影片
港鐵銅鑼灣站 F1 出口, 步行約5分鐘
繼續閱讀
電話號碼
53382782
營業時間
今日營業
12:00 - 14:30
17:30 - 23:00
星期一至日
12:00 - 14:30
17:30 - 23:00
以上資料只供參考, 請與餐廳確認詳情
有關獎賞計劃
影片
相片
+386
「常真味」的烹調理念是講求家的感覺，大廚楊應紅師傅每天早上到街市購買時令食材，然後思考點樣煮！預訂私房菜的我們，都只可早一兩天才收到菜單，看來平常的菜式，製作認真，實是不平凡！這晚12人的飯局，就是這樣：糖果盤真有趣，非常懷舊！前菜：酥香烤籽魚擺盆很有動感，大家在研究那個角度拍照最好看！幼長的籽魚，酥脆不油，有水準。辣拌鳳尾腰花心機切好𠝹花，真的需要時間處理；香而不過辣，味道討好。油潑竹勝子原來是細細粒嘅蟶子，味道鮮美，有點辣，成功令菜式惹味。雕皇醉香蝦每只海蝦一分為二，擺盤整齊漂亮，一點也不像家常菜的賣相！蝦肉新鮮有彈性，富輕輕的酒香而不濃，蝦頭有蝦膏，我很喜歡。櫻花蝦拌紫菜混合來吃，竟然非常合拍。雙椒乳鴿切割花功夫，心機擺盤，鴿肉香嫩，椒香惹味不太辣，同樣是水準之作。湯：瑤柱瓜粒燉雞湯湯清味鮮，非常夠熱，味如冬瓜盅，時令解暑，這個湯實在太可口！主菜：拍薑海鹽蒸星斑我是魚痴，這晚成為我的至愛，魚肉鮮味，完全不嚡，調味恰到好處，大家客氣留下魚頭，我當然不錯過！配這支日本清酒，更是完美。蝦湯節瓜燴鮮蝦據說蝦是另外煮的，因此保留蝦的鮮味。節瓜吸了蝦汁蝦香，瓜身夠淋，的確是一道出色的家常菜。涼瓜燜田雞我並不欣賞涼瓜的甘味，但這一晚的我完全接受，因為沒有一般涼瓜嘅澀味；田雞腿嫩滑味鮮美，好吃。辣椒炒排骨牛肉排骨牛肉即是牛肋骨之間的肉，肉質特別滑，配合辣椒少少辣味，錦上添花。惹味雞雜煲其實我幾喜歡食雞雜，因為處理得好是非常惹味的，這晚配合唐芹菜及芫荽，非常合拍！小蔥炒油豆腐簡單就是美，幾惹味。薑絲炒勝瓜平凡勝瓜加薑絲，亦可以不一樣。蒸水蛋原來是這裏的招牌菜，特別加點，果然非常幼滑，伴飯一流。餃子甜品之前送來驚喜，大盤餃子，師傅話特別多做一份給我們，配個辣汁做紅油抄手，很久沒有吃過這個味道了！甜品：時令鮮果盤點解有呢個配搭，西瓜與荔枝？賣相唔算靚，只因係時令！我們今晚的美酒成就！基本的中式飯店裝潢，獨立房間寬敞舒適。
繼續閱讀
係朋友嘅帶挈之下，今次係第二次去常真味。上次食完之後，大家都對部份菜式念念不忘，所以就即刻約第二次。不過師傅係用時令食材去炮製菜式，所以冇固定menu，每一次食飯都係師傅發辦。今次嘅menu:頭盤冷菜：龍蝦油輕煎瀨尿蝦✨✨✨（瀨尿蝦夠晒大隻，拆埋殼，加埋龍蝦油好鮮味，好好食🤤）酥香烤籽魚✨（脆到好似食薯片咁🤣）油潑竹蟶子✨（蟶子細細隻，肉質超滑）涼拌魚片琉璃冬瓜塔雙椒乳鴿脆蔥鮑魚✨✨（鮑魚彈牙，脆蔥都好香口）湯：冬瓜薏米燉龍骨湯主菜：香煎青根魚柳✨✨✨（整到立鱗燒，魚鱗勁鬆化，魚肉又好滑）水瓜煮大肉蟹✨（水瓜煲得好腍，肉蟹都好鮮甜）辣椒炒排骨牛肉紫薑辣椒炒肉絲✨（紫薑嘅難度都幾勁，送飯一流）自家風雞配陳村粉蒸水蛋✨（網民話係世一蒸水蛋，今日一試果然犀利。聽師傅講，佢係用海鮮煮湯底，然後加入蛋漿之後去蒸，粗菜細做，果然一絕）蕃茄豆腐燴丸子薑絲炒勝瓜豉油王炒麵甜品：時令鮮果盤材料新鮮，食得出師傅好有心機整每一道餸。今次食完，下次未必再食同一樣嘅嘢，雖然有啲可惜，但每一次都新鮮感十足，令人好期待下一次再嚟😎
繼續閱讀
食物味道可以, 店員但沒有介紹食物之特色,如普通食肆没分別。如初來吃真的不知道那份蒸蛋有何特式和心思環境非常嘈吵, 那些客人高談濶論, 猶如在好彩酒樓的格局。侍應的服務未能配合那份高級食肆之檔次, 實在遺憾
繼續閱讀
又是試新地方的時候，今次選擇了Cubus 10/F 原本四位的，臨時加了一位總共五個人，可是感覺上菜單並沒有增加任何份量的（份量照舊4 人但收費是五人）先來前菜真的不錯，南瓜很嫩滑，花菜梗很爽脆酸辣的味道刺激胃口，非常開胃，期待主菜出現。開始的焗蟹真的很好吃，焗蟹鍋底放了很多蒜子很香甜，脆皮雞也不錯，蒸水蛋都是媽媽的味道。值得一提是咕嚕肉這道菜，廚師應該是用了五層肉口感不錯，但五位只有七粒，問一下當值經理是否每位只有1.5粒，他的回應是「不知道，這都是廚房的安排」 或者考慮一下再去多一次看看是否有點改進。服務一般，上菜配套例如額外的腕子及盛湯的湯殼都沒有提供，或許我們是全場最少人的訂座。 當晚好像是爆滿的。
繼續閱讀
睇佢社交平台都見到有唔少名人去過食飯，去食飯當日亦都撞啱有名人慶生，如果大家枇撞到名人嘅話，不妨去試吓😆講返正經野，訂座時候，呢間私房菜可以因應你嘅budget去編制菜單，編制好既菜單會send 比你過目下，唔岩可以叫佢改，菜式包啱你心水。今次食飯就約每人 $1100 / 13 道菜。個人印象最深刻就係藤椒蒸馬友柳魚，藤椒蒸龍躉成日聽，藤椒蒸馬友柳魚就第一次食，原來呢個組合都好夾，除咗藤椒蒸魚上面亦都鋪滿薑蔥，即使唔連呢堆薑蔥藤椒食魚，魚肉都已經完全滲透住呢堆配菜嘅味道，加上魚肉本身鮮嫩多汁，即場忍唔住咗碗飯食😆 因爲真係好好食。每一個菜式都有廚師自己獨特嘅配搭，係有心思去烹製菜式既餐廳，有一部分菜式配搭更加係無係出面中菜餐廳見過，亦有手功菜，好特別👍🏻 味道賣相基本上都好好。餐廳可以訂房，聚餐一流。不過記得當日要同餐廳再Double confirm係咪真係留咗房俾你❗️
繼續閱讀
您可能會有興趣的...