巴希雅海灣重慶燒烤

營業中

休息中

秋天天氣最啱就係去燒嘢食，今次成班朋友好耐冇見，前兩日都落雨好彩今日天公做美，好好天 ☀我哋去咗巴希雅燒嘢食，原來佢都有蓋，所以落雨都唔使驚😌我哋大概下晝五點左右就去到，因為都幾好天所以都見到太陽下山，呢度睇黃昏真係好靚💕呢度有海蝦同埋蜆、菠蘿、香蕉都係燒到後期出去拎，而且呢度款式應有盡有，有牛、豬、羊串，唔單止肉類好多而且蔬菜種類亦都好多選擇👍燒雞軟骨我覺得你唔需要太多嘅調味都好好食，燒到有少少金黃色就真係好脆💕佢嘅牛柳粒油脂分布好平均唔會好難咬，完全啱我呢啲牙齒唔好嘅人🙈🙈羊架亦都唔會有so味，醃料亦配合得好好，唔會蓋過佢既味道☺我覺得佢送嘅蜆同海蝦開頭會以為送嘅會平平無奇，點知原來都有少少驚喜，啲蜆好新鮮，全部煮完都有開口，啲海蝦燒完之後有少少海水味， 呢兩種海鮮都唔需要任何調味，完全可以食得出海鮮嘅鮮味😍😍燒菠蘿亦係我其中一個至愛，燒到兩邊有啲焦糖，成個菠蘿就會好甜😋另外我覺得重點就係要燒腸仔，燒到兩邊有少少窿窿地，之後再塗上蜜糖，正啊🤗但要提一提蜜糖嗰邊係冇供應但可以向燒烤店嗰邊購買今次呢個燒烤日，其實都幾滿足，啱晒我呢啲懶人唔使預備任何野就可以食到自己鍾意嘅嘢食，而且位置都

難得入到大尾篤踩單車, 晚餐就一定是燒烤都有2-3年沒有到巴希雅燒烤, 沒想到這個燒烤埸範圍已經擴大了星期六日晚飯時間(我們7點到), 人好多... 等枱的人龍已排到門口取枱要排隊, 開爐要等, 取食物要排隊, 取飲品要排隊....還要每條人龍都不是短!!食物不算齊全, 要等員工refill, 又唔夠夾用坐位很迫, 與隔離枱的空間連一張櫈的位置都沒有後面枱又不停有大煙吹過來食物自取區羊架/雞軟骨最最最出色, 就是羊架, 肉質好淋, 不易痴牙雞軟骨要燒一後時間才乾身兩者加上孜然粉, 是全晚最好食燒原條茄子店員沒有給我們刀, 我們問她們取的時候, 她們表示還未洗好, 就把膠刀給我們茄子無味..金菇無須自己調味, 成包放上爐上, 待錫紙漲起便可食味道正常, 夠味蜆本身的味道夠, 不需加水或加鹽便可食每人一隻蝦, 很細隻, 不新鮮, 燒完很乾身, 肉殼連著...就算食到的肉都是無味生意好, 但太多不足。 食物不過不失吧, 一分錢一錢貨都來過好幾次了, 感覺最差是這一次

秋天最好就係行山燒烤既日子，約咗班朋友仔去郊遊，近近地大尾督燒烤提早訂咗位，5點幾左右到達，可以望到對面既海景，幾舒服既環境之後會有張單拎飲品、香蕉、菠蘿、金菇包、蝦同海鮮，都幾方便，食物會有碟可以去拎取食物區域到任拎，食物大部分串好一串串，都好容易拎，份量剛好我中意食既野呢到大部分都有，而且旁邊都有調味料，加埋蜜糖係食物上就更加整（呢到既蜜糖要加錢買）羊肉串有放香草同適當既醃料，唔會食到羊既so味，連平時唔食羊既朋友都接受到，只係串之間多咗少少肥肉🙈羊架任食既肉黎講，算不錯 肉質唔會乾身同咬唔到，唔洗燒到全熟，再保留少少肉汁，先係最正雞肉串不過不失，肉質都嫩口，而且好林，完全唔痴牙因為個火偏大，蒜蓉包不能燒太耐，大概30-45秒已經好脆好香，我都食咗4件雞翼係我至愛，燒到個皮勁脆，裏面有肉汁，好juicy肉質好嫩，真係不得不試燒菠蘿，自己燒到2邊有少少焦既感覺，好似有層焦糖係表面，食落好多汁，而且好甜好好味，飯後甜品一流，好開胃金菇包裏面有調味，有蒜蓉，芝士，真係好好味，有蔬菜既中和，就唔會淨係得肉類咁腻，配合得唔錯見到附近都好多人踩單車，下次再約一次單車加bbq

相信.. 好多人都同我一樣....去大埔踩完單車..一定會入埋大尾篤燒埋個野食... 只係睇下你簡邊間嫁je!我地就簡左巴希雅... 其實唔係覺得佢特別好食..係鍾意佢唔洗自己'拮' 就可以燒..仲有..好多已經用籤串起左.. 燒完就咁食非常方便$178/1位再加50蚊開爐費. 每人會有1 隻蝦, 好似4個人就有份穀...等等...蝦大隻的... 但我就覺得唔係好新鮮但到既羊扒.. 我覺得係好有水準..每次.. 我同朋友都會食好多.夠入味.. 羊既肉質亦新鮮!呢個要讚一下而其他配亦不過不失~~~呢到氣氛幾好耐唔耐黎呢到燒下野食...亦係一個唔錯既活動

落雨嘅日子，都仲可以去燒嘢食啊我哋都係為咗燒嘢食而唔係踩單車，成班人落雨濕濕走去燒野食，都多人。入到去嘅指示都好清晰，唔理3721我就去咗間嘢食拎咗好多嘢食一齊燒！腸仔、牛脷好香，燒完會變得稔，但係依然有好多肉汁！特別係牛脷好厚切，質感真心唔錯，好重牛嘅香味。紅腸同平時餐廳好唔同，有好多蜜糖嘅香味，紅色外皮脆脆地非常香口。羊架估唔到呢度都有得食，臊味十足好鬼香，啖啖肉反而冇乜肥膏。蟹柳粟米丸非常得意，將幾種食物配搭係一齊，甜中有鹹，爽口非常良好！墨魚丸有好多墨魚粒粒，味濃郁而且鹹香十足，不過口味都幾適中，好正。八爪魚原來都有得燒，燒熟左之後好彈牙，唔會太煙韌。茄子呀韭菜呀一樣有得燒，我就最鍾意食燒韭菜！茄子燒完之後裏面仲有好多肉汁，熱辣辣時候食特別有油香。雞翼我就最鍾意食，啖啖肉，配上蜜糖味道香滑！唔少得仲有海鮮最重要嘅一環：鮮蝦，不過海鮮要燒內啲先食都比較安全！味道都幾鮮甜，爽口，唔錯啦。

星期六天氣好好，即刻call埋朋友一齊去BBQ～同行友人提議揸車入大尾督，即刻諗起巴希雅，因為踩單車必定會經過，所以印象好深刻呢～下午一點半去到，可能剛剛開舖，人未算太多入場後先到收銀付款，成人$178/位，開爐費$50（1至5人用），每人包1罐飲品或1支水，限時3小時俾完錢，職員好快手就幫我哋開爐而且仲準備埋餐具、醬油、辣粉、孜然粉，但係唔包蜜糖，要額外到收銀處買有兩個大大嘅雪櫃放滿食物，種類算多，可能剛剛開門嘅關係啦，食物擺放得好整齊，雪櫃又夠凍雪櫃夠凍，感覺食物都幾新鮮，一串串吉好曬，好方便呀！推介《燒腐皮》，搽埋蜜糖一齊燒，出奇地好好味呀大大隻海蝦，一人有一隻整體嚟講，食物質素唔差，種類夠多，而且雞亦牛扒醃得幾好，唔會係死咸，同埋服務幾好，職員好有禮貌，見到我哋唔太識燒，都主動過嚟教我哋！提議一下，如果揸車嘅朋友，不妨早啲到，因為車位有限呀～

Happy Friday見天氣涼涼地同男友黎左依度燒野食好耐無黎過依度，對上都幾年前地方大左好多，泊車位置都唔同左星期五都只係百零蚊任食（未計開爐費）比起出面放題抵好多排隊買完飛，等店員安排好座位後就去拎野食，入面全部一串串穿好晒有海鮮、丸類、肉類、蔬菜、蒜蓉包⋯第一轉因爲太肚餓所以燒較快熟果啲先佢火喉都幾猛，所以一定要留神如果唔係腸仔好快燶之後再燒下南瓜、多春魚南瓜最初以為會硬原來烘耐少少會軟身啲，而且都幾甜將菜咁串起黎燒食落都幾清甜檯上放置左水，燒菜時掃菜度以防止菜燒到太乾身任食燒烤有得任燒羊架的確好少見雖然係任燒，品質都無因為咁而差左脂肪比例適中，肉質唔韌燒出黎好香除左咁多野食外，小妹發現依個腐皮都好好味薄薄一層，燒完外脆內軟食落有啲似臭豆腐味食到飽飽最尾，燒埋香蕉做甜品就perfect 啦香蕉燒熱之後，會變左好軟身兩邊大概燒五分鐘再拎去counter 比職員加朱古力漿入口即融好好味放凍左再食就甜味仲會濃啲下次燒烤會記得去燒蕉

每天秋天一到，都會約埋一大班朋友去踏下單車丶燒下野食。星期日同朋友係大圍踏單車，好自然就計劃直衝大尾督，順便去每年都食既巴希雅食個燒烤啦。Book左7點，去到都要排長龍等左差唔多15-20分鐘先有得坐底..老老實實，都唔知點解每次佢地人流管制或者入座的程序都係咁亂。雖然好多人去幫襯，都唔可以要D客係度呆等架麻...食物味道冇咩特別，而且好行冇咩誠意...都係得D冇調過味既腸仔丶鴨胸丶紅腸，味道好普通。雖然有D牛仔粒丶金沙骨，但係味道真係普通....每人都送一隻海蝦同埋幾個人送一兜蜆，蜆就冇咩特別，唔算飽滿新鮮。海蝦就幾好既，幾結實，味道唔錯，係全場最好食咁濟......(架啦)

Happy BBQ。環境算不錯. $190位。食物選擇尚算足夠, 一串串吉好哂。都唔會話好細串。唯味道有所不足, 就算佢有提之供調味("之"然粉, 辣粉, 鼓油(加左水), 俾你自己玩重慶燒烤。唔知係咪我地幾個太重口味定點, 幾個朋友同我都覺得無咩味。因為佢提供的肉類係無腌制過, 但都好既. 因為無用腌制過, 相對上, 肉類應該會比較新鮮。我地周日4點去到. 未算係爆哂勁多人。建議如果可以就唔好太晏去啦, 會燒得舒服d。因為任燒3小時. 差不多7點左右, 開始超級多人! 拎食物都要排隊呀!總括: 如果喜歡重慶bbq一串一串咁玩. 又無咁累(傳統bbq 好易坐到好累) 係絕對可以來得過的。不過, 記得必定自己帶定調味料。1: 美極2: bbq蜜糖3: 蒜盬

啱啱過完秋天，秋高氣爽！就梗係同朋友約埋一齊踩單車一口氣由大圍可以到去大尾督係爽嘅！其實依一間芭希雅燒烤已經唔係乜嘢新鮮事物，但係每次同朋友踹到入大尾督基本上都一定會來幫襯！主要係因為佢方便有特色同好食！之前 like開佢Facebook見佢近排宣傳短片同抽奬活動都好似幾吸引，勾起以前布癲狗中學時候嘅回憶，於是就約埋舊時D中學同學走左黎回味下，距離我地上次三五成群黎已經大概有四，五年，今次黎都仍然保持水準冇令我失望！首先都係最鍾意嘅肉類串燒！分別有牛肉、雞肉、豬肉。我最鍾意依度嘅燒烤係因為我哋只要黎到埋位，就就已經有人幫我地透好晒爐。我哋只需要好似放題咁自己出去拎想食嘅食物就可以，而且呢度嘅串燒調味非常好食！如果要一條同樣質素嘅串燒係出邊散叫黎計，其實大約食10吋左右已經值回票價！當中本人最愛嘅就係牛肉串燒除咗本身偏好食牛之外，一邊自己燒一邊同朋友吹水其實別有一番風味！話好食過出邊嘅八成串燒，唔係講假嘅！當然唔排除係本狗自己烤得好食，哈哈！食完咁多肉，梗係要食啲蔬菜平衡下啦！我哋一行有十個人，大部份都係肌肉猛男（包括本狗，哈哈）所以都叫左唔少蔬菜我哋一共叫咗雞髀菇韭菜金菇冬菇等，仲叫咗

星期日放假約咗朋友去大尾督燒野食，原來依家都咁多間任食嘅燒烤喎，今次我哋就去咗巴希雅重慶燒烤，時間大概‪兩點鐘，可能啱啱開，所以‬未算多人，我哋好快就揀咗個靠近收銀嘅露天位置。之後就有職員為我地介紹佢哋嘅食物，擺放食物嘅房間裏面有獨立冷氣確保食物新鮮，裏面總共有兩個雪櫃，入面放肉類，另一面放了蔬菜，種類算多而且全部都有竹籤穿住，實在太方便喇！今次有推介串燒腐皮、翠玉瓜、雞髀菇，當燒蔬菜的時候員工會為我們悉心教導，場地會提供一碗水，但蜜糖要另外付錢。肉類方面比較多有豬、牛、雞、魷魚、多春魚、各款丸類都有。之後可以憑券到櫃位取呢個蝦、菠蘿、香蕉、蜆，佢會有個煲仔俾你煮。蝦同菠蘿係按人頭計算每人有一份，飲品選擇方面場費係送一罐可樂或一支水，之後就要另付，種類頗多可供選擇 仲有冷盤可供選擇但種類都係得一兩款總括呢間燒烤食物算多場地大，員工服務態度好好，位置方便，場地還提供免費泊車，建議如果想去可以早少少去，因為時間越晏越多人！

大埔人都應該識呢間巴希雅，見今日幾好天又涼爽，終於可以黎試下。$178一位，再加$50開爐費，玩返幾個鐘，都算抵食啦。地方幾大，我地中午去揀左露天位置，都唔會太曬。拎食物係一間冷氣房，一邊係蔬菜，另一邊係肉類，最好既係佢已經串好哂，直接放上爐燒，正。第一round食下肉先，畢竟太肚餓了。雞肉、牛肉、豬肉、腸仔應有盡有。個爐好得，一陣D肉已經熟哂啦。雞肉串本身已經醃好，自己再加D孜然粉去燒，好正呀！同埋超簡易操作，放D肉上爐，反兩反，食得！雞全翼同牛仔骨都不容錯過。平時燒野食，火力難控制，一不小心好容易燶晒。呢到火力夠平均，睇岩時機反一反，就好容易燒得靚。平時BBQ都無咩心機燒呢D肉，但呢到火力夠，好快熟。另外大家都可以領取一兜蜆、兩件波蘿、一條蕉同一包金菇。兜蜆不用加水，直接燒，幾分鐘後開哂口就食得。每粒都有好濃郁既海水味，完全不需要額外再調味。香蕉亦係另一亮點，燒完拎比店員，佢會幫你切件同埋加朱古力醬，第一次有咁貼心既服務。係時候燒下D蔬菜類啦，當中要大讚茄子，我地一人一條！成條放上爐，兩邊燒腍就可以將佢切開起肉，調下味就食得啦。因為無切開先燒，所以水份仲keep到，食落夠juicy

本人純屬大鄉里一名，走係潮流既外邊！連自助bbq唔使用燒烤叉自己拮，可以重慶燒咁燒都係初體驗！入到黎，店員比手帶我地，搵定靚位！仲安排埋set爐，仲有餐具，鼓油，味道同一杯水都擺好埋！可能一眼就被認出係大鄉里，店員好細心咁介紹場內同工具既用法！心急人好快就走去拎野食，兩個大雪櫃，有齊晒肉，丸，蔬菜類，仲有麵包！其中最爽就係有羊架，司華力，原條茄子，大鮮冬菇，腐皮！心急既大鄉里再上，以為有排燒，嗱嗱聲擺晒d野食落去，點知個爐原來超夠熱，轉慢d既話就就咁燒焦啦！到燒菜個陣，頭先聽唔明又唔問，好在店員眼利，見到我地雞手鴨腳咁，就過黎講下點燒菜先好食！好護膚廣告一樣，要不停補水！燒到咁上下要去拎蝦，蜆煲！d蝦絕對唔hea,仲要隻隻有羔！再講埋金菇包入面仲有蒜容同牛油，誠意十足！識食一定食燒茄子😎燒波蘿！大鄉里又第一次食燒香蕉，加埋朱古力醬都唔錯！今次既出城之行，好成功！

秋風起 係時候燒野食！好耐都冇黎巴希雅燒烤 對上一次已經係兩三年前的事。幾年後的巴希雅重慶燒烤好似擴建左 感覺開揚。今日有幸坐喺風扇前面，涼浸浸咁燒野食一行八人好開心呢 食左好多肉類，仲有蔬菜最後同場加映-燒蕉！將香蕉放喺爐上令蕉皮燒至黑色 就可以拎去比職員加朱古力醬黎食啦！yummy!

早幾日book枱星期六BBQ，只淨返5點最早時段😂照殺!!! 第一次黎，環境okay! 我地四個人一個爐，包豉油、重慶(辣)粉，蜜糖需自費。食物方面，金菇一包、一煲硯、蝦、菠蘿、香蕉同汽水憑票可換取一次。其他食物自取，四個人一隻大碟。雖然食物種類不多，但質素okay! 除左一般丸類、肉類、腸類外，最正係有得燒雞全翼同原條茄子🍆 想試下特別野，可以燒蒜頭、韭菜同菜心🤔總括而言，燒菠蘿、蝦、硯、雞軟骨、雞全翼、菇類、多春魚好好食，另外蒜茸包、粟米、脆玉瓜、雞翼都唔錯😋 聽聞可以燒原條香蕉，再拎去比店家加邪惡的朱古力醬😱任食三個鐘，大家要量力以為，唔好浪費食物啊😁假日每位$178，另加開爐費$50一個爐，計落同任食打邊爐差不多！