平記麵家

營業中

休息中

全大埔最正雲吞麵,一個禮拜平均食兩次,每次都叫水餃蝦子撈同淨雲吞,真係好正,佢冇坊間一般雲吞麵咁油膩,晒喜歡清淡的朋友仲有,原來周星馳、劉青雲兩公婆隔一輪就幫襯ga!

平時甚少踏足新界既我, 趁住黃金週呢個假期, 決定進軍大埔, 連試幾間於該區聞名已久既食店, 第一站就黎到平記......從電梯到達二樓, 一出電梯就見到平記個招牌, 整個熟食中心人頭湧湧(星期日中午), 見到平記前面有位, 就急不及待坐低, 再落單, 一行二人叫了蝦子雲吞撈麵($26) 和雲吞麵($15) 各一, 評價如下:麵: 本身手打出黎既效果原本好好, 食得出獨特既味道(如蛋味比一般濃), 但應該是烹調方法出錯, 又或者是太忙碌要粗製令煮出來的麵比較軟身不爽口, 撈麵更是"一舊舊", 有部份更是打了結, 應該是放進沸水時沒有把麵餅打散造成的雲吞: 吃得出是豬肉比較多, 味道不錯, 但和麵一樣, 不同部份的生熟程度也有不同湯: 普普通通, 和一般的無異後記- 離開平記後剩低兩個疑團:1. 原本離平記不遠處找到兩個位, 之後打算走過去落單, 點知佢地話只係會落平記前面四張檯既單, 於是後來我地被迫搬位, 但眼見整個熟食中心都有寫住"平記"既碗, 即係點?2. 可能太好生意既緣故, 佢地好似唔係好在意埋單收錢, 我主動走過去埋單, 佢地單都唔睇, 就咁問我食左D 乜, 我就講左"雲吞

食完都唔知點解咁多人讚。啲麵淋到好似食漿咁。魚蛋咬落去似食緊舊膠，一啲魚味都冇。雲吞細粒冇問題，因為雲吞應該係細粒嘅。但係食落又未至於好似啲人講到咁正。好多舖都做得到。想食埋個蝦子撈麵，但係經已冇信心俾多次機會佢。第二次嚟到呢度走咗去隔離啲茶水檔食下午茶。

嚟平記,唔駛講野,一定係食至愛嘅雲吞蝦子撈,蝦子香、雲吞靚、面條彈、冇鹼水味,加埋佢地自製嘅辣椒油,冇得頂的一餐!

又到工業村開會，中午利用短暫的空檔獨自溜出來幫襯舊墟街市，總好過啃鬼佬燒餅。到這熟食樓層多趟都未光顧過平記，今次就來一個重磅豬油撈麵，問過老板娘撈麵是用頭抽作醬料，故二話不說麻煩幫忙快馬加鞭。豬油撈麵真的很快上檯，但奇怪就聞不到豬油及頭抽的香味；其實小時都經常食用豬油，利用雪白凝脂的豬油炒菜撈麵，故豬油的味道不會不知，但這裡就是偏偏沒有，而所謂的頭抽香味亦欠奉；另全蛋麵真的很幼細及彈牙，但那陣淡淡的鹼水仍是敗筆，總結若果只評這個豬油撈麵，似乎都幾不妥！

啱啱食完碗唔知乜嘢嘅粥，意難平，馬上走到熟食中心食碗靚雲吞麵...聽過呢度大名已久，今日終於試到，心興奮...人頭湧湧，好不容易先揾到個靚位...本來想齋叫豬油撈麵，但又好似好heavy；又想試吓佢哋嘅招牌雲吞，就整個雲吞撈...份量細細，雲吞不大，有少少散尾，好傳统style，啱晒我。一口咬下，蝦不太多，豬肉佔大部份，部份仲要係肥豬肉添，直頭係我心目中至理想嘅雲吞^_^，食到唔停得口；麵乾爽之餘亦夠彈牙，冇乜鹼，係手打之作，食落口仲有少少豬油，一樂也..不過稍嫌落得蠔油重手得滯，蓋過豬油香味...食完當堂條氣順番晒..^_^

平記，以前係舊街市既時候已經開始幫親搬左新街市　雖然真係少左大排檔風味但係有冷氣真係好好多同埋最緊要係質素冇變　依然咁有水準平時ｄ人多數鍾意食呢度既雲吞但我覺得呢度既水餃都好得加埋有大地魚既湯底　我覺得十五蚊食到做面人既心機都抵同埋睇得出呢間係用心做面既舖頭鍾意食手打麵既，黎呢度實無去錯仲有呢度既辣椒油超正，鍾意食辣既一定要試下，推介！！

好耐之前已經聽同事講過呢間野好食今日經開大埔就黎試下兩個人叫左個蝦子雲吞撈麵,雲吞麵同淨水餃加一碟菜d蝦子好香雲吞細細粒夠晒正宗一碗都有6粒,不過都嫌唔夠所以叫多碗淨雲吞我個撈麵係我食過咁多間可以話係最正既一間無鹼水味d麵又滑又彈牙水餃都唔錯不過雲吞好味d碟菜反而有d驚喜唔係平時食開既行貨軟硬度岩岩好下次去大埔都會再去幫襯

很久前已聽說過這裡的雲吞麵好，但因實在太遠，一直也提不起勁來一試。早前假期，終於決定來一試，來到看見真係好多人，想不到可以這麼多，等了很久才有位，坐下後叫了一碗雲吞麵和一碗水餃麵。雲吞麵- 即叫即煮，所以等的時間比較久，雲吞細細粒，一口一粒，肉粒和蝦肉比例剛好，味道很出色，可惜只得四粒；麵質偏腍，唔得彈牙，比想象中一般了一點。水餃麵- 比雲吞大隻好多，但味道唔算特出，只得三粒，份量偏少，如和雲吞味道相比，就失色不少了。下次還是叫淨雲吞好了。

日前放假,天氣還好,決定獨個兒去暴吃一番,今次目標,就係大埔街市,一程巴士九個字,直接了當.平日的十一點幾,二樓的熟食中心實在墟陷得可以.新建成的熟食中心,格局比一般熟食中心光猛,更加衛生,幾十間井然有序地,列成一字長蛇陣.各檔口外的"地盤",全部水洩不通.搭檯也難過登天.如果在假日,不能想像.本著去到邊食到邊之心態,第一站,就是年前在舊街市吃過的"平記".平記雲吞麵,曾經成為熱話,同市區眾老字號一樣,標榜大碌竹壓麵.今時今日,賣少見少,但亦不大苛求,當你吃過黃枝記的麵條之後,好自然地將要求降低.算啦,如果爽口彈牙鹼水味唔重,都收貨囉.)我早應該習慣,原來是沒有稀奇,始終總會飛.不出所料,麵條真係唔掂,鹼水味過重,麵條毫無爽勁淋劈劈,有如超市生麵王.幸好雲吞就依然獨善其身,比麵質好好多,細細粒,豬肉同蝦比例六四.入口很濃的豬肉味.實在感動.正宗的雲吞,又係無幾間,呢度可算係其中之一.嚐一口湯底,打回原形.淡出個鳥來.當今很多人,認為雲吞一定要蝦多,最好要全蝦,如果係咁的話,不如食蝦餃.亦有人話雲吞細細粒好呃錢,不禁啼笑皆非.無法子,現在雲吞麵,周街都食到,連大型連鎖茶記亦有其芳蹤.已代

平記在大埔幾十年,響晒朵啦,水餃同雲吞都好正,蝦子撈面冇得頂,旅遊業議會都要介紹佢呀,就知幾巴幣!

(舊街市時代)真係唔好食(食過一次, 夠喇), 湯好淡, 雲吞好淋, 面又淋, 又有鹼水味p.s. 學番星爺話齋: 算把啦, 六師弟

portion都無謂提啦，好食的話冇所謂。啲麵一啲都唔爽，雲吞又淋，魚蛋冇味好似食膠咁，開頭以為去錯地方添呀咁多人話好食。

我食完群記. 專登走埋去食平記..但.好失望..d雲吞唔得.冇咩咬感.一咬散開.d味都ok...但d麵好似普通左d丫.食完都冇咩感覺..去大光燈食好過...

我好鍾意食呢間野的水餃粗、蝦子水餃撈,水餃真係very good! 唯一唔好係比較細碗,得三粒水餃咋!同老闆傾過,因為全店得佢一個人做,要做麵、又要做皮,所以冇計,惟有細細碗囉....不過好食就得啦!!