御名園

營業中

休息中

平時都會同屋企人去荃灣呢間酒樓飲下午茶都覺得唔錯，見佢Ｄ小菜晚餐好似都唔錯今日一於去試吓晚餐！🦞上湯西澳龍蝦 $438龍蝦估唔到都幾新鮮，肉質爽口。配埋上湯令味道更加鮮美，墊底既伊麵索晒濃郁既龍蝦香味，夾上嚟仲有掛汁。🐠金銀蒜粉絲蒸空運聖子 $38一隻聖子肉質鮮嫩，配上蒸熟既粉絲同金銀蒜，味道爽口惹味，如果再撈飯真係一流。我地仲點咗晚飯美饌組合 $338（包兩款菜）🦀黑胡椒焗蟹 蟹肉質鮮美，配上黑胡椒既香氣同焗烤口感，蟹肉味道好濃郁，好惹味。🐔黃金脆皮文昌雞呢隻文昌雞不得了，一定要點！雞皮炸成微微酥脆，咬落雞肉非常嫩滑，完全係外脆內軟，再配上醬汁味道非常夾。🐥潤燒石岐乳鴿 $55乳鴿個肉好入味！咬落去仲有肉汁流出黎，吃起來好有嚼勁。🥘黃金石斛花燉響螺湯 $43.8響螺肉質新鮮爽口，配上石斛花燉製既湯，味道鮮甜，而且燉煮得非常入味，唔好睇佢細細盅，入面好足料！仲有雞同瘦肉，樣樣都好入味，好似飲緊精華！🦑椒鹽魷魚鬚 $68魷魚鬚炸得非常酥脆，嚟到仲係熱辣辣！咬落仲脆到索索聲！配埋椒鹽調味，好慈惹味！

荃灣御名園是一家提供精緻粵菜的餐廳。今天我們品嚐了$838龍蝦燉湯餐 和晚飯美饌組合 A。每道菜都令人驚艷，味道濃郁且吸引人。首先，御膳養生燉靚湯湯頭濃郁，食材新鮮。X0醬碧翠炒深海螺片則帶有微辣的味道，獨特醬料使螺片更為美味。波士頓龍蝦（上湯焗伊面）絕對是亮點，龍蝦肉質鮮嫩，伊面吸收了湯汁，口感濃郁。海沙巴斑（清蒸）魚肉滑嫩，味道清新，肉質爽口。乾蔥頭抽交昌雞半隻則是家常菜中的佳作，雞肉味道鮮美，乾蔥頭為菜式增色不少。鮮蟲草花百合泡菜苗是一道兼具營養與美味的菜式，獨特的口感令人難忘。養生核桃包4隻外皮鬆軟，核桃香味濃郁，健康又美味。晚飯美饌組合 A 中的金蒜銀絲蒸空運聖子（4隻）則是一道充滿創意的菜式，金蒜與銀絲的搭配使聖子更為美味。最後，鮮菠蘿咕嚕肉口感豐富，糖醋味道恰到好處，菠蘿的酸甜與咕嚕肉的甜脆相得益彰。整體而言，荃灣御名園的用餐體驗非常愉悅，各道菜式無不讓人回味無窮。強烈推薦給喜愛粵菜的朋友們！#御名園 #美食優惠 #午市 #晚巿 #美味中菜#荃灣搵食

【荃灣御名園的海鮮盛宴】荃灣御名園的$838龍蝦燉湯餐招牌菜式令人難忘。首先上桌的是X0醬碧翠炒深海螺片,鮮嫩的螺肉配上香濃的X0醬,每一口都爆發海鮮的鮮美。隨後的波士頓龍蝦(上湯焗伊面),將龍蝦和伊面都煮至最為入味,乾身而不乾味,每一口都可以嚐到龍蝦的鮮甜。清蒸海沙巴斑的魚身異常的彈牙,搭配青蔥和頭抽,清爽不膩口。乾蔥頭抽交昌雞炸得香脆肉嫩,滿滿的老香味,個人最喜歡的菜式之一。鮮蟲草花百合泡菜苗的滋味獨特,苗頭綠脆配上蟲草花的清香,很有養生的效果。養生核桃包的外皮香脆包裹著鮮甜的核桃蓉,吃在最後留下深刻印象。 是日晚餐的招牌是金蒜銀絲蒸空運聖子,新鮮的聖子肉入口即化,搭配蒜絲的香氣更加引人入勝。最後的鮮菠蘿咕嚕肉,菠蘿的酸甜滋味加上肉汁的鹹香,讓人一口接一口直至碗底,完美的結束這頓精彩的晚餐綜合而言,荃灣御名園$838龍蝦燉湯餐的菜式新穎又有創意,每道菜的 matched 的搭配都恰到好處,是食家必試的美食。

見朋友通常都係食西餐同日本菜，但屋企人聚會都係會揀返中菜，貪佢款式多同一定岩老人家口味，就好似今次去呢間酒樓咁，而且價錢仲唔貴，值得一試。上湯西澳龍蝦($438)平時食芝士龍蝦多，今次試下上湯，龍蝦肉質爽口鮮甜，濃郁既上湯令龍蝦肉質更加鮮美。墊底既伊麵吸收哂上湯同龍蝦既精華，一定唔錯過金銀蒜粉絲蒸空運蟶子($38一隻)將蟶子同生熟蒜、粉絲一齊，保持到原汁原味，蟶子口感爽脆。撈埋粉絲同蒜蓉一齊放入口就一流✨️晚飯美饌組合（$338)黑胡椒焗蟹選用挑選的手肉蟹，灑上黑胡椒調味，經過焗烤後，香氣四溢，肉質鮮嫩。黃金脆皮文昌雞-半隻文昌雞炸到外皮金黃酥脆，內裡多汁鮮嫩，而唔會過熟，點埋秘製豉油就更加惹味潤燒石岐乳鴿（$55一隻）乳鴿大細岩岩好，肉質好嫩滑，搣開既時候仲有肉汁流出黎，襯熱食味道一流椒鹽魷魚鬚（$68）魷魚炸過後，外面酥香，裡面肉質爽脆，椒鹽既味同辣，令魷魚鬚更加惹味黃金石斛花燉響螺($43.8一盅)除左響螺同石斛之外，仲有雞同瘦肉等等既材料，將所有鮮味濃縮哂一盅入面，除左滋潤之外，仲好鮮味

約左朋友聚下，茶樓最岩傾得耐星期日要預返45分鐘或以上等位千色店3-5樓個兩層都有中式餐廳，最終呢間最快有位對食物冇咩期望，諗住都係傾計估唔到大部份食物都好唔錯蝦餃好大粒，入面既蝦都係比較新鮮彈牙燒賣上面有粒鮑魚紅米腸入面係蘿蔔酥咁有蘿蔔絲同酥皮係入面，好好食小籠包都好多汁‧小食方面失色一點點就係炸鮮奶唔係平時個D，佢係包左一塊白麵包再炸都好食既但會想鮮奶多D比例榴槤酥就唔OK了，唔係全部都榴槤蓉，懷疑mix左D薯蓉之類鍾意食榴槤既我覺得唔夠滿口榴槤感覺但係檸檬雞腳同另一款豬手都係非常彈牙爽口汁酸酸地好開胃‧可能叫得太多，其實係足夠4人食既周日一點入座，埋單$430左右稍貴，但飲茶黎講食物質素係值得再食

🔺御名園 難得同家人一齊放假，於是去酒樓食返幾碟小菜🙌🏻呢間酒樓食物質素不錯，選擇都幾多！.陳皮脆香燒鵝皇🦆招牌燒鵝！都燒得好香👍🏻搭配個秘制醬汁淋上面😍.黑糖叉燒皇🍖呢個都幾高質，脂肪同豬肉層次分明🤘🏻黑糖燒得好惹味🔥.椒鹽魷魚鬚🐙魷魚鬚份量勁多，炸得相當彈牙😽.糯米釀脆皮雞全翼🐥裡面嘅米飯帶有少少辣味，食落幾惹味.沙薑香茜豬手🐷豬手起晒大部份嘅骨，切到細細舊容易入口，調味清新🙃.乾炒香格斯牛河🐄炒得唔會好油，味道都唔差😏而且牛肉用料比平時高質，價錢唔貴🙆🏻‍♀️

好耐無試過約齊朋友食飯圍圍喂既時候· 食中菜就最方便位於荃灣千色匯既御名園餐廳會按時令季節推出唔同既套餐岩哂我呢啲選擇困難症重患者人士ꔅ 西澳洲龍蝦貼6人盛（$1288)♡ 西澳洲龍蝦（約1斤4兩）有兩種方法烹調選擇· 選擇了興龍蝦最相配的上湯伊麵龍蝦啖啖肉· 鮮甜彈牙！伊麵份量好多· 吸哂上湯真係好鬼正♡ XO醬碧翠炒蘭花蚌蘭花蚌炒四季豆· XO醬幾惹味四季豆仲好嫩口無渣 ·蘭花蚌口感鮮嫩如果四季豆份量再多啲就好♡ 清蒸海沙巴斑（約1斤）師傅蒸嘅時間岩岩好· 魚肉好嫩滑最正係個醬油· 配埋蔥絲魚肉真係提鮮又好味♡ 黑白胡椒燒鵝皇半隻半隻鵝份量好多· 最後食唔哂要打包！鵝肉肥瘦岩岩好· 鵝香脂香恰如其分胡椒味幾重· 唔配醬食都好夠味！♡ 瑶柱粟米魚肚羹本人對魚肚羹係有絕大好感好耐無食過咁足料既湯羹濃稠剛好·啖啖都食到魚肚♡ 南乳福袋雜菜煲福袋真係印左個福字· 幾可愛得意師傅加入蝦乾·令湯汁多左一份蝦香味雜菜粉絲吸哂汁· 簡單又好味♡ 紅棗木耳燉雪梨呢排好鍾意燉雪梨·清甜又滋潤

同屋企人去左位於荃灣既御名園之前食話佢既點心，今次決定試下晚市套餐餐廳樓底好高，空間感夠坐落好舒服晚市有多款套餐，價格唔算貴，每人2百左右ద西澳洲龍蝦貼6人盛（$1288)ꔐ西澳洲龍蝦配上湯焗伊面龍蝦好新鮮， 龍蝦肉好大舊夠哂彈牙上湯伊面幾香吸哂湯汁，忍唔住食左2碗ꔐXO醬碧翠炒蘭花蚌蘭花蚌食落爽口彈牙，XO醬都唔會蓋過食物本身嘅味道ꔐ清蒸海沙巴斑蒸嘅時間岩岩好，好有魚味ꔐ黑白胡椒燒鵝皇半隻第一次食黑白胡椒整嘅燒鵝，食落好香胡椒味唔洗點酸梅醬食，食番鵝本身嘅香味鵝肉肥而不膩ꔐ瑶柱粟米魚肚羹清清地魚肚羮，飲落好舒服 ꔐ南乳福袋雜菜煲福袋口感幾特別，軟軟腍腍帶少少彈牙南乳加入蝦乾帶番啲鮮味，舖底有吸哂汁既粉絲唔鐘意菜嘅都忍唔住夾多兩條ꔐ紅棗木耳燉雪梨清潤滋補，唔會太甜

雖然並非大時大節，但這三年，真的很多親戚朋友也沒有機會相聚，幸好有現代的社交媒體，把大家牽連在一起，不過，中國人，還是喜歡見見面，聚一聚的感覺，更為親切！  最近，BeautySearch 也相約了好友聚舊，兩個好逸惡勞的懶人，選擇了午餐時段前來到酒樓，希望在人潮高峰前選個靚位，嘆嘆茶，享用美食。想不到，位於荃灣市中心的《御名園》早已滿座，我們需等候片刻才能入座呢！似乎，抗疫3年後，大家都爭相以報復式消費！既然是報復式消費，當然要吃好一點，我們選了「養生湯鮑魚餐」，優惠價每位只需 $268 其實也相當超值！先來厚切叉燒拼醬香小青瓜，叉燒肥瘦參半，外皮微焦，入口時還熱辣辣的，充滿蜜汁甜味，口感 juicy；而青瓜以店子的醬汁醃製，帶微酸，清涼爽口，令人份外開胃。養生燉靚湯 - 沙蔘玉竹燉山斑魚，材料相當豐富，入口時還透出淡淡藥材味，清甜味美，滋陰潤燥，對於咳嗽無痰、聲音嘶啞、口腔潰瘍等，也有一定療效。早前 BeautySearch 染上新冠，此燉湯來得正好，特別適合病後調理喔！主角出場，蠔皇6頭鮑魚伴花膠，鮑魚口感煙韌；花膠不但大大塊，肥美肉厚，滿滿膠原幸福滋味，搭配傳統蠔皇煮理，雖然簡

三母女飲茶🫖，飲完行一陣街街，繼續享受住幼稚園番半日的節奏，一放學換套衫就出門，功課就食完行完番屋企先做啦!✨糯米釀雞翼 ～ 雞翼拆左骨食落啖啖肉，入裏釀入糯米，雞油配糯米好惹味。✨蝦餃 ~ 皮薄包住大大粒，好足料好彈牙✨叉燒腸 ~ 滑嘟嘟，叉燒軟淋。✨海鮮豆苗餃✨鮑汁雞腳 ～ 雞腳炆得好淋好入味。✨燒賣 ~ 賣相吸睛，細細粒鮑魚好可愛，肉餡好多汁✨四寶滑雞扎 ～ 大大件腐皮入面有鮮淮山，蟹柳，綿花，雞脾肉。✨叉燒包 ✨牛肉球✨沙薑香茜豬手✨沙律蝦角 ～ 炸到金黃酥脆，入面有大蝦仁。✨石岐乳鴿 ~ 乳鴿好香脆可口，肉質口感厚實。

朋友係要見架!約左朋友去御名園食飯，千色匯御名園裝修簡潔岩哂坐低慢慢食慢慢傾，▶️精品黑豚叉燒皇黑豚叉燒皇叉燒肥瘦適中，食落好嫩好腍肥肉有入口即溶口感，配上蜜糖味焦香，忍唔住口連夾兩件▶️石岐乳鴿 ~ 乳鴿好香脆可口，肉質口感厚實▶️脆香糯米釀雞翼外層好香脆，雞翼入面包住軟糯糯米，雞翼肉汁配糯米好夾，食落有少少微辣，好惹味▶️沙薑香茜豬手沙薑香茜味好香，豬手好爽口，啖啖豐富骨膠原▶️黑白胡椒燒鵝皇外皮有炭火香，夠哂香口，鵝肉JUICY，咬落滿滿鵝油香，配啖飯食真係無得彈送飯真係一流無得輸。

之前同妹妹嚟食過晚飯都唔錯，趁媽咪生日就搵埋2老一齊食餐生日飯🎂。今次冇上次咁有驚喜，而且有幾樣嘢都比較多油。📍生猛西澳洲龍蝦($438/每隻約1斤4兩)龍蝦肉量唔少🦞肉質爽口，但鮮味未算突出，水準正常。下面配咗個金湯芝士焗伊麵底，芝士汁有鹹味但未夠香🧀.📍精品黑豚叉燒皇($98)一客8件，每件都好厚身🥰，肉質半肥瘦有入口即溶嘅感覺🤤，加上蜜糖燒至焦香，正！.📍蟠桃蓮蓉桃包（$10/個）話晒都係阿媽生日🎂，點都要叫返個壽包，蓮蓉餡幼滑仲有蛋黃，唔錯！.

御名園主打親民粵菜，佈置簡潔明亮，空間感十足，晚市提供多款海鮮佳餚，🦞龍蝦伊麵是必點推介，是與親友聚餐的好地方，🌟令人大飽口福。🦞上湯焗波士頓龍蝦伊麵 鮮艷的龍蝦，以上湯焗製，龍蝦爽彈可口，蝦鉗一早已被敲開，大啖品嚐嫰滑的蝦鉗肉，😍細滑鮮香。伊麵掛上濃稠湯汁，入口充滿龍蝦的鮮香，😋吃到“舔舔脷”!🐟清蒸沙巴海花班 海花班用上清蒸炮製，魚肉綿厚嫩滑，😋魚香充滿口腔，原汁原味，沾上甜豉油及香蔥，口感嫩滑細緻 ，鮮味提升，把米飯拌合醬汁，十分滋味。🐣黃金脆皮文昌雞 文昌雞外皮金黃酥脆，入口鬆化，肉質緊緻、啖啖肉，豐潤多汁。脆皮下的幼嫰雞肉，沾上甜豉油，香而不膩，令人吃過暢快!🍳蛋白杏仁茶入口濃郁杏香誘人，加上柔嫩蛋白，🎉每啖滑不溜口，🥳甜度適中，滋潤冬天乾涸的喉嚨。

御名園中菜館，坐落在荃灣千色匯 商場， 以中式佈置，十分優雅， 樓底高， 比一般中菜館寧靜， 環境舒適寬敞。黑豚肉叉燒王厚切的黑豚肉叉燒王，邊沿微焦， 充滿炭燒香氣， 入口十分軟腍帶蜜甜， 肥而不膩， 大快朵頤。上湯焗波士頓龍蝦伊麵 時令原隻的波士頓龍，用上我喜歡 的上湯烹煮， 夠曬原汁原味，龍蝦肉入口鮮味爽彈， 伊麵分量十足，煮得剛好，不會過稔，完全吸塑了龍蝦汁的精華， 滋味得令人停不了口。長白山鮮人參燉竹絲雞 鮮人參燉竹絲雞，是我冬天最喜歡燉湯， 鮮人參更有補氣功效， 打開蓋時， 香氣十足， 看到材料相當認真， 有半隻竹絲雞及豐富的 鮮人參，因為長時期燉煮， 雞肉軟稔入味， 輕輕咬下已經可以骨肉分離， 湯底相當鮮甜 ， 又不會有人參的苦澀味，冬天滋補的最佳湯水， 飲完整個人暖笠笠。瑤柱蛋白炒飯炒飯粒粒分明，炒到十分乾身， 沒有油膩感， 好有鑊氣， 蛋白炒得又滑又嫩， 加上一絲絲瑤柱絲， 滋味提升， 讓人喜歡。合桃包 熱燙燙的合桃包， 合桃造型可愛， 包皮鬆軟， 中間填滿滑溜的奶黃及合桃碎粒，香甜吸引。飯後每位客人送上香噴噴杏仁茶， 甜度適中， 淡淡杏仁芳香，正好滋潤冬天乾涸的喉嚨。

訂了枱食晚飯，諗住今晚開開心心同屋企老人家慶祝生日，今晚準時到達（仲早了10分鐘），但係去到酒樓，一位酒樓知客開咗一張接枱，叫我們一家人坐係酒樓門口，我同侍應講：「我哋訂咗枱，今日中午你哋酒樓仲有員工打電話比我confirm booking ，如果冇枱，客人訂枱時，你們應該要同客人講，confirm booking 即係代表有枱預留給我們。好明顯你們突然把我們訂咗嘅枱給了你們的熟客啦！」幸好這個商場有幾間酒樓，而且時間尚早，我們去了另外一間酒樓剛好還有一張枱，因禍得福，我們發現了一間又好食、又抵食的酒樓，開開心心食生日飯，未至於掃興。