德美壽司

營業中

休息中

一向都好喜歡吃日本料理，星期五的晚上當然要吃餐好的獎勵自己啦！德美壽司位於太和站附近，餐廳門外掛了很多的燈籠🏮，十分有氣氛呀！晚上還有親民的set dinner，熱食同魚生丼都有多種選擇！套餐內已有主食、湯、沙律及甜品啦！洋蔥燒三文魚丼單只是看賣相已滿分！大量的厚切三文魚燒成半生熟，內裡仍保持三文魚的嫩滑肥美感！而且還有好多三文魚籽，加強丼飯的口感！再配上一隻溫泉蛋的蛋漿再加入豉油，世界級美食呀！丼飯內的飯加入了冬菇絲，可見師傅落足功夫！跟餐沙律🥗蔬菜新鮮，加入了醋做dressing，開胃餐前小吃！跟餐味噌湯最喜愛味噌湯的咸香味！串燒煙肉廣島蠔卷廣島蠔十分肥美，一咬下去已嘗到海水味，煙肉的咸味剛好成為調味料，令蠔更鮮甜！大蔥安格斯牛肉串（左）燒雞翼（右）我最愛吃燒雞翼，小小鹽作調味已好好味！雞翼外表很香脆，雞肉又嫩滑！跟餐甜品（奶凍加上芒果汁）甜度適中，奶香夠，為當晚晚餐劃上完美的句點呀！大滿足！

入大埔同太和之間，其實有好多好野食，但今次唔係要介紹咩小店，反而想講講一間開到成行成市既日式餐廳，德美壽司，因為食完之後我都覺得佢係有啲水準同心思！今日主要係叫二人餐，318蚊，由前菜、沙律，刺身、炸物到鍋物炒飯一應俱全，最後仲有一份甜品仔添。 不過我地仲額外加多左兩款刺身同溫泉蛋天婦羅😋三文魚刺身（3-4星）一開始上三文魚刺身，係普通部位，但相當厚身，無因為套餐既縮水！前菜八瓜魚沙律，味噌蜆湯（3星）味噌蜆湯有唔少中蜆，湯汁鮮甜。枝豆（無評分）送酒名物，枝豆，可惜無叫酒。帆立貝刺身（3-4星）每片刺身都好大件，82蚊有少少貴但質素不錯，口感好creamy，味道鮮甜。甜蝦刺身（3-4星）84蚊5隻甜蝦刺身好似有少少貴，但上枱係好大隻甜蝦，蝦頭有膏，蝦身好甜。溫泉蛋天婦羅（4星）炸到熟度剛好既溫泉蛋，上次係紅磡分店食可能放涼左炸粉感覺有啲厚，今次立即食就覺得剛剛好。什錦天婦羅（3-4星）天婦羅包羅萬有，有大蝦，南瓜，茄子，冬菇等等。每一件都係大件同炸皮薄的。鹽燒鯖魚（4-5星）我同朋友覺得最好食既就係呢個鯖魚，肉厚油香，加上檸檬同酸汁解膩又好食！野菜肥牛煲（3-4星）材料十足，有好多肥牛

同朋友去食生日飯， 平日星期二已經超多人要等位， 就知道呢間係正嘢。一坐低就叫咗份牛油果軟殼蟹壽司， 比平時出麵食的日本餐廳夠大份, 牛油果同蟹更新鮮天婦羅烏冬，食一碗已經好飽肚，烏冬好滑好彈牙北海道帶子甜蝦海鮮丼，冇得輸， 所有海鮮都好有鮮味，最鍾意食魚籽鹽燒青魚正正常常，只係我好耐無食，都叫下七味燒墨魚咀， 好爽口彈牙，食完感覺有好多骨膠原，囗感唔錯。德美必選玉子燒，雞蛋好滑， 印咗德美二字，感覺好照牌菜式。還好排隊時間唔耐，下次食個lunch先

坐得舒服、性價比高、絕對會encore牛油果軟殼蟹壽司真係必點，好食又足料。鰻魚飯都係足料又抵食！鰻魚本身肥美，燒得亦好好味吉列炸蠔原來送埋薯蓉（係粒蕃茄下面），幾有誠意。炸蠔味道是可以的，但沒有驚喜。後悔叫左鍋燒烏東，天婦羅蝦好食，但主角烏東卻煮得太「林」，沒有爽口彈牙的口感。加上鰻魚飯其實都多，所以都食得吃力。最後係飽到不行之際，無諗過仲有飯後甜品，好sweet!連埋上面既芒果醬似食緊布甸版既楊枝甘露，好食！

而家香港地食飯好多時都愈黎愈食得專，餐廳都係以專注一兩種拿手菜式而出名，但係呢間德美壽司偏偏唔似其他日式餐廳咁一係做壽司一係做拉都，佢係好似日式居酒屋咁包羅萬有，同時又樣樣菜式都好有水準，所以平時食開紅磡店既我今次入到大埔同朋友食飯都係揀左佢😝首先要講一講今次叫左一個精選二人餐，外加左溫泉蛋天婦羅、帆立貝同甜蝦刺身。跟餐上第一道菜係三文魚刺身，今次雖然叫套餐但佢每樣菜都好大份，同單點感覺一樣，唔會偷工減料，呢個三文魚刺身切得相當厚，每人兩大片都過到癮。一系列前菜，枝豆送酒就唔洗講，蜆湯都好足料，入面有起碼三隻蜆，而且都好大隻亦新鮮甜美。和風沙律，開頭以為好細碟，點知係一大盤，上面鋪滿三文魚子同吞拿魚，有個柚子沙律醬，好清新，啲菜都好新鮮冇發黃👍🏻帆立貝刺身，總共5片，好大粒新鮮，creamy口感係我最愛既刺身之一。甜蝦刺身一樣新鮮，雖然價錢唔係好平，但質素有保證，比返中等至大size既甜蝦你，一樣係好creamy.溫泉蛋天婦羅，一睇就知隻蛋剛剛好，之前其他地方食過好厚粉，呢間就冇問題，想試新奇口感既炸物，可以試下呢個。返返去跟餐既什錦天婦羅，每一件都好大件，其實大件食材除左令食客好有充

平時同老公經過呢間舖，都覺得呢間舖門面裝修好日本feel, 好似居酒屋，但無奈每次門口都一定排晒長龍。今日就尊登早少少黎排隊，順便等老公收工 老公黎埋時間岩岩好杯都寫住德美玉子都寫住德美，微微蛋香，少少甜味，好開胃特上壽司併盤: 包括: 吞拿魚壽司，劍魚腩壽司，三文魚壽司，玉子， 海膽壽司，魚子壽司，甜蝦壽司，帶子壽司，池魚壽司等等，壽司種類相當豐富， 壽司醋飯微暖帶子壽司既帶子厚切鮮甜； 吞拿魚壽司軟身得黎好有彈性； 甜蝦壽司厚肉魚子壽司魚子大大粒，魚味濃郁； 海膽壽司海膽味道濃郁甘甜；碎吞拿魚腩幼細香滑，軟綿綿的口感加上脂香，好好食最後單點咗個蟹肉蟹膏蟹子壽司，蟹膏口感軟骨味道濃郁，必食最後仲送咗個甜品, 食物質素好高, 下次再嚟

大埔翠屏花園一帶係新興嘅中價餐廳集中地。啲熱門類型嘅餐廳，例如韓國嘢（非韓燒），日本拉麵，文青cafe 都可以喺度搵到。日式料理都由以前淨係得富山，開到有四五間。今日見時間合適，就去咗「德美壽司」一試究竟。午市套餐「德美定食」，六十幾蚊有燒秋刀魚，吉列豬扒同少許三文魚刺身，非常抵食。秋刀魚質素唔錯，燒到魚皮脆卜卜，魚油釋放晒。炸豬扒就似係雪藏貨，無乜肉汁而且偏硬。三文魚刺身不過不失啦。朋友食嘅刺身同壽司，味道正常。

平時經過德美，都會見到唔少人排隊，尤其是午飯時間，食過 set lunch 好抵食。今次就一心試晚餐，睇完 menu 揀咗精選二人套餐，都只係三百零蚊，有前菜、有湯、有刺身、有主食仲有甜品。日式前菜枝豆和風沙律三文魚刺身野菜牛肉／豚肉鍋什錦天婦羅鹽燒鯖魚日式炒飯大蜆味噌湯甜品：芒果奶凍| 和風沙律 |和風沙律係吞拿魚沙律，最特別係個醬汁，係用醋調配，酸酸甜甜好開胃，個人十分喜歡，仲特登留番個醬汁點配天婦羅，酸酸地食幾件無咁油膩。| 大蜆味噌湯 |一般味噌湯，蜆味唔突出，仲有少少沙添。| 三文魚刺身 |比平時一般壽司店厚肉肥美，尚算新鮮。下次會試其他刺身。| 野菜牛肉／豚肉鍋 |因為本人唔食牛肉，詢問店員可以轉豚肉，如果唔食牛嘅朋友可以轉豚肉。鍋入面有豚肉、豆腐、娃娃菜、菇、粉絲，份量比預期多，湯底係傳統日式shabu shabu甜湯底。豚肉有驚喜，肉質鮮嫩，唔鞋口。粉絲浸係湯入面好入味啊！| 什錦天婦羅 |個人認為最好味嘅一道菜！天婦羅炸得唔油膩，有兩大隻炸蝦，蝦肉彈牙。仲有蕃薯、南瓜、茄子，外脆內軟。| 鹽燒鯖魚 |鯖魚夠大條，滿足到一向好鍾意食鯖魚嘅我。油脂豐富，好香口。| 日式炒

其實太和以邊幾條街都好多餐廳、而且附近都有一個大咪錶場，今日近近地就和老婆係太和以邊附近搵食，其實我真係好鐘意食日本料理，所以會經常去食壽司今日我地決定去德美食壽司，餐廳有吧枱，可以望到師傅處理料理。上刺身拼盤-有吞拿魚、油甘魚、三文魚、帆立貝、甜蝦，以幾款都係我地至愛既刺身，刺身新鮮，是角切的，油甘魚魚味鮮甜，肉質結實爽口，甜蝦好鮮甜美味，帆立貝是厚切的，口感好正，最鐘意就是厚切牛肉烏冬-烏冬彈牙，牛肉一點都不鞋口，好軟腍德美甜玉子燒-切成正方形，一口一粒，超香蛋味牛油燒大蝦-好大隻蝦，成隻碟咁長，蝦肉非常爽口彈牙，牛油味入晒落蝦肉。

每次黎到泊錶位，都會見到德美壽司，所以今日我地泊好車就黎食啦。8點左右到達，已見門口有好多人等位，餐廳門外掛滿了一排日本燈籠，遠處看已知道吃日本料理。特上壽司拼盤有吞拿魚、三文魚、池魚、油甘魚、帆立貝、魷魚、甜蝦、海膽、三文魚籽、 蔥拖羅茸卷、鐵火卷，壽司大大件，而且刺身是厚切的，醋和飯比例剛剛好，飯不會壓得太實，不易散開吞拿魚壽司厚切，入口清淡海膽壽司味道甘甜，一舊擺落口，海膽係口中溶化，超滿足蔥拖羅茸卷充滿油香，入口好軟滑帆立貝壽司肉厚肥美，超正炸一口芝士炸得有點過龍，比較燶，芝士有小小流心，但好香芝士味七味燒墨魚咀唔係好多餐廳都有，而且燒墨魚咀好大粒， 爽口微彈，加了七味粉，更惹味

去大埔搵朋友食晚飯，選擇食日本菜，晚上著起所有燈籠燈，而且大門用趟門式，好有日本風精選二人餐！！！前菜及沙律，清新開胃枝豆、螺肉、三文魚刺身、什錦天婦羅三文魚好肥美，切得厚薄適中，好新鮮！天婦羅蝦好食，脆漿好薄好香脆！鹽燒鯖魚，絕對冇腥味，外皮燒至金黃色脆卜卜，入面既魚肉仲好熱！野菜牛肉鍋，有我至愛既生蛋黃，令到湯底更滑流，肥牛帶點粉紅色，加熱一陣變到全熟，食起上黎就岩岩好，唔韌日式炒飯，飯粒炒得入味，香噴噴味噌湯布甸，happy樣子，見到都好開心，好濃牛奶味

為咗唔想等位，平日晚六點半就入去食，兩男一女職員黑口黑面講嘢無尾音，全晚食得唔聚財，相都費事影，兩大一小食咗$1400，味道可以但唔算性價比高，裝修一般，諗唔到再去嘅理由，下次試隔離。

最近都愛好吃日本菜 雖然有常去的店不過都總是喜歡找尋新店 看看能否發掘出另一間將會常去的店 呢間名叫德美的 就正正開在平日常去的店隔壁 剛好趁著父親節 父親大人正好想食日本菜於是一家四口就去一試手藝 佈置滿日本風 連帶餐具都富有色彩日本風格真的不吃不知道 原來德美已經有好幾間分店那麼品質應該不會太差了吧?!雖然是父親節 不過少量套裝仍有提供點了個二人豐盛餐 再外點了數個小吃 蠻豐富的 先來開一下胃口 是吞拿魚沙拉 配上醋味道酸酸甜甜 頗清新開胃 炸蝦天婦羅 特別在於除了一般的天婦羅汁仲有配上咖哩粉 味道別具一格 可以一試 三文魚牡丹蝦刺身 刺身算是生鮮 不過不算出眾 燒岩蠔 富有濃厚芝士味 不過略嫌仍有腥味 少許失色 意外驚喜之作 鵝肝配上多士並不是頭一次吃 不過配上士多啤梨醬卻是初次意外地夾而且味香不膩 最後還encore了多次 呢個厚燒鰻魚亦是意外好吃要知道鰻魚要燒得好吃而且仍可保留肉嫩多汁其實不簡單沒有橫骨而且味道恰到好處 絕對又再encore喇 牛油果軟殼蟹卷則是不過不失 還是覺得隔壁的比較好吃 =P 燒元貝不算突出 甚至覺得有點過火了 元貝鵝肝卷 味道麻麻

牛油果軟殼蟹卷 ($78) - 必食‼️ 呢個基本上每一桌都會叫 餐牌圖片都無咁誇張 上桌時先發現份量係咁大份 牛油果熟透香甜 軟殼蟹超大隻 壽司入面有 連外面都比一大嚿你  好好食！抵！ 📍徳美壽司🍣 (紅磡 大埔 沙田 尖沙咀 將軍澳)

Weekend lunch 唔想岀咁遠就係屋企附近食日本野，叫左個sushi lunch set, 有八件壽司味道都ok,另外仲有個細嘅烏冬，蒸蛋同沙律，咁多野食都唔洗一百蚊，係一個唔錯嘅選擇。