德記潮州菜館

星期日人在西環，想好好的在西環走走。學生時代在中西區唸書，西環盛載了不少霖迪的青春歲月。西環有很多有名堂的寶號，也包括了這家「潮菜寶號」。德記潮州菜館是西環老字號街坊店，曾得過米芝蓮殊榮，難得來到西環當然試試。到埗後發現人山人海，絕大部分都是街坊街里，不免喧鬧但很有氣氛。傳統的酒樓格局，人多同時位多，不用等位真好！難怪會成為街坊飯堂。是晚最推介鱲魚魚飯，魚飯很講求手藝，這家的魚飯做得十分正宗，單看魚眼狀態就知新鮮，這也與生意興旺有關，能保持魚飯的新鮮程度。潮州魚麵少見，這家是用魚片切條的做法，魚香清淡無加味精，這風味吃着也不錯。荔芋香酥鴨是簡生最愛，能做到起酥也不容易，而這家就是確切的做到，選用的芋頭也合時令，口感綿蓉。鹵水鵝片同樣令人驚喜，滷水汁味道恰到好處，用新鮮鵝也是不多見，每片都油亮亮的，吃起來肉香滿載。作為街坊食堂，要應付大量客人，難得能保持水準，也能發揮潮菜的精髓，下次再來西環也要回味一下。…查看更多

德記🉐🌟位於堅尼地城嘅一間潮州打冷😍次次去到好多人🫶🏻今次我地兩個人食左4款小菜🥹香芋雞粒玉子豆腐🤭香芋細滑綿密😙同嫩滑嘅玉子豆腐完美融合🥰雞粒彈牙🤓帶出層次口感🥳好有潮州細膩精工嘅感覺～白飯魚煎蛋🍳 白飯魚肉質鮮嫩😝煎蛋外層微脆帶香🤓口感豐富而唔油膩🤭不過因為食食下太濟👀我地轉左個食法🤣加左少少胡椒粉落去食～即刻好似轉左個味道咁！又有返胃口繼續食kekeke炆春菜😆春菜軟嫩不失爽脆😙入味啱啱好🥹湯汁鮮甜😜我都忍吾住飲左幾啖😗完全feel到潮汕本土蔬菜嘅純樸鮮味💯黃金墨魚餅拼蝦棗🦐墨魚餅炸至金黃酥脆😋墨魚鮮味濃郁😏蝦棗外皮酥脆🤓內裏豐富蝦肉同豬肉混合🤩唔知有無人同我一樣👉🏻👈🏻一定要沾滿酸甜醬汁先覺得好食🤭大推大推❤️‍🔥🥢 …查看更多

德記的招牌蠔餅去潮州菜館我通常必點蠔餅, 他們還大大隻字住”馳名”,  所以不能走雞。喜歡它們的用料很足, 蠔很多, 雖然寫著蠔仔, 但都並不小, 吃起來是爆漿的, 很嫩﹑很好吃, 吃到蠔的濃郁味道和鮮味, 爆漿效果值回票價。而且我喜歡脆漿是脆口的, 這裡就做到, 相當脆, 但不會太厚, 是均勻的, 而且炸到金黃色, 非常甘香, 吃得很開心, 因為邪惡但不油膩, 不會吃到一口油或者有油溢味, 也沒有不必要的蛋腥味, 很出色, 不會比其他酒樓或潮州菜館的差。…查看更多

一間成日同屋企人去嘅飯堂，主打一個平靚正，仲係必比登推介。店主每日親自採購新鮮食材，次次都一定要叫嘅胡椒豬肚湯同埋蠔仔餅🤩傳統潮式胡椒豬肚湯 香辣嘅胡椒夠晒刺激食慾，加埋鹹菜鮮香同爽脆豬肚，一絕~蠔仔餅料多飽滿，蠔仔肥美，炸漿鬆脆~一片已經好大片，建議唔使叫例牌份量滷水鵝片配鵝腸，鵝肉軟腍又入味，鵝腸唔會好肥，墊底嘅豆腐索滿汁一樣咁好食！今次又試咗啲新嘅菜式脆皮糯米釀大腸 真係好神奇平時咁細條嘅大腸竟然好易塞到咁大咁飽滿，真係現今罕有嘅手工菜！炸香咗嘅外皮配上滿滿嘅糯米飯，口感好豐富~幾特別不過勁飽肚好滯胃，試一次就夠了潮州炒河粉 呢款咩料都有啲好似小炒王咁~ 個人覺得鑊氣就爭啲，不過68 蚊咁平都okay 嘅~…查看更多

大半年前幫襯過，今日再到這區，記得是幾好食，所以再來晚飯。不過今次有兩個菜就中伏，寫落嚟俾大家參考。芋頭臘味炒飯：點了唔夠幾分鐘就上枱，心知不妙，仲見到幾舊無炒開的白飯飯團（睇相都見到），真係太離譜，就算唔係即炒，都唔好咁求祈吖！炒飯只係微溫，唔係熱的，擺明係炒定一大盤，就咁上碟，晚市剛開始，就已經上啲唔熱嘅炒飯俾客食，劣！炸蝦棗拼炸墨魚餅：如果唔睇餐牌，係估唔到自己食緊名為蝦棗和墨魚嘅嘢，一丁點蝦同墨魚都感覺唔到，唔彈牙、唔知係咩，淨係食到有些爽口的粒粒，食一粒已滯，完全唔想咬多一啖！中大伏！以為呢啲係潮州名菜，點知原來係咁！有無人可以話俾我聽，潮州蝦棗同墨魚餅係唔係無蝦無墨魚㗎？？！其他小菜算OK，避開伏菜，仍是可以光顧的。…查看更多

🍴西環德記潮州菜館，真係由細食到大，由佢係隔離街未搬舖已經一直幫襯 😍😍😍每次必嗌招牌菜包括🍲 胡椒豬肚湯湯底濃郁，胡椒香氣十足，豬肚煮得軟嫩又有嚼勁，喝一口暖胃又暖心，絕對必點之選！ 🍳 招牌炸蠔餅蠔餅炸得金黃酥脆，超級厚！！！！！內餡滿滿蠔仔，外脆內嫩，加埋魚露，簡直一流😍😍🍗 脆皮雞雞皮烤得酥脆，肉質鮮嫩多汁，搭配秘製醬汁，鹹香中帶點甜味，口感層次豐富，食中菜都必備咖啦🍗🍗🥚 涼瓜炒蛋苦瓜係完全唔苦嘅，加埋蛋香完美融合，送飯一流！🥢 鹵水拼盤食潮州菜必備嘅拼盤包括鵝肉、豆腐、鵝腸等，鹵水滲入每一樣食材，香濃入味，咸香惹味！🍹 咸檸七 | 必試飲品這杯咸檸七絕對是德記必試！佢哋咸檸檬係原個上，酸鹹味與七喜的清爽氣泡完美結合，喝起來超解膩，搭配潮州菜更是絕配！咸檸檬還可以用匙羹壓碎，令味道更濃郁，喝完只想再來一杯！ 📍 德記潮州菜館 | 西環石塘咀——————————————————————— #Tastyspell #西環美食 #德記潮州菜館 #胡椒豬肚湯 #招牌炸蠔餅 #脆皮雞 #涼瓜炒蛋 #鹵水拼盤 #咸檸七 #香港Foodie #潮州菜推薦…查看更多

叫左三個飯1 鹵水四寶飯 $45有半隻蛋 一件豆腐 三件紅腸 幾件豬頸肉同大腸同雞腎腸夠肥夠味整體普通2 梅菜扣肉飯 $52中等肥扣肉但最好食係梅菜唔係好咸甜甜地送飯一流3 茄子斑腩炒河 $52炒河夠油所以爽 滑 炒河主菜茄子同斑腩配菜整體：夠肥夠油夠味…查看更多

小編今日來到西環一間潮州菜「德記潮州菜館」，由傳統的潮州家庭經營，為米芝蓮必比登美食推薦餐廳，餐廳主打傳統潮州菜，滷水大鵝肝、脆皮包括滷水鵝、凍魚、凍蟹、懷舊潮州菜式如脆皮糯米釀大腸、潮州兩面黃、馳名蠔仔餅，值得推介的傳統潮州菜館🙌🏻「滷水鵝肉配鵝腸」鵝肉油香肉嫩，靈魂的滷水汁香濃而不膩，每片都有薄薄的一層皮下脂肪，口感豐腴卻不會太肥膩，每塊都啖啖肉✨ 鵝腸爽口彈牙，味道不燥，配搭酸爽的白醋，配菜豆腐豆香濃郁，必食推介🧡「脆皮糯米釀大腸」金黃色的大腸，泡在滾油中收得很結實，濃濃的糯米香混着腸肉的香味，脆皮豬大腸，帶煙煙韌韌的口感，加上香香的糯米，糯米飯內有蝦米🦐、栗子🌰、臘腸等材料，蘸酸甜醬吃更滋味，撞推介懷舊菜之一🙌🏻「黃金墨魚卷拼蝦棗」製作蝦棗的工序堅持傳統做法，加入馬蹄、芹菜和韭黃等配料，滋味鮮美，吃到正宗潮州味道，墨魚膠爽口彈牙，味道不錯🦑「糖醋兩面黃」必用潮州伊麵，即用鴨蛋配雞蛋做的麵，呈橙色的，蛋味濃香，將麵的兩面煎得金黃，故稱兩面黃🧡 表層酥脆而內層仍是濕嫩，蘸上白糖或者浙醋吃，是傳統潮州吃法✨🍽 ：滷水鵝肉配鵝腸；脆皮糯米釀大腸；黃金墨魚卷拼蝦棗；糖醋兩面黃👅好味指數：8.25/10；8.0/10；8.0/10；8.0/10💰消費：$208；$108；$128；$98📍 地址：德記潮州菜館，西環石塘咀卑路乍街3號益豐花園地舖…查看更多

呢間餐廳，我最鍾意就係食佢嘅胡椒豬肚湯飯，佢嘅胡椒豬肚湯辣辣地，再加埋酸菜同埋豬肚嘅味道，非常啱我胃口。而且佢嘅價錢好抵，五十零蚊就可以喺大學站識個午餐，絕對超值。…查看更多

行過見到中午都有羊腩煲食，即管試吓$238 但係一嚟到就見到好多大骨喺面頭，跟住搞吓😂羊腩位似樣的2-3件😥而且原全唔淋，失敗☹️沙嗲牛肉炒河，沙嗲味唔夠，河粉又唔滑no no no …查看更多

今晚同朋友farewell ，好朋友要去英國定居，今晚3號風球很難找搵到餐廳，就到哩間米芝蓮，吃咗招牌鵝片、胡椒豬肚湯、炸九肚魚，還有好多好多菜色，非常滿意👍👌…查看更多

家人一向鍾意食潮州菜，但係潮州菜好多時食飯份量都好大，我哋人唔多，每次都唔係試到好多嘢。平時去西環食潮州菜，都係食尚興，原來已經結業😟，於是就試下哩間。好在預先電話book位，餐廳好繁忙，無訂位的話，就要等。到達嗰陣，大約係7:15左右，已經滿座😯餐廳唔難搵，喺地鐵出口隔離，好方便。鵝肉片雜錦 (例牌) ($178)食潮州菜一定會叫一份雜錦滷水拼盤。貪佢咩都有啲，而且通常有齊想食嘅嘢😛除咗鵝片，底仲有紅腸同豆腐。好入味，又唔會太咸。鵝片厚肉，唔會太肥，肉質好淋。脆皮糯米釀大腸 ($108)炸大腸以前細個食得多，但係釀大腸就第一次食，原來係傳統潮州小食。將糯米、蝦米、花生釀入大腸，然後拎去炸，炸到外皮脆口。印象中嘅炸大腸係係好香口，但一食落去就成口油。哩個同樣係炸大腸，但食落一啲都唔油膩，似係煎多過炸。中間嘅糯米都煮得好香，調味岩岩好，食唔停口。蠔餅（一片） ($68)蠔餅都係必食嘅潮州菜式之一。蠔餅可以叫一片，每片有成1.5隻手掌咁大，3個人分夠哂食。蠔餅煎得好香，最緊要係唔油，乾身脆口。啖啖都食到蠔，好足料。蠔仔粥 (一碗) ($58)食潮州菜，點可以唔係蠔仔粥😆我哋叫一碗3個人分，每人都食到一碗半。每人食少少，個肚就可以留多啲空間食其他嘢🤪蠔仔粒粒飽滿，唔錯。白飯魚煎蛋 ($118)最後，叫咗個看似簡單但多功夫嘅家常小菜，白飯魚煎蛋。白飯魚隻隻都好大條，又厚身。而且魚嘅份量好多，同樣足料。蛋好乾身，唔油，好好食。清心丸綠荳爽 ($68)甜品有幾款傳統潮州甜品可以揀，有反沙芋、羔燒四寶 (蕃薯、芋頭、銀杏、湯丸)、羔燒銀杏湯丸同綠荳爽。每樣都想試，宜家唔係好多地方做🥹但係眼闊肚窄，只可以揀一款，最後揀咗清心丸綠荳爽。糖水有2-4位用、5-6位用、8-12位用。我哋3個人，叫最少份量，每人食到一碗半，份量唔多唔少，岩岩好。成個糖水好簡單，就只有清心丸 同 綠荳。糖水唔會好甜，清心丸煙韌，如果加埋馬蹄，口感應該會豐富啲。哩餐所有食物味道都好好，調味又唔會太重手。計哂茶錢加一，每人大約$240，價錢唔貴。每道菜都好足料，職員全部都好有禮貌。唯一就係餐廳好繁忙，所以環境比較嘈。餐廳逢星期一休息，想試的話，記得打電話訂位😊…查看更多

滷水鵝片依舊保持到水準，鵝肉鬆軟，招牌菜必食潮州炒魚麵，小朋友超鍾意食，用魚餅切成條魚麵，芽菜，蛋絲，九菜，非常惹味。沙爹牛肉炒芥蘭，沙爹味道可以勁多汁，多到可以撈個公仔麵，芥蘭就唔掂又老又苦蠔仔肉碎粥，蠔仔依舊鮮甜，但粥底比之前淡咗好多，濃味返少少就更好了。:)…查看更多

之前屋企人帶過我嚟呢間食，覺得質素唔錯，今日就帶朋友嚟試吓。可能太夜8:30至嚟到，好好彩唔駛等位。食過鵝片同煎蠔仔餅，今次再encore，蠔仔大大隻又夠多，不過要叫煎，炸嘅話太熱氣同埋相對蠔味無咁出。滷水鵝片夠入味，有鵝片同有帶骨鵝肉，有骨嘅話鵝味會濃啲。大家都鍾意飲湯，就叫個胡椒豬肚湯暖吓胃，胡椒味好重，入口會覺得辣啲，同埋個湯偏鹹，可以因為入面啲鹹菜比較鹹。原本想叫砂窩龍躉翅，因為之前試過覺得魚肉好滑，砂窩上又夠香口，但今日一早賣哂，唯有叫個炸子雞。炸子雞雞皮脆口，但雞肉未算好滑。人多就叫多個鮑螺片扒小白菜，都係正常發揮，略嫌醬汁太多。今日4個人人均$250，但其實都叫多咗食唔哂，潮州嘢嚟講性價比都幾高，抵過啲米芝蓮餐廳。…查看更多

有幾數十年歷史嘅德記係堅尼地城知名嘅潮州菜餐廳，多年嚟深受街坊嘅歡迎。傳統潮式胡椒豬肚湯獨特之處係採用咗馬來西亞和印尼兩種胡椒，微微嘅辛辣刺激食慾，豬肚爽口又入味，加埋鹹菜增鮮香。馳名蠔仔餅超香脆，蠔仔多料飽滿肥美而且食到蠔嘅鮮味鹹香蘿蔔烙，呢個係第一次食嘅菜式。內餡有齊一梳梳嘅蘿蔔絲、鵝肉、鯪魚肉、木耳絲、芹菜混合而成（好似係有少少蘿蔔糕 feel? ）。然後炸到外層酥嘅狀態，一啖食落口感多樣~幾特別！滷水鵝片加滷水豆腐，份量都唔少而且鵝肉滷得入味軟腍唔乾柴，但下次一定要食埋鵝肝同鵝腸！親民價錢加食物有質素，難怪成日都咁爆滿~好特別係呢度好多主恩金句✝️ 估唔到喺一間咁傳統嘅潮州菜會見到…查看更多