川味美食

營業中

休息中

12-5-2007 1251星期六入葵涌做完野後，臨返公司執手尾時，落荃灣搵已鎖定的目標，原來結左業，點算好？好熱，唔想行咁遠再搵，附近有幾間食店，而這間唔少人跟隊，見這裡又唔係貴，唔好食當發個夢，都冇乜損失。這裡只有六種主要食糧提供：紅薯寬粉、酸辣米錢、濃湯河粉、無湯熱拌薯粉、無湯熱拌粉皮及無湯熱拌米錢可供選擇。我就叫了無湯熱拌薯粉，如要加每款要3蚊，而我就剩食，但已有芽菜、炸醬、花生、花及芫茜作為配料，辣度要大辣加少少麻，以免又黎譚仔記事件。份量一點也不少，寬粉撈埋配料一齊食，爽滑不特止，配料所起的作用有講不出的好味，如果涼伴就更加正，只係11蚊仲想有乜要求，仲有可以食到飽肚。這裡的大辣亦能接受，下次可以叫麻辣，阿姐都講這裡的客仔好少食得咁勁。順手叫埋豆漿，少少甜，有豆味，用黎消暑都不差，5蚊一支。阿姐服務偶然有失手，都不太計較，但一定會再黎。

好好味~~~又大碗~~~好抵食~~~不過, 第一次食可能會覺得好酸~~~一d都唔鍾意酸既話係可以走酸架~~~講起都想食~~~

在白色房間熬了大半朝，悶得雙眼呆滯，面色發白，備妥手尾，找些新點子試試。曾三過此店而不入，是日興起又試試紅薯粉。一碗薯粉，自選配菜每款加$3，不貴，就選了交來的魚腐及兩味自家製的牛腩、豬潤試試小店手勢。加大碼的碗下充滿著酸菜、炸醬、芽菜等基本配料，吩咐了辣，連牛腩亦一拼過水，值得加分。濃湯底濃郁複雜，懶理內裡乾坤，反正不辣就成了，薯粉闊薄如河粉，呈透明色澤，吸水力強易散，口感遠不及對面大叔吃著呈米線狀的薯粉，後悔。加$3附加的配菜，沒抱太大期望，口感似魚蛋的魚腐，薄切而過火的豬潤，隨便吃過便算了，反而亂刀切下的薄煮牛腩夠入味，鬆化易入口，也對口味。未嚐小店特色辣湯，難而置評，只覺得較連鎖式的米線專門店來得有心機，就隨筆記下當日之感。check：1.翻看資料，紅薯即番薯，源自南美500年前傳到亞洲。來到中國後，將薯仔炸乾後磨成粉末，按要求混入不同元素，做成各式各樣的薯粉。

我試過1星期食3次...哈哈, 都係撈粗薯粉最好食1) 酸辣湯米線($13)- 我覺得有少少怪味, 可能來自酸汁/ 酸菜, 可以不再試. 都係雲貴正好多.2) 撈粗薯粉($11) 本身有芽菜,花生,炸醬,蔥+x西- 食完成日覺得好咸, 所以以後都叫小咸,走油. 基本上加一個餸 ($3/餸) 就會好飽, 二個食得好辛苦, 三個一定食唔哂 腩肉, 朱肚, 豆卜(超多) 都好好味; 墨丸(2粒)但味道麻麻, 鷄絲都算多,但味道麻麻. 鷄翼,唔好食. 8點幾開始,好多餸會開始賣哂,建議加個牌, 寫出嚟俾人知有咩餸無,唔駛叫幾次都叫咩無咩.好煩3)撈幼薯粉($11) 本身有芽菜,花生,炸醬,蔥+x西- 可能幼薯粉吸水較多, d粉較\\\"林\\\", 唔多喜歡.4) 另有湯薯粉/ 湯河粉/ 撈粉皮, 但撈粉皮唔多人試, 我都唔想試.都係撈粗薯粉最正, $11- 有咁既味道, 質素, 超值. 飲埋野, 應該每人唔會用多過$30-得6張升靠wall 枱,唔太多位

又平又好食! 不過我覺得要湯粗(粗薯粉)好食D..最好要少少辣...咁先好味...已經去左4,5次啦~第1次係食家姐買GE外賣...返屋企凍左..要自己整返熱...不過都仲係好好味! 所以先會成日都去...如果間野開大D就好...因為實在太細

早幾日老公仔上網搵食發現一間有紅薯粉食的店舖, 看到那些食物照片便心癢癢很想即日去試...無奈經常夜放工不便去..好唔開心..但終於忍到今星期五去試, 我叫了中辣粗紅薯湯粉(腩肉,秀珍菇,雞絲),老公仔就叫個濃湯河(腩肉), D腩肉好有香料味及肉味並且帶些小辣配埋個辣湯底, 簡直好配..一流勁好味..比起那些專食四川辣麵店有過之而無不及,那些只是得過辣沒有味, 而這家是史無前例的好味喎(辣而味濃--thumb up), 而老公仔食的那碗同樣非常好味,腩肉跟湯的味道好夾,那些湯底真係好濃味, 簡直是絕配TIM...之後還外賣多一個乾撈粉皮回家食. d味道依然咁好味, 真係不枉我們此行來幫趁,所以昨天要去bbq的原故,心癢癢都要過來食lunch,因咁橋要在這裡坐車,Hehe....下次必再來來來...

同老婆之前睇過食評已經好想即時去試，終於到前晚放工忍唔住為食好奇心的引誘便去開餐，地方雖然在橫巷，但未至於太難搵，除昨日晏晝食飯時間要排長龍外,前晚去的一次都唔駛等，睇完餐牌要了個濃湯河粉加腩肉同醬爆丸，老婆就食紅薯粗粉﹙中辣﹚加腩肉，秀珍菇，雞絲，我個粉就好得，湯底夠濃味，加酸菜幾開胃，食多幾啖都唔會頂住，河粉唔同出面的粉麵檔用的一種，好滑唔會鞋口，又唔會索乾哂碗湯可慢慢食，腩肉好香肉味，又奄得夠味，無得彈，還有的是這裡的秀珍菇另具一格，沒有了我最唔鍾意怪味，往時我係一定唔會食呢種菇的，但來這裡就一定會叫，還有，就連墊底的生菜都比其他粉麵舖多，總括黎講，舖頭小小，但能做出咁有水準咁好食粉麵係抵佢好生意，如果可搬去大舖做食客可舒舒服服坐會好上加好呢（人總是得一想二吧）,這間的粉麵我一定食硬妳啦，一定會再來

店子小小，座位不多，2時半尚滿座，等也要一試，一等便是10分鐘，要了中辣海帶撈紅薯寬粉。只是$11的撈紅薯寬粉，份量比我想像中大碗很多，海帶也超值，$3有5束，二者在街外也很少吃到，十分特別。撈粉味道十分之香濃，多量配料、配菜&香料(炸醬、芽菜、花生等一大堆)，辣辣的十分開胃(它的中辣也頗辣)，禁不住一面食，一面唸幾時可再返吃。看見同枱的婆婆啊嬸的撈紅薯幼粉及酸辣湯米線也大大碗，他們也是吃清光！可見好味又開胃。吃罷十分滿足，埋單只是$14一碗，又平又好吃，雖要山長水遠入荃灣，我想我還是會專登入來吃。下次想試麻辣。

又係睇食評話佢幾好味，就親今日下午去會一會佢喇，因為我喜歡食辣，下午2:30去到，仲有2,3個人排隊，唔簡單，因為一個人既關係，唔洗等位就入左去喇‧因為第一次離，梗係睇下d人食咩多，原來係熱撈架，不過我喜歡有湯，最後點了紅薯湯寬粉+ 腩肉+ 豬肚+ 中辣。成碗食晒，好好味呀，料足湯濃，份量夠，他不是一食就覺得辣，是慢慢的滲出來的辣，下次我想試埋嘛辣，紅薯湯寬粉的質感很不同，出面很小食到的呢。

路過四坡坊，看見很多人包圍店子前,有的等位,有的等外賣,我卻是被香氣吸引而定睛...紅薯寬粉？？叫了湯紅薯寬粉，很香口又有咬口。湯底香濃，粉麪大大碗，酸菜、花生、炸醬及其他配料入味又經濟。後來晚上差不多十時介紹太太再來吃，那時，看他們已預備收工，誰不知老板細心出來招呼，倆口子滿載而歸。食店做到平靚正，又使客人賓至如歸，還要求什麼呢？

今晚跑完步一個人貢下貢下黎左呢度買無湯紅薯寬粉, $12, 已包了些肉碎, 芽菜...我加了兩粒/三蚊既貢丸, 份量幾多, 我不嬲食湯粉麵都慣走湯, 呢個岩哂我, 粉又熱但又唔會有熱湯烘住塊面! 我要左少辣, 呢度既辣比出面既辣, 各位嗜辣既食家可以試試佢\地既大辣!

這間店的位置不太好。但原來是很近我們常去的雲貴川的。星期六晚，和阿哥同暖暖來吃，要排一陣隊才有得吃呢。坐位也很窄。可能夜了一點，想點的配料都沒有了。最後我叫了雲耳魚腐紅薯寬粉，阿哥要濃味湯河粉，阿暖暖叫的是酸辣米線。三個都幾好味，不過魚腐好粉，唔好!一邊吃，一邊聽到好多人叫外賣，大都是叫淨撈紅薯粉，唔知呢個係咪特別好吃呢？全部飲品是紙包或罐裝的，一律$5。整體來說，ok!可能無咩期望亦唔會失望，這樣人生亦會開心一點^o^

今天第一次去中午大排長龍看過大家的推介決定怎樣都要試一試2個人分別點了紅薯湯細粉+豬頸肉+腩肉(中辣)撈寬薯粉+雞翼尖+魷魚(中辣)分別都有驚喜湯頭鮮美配料繁多香氣十足雖然要山長水遠的撘車去都值得喔~

想試o左好內,今日終於試o左啦,叫o左個撈紅薯粉(大辣),d辣幾好食,不過我覺得唔夠辣,可以再辣d law. d 紅薯粉好得意,好襯d辣~~~好想再食多次呀,不過我覺得如果d雞翼係炸o既會好d

天寒地凍,今天原打算專程去明星窩貼食酸辣湯,點知左行右行,發現了這間店舖,被她的薯粉吸引著(原來已經有這麼多食評,真失敗),點了紅薯湯寬粉+豬頸肉+腩肉,麻中辣,一個字'正',先試湯底,有一股特別香味,加上芫茜'蔥一起飲更妙,薯粉晶瑩剔透,滑滑的,沒有耐性的食客,必須三思,因為你只可一條一條地吃,不可能像河粉般一夾幾條,但辣味比想像中低,下次要食大辣,食完又唔覺好口干,可以