康瑞甜品

營業中

休息中

#餓豬去深水埗特色仙草百配 $26依款綜合糖水真係咩都有㗎，除咗芋圓、地瓜圓、仙草之外仲有珍珠薏米等等唔同配料，一次過滿足你所有願望🤩個人覺得佢唔同嘅元都口感夠煙銀彈牙，唔會過於實淨冇咗咬口嘅感覺，底下嘅糖水甜度適中，唔會太甜痛膩，二一個有咁多配料嘅糖水來講的確係幾抵食😚========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 康瑞甜品 (深水埗)深水埗荔枝角道323號地舖========================#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodporn #hkfoodie #hkfood #美食 #康瑞甜品 #康瑞 #甜品 #仙草

康瑞係其中一間我最愛既糖水店成日係旺角/太子/油麻地/ssp附近食完飯，都會特登去😆本身都好鐘意食芋圓，每次黎我都一定食一號芋圓仙草$26👍🏿👍🏿👍🏿呢到既芋圓都算多，同埋都勁快上菜 有得食今次試埋糖不甩，湯丸皮有少少太林，不過味道都ok Ge~ 都係1號好食d🤣今次食好幸運吾洗等，不過平時都吾會等太耐，因為入面坐吾得耐，d人食完多數好快就會走😖😖所以呢到未必岩想吹耐d水既人食😛😛

去到大角咀依頭食晚飯，食完當然要去埋依區好出名食芋圓既糖水鋪到食返配糖水啦～😍😍依到既甜品款款都好吸引，好難選擇啊～🤣最後我地揀左特色仙草百配同酒釀桂花。特色仙草百配（$26）食落去口感豐富，一配有齊芋圓、地瓜圓、西米、紅豆、仙草、小丸子，不同味道同口感融合係一齊，好特別；而且芋圓同地瓜圓係好重芋頭同蕃薯既味道，唔似坊間出面食既芋圓同地瓜圓，只係得個口感，依個係真係食得出佢加左好多芋頭同地瓜入去一齊搓，而且口感煙韌，好好食～酒釀桂花配芋圓地瓜圓小丸子（$26）依個只得熱既揀，食落好暖，有好香既酒味，配上桂花，食落去係好自然既香味，而且佢加左蛋花落去，增加左糖水既口感，再配埋芋圓地瓜圓同小丸子，超級滿足！

食完晚餐少不免要食番碗糖水，先可以叫做食完晚餐。突然係深水埗食完晚餐之後好想食芋圓嘅甜品，咁就去咗依間甜品舖。依間本身係一間涼茶舖，我都係從店內嘅貼圖先知🤣一望個餐牌選擇其實唔多，但好多都係我鐘意食嘅。可能我本身係唔多鐘意食新款甜品，所以我係偏向鍾情於傳統甜品。存我地今次就叫左一碗仙草百配3種圓子同椰汁西米露配3圓子個仙草圓子係唔太甜，又好足料，而主角芋圓係整到好QQ，唔太淋之餘都好彈牙。而椰汁西米露嗰個我就覺得有啲失色，可能我地係叫熱食，令到芋圓過淋。但整體黎講都係一間值得推介嘅糖水舖！

由細到大唔知點解好中意食芋圓，細細個同屋企人去台灣旅行既時候食過之後就好難忘。而家香港真係好方便，想食咩國家既野都一定會有。有次放假同朋友食完飯無野做，突然好想食糖水之後就講起芋圓。因為我朋友本身住深水埗，所以佢帶左我黎呢間店到食糖水，我朋友話夜晚過黎食既話會排好耐。好彩個日我地去既時候係下午，但當我地坐低左無幾耐都開始多人。我點左個招牌黎食，上菜速度勁快我諗大約五分鐘，黎到勁有驚喜。一碗$20幾既芋圓點解可以甘多料，唔怪得甘多人黎食。材料:芋圓，仙草，薏米，珍珠，紅豆，西米出面個d舖頭唔會甘平，仲要加錢先可以加料真係誠意推薦😋😋😋

試咗個【特式仙草百配$26】 即係綜合糖水，乜嘢都有👀當中包括芋圓、地瓜圓、小丸子、仙草、珍珠、薏米、紅豆⋯配埋椰汁底🥥 話說👧🏻好鐘意食芋圓，但係喺香港食到嘅芋圓普遍都冇乜味🤭，一係就太硬倔倔；康瑞嘅芋圓算係軟硬適中，有足夠黏韌。而且價錢好抵，CP值好高🔝大家有冇好味嘅芋圓介紹我😋

今日晏就去太子果邊嘅花舖睇花,食完lunch 飯之後就去左太子花墟睇下花，有時，尤其是係呢段時間，淨係睇下d 花都好有治癒作用。行下行下已經有d hungry, 今日要去個朋友gei grand opening, 拒間舖係深水埗，甘當然要食好好食gei芋圓。因為女朋友介紹我食，令我愛上。康瑞芋圓，真心出色，以前係街檔食到依家地舖，水準一樣出色。由於我地都係雀仔肚嘅關係，所以兩個人都係嗌左一碗，1號，次次都係食呢款，yummy!!

每次嚟開深水埗必定會過嚟康瑞食糖水雖然店舖位置唔太就腳 但打從以前康瑞仲喺醫局街中醫館內兼賣糖水食過一次之後就一直念念不忘佢哋嘅手做芋圓、地瓜圓幾出色而家搬咗舖地方大好多 可以舒舒服服咁坐低食不過飯後時間通常都要等位招牌糖水有仙草系列亦有各款傳統糖水配芋圓必食推介✨1⃣號特色仙草百配甜品非常足料有芋圓、地瓜圓、小丸子、珍珠、紅豆、薏米及仙草口感豐富，味道唔會太甜另一清潤推介✨3⃣桂棗雪耳湯底配芋圓平時冰糖雪耳配桃膠或木瓜糖水就食得多其實配搭芋圓都幾match 雪耳好爽 湯底甜度亦適中芋圓同地瓜圓有濃濃嘅芋頭同蕃薯味體積細細粒 口感夠煙韌👍👍友人唔係芋圓愛好者揀咗1⃣1⃣椰汁西米露同預期差唔多 椰汁味道唔會太甜中伏之選1⃣8⃣至愛什果啫喱👿啫喱一上枱就聞到好奇怪嘅香精味起初以為會有D罐頭雜果 但裡面只係得椰果啫喱味道同口感都好怪友人每粒淺嚐咗一小啖已表示食唔到落去真心建議呢道甜品可以cut咗佢😖強烈建議大家唔好點啫喱！平均廿幾蚊碗足料糖水真係好抵食👍1號同3號係我嘅必食之選

Herbal Jelly with taro, sweet potato and gelatinous rice balls is the best! It is not over-sweet, and feels like it is not super unhealthy. The flavours of taro and sweet potato balls are really prominent. It is very peculiar and when you chew it slowly the flavours come out. The sago one is a bit too sweet in my opinion.

同一班朋友係深水埗食完晚飯，健康嘅我哋當然就選擇甜品作下場啦😎 特色仙草百配 （$26）差唔多我每次都會叫佢🤪 超多花奶，好肥，但好味！配料都好足; 有芋圓，地瓜圓，小丸子，紅豆同涼粉🤓 每款丸都有成5粒，但壞處係。。。唔夠凍😭😭😭室溫咁嘅feel桂棗雪耳糖水 （$21）好甜，umm 糖水，我明嘅🤣🤣 雪耳好硬，咬唔到咁🤧椰汁西米露 （$21）正正常常啦總結，因為我地多人，所以都等左成20分鐘，同埋最終要坐門口張枱，冇咩冷氣，同埋甜品唔夠凍，都有少少失望

推薦指數：🤩🤩🤩🤩深水埗可以話係香港地道美食天堂！係呢附近的餐廳未必有華麗的裝潢 , 不過就有好多充滿驚喜的小店/ 地道美食!🥳今日就去一試康瑞甜品！未去到已見到有人潮係門口等緊位，相信一定係唔錯啦！康瑞甜品係好港式地道的糖水鋪，飯後時段更加係人潮湧湧好熱鬧！😎👉🏻酒釀桂花丸子配芋圓　👉🏻桂棗雪耳湯底配芋圓酒釀同桂花的味道相當搭，丸子煙韌有口感，仲帶有微微的酒味！🥰桂花紅棗湯底非常滋潤，食到本身紅棗的甜味桂花的清香！芋圓亦係另一重點推介，芋圓配上中式糖水的湯底亦係異常地合拍～芋圓粒粒大小適中，有Ｑ彈的口感！😍😍😍

嚟到深水埗食嘢又點可以唔食返個甜品先走啊 本人非常之鍾意食芋圓，迫左💁🏻‍♂️去食，晚上六點幾7:00去食嘅話人流冇咁多坐得比較舒服由於依間鋪頭本身出名就係食芋圓，所以佢哋嘅選擇都唔係咁多今次我就叫咗個紅豆沙，💁🏻‍♂️就要特色仙草百配。個人唔係幾太鍾意紅豆沙入面加椰奶，所以覺得味道一般，上幾個月你食嘅時候我記得芋圓係比較煙銀啲，今次食嘅時候冇咗嗰種Q彈感，粉感重左，有d 失望😞有機會再嚟幫襯，希望佢可以回復翻以前嗰個水準啦，不過以糖水舖來講佢買嘅價錢都唔算太貴，未食過嘅人都可以黎試吓不過你話好好食嘅話我個人認為一定唔係，依間就係以價錢同材料取勝，賣得唔算貴但係味道都OK

呢間甜品店一直係我嘅bucket list🐷度，今次終於試到佢啦🥰佢嘅中式糖水真係好正👍🏻大家去開深水埗一定要試1️⃣椰汁西米露配芋圓丶地瓜圓同小丸子(熱) $26椰奶味好香濃🥥，西米嘅份量都好足！芋圓標榜每日手工製造，口感軟熟煙靭，不過芋香味比較淡。地瓜圓同小丸子亦都煙煙靭靭🥰。🙆🏻‍♀️美味指數:8.53/102️⃣暖胃薑汁配芋圓丶地瓜圓及小丸子(熱) $26薑汁味超重，唔會話一味得個甜字，食一啖會覺得辣嘅，而且好暖胃🤤而且仲有驚喜係佢加咗啲腐竹喺裏面🤩大推🎉🙆🏻‍♀️美味指數:8.88/10💡整體來講，平靚正，想食返碗養顏糖水，來呢度就最啱啦！唯一嘅缺點係服務質素......

自從發現深水埗竟然有間咁高質嘅芋圓之後 泥親深水埗都係指定食呢間🤣🤣特色仙草百配🤩🤩👍🏻呢碗野價錢唔貴但入面勁足料！！有仙草 芋圓 紅豆 黑白珍珠 西米 等等⋯口感好豐富 次次食完都好有滿足感☺️☺️唯一小小缺點係唔夠凍😢😢如果可以凍啲就完美😆😆

今晚喺深水埗食完飯之後，友人提起不如食糖水，即刻諗起康瑞，都好耐冇食，因為坊間愈出愈多花款，試極都未完。大概夜晚嘅八點幾，我哋去到門口發現冇人等位非常之開心，因為早幾個月去嘅時候，都仲係需要等最少10分鐘先有得入，但諗深一層會唔會係人潮已經轉去其他嘅甜品舖呢！坐低之後睇過餐牌，都係揀番芋圓仙草百配，友人就揀咗椰汁紅豆沙芋圓，我哋都覺得味道依舊👍🏻只係可能坊間依家有非常多嘅選擇同埋嶄新嘅口味，令到昔日吸引人潮既甜品變得有點失色，甚至乎平平無奇，但我哋仍然希望貴店生意興隆，繼續保持依份味道。