忠誠茶座泰國菜

營業中

休息中

次次想食泰國菜 都會諗起「忠誠」因為哩到的食物真係好有水準好好味上次帶過朋友黎 佢地都係第一次黎食完之後佢地都話好食 要再去過!!今次叫左5個送2個甜品同埋2杯飲品串燒: 燒得岩岩好 幾好味 沙嗲醬好香 正拼盤: 有咖哩角 蝦餅 魚餅等          全部都係即叫即整 熱辣辣的 口感唔錯焗薄餅: 好有特色 感覺幾得意 脆脆地 幾鬆皮下           配上咖喱食品 一流 一定要試沙律好似係柚子沙律) 柚子果肉幾甜幾新鮮同埋都幾多       汁酸酸甜甜 幾醒神幾開胃 味道幾好粟米西米糕: 必食甜品之一 幾好味 充滿椰汁外 西米露都幾多芒果紫糯米飯: 紫糯米飯幾熱下 口感煙煙韌韌                     芒果都算甜 配埋椰汁 真係好正 總體來講: 全部食物都好好味 以後食泰國野都會幫襯哩間^^

週末和朋友一起踩單車，踩到大尾篤已經天黑黑肚餓餓了。入到去緊係食埋野先走啦,無意中見到呢間餐廳門口要等位，心諗應該都唔太差既。咁我地一行人在門口大概等了十五分鐘左右就可以安排座位喇~因為我地早就去到,約七時左右~所以人不太多，但入面就座無虛席了。 到安排座位後，那個員工就同我地講，食快點.........早交枱.....咁我地當然就冇咩理會啦我地入到去環境唔差都ok舒服，跟住就開始叫野食喇。 菠蘿炒飯 燒鱔 炒菜苗海鮮濕炒河生菜包 (豬肉)先講個菠蘿炒飯，賣相得意。因為飯上插左兩隻青口扮兔仔耳。 味道我都覺得ok..幾菠蘿味...但我朋友就覺得飯太濕了。燒鱔: 其實都ok既，但可能佢一路燒一路上汁，令到鱔皮完全唔脆，但都keep到少少爽口。希望餐廳會改進燒哂先俾客人自行點汁。 咁可以保持肉汁爽口同脆皮。 炒菜苗: 都ok....但太油...海鮮濕炒河: 完全唔得，汁非常杰...應該係落左勁多生粉....一pat pat咁...河粉完全唔得....又散又一pat pat咁....勁難食。 因本人非常喜愛食海鮮濕炒河，今次呢一個海鮮濕炒河實在令我太失望了。因為賣相唔得所以冇影佢相.....

一早就陪亞女去大尾督玩水上活動, 佢一落左水我就同亞仔去醫下個肚, 曾經喺呢度食過午餐, 今次就試下早餐, 亞仔叫早餐B - 腸仔火腿公仔麵+朱古力熱飲, 我就叫早餐A - 腸仔煎蛋+牛油多士+凍檸荼少甜。A餐 - 份量多, 有3條腸仔 + 兩隻煎蛋, 太陽蛋煎得剛好, 腸仔我覺得咸左少少, 多士就唔夠趣但牛油香, 檸茶味道適中.B餐 - 1條腸仔 + 兩塊火腿, 亞仔話麵餸都好食, 但湯就淡, 朱古力香濃好味.可能唔係繁忙時間所以服務亦算不錯, 快手同有禮貌, 走時亦給預笑容, 同繁忙時段唔同.衞生不錯, 枱面有厠紙供應, 下次同亞女早 d 入大尾督食番個靚早先玩。原本諗住都係食個普普通通早餐啫, 所以無影相, 就算無相都要讚下支持下佢地。 

有同事萬歲，當然去一去忠誠啦!今次叫左通菜魷魚，係平時比較少叫，個人認為魷魚老左d，味道一般! 半隻古法浸雞，每次食都算嫩滑! 牛河幾辣下，可惜我唔食得辣! 炒粉絲好普通一般，唔會推介! 相反個燒牛柳一向都唔錯，今次叫左2碟，7成熟同5成熟，5成熟嫩滑好多，好好味，每次黎都必食! 酸辣青蘋果沙律如名一樣，酸酸辣辣都幾開胃ok! 燒鱔都係每次黎都必食，外層燒到香脆，入面嫩滑既魚肉，好好味!最後仲有送既甜品!

呢間忠誠茶座泰國菜，係大尾督最出名嘅泰國菜餐廳，亦係多年嚟都屹立不倒嘅最老餐廳。咁多年來，有過唔少其他泰國菜餐廳都喺大尾督出現過，但都差不多執哂，而家只剩低幾間...今次揀平日嚟，除咗冇咁多人外，餐牌亦會平d，因為忠誠有分平日同假日收費，當然假日會貴d啦！ 記憶中，佢哋嘅晚餐係星期一至四平d，同無加一。好耐冇嚟，今次叫咗沙爹牛肉米粉，冬蔭功酸辣肥牛河粉。~冬蔭功酸辣肥牛河粉 ：$35+$4熱飲 碗粉份量好少，冬蔭味又唔濃，更加冇酸辣味，牛肉又並非肥牛，只係切薄片嘅急凍牛肉，乜味都冇，又好鬼韌，差！~沙爹牛肉米粉 ：$26+$4細支裝汽水 呢碗仲少份量，米粉可以兩注就夾完，d牛肉都幾硬，失望！唯幸個沙爹湯底唔錯！

食過忠誠2次，2次都覺得好好食，尤其係咖哩蟹(佢D咖哩真係超好味，好似有D蛋花係入面咁，而又唔會好辣)同牛油雞翼，沙爹都好味。不過由於位置係大尾篤，搭車要係大埔火車站再轉小巴去，所以最好BOOK定位，因為餐廳都幾FULL，入到先知冇位就唔知食咩好喇！而餐廳大部份位都係好似大排檔咁，但有膠帳篷同冷氣，所以夏天去都OK！

今日一班人去踩單車~~從大圍踩去大尾篤~~ 令我諗返起讀書時侯既時光 (青春~ 真可愛青春)友人就預先BOOK左8.00 ,不過7點幾就到左門口 , 阿姐都好好人 好快就比我地入去,一入到去 環境好好 ,侍應們的衣著也很有"味道" 有點像回到過去的感覺 .我地一行6人 都點左好多野,,不過有D 就唔記得影~~去相~~酸酸甜甜 好開胃,炒得幾乾身 配料都好多 較為失望的一道菜,一點也不辣 唔入味 . 青口都算幾大隻 冇沙 .細個果陣同屋企人食THAI FOOD 必點 (因為夠穩陣)我本人就覺得呢個飯好足料 有2隻青口 有蝦 尤魚 肉鬆 ,都係酸酸甜甜 可以ENCORE 左下:酸辣牛柳---好好味,叫左5成 真係比到5成,夠JUICY 肉味重 ,個SAUSE 同個牛好夾!左上:好似叫金盞炒通菜~ 有少少似XO醬 不過就唔辣 好惹味 !右下:豬頸肉 -- 一般水準 (不會差到哪去)(還點了一個青CURRY 豬肉拼PIZZA (個人認為有D唔夾 都比較辣 一般可接受水平)個人口味 6.5/10

看名字, 以為是港式茶餐廳。三色冰, 珍多冰, 芒果冰還是澳洲的三色冰及pho 令人難忘....咸魚椰菜苗椰菜苗爽身, 有咬感;咸魚香而不太咸, 很配搭。菠蘿海鮮炒飯燒鳝外煎香內嫩滑正正正!!!無骨鳳爪串燒雞及豬其實呢.... 雞及豬的味道與質感差不多, 若換了牛肉或馬肉會否一樣?小小簿餅綠咖哩海鮮為何我吃了後, 感到苦味滲出?

今日同幾個朋友踩單車中途到大尾篤食返個下午茶...諗住抖抖半個鐘再出發點知食到好無奈呀!e+周圍食下午茶已經貴左好多,點知係呢度食到既$20三文治仲衰過自己係屋企整既當日我地order左蒜蓉包一客,公司3文治2客,芝士火腿三文治一客及泰式河粉一個。其中一張menu睇到食d麵包都要廿幾三十幾蚊....諗住質素應該幾好啦...點知.....10mins先來河粉,下午茶份量,不過不失。之後黎左個蒜容包得3片仲要好細舊,雖則張相真係得3片但呢個價錢就未免太貴了,沾果個肉醬汁又稀又5似肉醬味,唔夠濃。等左20mins都未黎其他包....見住隔離枱遲過我地落單,而叫個d全部係抄飯抄麵都黎哂...我地即刻催單,點知個waitress拎住2碟公司3文治卻只放一碟係我地枱,另一碟比左隔離枱....仲要等多10min先黎第2碟!但最易整果個芝士火腿三文治仲未有!個公司三文治饀料5多,名不符實,同張相係2回事,食落d菜凍既,冇咩味的。發發下呆望到隔離枱食到走埋....我地仲要等個包...結果催多一次單,2mins內即送到,送到黎仲無奈,衰過自己係屋企整果d三文治!成個tea竟然用左45mins.......

跟男友踏單車去大尾督，中途吃個午餐小歇，來到最受歡迎的「忠誠茶座泰國菜」。假日非常旺場，很多客人已經預早 booking，我們等了好一陣子才有位。Pad Thai 的金邊粉幼滑，炒得入味。可能魚露下得太多，味道略嫌過酸。配料是芽菜、青瓜、蕃茄片等，清爽開胃。咖哩石班飯，只是一般茶餐廳水準，班塊、薯仔都煮得很稔。咖哩只有椰香，沒有咖哩味道，是一點也不辣的。最奇怪的是用薄碟子盛載，只有極少咖哩汁，份量不夠用來拌飯。薄餅比較特別，挺身脆口。每咬一口都是卜卜脆的，但內裡卻是空心。附上的青咖哩汁比較杰身，份量同樣太少，不足四塊薄餅之用。這裡跟普通茶餐廳無異，只是多了一 part 泰國菜而已，算不上是泰式餐廳吧。食物水準只是一般，優錢尚算實惠，但肯定不需要慕名而來。如果要吃泰國菜，還是去九龍城更佳。

星期日走進大尾篤逛逛，晚飯時間滿晒等位的食客，沒有訂位之下等了一小時！兩人晚膳都給了四人檯，二人點了明爐生魚，炸蝦餅，芋粒海鮮煲仔飯，自己叫左杯咸檸七！明爐生魚一面滾住黎食真係好味，另上了一碗湯比燒到乾時添加，另有兩碟酸辣汁，好味！炸蝦餅就明顯退步，蝦餅做到蝦球形狀，而且內里很散，不彈牙，如果四球要六十幾加上唔好食，失望！芋粒海鮮煲仔飯，好多海鮮，飯粒每粒都有醬油，夠味，讚！咸檸七係一罐7up另上，很愛這種方式，心里覺得冇比人呃！

連續兩日朋友生日，真係好難諗食咩。上openrice搵下有咩好食，見到呢間泰菜好多，所以特登揸車入去食。六點九去到，唔洗等位，環境唔錯。由於得兩個人，所以只叫左幾樣野食，辣醬青瓜個醬好味，鳯爪沙律，唔夠辣，好一般。酸辣海鮮湯，好似冬陰功味，但勁多香茅渣。咖喱軟殼蟹+薄餅，但咸左d，撈白飯好味。芒果特飲，好唔掂，唔係新鮮芒果整，係用濃縮芒果汁加幾粒鮮芒果係面整，唔好味。服務方面唔錯，侍應都好有禮貌。總體黎講，新界區既首選，但我始終都係鐘意九龍城多d。

一講起 "大尾篤＂，相信大家對這個地方並不會陋生，它是位於大埔船灣淡水湖旁邊。這裡有很多名式各樣的美食及消閒設施供選擇，如燒烤場，單車徑，水上活動得，確實很適合一家大細來歡度假日。假日，這裡便會有很多踏單車的人，他們是在大圍或大埔租單車沿吐露港則的單車徑直達大尾篤。 抵達大尾篤，迎面而來的是寬敞的燒烤區，美麗的船灣淡水湖和不同種類的餐廳。來過這裡踏單車的人認該會知道，這裡有一間 "忠誠泰國菜館" 在區內十分出名，很多老饕為了嘗其菜式而專誠走過來。開業多年，一直因為多人而無法光顧。適逢晩上朋友駕著車子來找我吃晚飯，那就決定走入去試這間馳名的泰菜館。餐廳是位於汀角路，置身露天座位可以眺望海景。我們一行三人等了大約半小時才安排進入，走進店裡，裝潢簡單舒適，採用開放式設計，能讓客人一邊欣賞風景，一邊享用這裡的美食。至於食物方面，店裡是用了泰籍廚師，所以吃下的食物很有傳統的泰國風味。來吃泰國菜，當然不少得冬陰功湯。端上來的煲很別緻，湯是用瓦煲盛載著而且用了火爐燒著，所以慢慢的喝也不怕放涼了。湯上面放了一些莞莤，配料雖然並不多，只有草菇和蝦，但蝦肉卻很鮮甜爽口。湯底喝下來不會感到太辣或太辣，喝得出

山長水遠踩單車入大美督食晚飯,其實本想食重慶串燒,點知六點鐘都…..無位…. 記得上次來到的時候有間泰國菜都好多人等,就拿拿臨走去,不過都要等位.攞位的姐姐好好人,仲有蚊怕水提供,不過要等50分鐘.好講正題,兩個人叫咗辣汁煮蜆,牛丸金邊粉,西檸煎鴨,青咖哩牛,薄餅.牛丸金邊粉,牛丸細細粒但有七粒好香口好爽口好味,不過金邊粉就好似煮得唔夠耐…西檸煎鴨,本人很喜歡中菜中這道菜,所以見到泰國菜都就有即試. 用了青檸,好檸味!! 用原鴨胸連皮,外層只是用少少炸粉,有鮮炸的感覺,不過鴨胸不夠香,仲有點鞋青咖哩牛，青咖哩出色,夠香,不過牛就…..普通以下.值得一提是銅煲夠熱,食到尾聲都仲熱.辣汁煮蜆,出色,因為蜆入味辣汁夠味(不是非常辣),蜆無沙,隻隻開口,好食過大排檔,唔知係唔係在附近掘返黎.薄餅, 是薄身、脆脆的！跟平時食開少少厚、煙UN的好唔同最後推介係…….踩單車時發現有傳統冰菠蘿, 非常好食!!!!

一班南京食家﹐雖然住灣仔﹐但指明要食忠誠茶座(因為好耐之前杭州一間名食店有廚師去忠誠學藝)﹐所以一落機即刻揸車出發。周一﹐但7點鐘就Full晒﹐好彩有訂位﹐同樣好彩的是泊到大尾督免費停車位說真的﹐忠誠的菜﹐我都食過好多次了﹐連上年踩單車找不到還車點﹐都係去忠誠問﹐加上要招呼班客﹐所以冇乜攞起相機燒牛柳今次選8成熟﹐配上辣汁﹐正咖喱炒蟹香滑而不辣﹐與薄餅絕配薄餅,焗薄餅雖然直立的焗薄餅好好睇又好好食﹐但係與黃咖喱的絕配係魚露雞我必點的菜式﹐聽說與餐牌中的古法浸雞是不一樣的﹐但所有店員一定知道這道菜炒金邊粉食出泰國地道風味由於班客超趕時間﹐否則我最喜愛的還有他們的甜點