更多
2014-07-01
2403 瀏覽
今日真係開心~粉絲約我去食生日飯~~佢提意入大尾篤行個轉食泰國野~~我都好耐冇入去~所以全力支持!~去到可能太早~我地係第一枱客人~自己選左個心儀位置~開始睇餐牌~餐牌整得好靚~我最中意呢D咁靚的美食~一邊睇一邊揀~得兩個人真係要點得好小心~太唔想有食唔晒以免做成浪費!!可能冇咩人~所以服務員對我地的服務額外周到~冬陰公湯(加辣) - 超入味~堅真材實料~好多香料味氛氛散發出黎~食人聞到已經好想飲~!當中仲有好多海鮮,上枱時仲用個小小的火爐慢慢咁煲住,唔會等佢咁快凍,又唔會煲得急而變乾水~好細心又過隱~所謂加辣加左都唔覺~有點失望,可以加多少少辣椒仔~咖哩海鮮 - 上枱時睇個樣真係好得~熱騰騰出晒煙~魚蝦蟹青口帶子樣樣有少少~唔係太大件,埋喺結達達的咖哩汁中~感覺好充實~可惜咖哩汁對我同粉絲黎講唔係太辣~有D可惜~蔥油餅上枱有少少暖~外層脆脆地~沾埋咖哩汁一齊食,正~!!明爐魚 - 筷子咁長的烏頭魚,估唔到咁細條~有少少失望~我同粉絲都勁中意食魚~!!配菜好多~包晒成條魚~有點OVER泰式炒大蟹 - 蟹蓋有兩隻手掌拼埋咁大隻~真係好大~好多肉~但就冇咩糕~可能唔係糕蟹掛~我地只係貪食,
佢提意入大尾篤行個轉食泰國野~~我都好耐冇入去~所以全力支持!~
去到可能太早~我地係第一枱客人~自己選左個心儀位置~開始睇餐牌~
餐牌整得好靚~我最中意呢D咁靚的美食~一邊睇一邊揀~得兩個人真係要點得好小心~
太唔想有食唔晒以免做成浪費!!可能冇咩人~所以服務員對我地的服務額外周到~
冬陰公湯(加辣) - 超入味~堅真材實料~好多香料味氛氛散發出黎~食人聞到已經好想飲~!當中仲有好多海鮮,上枱時仲用個小小的火爐慢慢咁煲住,唔會等佢咁快凍,又唔會煲得急而變乾水~好細心又過隱~所謂加辣加左都唔覺~有點失望,可以加多少少辣椒仔~
咖哩海鮮 - 上枱時睇個樣真係好得~熱騰騰出晒煙~魚蝦蟹青口帶子樣樣有少少~唔係太大件,埋喺結達達的咖哩汁中~感覺好充實~可惜咖哩汁對我同粉絲黎講唔係太辣~有D可惜~蔥油餅上枱有少少暖~外層脆脆地~沾埋咖哩汁一齊食,正~!!
明爐魚 - 筷子咁長的烏頭魚,估唔到咁細條~有少少失望~我同粉絲都勁中意食魚~!!配菜好多~包晒成條魚~有點OVER
泰式炒大蟹 - 蟹蓋有兩隻手掌拼埋咁大隻~真係好大~好多肉~但就冇咩糕~可能唔係糕蟹掛~我地只係貪食,只係唔係咁識分~!傳說中的'泰式炒法'係搵蝦糕香矛勁炒,有點蓋過蟹的鮮味~整體感唔差~
炒青口 - 青口隻隻都好大隻呀~!相信係解凍超滾水快烚,拎起放乾水再加料快炒~炒得好入味~加埋紅椒青椒,香辣味分外特出,上枱仲係好熱的~唔錯~!
泰式甜品拼盤 - 泰國出外的糕點甜品椰汁糕咖啡糕芒果糕樣樣都有D~各有各味道~唔會食左都唔知食緊咩~幸好唔算好甜,最估佢唔到係中間原來係有紫糯米上面再加一層椰子汁,好香好味道,頂胃又勁飽~!
傾下坐下都傾左几個鐘~呢到好舒服又唔會有人趕~總括黎講..坐得又舒服!唔錯的KILL TIME 好地方~!值得再去~!
題外話/補充資料:
店舖洗手間設備唔係咁令人滿意~要經過廚房重地,所以迫迫細細濕濕窄窄…所以可以的話都係忍耐一下,如真係忍唔住~就唯有要小心地滑LA!!
(以上食評乃用戶個人意見 , 並不代表OpenRice之觀點。)
張貼