個菜式, 加薄餅及蒜蓉包, 另外都叫了多杯特式飲品10個菜式為: 1. 椰汁雞湯, (略為酸味不夠)2. 醃牛柳, 正, 每次都會叫, 牛柳夠嫩, 味道夠鮮3. 燒雞, 好味道, d肉好嫩4. 辣肉碎炒河, 好辣,不過好正5. 芋頭飯, 朋友好like, 不過自己就一般6. 咖喱炒蟹 , 加埋蒜蓉包同薄餅食~ good~ 每次都最愛個咖喱汁7. 蝦膠釀青口, 賣相好靚, 要趁熱食, 凍左味道無咁好8. 鑊仔海鮮大會, 個辣味幾好, 唔算辣, 有d惹味9. 無相, 浸娃娃菜, 煲得太耐, d菜太淋, 個湯幾好味10. 無相, 泰式無骨雞腳, 每次都必叫, 好辣, 不過個汁好好味~

一家人星期天在大埔海濱公園租單車，從海濱騎到大美督。老公和兒子各騎一輛，而我就挑了一種車上加了個可以坐小朋友架子的車，因為女兒只有4歲9個月，雖然她會騎兩個輪的單車，可沒在大馬路上騎過，所以我便帶著她。我把這車稱作母女車，其實女兒有近四十鎊，她坐在車後，我騎起來頗吃力的，可是一邊騎一邊和女兒唱唱歌，說說話這種感受特棒！大概騎了四十五分鐘終於到了總站（女兒的說法）：大美督的“忠誠茶座”。 到了門口，店員叫我們把三部車放在店對面，本來我怕吃飯見不到車不放心，誰知店家早有準備，給了兒子一條長長的鍊子鎖車，看來這家店多單車客人。一坐下就立即點菜，因為我實在是又累又餓，之前看網友寫的食評我依稀記得，所以叫的全是受歡迎的菜。 炒泰國金邊粉：一碟份量不算多，幸好味道酸酸辣辣的，挺開胃。 半隻泰式古法浸雞：雞很大，偏肥，皮又厚，肉也不怎麼滑，過得去而已，一定要點附加的醬吃才行

今日6點幾就去所以唔使等位, YEAH!真係好味,到現在仍然回味中,2個人去食,只後悔2個人,胃唔夠大,試唔晒佢地D美食.今日叫了超級美味(現在回想起仍然流口水)的酸辣牛柳,D牛好淋,個汁超好味, 5粒星!!!牛柳個汁,好味到叫士應唔準收~用來點豬頸玉,一樣超好味!叫左杯椰汁珍多冰,唔會太甜,O岩O岩好~正!!!另外叫了手撕雞同通菜,都有水準呀~埋單$240, 過了開心的一晚,一定會再黎,下次叫多D朋友先,可以叫多D菜,呵呵~

2010年7月11日 大埔-大美督 ( 忠誠茶座泰國菜 - 1 )大美督兩天渡假遊，翌日，早上起來，先到忠誠茶座嘆個早餐，我要了沙嗲牛肉公仔麵及涷奶茶，太座要了豉油皇炒麵及熱鴛鴦。早餐質素品評如下：沙嗲牛肉麵：沙嗲牛肉賣相猶似存放了很久的模樣，因牛肉與麵的熱度不一致，估計應從雪櫃取出再加在麵上，牛肉疏打過偏腍，沙嗲的味道唔夠濃，麵身也許淥過火了，已過腍，沒有咬口，湯底亦偏鹹了，唔係好得，不試也吧！豉油皇炒麵：賣相幾靚，麵炒得夠乾身，老抽着色均勻，麵條泛着輕輕的油光，很吸引，而韭菜及芽菜的添加，更添美味感覺，麵質軟腍合適，口感與味道俱佳，做得很好。涷奶茶：盛上之杯邊很殘舊，崩崩地，影響胃口，冰塊似乎過多，先棄去多餘的冰，喝起來時，帶着一般傳統的紅茶味道，茶味輕柔，啱我口味，奶味濃香，甜度感到足夠，這裡的奶茶仍然保持一貫水準，就是好飲的。熱鴛鴦：是太座的飲品，我試了一口，茶溫夠熱，入口順滑，奶脂足夠，咖啡味道比茶味濃，此時，口中隱約感到一股酸味，也許是咖啡的質素不好而發酸，然而咖啡比例過多更突顯了酸味，這杯鴛鴦實屬不美之作了。忠誠茶座是大美督的人氣店，每次來此渡假，鄉郊地方，忠誠茶座也是穩