川味美食

營業中

休息中

本來想食雲貴川的，但實在太多人排隊。記得同街有間四川野有不少好評，決定轉移陣地。舖頭細細有不少客人，不比雲貴川弱，其間還有不少人買外買。我要了麻辣熱拌薯粉加雞絲、墨丸、豬潤，還有熱拌指定的炸醬、芽菜、花生等材料十足。另加的三款"食送"，是來貨不是主角，所以第一口先食薯粉，非常之爽滑可口，再嘗是麻辣，除了辣外，還有濃濃的麻，兩者感覺明顯，不會只有一個辣字，食完後"麻"仍維持口腔久久不散，唯一可惜是之後飲了好多水解渴。老公要的是湯薯粉加豆卜、枝竹，佈滿整個碗份量非常之多，見老公差不多喝光湯底，我想信味道不錯。價錢又平又好食，真是值得再來。

呢度有唔少網友都鍾意食紅薯粉, 但我就麻麻, 反而鍾意佢\既酸辣米線, 佢\既湯底有別於其他, 唔會油, 非常清! 但又keep到辣同酸味, 恰到好處價錢又平, 淨米線只係$12, 加一個餸$3但選擇比較少, 如果有埋雲吞, 牛丸...就好喇~

要到荃灣取回郷咭, 順道到川味試試其功夫望着貼於牆身的菜牌, 選了無湯粗薯粉+海帶+小辣等的時候, 亞姐同其他食客講薯粉有分粗及幼所以如果選湯薯粉($11), 可以叫湯幼或湯粗如果要無湯薯粉($10), 可以叫撈幼或撈粗(哈哈, 好粗俗tim)麵款還有米線及粉皮每樣餸另加$3oh….碗麵終於來咗啦好大碗!好滿! 薯粉少少彈牙, 其他配料如芽菜、炸菜、花生份量不吝嗇雖然是小辣, 但已教我下次記得要走辣, 所以不得不佩服那些要中辣大辣的食客海帶雖然三蚊, 但份量都有不少, 而且好食肆會有得食, 幾好食~下次想試試腩肉鋪仔細細, 但幾時都咁多人, 堂食預咗要逼ga la

紅薯粉夠新意，我比較喜歡幼紅薯粉，狀似水晶珠鍊。湯吃及熱拌都好。必選腩肉。中辣才吃出風味。湯吃可把生菜轉通菜。

間鋪在荃灣千色店擺時已有幫襯, 不過之前一直食撈粉, 今日食湯粉.水準依然, 麻辣正, 不過就冇o左以前有既牛肚同魚蛋, 有d 可惜. 想講d 紅薯寬粉好有嚼頭, 放湯都好滿意, 不過d 粉真係好好彈力, 濺起d 湯彈到我件衫一點點,各位食既時候要小心小心~ 十幾蚊, 又食得飽, 抵!

連續食左兩日,一次食熱拌薯粉,一次食熱拌粉皮,試過通菜,雲耳,秀珍菇,海帶同牛柏葉,全部都好好食!最重要係d汁好入味呀,份量又夠,即使唔加料,淨食拌粉/米線都只係十蚊,已經有d基本配料響入面,真係絕對超值呀!荃灣區黎講,呢度將會成為我另一食堂,唔該各位網友介紹,真係唔錯呀!我下次可能試下湯粉先....

補牙前想食番少少野打抵...行過呢度又無咩人...於是叫左個無湯熱薯粉+金菇+唔記得另一隻叫咩菇啦...個薯粉本身已經有芽菜...肉醬...我加埋少辣! 薯粉好Q, 我覺得整體好食過隔離雲貴...又抵食..又大碗! 唔加料都係十蚊...個亞姐又好人!

上星期第一次試過後已經念念不忘本來打算第二日即刻再黎食過但因為約左朋友仔在先唯有放棄今日專登又買外賣番屋企食要左豬頸肉撈薯粉仲要多芽菜多莞茜唔記得話要唔辣原來default係會小辣架或者個人唔特別鍾意食辣既關係覺得唔辣既汁更引到鮮味出黎薯粉份量仍然好多雖然隔左個幾鐘先食仍然好煙韌豬頸肉切得薄薄份量亦足醃得非常入味又爽口唔覺油膩平時唔多鍾意食豬頸肉既我都覺得唔錯我已經將佢列入我既飯堂可惜丫,我每次要食都要專登搭車黎買但都值架!!!不過今次因為唔想企o係度等專登打電話黎落order先但接電話既姐姐有d惡同晦氣

今日o係荃灣工作完收工唔想番屋企一個人都要煮飯想起有人讚過呢間又平又好味又一於買碗無湯紅薯粉加海帶外賣番屋企雖然由買到食相差接近兩個鐘但d粉無淋到又或者纏埋一齊用筷子撈兩下d汁同粉又變回原狀估唔到真係咁好食呀default碗粉會有炸醬,莞茜,芽菜同花生加埋o個d汁真係好好味d粉又好煙韌又有咁多配料有不同口感全部夾埋一齊真係好好食加埋海帶獨有既味道真係好正一碗份量都好大食完好飽但味道好到係想快d再食多次不得不讚個炸醬真係好香又唔會多肥肉或者油我唔食得辣咋唔係相信會仲正I’m loving it!!!!不過睇番食評知以前有豬心食但而家因為少人食而取消左我好鍾意食豬心架希望佢快d加埋入menu啦不得不提呢度雖然係小店但全部人都好nice老闆較沈默老闆娘同另一位姐姐都好主動有禮

發現新店原來開o左係呢到隱瞞的橫街. 以前佢係千色店開時已好多人, 但淨係得外賣, 好好食....而家有埋鋪頭....雖然地方細細, 但環境乾淨,幾好.夜晚9點幾去食都要等位,仲有好多人叫外賣.我地叫左中辣腩肉魚腐紅薯湯寬粉同埋中辣豬頸肉雞翼無湯熱拌薯粉.口感一流, 薯粉彈牙入味, 連湯也不剩. 好飽. 抵食.係到食過不停時, 聽到隔離台叫o左湯粉, 不過係叫幼薯粉,仲可以走芽菜,加酸菜. 所以第二次去食我就叫o左個熱拌麻辣幼薯粉...幼身薯粉比寬身仲彈牙, 不過就冇寬身咁入味. 價錢非常抵食, 十數元就抱腹而回. 加餸只不過3元.

之前o係千色店食過佢地d野都覺得好特別從來都未試過當知道佢地無做既時間都覺得好可惜點知俾亞媽發現佢地開新店雖然間野環境一般仲好細但係d野都係咁好食esp 係撈薯粉加辣而且佢地價錢真係好平一個送只需$3淨粉$10超抵

呢間四川野如果計番比例黎講，門口排隊既人肯定多過隔離間雲貴川嗌米線+三個餸都20蚊係...，如果食得辣，一定要嗌中辣，湯底真係好好味又有撈粉選擇，一d 都唔乾，有少少湯最好就係配菜全部可加可減，酸菜呀，芫茜呀，芽菜呀..同事至愛酸，嗌多酸，老闆娘同伙計都好好，最緊要係arm 我地心意最特別就係d 薯粉浸幾耐都唔會發漲，又唔會淋都不枉我由荃灣送外賣返大埔，三碗喎..都幾重，但d fd 都話好特別同好味

因為我個人唔食辣，所以好少食米線。尤其斜對面間辣辣米絲就更加唔駛攪。但依間ｄ薯粉真係好味，又足料，味道又夠。不但湯粉好味，拌粉都好正。價錢又抵，兩個人食都唔駛五十蚊。推介:腩肉、雲耳、海帶、豬耳

呢間鋪之前ｏ係千色時我已經經常食ｇａ啦～個老闆娘超級好＾＾後尾冇開鋪ｏ係街上見到我都會主動同我打招呼～呢ｄ先叫一流ｏ既服務態度～後來ｏ係機緣巧合下知道佢開左新鋪～就即刻衝去試下～～我個人就比較推薦無湯撈粉皮～１０蚊碗～～３蚊一個餸～我就比較常食豬頸肉～因為真係切得好薄呀～～碗麵勁大碗～細食ｏ既女仔可以考慮叫多幾個餸之後ｓｈａｒｅ～～我覺得呢間可以算係近期我o係荃灣發現最抵食o既一間呢^^

呢間就係以前響千色店入面擺檔, 問過老闆娘, 佢無響千色店做有三個月, 個幾月前搬左去呢間新舖粉方面有紅薯粉, 米線, 仲有一隻唔記得我最鐘意佢d撈紅薯粉, 最緊要加埋麻辣, 佢d麻辣真係做得好好, 夠味又夠麻, 不過又唔係好辣, 食完個咀麻麻地好過癮!呢間真係食咁耐麻辣以黎真正有麻既感覺!餸方面: 雲耳, 枝竹撈埋d麻辣度真係好正!麻辣腩肉都好味!價錢唔貴: 湯粉15元, 撈粉10元, 每餸加3元, 超級大碗, 多到連個外賣碗都幾乎冚唔埋! 真係抵過又好食過隔離雲貴川風味, 仲要服務態度好添, 我以後都會轉食呢間囉!