御泰坊-泰越菜 (已結業)

第二次來御泰坊~記住book 定位，因為出面好多人等的>.<~上次walkin 我等左30 mins!!今次我生日，朋友幫我book定7:15pm，要一個半鐘頭裏面交枱~入面位置幾多，而且個景令D，但我地有個窗口位算系gum!入面的裝修驚喜1： 原來近排搞進抽獎！身份證有8 字的客人可抽獎 （每枱一次）hehe... 我有啊！！！！！！！！！！！以為birthday girl lucky d~ 但失敗左。。。抽到55蚊的雞翼~但抽獎list 入面有鱸魚架！！3只手掌gum長~可惜它不是我的~ 之後我地點菜，提醒系呢度既菜分量較少。。。比如一碟60 元的菜只有一碟仔呢碟不過不失， 之前我試的西蘭花炒蓮藕就多油左d...驚喜2：適合夏天食的冰涼沙律我好中意呢碟沙律因為個汁酸酸甜甜，有番茄絲，洋蔥絲，芹菜絲等等，但真系非常開胃每中不足系牛柳不是太lump. 都有成10小件但幾難咬~呢間野重有其他沙律既，或者值得試下其他餸~炒飯底不是好香，但有肉鬆同炒腰果補救下~朋友食到底可以刮菠蘿出來食，但不多米紙卷我覺得幾特別。素菜系最平的一個。入面有粉絲，冬菇，但不是好有味驚喜3 ： 青

在公眾假期前夕, 要搵食一D都唔容易, 尤其係美食在御泰坊等左差不多45分鐘先有位侍應很有效率, 一坐低便送上水上菜亦很快我和友人點了燒牛肉沙律, 炭燒豬頸肉, 炒金邊粉及椰汁雞湯最先上的是炭燒豬頸肉配上酸辣汁, 十分惹味及醒胃豬頸肉不是切得薄, 但很腍, 完全唔UN份量剛剛好最推介這碟之後再上炒金邊粉味道剛剛好, 不太酸不太甜而且炒得不是太濕最後上了椰汁雞湯有點像冬蔭功有不少雞肉不過個人覺得酸左少少所以唔係飲左好多食完以上三碟後, 最終燒牛肉沙律都無黎期間侍應也有幫我們跟進雖然有落單, 但唔知點解仲未有所以埋單時叫侍應取消了今次試的三個菜式也不錯下次有機會希望可以再試其他菜式不過希望不用等那麼耐吧

約左保險姐姐食個DINNER聚一聚，咁為了就大家，地點就選擇APM喇APM食店都有唔少選擇，但最後選擇了食泰國野喇！為左唔常等位，就當然BOOK定位喇我地BOOK左7點，BOOK位時接線生話8點半要交枱的準時到逹拎左枱就等齊人喇，因為天兩關係出面好塞車呀！所以到7點9先到齊人，就拿拿聲叫野食喇柚子沙律~~~柚子沙律的汁調得幾好味喎！份量都幾足夠牛油雞翼~~~雞翼整得好香脆，味道也剛好，雞翼SIZE都幾大隻的蒜蓉包~~~麻麻地，冇蒜蓉味的炭燒豬頸肉~~~個賣相就麻麻喇，味道都係麻麻，一點都唔炭燒呀越式春卷~~~好香脆喎，夾住生菜真係GOOD炸蝦餅~~~炸得好，唔油！而且仲好彈牙其實仲有菜菜同炒飯的喺所以食物上哂枱後，我地食到一半多D時就有個應該係經理的男仕行過黎，望一望隻錶話宜家8點半，你地要還枱喇！仲話比多5分鐘我地，其實當時店內的枱都唔爆的，總點係外面根本無人等呀！我明白BOOK枱時話8點半還枱，但我地仲未食完喎！重點係我地唔係特登食慢喎！經理先生你真係要好好檢討下喇

星期六接我男朋友放工，去左apm一邊行一邊睇下有咩食。竟然星期六唔係好多人，去d餐廳都唔使點等位，我見平時御泰坊都好多人等位，於是一於今次試下。我地一入去個侍應就俾左個好隱蔽既2人位我地坐，佢係一個角位咁既，真係岩岩好2個人同埋適合「情侶」用，所以我地第一次去而被安排到呢個位置都好開心。先叫冷盤，本來諗住食柚子沙律，但因為通常都係食呢一款，我地就叫左茄子帶子沙律。個menu寫住辣味指數2粒星，我地都冇咩所謂，於是試下。仲以為沙律係最先拎出黎俾我地食，但唔知係個侍應冇落單定係製作需時，我地等到所有熱盤都食左一半先至黎，而且d侍應個個都好似好新咁，同佢地講話個沙律未黎，叫佢地幫我跟跟，點知d侍應答左「好」完之後就走左去，又冇覆返我地，再等多一陣，個沙律終於出黎，我地都冇再追究落去，總之食完就算喇。我地睇少左個沙律，以為唔係好辣，點知第一口食隻帶子，超級辣，我地飲左一杯水都仲未沖淡到，如果鍾意食辣既應該會好d。講返之前既熱盤，我地叫左蝦餅、馬拉盞通菜同埋生牛肉湯河，2個人食差唔多喇。蝦餅好好味同好熱，跟埋d薯片，我平時會一口薯片一口蝦餅隔住黎食，感覺好似冇咁油膩。蝦餅都好爽口彈牙，值得推介。

29/3/2013 大好日子~約左朋友仔一齊去觀塘捐血~之後來個輕鬆下午茶!!喺Action 之前已經決定好將會食D乜野, 最後出現左少少意外,所以去左呢到食泰國TEA~每去到一個主題餐廳,都會有一D必食之選,就好似去德國餐廳會食咸豬手,去瑞士餐廳要食佢個芝士火鍋一樣~黎到泰國餐廳,必然要點返几樣呢到話好出名拿手小菜~!!雖然係假期,不過幸好唔洗點等位就可以入坐, 未行夠三步就比佢’’跣’’左野真係地下濕滑果D跣~真係嚇到花容失色, 真係估唔到商場入面既餐廳好似去左街市咁,要步步為營!!又唔見佢地棟住個牌叫大家小心地滑..年紀大少少你話點算呢~~餐廳地方唔算細，可能呢個時段冇咩人，我地兩個人可以坐張四人枱，Ｄ枱好大張，但係擺得太密，走廊好迫，有少少肥既話行過會撞枱兩張枱既距離好近,隔離枱就算只係平常音調講野，我地都可以聽得好清楚～冇咩私人空間感！睇過份餐牌落單啦～款式好多,D相睇落好精美~~我地兩個人都未食早午飯，所以乜都想食～！最後點左:下午茶套餐A - 芒果糯米 –好好味~有80分LA芒果好新鮮唔會放得太耐,好鮮黃,D糯米軟硬適中,感覺唔會因煮得太耐變糊狀,入口仲會有粒粒既感覺

御泰坊長期高倨openrice觀塘區排行榜的前列位置‚定必有其過人之處。一來觀塘區的泰國菜館買少見少, 二來, 其食物和環境也是水平之上。是很多觀塘友的口袋名單之一。六時來到餐廳, 成了是晚第一桌的顧客。被安排坐在四人梳化卡位, 自成一角。更有咕o臣供客人" 挨挨笨笨" ,認真梳乎梳乎。馬拉盞炒西蘭花蓮藕($58)- 馬拉盞下得足, 味道鹹香, 啖啖蝦米辣椒香。西蘭花, 蓮藕咬落爽脆, 像是一熟便熄火, 沒有一絲過硬, 沒有一絲過腍。炭燒豬頸肉配辣椒汁($63)- 樣子有別於之前吃過的。厚切, 細長, 像在齋鋪賣的素叉燒。整碟豬頸肉肥瘦不均, 瘦的部分質地乾身, 我會說它像港式臘肉, 因為味道和質感相當像, 簡單的說---不好吃! 挑有肥膏的部分來吃, 才有吃豬頸肉的fu, 肉質比瘦的較油潤和爽脆。在商場中經營食肆, 煮食大多只可以用電爐, 這個在電爐出產的豬頸肉, 顯然沒有炭燒的味道。還是九龍城泰菜館的好吃! 起碼有燒烤的感覺。不個個人很欣賞在豬頸肉上的蘋果蜜餞, 作為裝飾之餘, 味道亦很不錯! 甜甜的, 淡淡的果香, 正好抵銷豬頸肉的鹹膩。椰青海鮮焗飯($82)- 剛在上個星期六吃

係觀堂一帶想食泰菜,只想到這裡,之前食過也不錯.先先叫左個鮮蝦柚子沙律清清腸胃,同開左個胃口先, 柚子份量好多但係內酸了點點,為了平衡又甜了點點,最後好濃味.蝦就好怪,應該係分開用蒜頭煮過,但個味同d 沙律跟本就係2個世界,所以雖然大家都係同一碟,但係2個餸,真的是這麼近那麼遠.炭燒豬頸肉,配上的”酸辣汁“, 肉質偏瘦,所以不是不爽,因人而異, 不過份量太多,吃不下馬拉盞炒通菜,都算嫩口,但多了點油咖哩牛腩牛筋：咖哩唔辣又有足夠香味,牛腩牛筋都好淋,我們叫了白飯食咖哩,非常唔錯的選擇.

8 點左右到, 等左差唔多成個中先有位...一入到去打開個餐牌已經唔駛諗, 太肚餓...見野就想食叫左個鮮蝦柚子沙律, 唔錯, 不過受唔到酸既唔建議叫...串燒同炭燒豬頸肉都OK 燒到岩岩好...帶子三文魚卷都幾好食, 成舊放入口, 一咬落去感受到D醬同帶子係個口都咇出來,帶子既鮮甜生再加埋米紙生菜簡直係一流,雖然我食完都唔係好知舊三文魚其實係邊~_~總括來講野食方面OK的, 不過來到甜品真係唔建議叫...伏來... 雖然D名好有趣, 搞到我對住個阿姐落單既時候都唔係幾好意思, 例子: 白滑豬豬, 仲有個唔記得咩baby , 其他名都幾搞笑, 咩橙酒燒焦了,凡間天使誠意推介...

午餐散點了一些推介的菜式，果然沒錯！ 都選對了，好吃得很！是香料太豐富的緣故吧！！無論炒飯還是小炒，粉麵都令人滿意，分量剛剛好，跟價錢相宜！喜歡豬頸肉，特別是它配上的”酸辣汁“還有金邊粉都是招牌之一，粉炒的很幹身，一點都不油膩！

地方好靚, 好有心思冬蔭功湯河very good! 係個湯淡咗少少, 唔够辣, 河粉够滑马拉盏炒通菜菜够新鲜, 唔會油泰式魚餅如果你係回教徙千祈唔好食!!!!!!!! 有豬肉架!!!! 有冇搞错?係好食但係你改咗馅係咪應該單聲呢??????要喺menu度注明嘛 炸齋春卷油得滞, 麻麻哋service ok要椒絲有椒絲要青檸有青檸

OT夜左收工，男朋友黎接我時大家都好肚餓，所以求其係apm搵食算，記得呢間嘢有好多笑樣，所以決定一試，但呢間嘢亦變成我呢世食過最差嘅泰國菜餐廳好嘈，枱好接近，完全清清楚楚聽到隔離講咩，呢個好奇怪，間鋪嘅裝修同面積，點解要搞到好似茶餐廳咁叫左四樣食物，有好多人讚嘅蝦餅，呢個係全餐最滿意，真係好味，大大塊啖啖肉又香脆蟹肉炒粉絲，男朋友話無味，我就覺得真係淡左啲，不過最大問題係蟹肉得丁屎咁啲多，同相真係勁大分別！認真曬氣！咖哩面包雞，外表幾得意成隻雞咁，但味道認真普通，咖哩好水，十足大家樂咖哩飯啲咖哩咁，雞切到大大舊好唔方便，都未試過食咁大舊嘅咖哩雞！味道無特別，但唔算難食，個面包幾脆，點咖哩食都幾好，但整體黎講都係普通到極點豬頸肉生菜米紙卷，唔好食，完仲叫左杯唔記得叫咩的蜜桃沙冰，埋單4xx，呢個價錢唔貴，但係呢間嘢嘅食物質素完全唔值呢個價！另外，餐廳服務認真麻麻，待應大部分都木口木面，只有兩個後生仔幾活潑風趣，收枱上食物時無出聲就拎走，都唔會先問一下仲要唔要落錯單問題嚴重，唔知係咪就收工恰眼訓，附近幾張枱加自己枱都被落錯單，最無奈是落錯唔認反而話係客人唔要，我枱無叫淨豬頸肉，黎到時我地已

因為工作上不如意, 所以決定要同仔仔去食餐好既........實行化悲憤為食量 其實之前已經同朋友仔食過一次, 雖然價錢相比起九龍城的泰國菜係貴左D...但勝在地點方便, 環境OK, 又有得book 枱, 唔駛等之餘, 上菜仲好快 tim 炸蝦餅 : 第一次食果時, 就已經被佢既彈牙深深咁吸引, 再配上香甜既黃梅醬, 簡直就係一試難忘 馬拉盞炒通菜 : 必點之選, 嫩口非常　　 蟹肉炒粉絲 : 好味, 可惜份量較少 生菜包 : 因為越食越開胃既關係, 所以再叫一個生菜包, 感覺上比平時食的較辣, 以為是平平無奇的炒肉碎, 那隱藏的辣度卻不可輕視, 清甜生菜剛好中和那辣度,為口腔帶來一點清涼感覺, 讚！ Mango Tango: 係一杯芒果夾雜著菠蘿味既沙冰, 絕對係解辣之選

我都算滿意嘅，特別係午餐。晚餐同午餐都試過，個人認為午餐抵食d，因為有套餐。味道冇問題，幾好食，選擇都算比較多，認為咖哩好食，唔算辣，但係夠味。呢間餐廳有甜品，但冇咩特別，對梳乎厘好失望，叫咗兩次地發得唔靚，其他就比較普通。

突然想食泰國野，所以相約兩位姊妹一齊去呢間度試下初初驚晚飯會好多人，其實都唔係，我去到7點幾，唔洗等位就直接有位坐原來大家都係第一次黎所以胡亂點一通，我地最後共點了4款食物椰青海鮮焗飯、麵包咖哩雞同埋炭燒豬頸肉紙卷椰青海鮮焗飯、麵包咖哩雞都話要等25分鐘我地冇理到照叫，發現其實都好快就到先講講個麵包咖哩雞，D麵包整到成隻雞咁拎上黎，好得意的賣相店員都好細心問我地要唔要先影相先再幫我地開封我地當然會先影相LA XD影完一大輪，店員幫我地拎入廚房切開隻雞，切到好似片皮鴨咁XD麵包係好脆口，好似食緊脆的薄PIZZA咁樣原本麵包底下的器皿內就有咖哩同埋雞肉其實個咖哩好一般，同埋D雞肉都有D OVER咗的感覺，有D難咬不過因為個賣相唔錯同個麵包真係好食，咁都算OK GE椰青海鮮焗飯，其實同我想像中有D出入椰香味淡，多吃幾口才開始有椰香味最後姊妹們要撈咖哩汁食飯中的海鮮就冇咩特別至於個炭燒豬肉紙卷，有兩個汁比你揀睇你自己想點邊樣一個係甜酸的，另一個都係甜酸，不過再加少少辣賣相、味道都唔錯，係口感唔夠豐富但係個紙卷有肉有菜，加埋個汁好醒胃食完呢3款後發現好似唔係好夠食就多點一道菠蘿雞粒炒飯呢個好快就

御泰坊，很適合跟朋友一起聚會的餐廳，因為位置方便，坐著也舒服！ 一直有人幫你收拾桌面的東西！由於是繁忙時間的DINNER，所以一進入他們會跟你說一個半小時左右就要交檯， 這我們也理解，所以欣然接受。由於最近DBS有推廣，半價就點了個4人餐， 才HKD420，就有滿桌的菜式！說道精細，當然沒單點的好吃啦，可是價錢相差1半就算啦！說到辣，要數“泰式豬頸肉沙律”，真的太辣啦，不過很開胃，香口得很。一上來就半只海南雞，恨得很不錯，雞肉算滑，不肥膩！挺好的。這個紅咖哩有點辣，可以接受，不過蝦比較少，就是菠蘿太多啦！咖哩汁送飯一流！炒飯不油膩，很乾爽，雖然配料不多，所以滿口都是飯，味道清淡了點！水蜜桃梳乎厘， 太甜啦，嫌它不夠火候！沒有朱古力那麼好吃！ 不過很值得吃，HKD48 一大個！！！