川味美食

營業中

休息中

可能系幾出名的關係~價錢已經升左幾次而食物質素好似冇以前咁好~不過總括來講都仲系幾好味ge不滿的地方是好多芽菜~仲多過d薯粉!推介: 撈幼薯粉

昨天經過荃灣,便到這間店舖試試他們的招牌菜-薯粉.我叫了一個寬紅著粉乾撈,另外加了兩個餸,腐竹和海帶,除了薯粉外,還有其他配料,如炸醬和芽菜,薯粉很煙靭,吸收了其他配料後都幾好味,腐竹雖然唔腍,但都幾好食.海帶有五條,只收3元,我覺得很抵食.一碗粉13元,每個餸3元,很抵食,而且又大碗,比起車他麵更加抵食.下次經過會再食.

這次是我第一次來這裡，平是多數去其旁邊個間，去試全因友人話這裡平靚正，所以去經過咪試下ｌｏ．叫了個酸辣薯粉加龍蝦丸及雞翼．　ｗｏｗ！原來好大碗的，個湯好好味，雞翼好入味，但ｄ龍蝦丸就唔好食．　我其實也不是細食的人，但ｄ薯粉真的好多，所以要好努力才食完．

因為住葵涌. 經常去荃灣 及 喜歡食粉麵, 昨天下午5點半到, 這個時間比較少人. 腩肉, 雲耳, 乾撈寬薯粉 瘦瘦的腩肉很入味, 薯粉煙煙韌韌很有口感. 還伴有 卜卜趣的 花生, 炸醬,芽菜.好味....$19 一個晚餐真係平靚正!!!

昨天有事要到荃灣,試一試這間好評的米線店,以前都是去斜對面那一間的.1315hrs一去到門口排滿人,但斜對面那間就少了很多人,不像以前那樣厲害了!等了5分鐘,有位即叫了腩肉炸醬雲耳米線乾撈,自問吃得辣所以要了中辣.但好像無料到,所以要自己再加辣油,味道可以但實在太多味精了!

想試好耐但每次經過都好多人.今日11點行過啱啱開門,立即入去,坐落不久,碗粉都未到已經檯檯都有客,真犀利.叫咗寬薯粉撈($13)再加腩肉,酸菜同海帶(每樣$3),汽水$5.等咗一陣就到,雖然配料已經預備好,都係即叫即做.以為薯粉好爽點知好淋,腩肉入味,酸菜好普通,海帶有5,6塊,打隻蝴蝶,賣相不俗.本身已有芽菜,炸醬,再加埋D餸,真係好大碗,到最後都食唔晒.原來唔係我一個,有幾個食客都話食唔晒,証明大件夾抵食.論食味唔係好突出,而且好多油,同檯有位阿姐一開始就頭擰擰,話好多油.一試無妨,但應有更好選擇.

呢間我一個月最少會來一次,因為實在太愛佢個酸酸辣辣既感覺,同埋那些香菜真係會食上癮。我每次來都會叫既唔係薯粉, 反而係米線, 覺得佢地個米線同出面既唔多一樣咁,好爽好滑正呀~ 唔知係唔係腩肉成日畀網友話太"鞋", 最近個次去"諗"左喎不過都幾好食~ 講真來呢度唔係主要食配菜,主角係薯粉,米線同佢個湯底。

荃灣有多間食店，但要我揀的話會揀位於眾安街附近的四陂坊的「川味」。紅薯寬粉和粉條煙韌彈牙，無辣湯底帶著很淡的酸辣味，很醒胃，不吃辣人士也啱食。麵底十三至十六元，還有米線和河粉，餸每款三元，點兩款餸不過廿多元，汽水一律五元，埋數也不超過三十元。侍應有禮、有耐性。真係平靚正!!!

還是多給一次機會，試試這裡的寬薯粉。腩肉寬薯粉($19)︰份量還是大得很，寬薯粉真的頗好吃，雖然沒有味道，不過煙煙韌韌很有口感。腩肉不好吃，很「鞋」，味道也不大好。雞絲魚腐寬薯粉($22)︰雞絲做得頗差，魚腐就可以接受吧。還有附送的生菜也不少，但整碗好像只有寬薯粉比較好。來這裡也預了要坐得擠，沒有服務，還是速食速走吧。

因為住係荃灣既關係, 一個月總會0黎呢到食一,兩次. 由佢剛開張到而家, 只可以用越來越退步去形容. 琴日同男友七點去到, 唔洗等位, 我叫左一碗雲耳腩肉撈米線, 講明只係須要比少少米線我就可以. 可惜碗野0黎到都係成坐山咁高, 而d米線食落仲好淋, 個咬口有少少似食飯咁, 真係食到無哂胃口. 另撈米線既調味方便亦差左, 好多時都唔夠味, 唔夠鹹亦唔夠辣. 留言到廚房既師傅次次去都唔同, 初時係由老闆自己煮, 之後換左一個好後生既師傅仔, 間中又換下做樓面既女仔煮, 琴日又換左另一個師傅.......呢間價錢係平, 但係坐位又迫, 一張細圓枱拍埋牆後亦要坐4個人, 食物味道又越來越差, 再會去食既機會實在未必會有.

男友帶我來這裏吃午餐，說or的評語不錯，於是也就放心一試。可是，他沒有看清食友的推介，所以我就吃了些沒有那麼好味的了。腐皮紅薯粉($19)︰要了不辣的，有很多配料，感覺頗抵食。可是賣相、食味、口感都一般，紅薯粉幼幼的，吃起來沒甚口感，只覺得有點煙韌。湯很油，都不知究竟是紅薯粉油呢，還是湯油。因此，我只吃了半碗。不過酸菜還是好吃的，份量再多些就好。腩肉米線($18)︰男友點了小辣，原來辣的來源只是放在桌上的辣椒醬，如果下次再來就可以不點辣的，自行添上。看到他吃得大汗淋漓，都知有一定的辣度。腩肉比較瘦，還是喜歡帶點肥的，感覺沒那麼粗糙。可樂($5)。價錢真的便宜，坐得不舒服是預料之中。只是吃完才知道寬紅薯粉才出名，是否再給一個機會試試呢？

聽朋友及看食評也感覺很出色，當然要來試試啦！地方唔難找，但店鋪很細間，多人一起來食都幾麻煩。看完餐牌後，我們選擇了微辣紅薯寬粉加腐竹、鮮冬菇、蘿蔔和魚皮餃及無湯熱拌紅薯寬粉加腩肉和雲耳。微辣紅薯寬粉- 微辣、對我來說都已經好辣了、真利害；薯粉很滑很爽口，但沒有什麼味道，如唔食辣，可能會完全無味。腐竹- 偏硬唔夠淋。鮮冬菇- 可能因太辣，完全唔覺新鮮，味道也是好一般。蘿蔔- 沒有根、食第一舊感覺幾好、很有蘿蔔味，但第二舊就有陣苦澀味、相信唔多靚或唔新鮮吧。魚皮餃- 皮太厚、肉細細粒、唔算好食。腩肉- 肉質全是瘦肉，完全唔像腩肉，偏又韌，味道唔多得。雲耳- 都ok、幾淋，算可以吧。可能期望高了點吧！都幾失望，只是得過辣字，食物味道唔算出色，一試無妨。

問亞Sir四陂坊喺邊，佢竟然唔清楚，自己行吓揾吓，原來就係城市中心地下．要一碗豬肚腩肉粉條小辣，一碗雲耳魚腐寬粉小辣．粉條係幼既滑啲，寬粉係粗既爽口啲，兩隻都好食．豬肚腩肉雲耳魚腐都唔錯，不過原來呢度啲魚腐係鱈魚魚蛋，唔係真魚腐．雖然小辣，但對於我嚟講，勁流鼻涕囉！

唔係第一次食，不過是第一次寫食評，前２次都係吃有湯的（河粉跟米線），要湯的話我是要中辣的，那時覺得酸辣味剛剛好，唔會吃到鼻水一直流又有辣的感覺，今次吃中辣無湯的薯粉，配著腩肉，魚腐，通菜吃不到半碗鼻水就開始流，可能是沒湯的關係，所以辣味好夠啊！雖然鼻水直流，還是覺得很好吃而且好便宜，３才＄２０吃過的材料有腩肉，雞中翼，通菜，枝竹，魷魚，覺得腩肉，通菜跟雞翼比較好，其他都普普，枝竹我想得是腐皮而已，因為沒有炸過（為何寫是枝竹？@3@？）下次再試試其他的

星期六下晝放左工．咁岩經過呢度見到有好多人排隊．突然心郁郁又想食返碗紅薯粉～於是就決定試一試佢.睇下佢有幾大吸引力．吸引到咁多人排隊食佢?不過由於呢間鋪真係好細．所以佢為有擺多張台鋪頭係出面．而我咁岩就要坐係出面．一路食~排緊隊果d人好似係咁望住你食野咁..感覺好唔知咁..唔鐘意咁樣囉~請返野食．我叫左碗粗紅薯粉湯($15)+雞絲($3)．每樣餸 加$3 ～其實佢個紅薯粉湯本身已經配有肉躁．生菜．酸菜同芫茜..都算抵食～不過酸菜佢淨係比得果一.兩粒囉..另外~原來紅薯粉好"扇"嫁.搞到好難夾．成日彈到d湯周圍都係..同埋我叫左中辣都唔係幾夠辣．總括黎講．ok 而已..未至於要排隊食佢囉!題外話: 同我同台有個女仔叫左碗面加海帶..點知佢食食下發覺海帶竟然先得一條咁大把-_-..至於乎佢同個阿姐講．個阿姐自己都突左突．之後話：唔緊要~我私人醒返碗海帶俾你..咁又幾好喎．起碼個阿姐都唔會同你死橕先丫!