帝豪海鮮酒家高級宴會廳

營業中

休息中

👯👯 表姊妹們的飯聚! 4人食左5餸1點心 + 3罐可樂 $740 又好食又抵食! .薑葱炒蟹 🦀 ~ 超大隻, 勁多膏, 仲4個人食極都仲有 😂😂白灼蝦 🍤 ~ 大隻新鮮, 爽口彈牙! 啫啫芥蘭 🌱 ~ 芥蘭爽脆, 內有大量肉碎 及 蝦干, 多到可以送飯 😋 只係穫氣差少少! 蒸唔知咩斑 🐟 ~ 好滑, 無過火, 清晒 😂😂乳鴿🐦 ~ 味道幾好, 不過太細隻 😁馬拉糕 🍰 新鮮蒸出嚟, 鬆軟柔潤, 明明個個都食飽晒, 再食點心都覺好好味! 呢間酒樓平時都好多人, 回頭率高!

爸爸一直都在這裡飲茶，難得今日經開元朗就叫他過來飲茶，如果和其他茶客一齊坐就即時有位，我地最後等下午茶時段叫點心，最後午市茶芥加三個點心和面食一共$92都吾貴。燒鵝面，味道一般，鵝口感麻麻好點淋身，面煲得太耐沒有口感有失望但勝在夠大碗。雞絲粉卷好味道，粉卷夠滑身而入面材料口感和味道都不錯夠足料。炸雲吞的醬汁不好吃，雲吞味道麻麻而且都幾油身。鴨腳扎的腐皮偏硬同有少少油朞味，芋頭和肉都好味鴨腳太淋身冇味就一般。

上次一家大細黎試過叫套餐覺得一般，今次決定散叫發覺比叫套餐好食得多。蒜香燒春雞半隻雞皮燒到香脆，色澤唔錯，可惜雞肉不嫩，只可以講不過不失。海皇冬瓜盅（約10碗份量）原個冬瓜盅既賣相幾好睇，但係忘記影相。冬瓜盅入面非常足料，有帶子瑤柱蝦等等，再配搭冬瓜嘅厚肉，食入口豐富滋味，湯底亦味道清甜。沙拉骨莎拉骨肉上加上少量沙律醬，食落口酸甜開胃，小朋友都爭住要食～蒜蓉開邊蒸龍蝦配蛋白炒飯龍蝦新鮮多肉亦好夠味，不會被蒜蓉蓋過其鮮味。經過蒸焗後飯底亦滲透出龍蝦鮮味濃湯雜菌翡翠苗湯底濃郁帶甜而翡翠苗新鮮脆嫩。今次依然有水準，魚肉不會太韌，入口嫩滑。上湯浸娃娃菜一般另外仲叫左碟例牌叉燒唔記得影相，都係不過不失。最後酒樓亦送上糖水，分別有紅豆沙及南瓜西米露，西米露相對比紅豆沙冇咁甜，個人認為南瓜西米露較好食。6個大人2個小朋友總共叫左8道菜連一枝酒，埋單$1192。

又再一家大細去元朗食飯，帝豪仍是我地既選擇。今次無跟餐，全部單點，份量比上次大。最抵係送糖水，有南瓜西米露和紅豆沙，我兩款都有食，紅豆沙偏甜，南瓜西米露好食d。燒雞🐓，都多肉，而且夠淋。蒜香龍蝦配炒飯🍚，蒜蓉味濃，不過唔岩不喜歡重口味嘅人。蒸海斑🐟，都ok滑，而且好新鮮。下次可以叫條大d，太細條唔夠食。上湯菜苗好食🥗，但原來小朋友唔鍾意呢d青草味。冬瓜盅不過不失。沙拉骨都多肉，唔係得棚骨。

今日一家人有大有細食晚飯，見帝豪環境比較舒適，所以來試試，選了4-6人星班燒雞套餐另加一隻一食的片皮鴨。醬皇蜜豆隻蚌片蜜豆炒得清脆，雙蚌較淡味。一品燒雞燒雞嫩滑有雞味，皮更脆口感更佳。帶子海皇羮味道適中，清清的不會過咸，適合小朋友食。魚湯素千層珍菌浸時蔬魚湯鮮、白菜嫩，夠健康片皮鴨片皮鴨皮不夠脆且沒肉味，可能煮太耐,，入口有點韌,不過依然是小朋友爭食的對象。清蒸游水海星班星班肉質滑，有鮮味。最後送鮮果拼盤和紅豆沙結帳約$1100

七個大人、兩個小朋友和1個BB，要諗去咩餐廳食，實在好頭痛。所以今次就決定同屋企人去酒樓食晚飯，好處係一定有BB櫈同埋空間夠大。我哋七個人食咗一個六人餐再叫左一隻片皮鴨。份量比想像中少，好彩有送生果同埋紅豆沙，所以都夠飽。半隻燒雞🐓，味道一般。片皮鴨既皮都夠脆，但肉質就唔夠入味。海皇羹🦐，普普通通。蜜豆炒花枝，不過不失。上湯雜菜，無咩特別。最好食係蒸游水星斑🐟，食蒸海鮮果然係酒樓做得最好。生果係西瓜🍉同菠蘿🍍，都唔夠甜，反而免費送嘅紅豆沙就幾好食。7大兩小加埋都係$1104，算幾抵食。

這家是小弟一家經常光顧的飯堂，每月最少光顧三到五遍。最愛他們的點心出品，性價比可算是元朗衆多街坊酒樓中的No 1。早茶提供大量特價點心，雖說特價但質素及份量一點不賴，用料質素相當好，對他們點心出品的唯一挑剔是不太注意賣相！不過內涵卻是一級棒的。特別推介他們幾道點心菜品：蜂巢芋角-每次送到面前，總是熱騰騰的，外表甘香鬆化。燒賣 -豬肉肥瘦適中，鮮甜甘香，蝦肉香菇比例佳，新鮮蒸製，外皮乾身，肉汁豐富。义燒燒腩飯 - 只賣HK$20.8，义燒外脆內軟，肉汁甚多，燒腩皮脆肉鹹香，燒臘出品超有水準。涼瓜班頭腩飯-豉汁做得香濃，魚肉不是冷藏貨色，而是新鮮靚魚，不是便宜的花尾龍躉魚，而是新鮮的青班，味道鮮美，午市才賣HK$58一碟，可謂不惜工本。環境: 在做街坊生意的酒樓而言，算是相當不俗，坐得舒適，冷氣充足。服務: 只是普普通通，香港食肆普遍人手不足，導至服務及上菜速度都有影響。

斑腩兩味: 蒸班頭腩及蜜豆炒斑腩，幾好食，斑腩夠爽。片皮鴨， 不是太肥膩。 配哪個片皮鴨蒸外皮， 夠厚又大塊。 片皮鴨價30蚊可以兩食。餸菜大碟，足夠一大班人分享。 五個人食飯，每人都是百多元，抵食！

呢間都算係位於元朗市中心(近千色店)的酒樓,與其叫做帝豪海鮮酒家高級宴會廳, 我會認為帝豪海鮮酒家比較貼切, 因為地點, 裝潢以至價錢都非常親民,呢度係以"拎票"排隊入座的, 大家都需要在地下大堂等位然後安排入座,樓高幾層的酒樓, 就應該是香港酒樓的特色吧, 這樣才會出現 :”魯陳聯婚, 二三四樓”那種經典場面吧 !食品出品係可以的, 大部份點心都頗為合味道, 而且以元朗市中心飲茶來講, 質素算係唔錯的了,而價錢方面亦算係便宜, 又坐得都舒服, 假如店方可以持續保持水準, 應該可以紅起來的了

只招呼熟客，不想攞苦嚟辛就不要去飲茶最差的是帶位果班人，所有枱都俾熟客，如果咁做生意不如只招待會員啦！都係去返D好D的酒樓吧！飲茶本是輕鬆愉快的，但呢間野的第一線實在太差！

今晚我個friend收工......特登入嚟元朗慶祝我出院食飯.....我哋又去返老地方....一間全元朗最抵食最新鮮嘅酒家....次次都食我哋最鍾意食嘅海鮮....仲要係平靚正呢間酒樓喺元朗千色店斜對面嘅帝豪酒家衷心值得推介呢間元朗帝豪都算勁抽啦晚晚都成棚人去次次都要有排等位日日都座無虛席但係講到底佢哋嘅海鮮真係平通全元朗仲要新鮮煮俾你食咁先抵死嘛你睇吓啲蟹膏唔使講都知味道啦仲拉咗呢個龍躉兩味真係啖啖肉重要啲皮好友膠質呢個酥炸筒豪...98元有5隻好肥美重要啲蝦隻隻都咁新鮮仲要好大隻真係好食到攞你命最後佢個紅豆沙真係值得推介因為喺出邊俾錢都食唔到佢咁濃郁咁多酒嘅紅豆沙尼一間酒家絕對係三五知己親朋戚友聚首一堂地方

對於我係一個鍾意食海鮮嘅人來講......又唔想貴又唔想煮又要食到新鮮嘅海鮮......簡直係要發夢搵周公先可以同佢撐下枱腳.....不過元朗千色廣場對面呢間酒家.....又可以滿足到我小小願望喎.....起碼每次當我諗起要食蝦同魚我就一定會諗起佢啦.....就算連我係九龍做嘢嘅朋友入親嚟元朗搵我食飯都係要來呢度.....依家只要你去親呢間酒樓....都會發現佢全場爆滿記得呢幾個晚飯孖寶係.....必食必食必食.....🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥條魚真係班仔來.....冇花冇假幾新鮮....我阿媽最鍾意食嘅.....啲蝦大大隻好新鮮.....隻隻都好肥美好好肉地....呢個係我嘅至愛......記得要白灼啊......咁先食到佢嘅鮮味......至於其他餸都尚算幾多選擇.....想食乜就悉隨尊便.....我就追捧呢一間酒樓嘅孖寶套餐.....最後講下呢一間酒樓嘅紅豆沙...好多豆....好多咋....你係出邊俾＄20食一碗嘅紅豆沙都冇去呢度嘅咁好食....不過通常星期六日就冇架....要星期一至五先有得送俾你食.....兩條友食到咁飽五舊水唔使.....都算抵到爛啦掛....

其實依間酒樓無論茶市及晚飯出品均不錯，而且好方便住係大棠嘅村民。但幾次等位都遇著給熟客搶位問題，確實令人好嬲😤而家年近歲晚連閒日朝早都一早將不搭枱位比曬熟客，我知係因為想逗多幾封利是，但係咪熟客大曬就可以由得唔係日日唻飲茶嘅人呆等先？嘈完佢先即時有十幾張枱比等位嘅人，點解唔一早做好啲？要人地係樓下扶老攜幼等成粒鐘（唔係剩係我）？唔係唔比你留位，留位比熟客都可以留得有技巧啲吖！咁樣你出品幾好都比你啲員工搞到一文不值！

Again ! 係，又係講帝豪嘅食物，但今次唔係講點心，而係俾多啲早茶、午餐等嘅資料大家參巧參巧，大家住元朗嘅朋友，多啲同屋企人去呢度飲茶食飯，趁佢地依家食物質素仲係好高嘅時間食多幾次，大家記住廚房工作人員經常轉工，唔同班底出品可以差天共地！所以有花堪折直須折呀！朋友。準備左以下嘅嘅點心紙，俾大家研究研究。記住早市同午市點心紙都有一句：所有食品均由本酒家自行生產製作，絶無物流供應，多謝享用。喺現今乜都講節省成本嘅社會非常難得！今日自己一個嚟食，冇叫點心，只係左碟涼瓜班腩飯食。涼瓜班腩飯 HK48賣相唔錯，先試個汁先，豆豉汁造得不俗，有鮮味，用二或者三湯勾芡。涼瓜爽口，出水啱啱好，唔會太苦或者因為淥得太耐而焾左。望下啲魚，真係班塊喎，炸得好挺身，夾開睇下，雪白鮮嫩。我肯定佢唔係雪到硬哂嘅Frozen 貨，而係街市賣嘅新鮮chill 貨！食落再次引証我講得啱，好甜，我估甚至可能係海魚而唔係養班。最後講下個飯，唔知咩米，有飯味，但好嚡口，一啲都唔滑，不過米質素普通已經係好多食肆嘅毛病。總結: 呢篇已經係我第三篇食評寫佢，我諗寫到第四篇我會停一停，唔想俾人話我係寫狗。(不過我啲垃圾文筆又點會係

寫呢篇食評之前，我已經寫過一篇關於佢地嘅食評，同時亦同我老媽子幫趁左好多次，食物水準次次都好好好好！！！！所以決定寫多幾篇去讚佢地，真係好希望Openrice 編輯可以俾我呢幾篇都出哂街，等多啲朋友可以清楚知道呢度啲野原來咁鬼好食！今日叫左三個點心，一個小食，一個炒粉。荔蜂巢炸芋角香 HK$18.8個名好靚，真係好能夠反映呢個芋角嘅質素！我食過佢好幾次，已經第二次寫佢，外皮鬆化，內裏仲帶少許流心，非常亁身，一啲油膩嘅感覺都冇，紙托一滴油光都冇(今次特登補左張紙托相) ，長期保持高質，真係百吃不厭！燙口流心奶黃包 HK$18.8包如其名，搣開一睇，熱辣辣嘅流心馬上湧出，包造得好鬆軟，奶黃果然熱到辣口，而且咸蛋黃香氣馥郁，水準高到不得了！雲腿京滬春花卷 HK$18.8花卷係冇饀嘅包類，包面頭只有少量雲腿及蔥花點綴提味，好唔好食就靠哂麵團本身發得夠唔夠鬆，佢地呢度嘅麵粉發得好夠鬆，所以包造得好軟熟，雲腿份量啱啱好，起倒提味效果而又唔會搶走麵粉本身香氣。义燒併豆腐 HK$18.8义燒燒得好靚，外皮帶點脆而內裏充滿肉汁，火候掌握同選料都值很一讚！而味道方面，咸同甜味好平衡，呢樣都要講啲功夫嘅，外