影片
更多
2012-12-07
15 瀏覽
OT夜左收工，男朋友黎接我時大家都好肚餓，所以求其係apm搵食算，記得呢間嘢有好多笑樣，所以決定一試，但呢間嘢亦變成我呢世食過最差嘅泰國菜餐廳好嘈，枱好接近，完全清清楚楚聽到隔離講咩，呢個好奇怪，間鋪嘅裝修同面積，點解要搞到好似茶餐廳咁叫左四樣食物，有好多人讚嘅蝦餅，呢個係全餐最滿意，真係好味，大大塊啖啖肉又香脆蟹肉炒粉絲，男朋友話無味，我就覺得真係淡左啲，不過最大問題係蟹肉得丁屎咁啲多，同相真係勁大分別！認真曬氣！咖哩面包雞，外表幾得意成隻雞咁，但味道認真普通，咖哩好水，十足大家樂咖哩飯啲咖哩咁，雞切到大大舊好唔方便，都未試過食咁大舊嘅咖哩雞！味道無特別，但唔算難食，個面包幾脆，點咖哩食都幾好，但整體黎講都係普通到極點豬頸肉生菜米紙卷，唔好食，完仲叫左杯唔記得叫咩的蜜桃沙冰，埋單4xx，呢個價錢唔貴，但係呢間嘢嘅食物質素完全唔值呢個價！另外，餐廳服務認真麻麻，待應大部分都木口木面，只有兩個後生仔幾活潑風趣，收枱上食物時無出聲就拎走，都唔會先問一下仲要唔要落錯單問題嚴重，唔知係咪就收工恰眼訓，附近幾張枱加自己枱都被落錯單，最無奈是落錯唔認反而話係客人唔要，我枱無叫淨豬頸肉，黎到時我地已
餐廳好嘈，枱好接近，完全清清楚楚聽到隔離講咩，呢個好奇怪，間鋪嘅裝修同面積，點解要搞到好似茶餐廳咁
叫左四樣食物，有好多人讚嘅蝦餅，呢個係全餐最滿意，真係好味，大大塊啖啖肉又香脆
蟹肉炒粉絲，男朋友話無味，我就覺得真係淡左啲，不過最大問題係蟹肉得丁屎咁啲多，同相真係勁大分別！認真曬氣！
咖哩面包雞，外表幾得意成隻雞咁，但味道認真普通，咖哩好水，十足大家樂咖哩飯啲咖哩咁，雞切到大大舊好唔方便，都未試過食咁大舊嘅咖哩雞！味道無特別，但唔算難食，個面包幾脆，點咖哩食都幾好，但整體黎講都係普通到極點
豬頸肉生菜米紙卷，唔好食，完
仲叫左杯唔記得叫咩的蜜桃沙冰，埋單4xx，呢個價錢唔貴，但係呢間嘢嘅食物質素完全唔值呢個價！
另外，餐廳服務認真麻麻，待應大部分都木口木面，只有兩個後生仔幾活潑風趣，收枱上食物時無出聲就拎走，都唔會先問一下仲要唔要
落錯單問題嚴重，唔知係咪就收工恰眼訓，附近幾張枱加自己枱都被落錯單，最無奈是落錯唔認反而話係客人唔要，我枱無叫淨豬頸肉，黎到時我地已話無叫，呀姐企係度用狐疑眼神望住我地，好似係我地叫左但唔記得，仲企左成分幾鐘（正常話無叫過，其他餐廳的待應係會離開）之後有個後生啲嘅女仔黎問我地有無叫，我地話無，講左幾次無叫過後，佢竟然話：咁你地係咪姐係要cut左佢？我男朋友即刻無奈道：我地都無叫過，咩cut左佢？係完全無叫過呢樣，之後那小姐才說：哦，應該同事入錯左，就走左，唔好意思都無句
想不到隔離枱小姐也中招，叫左個炒粉，等左勁耐，最後待應表示溜左單，小姐問可唔可以幫佢落返，經理突然出現，內容我都忘了，但佢又想交個波比客人話係小姐頭先無嗌到炒粉，小姐都激到死話係你同事溜左我單，唔係我無叫
張貼