帝豪海鮮酒家高級宴會廳

營業中

休息中

七個大人、兩個小朋友和1個BB，要諗去咩餐廳食，實在好頭痛。所以今次就決定同屋企人去酒樓食晚飯，好處係一定有BB櫈同埋空間夠大。我哋七個人食咗一個六人餐再叫左一隻片皮鴨。份量比想像中少，好彩有送生果同埋紅豆沙，所以都夠飽。半隻燒雞🐓，味道一般。片皮鴨既皮都夠脆，但肉質就唔夠入味。海皇羹🦐，普普通通。蜜豆炒花枝，不過不失。上湯雜菜，無咩特別。最好食係蒸游水星斑🐟，食蒸海鮮果然係酒樓做得最好。生果係西瓜🍉同菠蘿🍍，都唔夠甜，反而免費送嘅紅豆沙就幾好食。7大兩小加埋都係$1104，算幾抵食。