康瑞甜品

營業中

休息中

作為一個不折不扣的芋圓控，可以大聲講一句芋圓真係食唔厭！不過好味的芋圓在香港難尋，今次有朋友介紹去食佢心目中「香港最好味芋圓」，絕對要飛奔過去！唔三唔四嘅下午時間去一樣坐滿人，令我嘅期望更大。店舖唔大坐係都有少少迫，不過最緊要乾淨。點完單好快有得食，綜合仙草配即係大雜繪，咩料都有岩哂我呢D選擇困難症嘅人。仙草涼涼滑滑嘅口感好岩呢D天氣，一食即消暑；其他配料份量也很足，豆類再煮「林」少少就好啦！輪到我心中的主角芋圓，口感好煙韌，仲食到芋頭同蕃薯嘅香味，係期待以上！男朋友點左碗椰汁西米露，比起來就有點普通。$26一大碗，香港地算抵食啦，下次係香港想食芋圓就記住呢間！（或者各位食神有冇其他好介紹）

吃完晚飯，遊完車河回市區，友人說吃完甜品才回家罷！ 也好，反正這店未吃過，說是特式的圓子，去到已有不少人等位，或等外賣，當排到下一張枱到我們時，門口的四坐位給了排在我們數個號碼後面的6人(他們是一起的)，我們需再等多數分鐘才入坐，說實，坐位很狹窄(如果單坐位狹窄不是問題) ，因安排了我們2人貼埋牆閘角位坐(實是一個位) ，4人坐3人位。特式仙草百配(凍) $26百配有涼粉，西米，紅豆，珍珠，薏米 , 再配指定有的芋圓，地瓜圓，小丸子，糖水小甜，芋圓(小許芋頭味) 與地瓜圓(小許蕃薯味) 比想像中有韌度，小丸子稍微好一點，算是多料，友人說煮熟後需放入雪櫃，所以硬身是合理的，椰奶與濃度一般，沒甚麼特別。桂棗雪耳湯底配(凍) $26甜的紅棗，糖水有點桂花香，雪耳微腍帶爽口，芋圓與地瓜丸與上面的口感相同，味道正常的甜品。椰奶紅豆沙配(熱) $26紅豆起沙，濃稠度一般，因為這碗是熱的，故芋圓，地瓜丸相對較腍，而小丸子腍軟Q彈，少甜，這碗已是4碗中最好味的了。4人只有3人說ok, 2人可以不回來再吃！

今晚到深水埗食飯，朋友說深水埗有間台灣式糖水必定要去食，我當然快人一步舉手。🙋‍♂️台灣口味甜點在深水埗能食到，跟台灣是一樣的，滑滑的仙草好好食啊！超多豆有我喜愛薏仁同珍珠加軟糯芋圓太好味了🥰，價錢方面平民到令我想不到。👍👍👍特式仙草百配 $26滑不溜口😋綠豆沙配$26超貼地價👍

特登食完晚餐行過來深水埗尼間食糖水，因為之前坐車經過，見到門面感覺唔錯於是就特登過嚟食，座位都算舒服，服務OK餐牌上邊的選擇不多，大部分都有芋圓，我哋order左1号特色仙草百配和3号桂棗雪耳湯底配芋圓^_^好好味， 冇諗過雪耳咁清甜，唔會太過甜，感覺好滋潤朋友話1號都好好味，有紅豆薏米仙草西米露小丸子珍珠芋圓，有齊晒佢最鍾意的簡直就係Perfect。總括而言，CP值都好高可以下次再嚟幫襯，介紹啲朋友嚟試吓。

係深水埗食完飯之後專登去康瑞食返個糖水。之前未有咁多芋圓糖水店之前，係會為左佢成日去深水埗食飯😄講返今次個糖水先，一如以往係好足料既，好鍾意因爲加左薏米，加埋仙草同其他配料其實好消薯。可惜今似個糖水一d都唔凍，我會形容係放左雪櫃15分鐘就拎出黎食既溫度🧐另外芋圓都無左以前咁濃既芋頭味，不過好彩個口感都仲好好咬口既。另外一個問題係我地一行三人去食，安排左我朋友坐過道外加既位，但係放碗既隔離，15分鐘入面朋友起左三次身俾架碗車推過😐其實真係無位不如唔好格硬黎，咁短時間起身三次都真心麻煩🙁大熱天時去食糖水，個糖水唔夠凍都真係大忌，希望下次再去可以改善呢個問題啦🙈

同姊妹深水埗食完晚飯周圍行搵附近糖水食，見到呢間出面都幾多人排隊等位，應該都好食掛，好彩2個人等左15分鐘左右就入得喇…睇menu只有12款糖水，大部分都有芋圓、地瓜圓同小丸子配搭😍 好吸引！最後揀左椰汁西米露配上3款丸，口感十足彈牙，果然冇失望，絕對值得翻兜

對上次吃康瑞甜品已經有幾個月了近來很少到這區康瑞的位置真的很偏僻，要過兩條大馬路它附近沒有什麼人流大概只有它一家門外很多人這是最新的餐牌很久沒來，不知有沒有什麼改動或價值變更但每次來都是叫第一個特式仙草百配凍特式仙草百配（芋圓、地瓜圓、小丸子）　—　$26聽說它們的芋圓都是自家手作大概全香港最好吃的芋圓就在這裡而且它有些配料沒寫出來大約吃到有薏米、紅豆、珍珠、西米才晚上大約八點半店內已經坐了七成人星期一這個時間很好，不用排隊等位之前等了超過半小時現在可以慢慢品嚐

大熱天時30幾度行到身水身汗，誤打誤撞黎到呢間甜品店。咁岩果陣4點幾，原來佢4點先開門，唔洗等位。坐低後先知原來康瑞係芋圓界都幾出名，就叫左個特式仙草百配食。d料都幾豐富，有我最愛既仙草👍🏻👍🏻不過唔夠凍，如果再凍d就更好！

由中學開始食到而家雖然唔係住喺深水埗但係經過都會入去整返一碗🤘🏻由佢細細間鋪頭得幾個位做到而家😂真係一種回憶仲要係學生嘅回憶冇變嘅係份量都係一樣味道都一樣！⭐️⭐️⭐️廿幾三十蚊份量十足！👍🏻👍🏻好鍾意食佢哋啲芋仙鍾意食佢哋嘅招牌！不過成日都係食完晚飯先去成日都食唔到佢哋嘅糖不甩！下次一定要留返個胃！😊😊好欣賞佢哋芋圓人手做！酒釀丸子都好好食10分推介！有時買到返去比屋企人都話好好食！繼續加油！

好耐之前來呢度試過一次芋圓，一直都想再來食，但係我竟然唔記得距喺下午先開嘅有時難怪我中午來就次次都唔見開門。難得今晚同朋友係深水埗食完飯.我就醒起附有間康瑞，就拉埋朋友一齊來。食翻個招牌特色仙草百配，超好食，好多材料！有地瓜芋圓、珍珠、紅豆、薏米、西米、仙草凍，口感超級豐富！芋圓依然咁有口感 仔細咁食 仲會食到淡淡既芋圓 蕃薯 紫薯 既原材料味道。料非常充足。。我朋友就叫左個元棗雪耳糖水，元是桂圓 ，棗就係紅棗。桂圓肉性味甘平，入脾、心經，能補益心脾，養血安神。紅棗味甘，性溫，功效補脾和胃、益氣生津、養血安神。雪耳含豐富營養如高蛋白質和氨基酸，能養陰補肺。性價比夠曬高又好食。好抵食。

康瑞甜品喺深水埗出晒名幾乎每日夜晚都有好多人排隊但出奇嘅係次次都唔使排好耐就有位我通常都會食返最招牌嘅仙草芋圓價錢非常合理 $25一碗 入面非常足料有紅豆、仙草、芋圓、椰奶等等芋圓彈牙 而且食到芋頭味糖水底亦唔會太甜整體來講 我覺得係一間高CP值嘅糖水店唔怪得之成日都咁多人排啦

穿了一身黑色的衣裝，去過港島區野餐，體會個乜嘢叫風聲鶴淚嘅場面，之後返到深水埗就去食個甜品。特色仙草百配 $26， 天時暑熱，心情激昂又燥底 ， 所以就叫咗一個凍嘅， 呢一款咁特別嘅甜品，食材除咗仙草之外，仲有芋圓、地瓜圓、小丸子 再加上少少椰奶， 我真係唔清楚亦都唔知道究竟呢佪甜品屬於港式甜品？中式甜品？還是台灣式甜品？但係呢碗甜品係真係好好味， 夠味道又唔會話太過甜，仙草好香仲有少少暖暖哋應該好新鮮， 加埋以上提過嗰啲丸仔，真係好有特色，甜甜蜜蜜，怒氣全消。天祐香港。

康瑞甜品其實都食左幾次架啦🥰記得第一次去食已經係幾年前！仲要係一班內地生朋友同外國朋友仔帶返我呢個香港人轉頭去食🤣每一次去門口一定有人龍要排隊入座 佢最出名既係仙草同芋圓🤩🤩我自己食左個特色仙草百配 加配左芝麻湯圓！仙草份量好足！又夠滑 芋圓又QQ有咬口 配椰汁底絕配😋😋😋湯圓芝麻味香濃幼滑 個皮唔痴牙👍🏻👍🏻👍🏻 朋友點左桂圓雪耳湯 味道夠清甜🥰一試難忘！仲要價錢十分相宜 廿零三十蚊一碗咁高質既甜品真心抵食！

得閒無事就會掛住呢度既仙草百配由佢係中醫館只係夜晚先會搖身一變做賣糖水既鋪頭 到依加有成間康瑞糖水鋪 依然覺得係香港食過最中意既芋圓雖然佢最近加左一蚊價同埋對比起當初賣相冇咁靚仔之外芋圓依然咁有口感 仔細咁食 仲會食到淡淡既芋圓 蕃薯 紫薯 既原材料味道涵料非常充足但食落又唔會覺得好混集重點係 呢度既糖水 甜度絕對係岩岩好 食完又唔會口渴 夏天食簡直就係爽！ 最岩又想食糖心又怕肥既我以前既賣相真係好靚仔嫁依加黎到係...但都無減想食佢既意欲

在深水埗附近逛街的時候突然下大雨，便進了附近的糖水舖休息。見裡面空間大，坐起來也給挺舒服。𥚃面不一會便坐滿了人，應該是做街坊生意的。牆壁上寫了它們的芋圓是當天製造，便想嘗試一下。在餐牌上點了酒釀桂花配芋圓甜品很快就來了，份量挺大。酒釀桂花配芋圓裡的酒釀挺多，不像一些甜品店內的只是用一點。喝的時候桂花味道濃郁，有清香的味道，不錯。芋圓也有很多，爽口彈牙。我特別喜歡的的甜品不會太甜，裡面還有蛋花。價格也便宜，份量和用料充足，非常推薦。