影片
更多
2018-11-20
2045 瀏覽
「德美」一向都係我心目數一數二高質既日本料理店。放工夜晚同媽咪喺大埔覓食之際，突然發原來「德美」喺大埔開左分店！喺門口企左兩秒，兩母女就入左去！大埔德美位置喺大埔同太和之間，太和港鐵站一出行8分鐘左右。店外掛滿一個個紅色燈籠，絕對係日本餐廳嘅氣息。門口有一個「晚市御膳」嘅展示牌，每個套餐都配有湯、沙律、甜品，而且性價比都幾高，平均一百蚊鬆D一個人。由於未到正式繁忙嘅晚市時間，幸運地唔洗點等位就有得入去坐。除左晚市set dinner之外，仲有個恆常餐牌可以叫既。今晚我地就嗌咗鍋燒烏冬、燒鯖魚飯定食同大蝦天婦羅吞拿魚腩茸卷。坐喺bar枱前可以見到壽司師傅專注工作，一大樂趣呢！先嚟既係大蝦天婦羅吞拿魚腩茸卷。呢個卷真係不得了！大蝦炸至香脆金黃色，卷內亦包有生菜增加口感，再配合卷上既綿綿吞拿魚腩茸同蟹料，多重滋味集於一身。之後就係鍋燒烏冬。鍋燒烏冬可謂足料到爆！除左有海量野菜之外，仲有隻大大隻天婦羅蝦！花菇、蟹棒、雞蛋⋯呢D係鍋物基本，係鍋底仲發現有肉質鮮嫩既雞柳！烏冬係稻庭烏冬，非常有口感。最後就係燒鯖魚飯定食！鯖魚面積都幾大條，表皮燒至微燶，肉質厚實，淡淡魚油香！配埋檸檬汁、蘿蔔蓉同秘製
店外掛滿一個個紅色燈籠，絕對係日本餐廳嘅氣息。
門口有一個「晚市御膳」嘅展示牌，每個套餐都配有湯、沙律、甜品，而且性價比都幾高，平均一百蚊鬆D一個人。
由於未到正式繁忙嘅晚市時間，幸運地唔洗點等位就有得入去坐。
除左晚市set dinner之外，仲有個恆常餐牌可以叫既。今晚我地就嗌咗鍋燒烏冬、燒鯖魚飯定食同大蝦天婦羅吞拿魚腩茸卷。
坐喺bar枱前可以見到壽司師傅專注工作，一大樂趣呢！
先嚟既係大蝦天婦羅吞拿魚腩茸卷。呢個卷真係不得了！大蝦炸至香脆金黃色，卷內亦包有生菜增加口感，再配合卷上既綿綿吞拿魚腩茸同蟹料，多重滋味集於一身。
之後就係鍋燒烏冬。鍋燒烏冬可謂足料到爆！
除左有海量野菜之外，仲有隻大大隻天婦羅蝦！花菇、蟹棒、雞蛋⋯呢D係鍋物基本，係鍋底仲發現有肉質鮮嫩既雞柳！
烏冬係稻庭烏冬，非常有口感。
最後就係燒鯖魚飯定食！鯖魚面積都幾大條，表皮燒至微燶，肉質厚實，淡淡魚油香！
配埋檸檬汁、蘿蔔蓉同秘製醬汁，味道層次進一步提升，非常清新。
食埋個芒果牛乳布甸，今餐真係大滿足，無失望呀！
張貼
