山見台式火鍋 (新都會廣場)

營業中

休息中

最近去新都會廣場見到門外設計特色嘅山見台式火鍋，餐廳裝潢打造台灣懷舊氣息風格，感覺好像去了台灣一樣！我地揀左 Lv4 特選澳洲和牛海鮮吃到飽套餐 $348/位 (120分鐘，免費加時30分鐘)～期間限定港式風味主題湯底 芫荽皮蛋豬骨湯/上素蟲草花木耳鍋揀選鴛鴦鍋，芫荽皮蛋豬骨湯底奶白色，散發芫荽香氣，皮蛋口感幼滑，另一款係上素蟲草花木耳鍋，湯味潤喉，有好多材料。未開爐前先飲少少試下，濃郁香甜，味道層次豐富，感受到經典港式情懷風味！除左火鍋湯底有港式風味之外，仲有多款經典港式小菜、小食及甜點：羽衣甘藍菠菜粉果、碗仔翅、響螺片、白果腐竹鵪鶉蛋糖水、情懷紅豆冰等等，款式多樣化。羽衣甘藍菠菜粉果外皮用上菠菜汁製成，內餡嘅羽衣甘藍，翠綠鮮爽，營養又健康。港式滷水牛孖筋牛筋帶有黏黏嘅口感，柔滑軟綿，滷水好入味。街頭格仔餅格仔餅係香港經典街頭小食，即點即製，金黃鬆脆，蛋味香濃，塗上煉奶同糖霜，美味可口。情懷紅豆冰食火鍋配杯冰凍紅豆冰，簡直透心涼～套餐供應無限肉類及海鮮，有澳洲和牛肩胛肉眼、 頂級無骨牛小排、牛扑肉(CAB牛頸脊)、福隆刺參、花膠、原隻大海蝦、新鮮白鱔片、原隻鮑魚等等太多選擇啦。澳洲和

台式火鍋吃了幾間，但這次的值得推薦入座前先點好湯底，這次我點了鴛鴦鍋，包含兩款湯底：牡丹美人鍋（靚靚花膠）喝湯也覺得自己變美了，十分濃郁好味道海帶魚骨豆腐清湯（全新湯底限時免費）這款是店員推介，味道不錯這兩款湯底各有特色，牡丹鍋的香濃與海帶清湯的清新互補不足呢。套餐包括的澳洲和牛我點了2遍，肉質鮮嫩，非常適合火鍋的烹煮方式，瞬間吸收湯底的精華，跟朋友都吃過不停這裡的小食選擇相當豐富，特別是推廣的澎湖美食，我特別推薦的幾款：夜市鹽酥雞：外脆內嫩，香氣四溢。鬼馬油炸鬼：口感獨特，令人驚喜。金沙蝦球：鮮蝦搭配金沙，味道絕佳。黃金酥蝦：外皮酥脆，蝦肉鮮美。脆炸雞卷：搭配特製醬汁，風味十足。山見和牛蛋餃：薄薄肉餡多，值得一試。黑糖豆腐花：甜而不膩，是完美的甜品選擇。眷村-台灣拔絲蔥抓餅：嚼勁十足，口感層次豐富。芝麻蝦多士：搭配香脆的多士，令人回味無窮。火賞梳打：清新解膩，完美的搭配，火鍋非常適合。還有可以自助的超大飲品櫃，各款甜品，不同小吃，多種類雪糕，及火鍋品... 這次的台式火鍋體驗非常滿意，湯底與食材都讓人驚喜啊！結帳後，還有金幣夾波波，有不同的優惠券啊。📍山見台式火鍋葵芳興芳路223號新

餐廳主要以傳統台式裝修為主，門口有個火車郵筒，勁似去到九份十分火車站咁嘅場景。咁啱餐廳做緊以台灣澎湖為主題嘅「澎湖遊」，會再有多啲特色台灣地道小食可以選，湯底就可以加錢揀古早藥膳牛骨湯。鍾情台灣小食嘅我，一於入去試試。我哋揀咗level 4特選澳洲和牛海鮮120分鐘吃到飽套餐，有成74款選擇，湯底就揀咗鴛鴦湯底，分別係養生藥膳雞湯湯底及椰子雞湯底。養生藥膳雞湯底材料有當歸、枸杞、人蔘及紅棗等，味道濃郁，補身一流。另外椰子雞湯底加入椰青水及片片椰子🥥，雞肉清甜嫩滑，感覺冇咁熱氣。澳洲和牛肩胛肉眼開我嘅至愛，放入湯底熨四至五秒食得，肉質嫩滑，牛香味濃。其他牛主要有幾種：封門牛柳、卡樂beef(牛五花)、牛扑肉及牛小排。海鮮方面，選擇亦好多，我特別點咗鮑魚、海參、墨魚滑、澎湖蝦滑、大蝦、鯇魚片及花膠等。打邊爐材料方面，一般嘅丸及蔬菜都有，我覺得較特別嘅係竹笙配蝦滑及響鈴魚子蝦滑卷，出邊比較少見，個人較喜愛麻辣鴨血。熟食區選擇繁多，包括台式滷肉飯、台式烤腸、茶葉蛋、咖喱角、滷水豆腐、麵線、澎湖海鮮粥及炒飯等。除咗熟食區，鍾情台式小吃嘅我點了多款台式小食，即叫即做，例如蚵仔煎、蔥抓餅、鹽酥雞塊、

夜晚同朋友嚟咗山見打邊爐，揀咗LV.4嘅特選澳洲和牛海鮮吃到飽套餐($388@)，包兩個鐘任食一共104款嘢飲嘢食，當中梗係唔少得有澳洲和牛同唔同種類嘅海鮮。依家火鍋店做緊港式主題，我哋就揀咗芫荽皮蛋豬骨鍋拼上品蟲草木耳鍋嘅鴛鴦湯底。芫荽皮蛋豬骨鍋一上桌就香氣撲鼻，豬骨湯底呈奶白色。至於上品蟲草木耳鍋就夠晒養生，湯頭清澈，帶有菌類的天然鮮香。除咗有港式火鍋湯底，仲有多款港式主題食物。好似黃金蒜茸烤扇貝，鮮味扇貝吸收晒蒜蓉嘅香味；仲有爆漿咖喱魚蛋，彈牙得嚟入面仲有濃郁咖喱漿；另外又有街頭格仔餅，外脆內軟加上蛋香濃郁嘅格仔餅配埋煉奶同花生醬，超邪惡；唔少得仲有情懷紅豆冰，奶香順滑，甜度適中。🥩肉類方面當然有必食嘅澳洲和牛肩胛肉眼，油花分布均勻，只需輕涮幾秒就食得，肉質細膩軟腍，充滿和牛嘅脂香。月見封門柳亦都非常高質，牛橫隔膜肌肉肉質緊緻肉味濃郁。另外仲有口感爽脆彈牙嘅薄切牛舌芯同其他唔同部位嘅牛肉同豬肉。🐟海鮮嘅種類亦都有好多，好似新鮮彈牙嘅原隻鮑魚、爽脆鮮甜嘅白鱔片、飽滿水嫩嘅福隆沙白。另外仲有響鈴魚籽蝦滑卷同竹笙抱蝦滑呢d特色嘅創意火鍋配料。火鍋料上菜速度快，加上仲有自助嘅蔬菜、小食、

嚟到山見，店舖充滿台灣風格，今個月仲係港式情懷主題😍🍲 火鍋必試湯底• 芫荽皮蛋豬骨鍋：豬骨湯濃郁，加上芫荽+皮蛋令到層次提升• 上品蟲草木耳鍋：蟲草+木耳，底湯滋潤養身！港式小食亮點• 咖喱魚蛋：咖喱收係魚蛋入面，食時小心咬開爆汁！• 格仔餅：夾花生醬+奶油，酥脆香甜，過下口癮！🥞• 黑白煎堆：外層金黃香脆，鋪滿黑白芝麻，咬開芝麻餡，• 碗仔翅：用料豐富，懷舊味道重現，暖心一啖！私心大推• 麻辣鴨血：鴨血Q彈滑嫩，吸滿花椒香同微辣，食唔停• 竹笙蝦包：清脆竹笙包住彈牙蝦滑，外形似小福袋，爽口又Juicy！🎮 食完憑單換幣玩小遊戲，食得又玩得，好過癮！

真係火都嚟！同朋友去食LV5，一入座已經覺得唔對路。有個着黑色恤衫嘅女員工（短頭髮嗰個），由我哋坐低開始就全程黑面怒啤，眼神兇狠到好似我哋欠佢錢咁！明明餐廳唔算忙，但啲用過嘅碟同碗堆到成枱都冇人收，舉手叫埋單，叫極都唔理，當我哋透明。點解我哋要受差別待遇？ 服務態度差到爆燈！人均消費唔平，我過嚟都唔係受氣，完全破壞晒食飯心情，以後絕對唔會再幫襯，亦會同身邊朋友講千祈唔好中伏！

山見台式火鍋之前去過沙田新城市廣場分店嘅「山見台式火鍋店」，今次就嚟咗葵芳新都會廣場分店食午市100分鐘任食任飲火鍋，呢間葵芳分店都開咗一段時間，今次店員安排咗我坐一人一鍋嘅枱，一人一鍋真係好正，湯底唔洗諗得咁煩，我就揀咗LV3（$288一位）午市任飲任食，時間有100分鐘，湯底揀咗椰子雞湯（+$28）同牡丹美人鍋（+$25），如果時間耐少少就更好！呢間火鍋店入面都算寬闊，輪椅人士入去坐都非常舒服，店員今次非常好，安排一人一鍋嘅枱比我坐，仲提我食完記得去門口寄明信片去你屋企就會有50蚊優惠券，同埋記得夾公仔，揀咗惠顧LV3嘅人就可以每位獲贈兩個金幣夾公仔，每次夾公仔要用兩個金幣，我第二次就夾到公仔啦！自助區有好多不同種類丸類、豆卜、蔬菜類、芋頭、粉麵同糖水等！LV3仲有任飲烏龍珍珠奶茶（星期五六日及公眾假期除外）同火掌梳打，其他飲品可以去雪櫃拎，雪糕有兩款口味！LV3極品吃到飽$288（每位）1.椰子雞湯+$282.牡丹美人鍋+$25以下係我推介之選：1.鵝肝醬多士（9.5/10）呢個多士咬落好脆身，鵝肝醬搽喺多士上面，鵝肝醬味淡淡地！2.金沙芋泥球（10/10）呢個金沙芋泥球外面炸得

山見台式火鍋．台式火鍋放題 港台混搭撞出驚喜作為一個打邊爐狂熱分子，今次試完葵芳「山見台式火鍋」真係要急不及待寫低佢！呢度玩港台crossover，一邊食到台灣直送芋圓炸物，一邊又有港式街頭小食，最正係個鴛鴦鍋底濃到癡線，仲有Lv3極品牛任食，八百幾字都未必講得晒啲驚喜啊！#濃郁湯底打頭陣 花膠芫荽皮蛋雙重享受我同朋友揀咗「牡丹美人鍋」拼「芫荽皮蛋豬骨鍋」，上枱已經聞到香味！美人鍋有完隻花膠浮面，飲落膠質重到黏嘴唇，打邊爐前飲兩碗絕對係常識吧～芫荽皮蛋鍋更加係驚喜，豬骨湯底撞皮蛋竟然零違和，芫荽控必試！兩款湯底愈滾愈濃，涮牛肉同吸湯食材簡直絕配。#Level3極品牛+QR code任點 性價比爆燈今次衝咗「極品吃到飽」Lv3套餐，牛肉真心有驚喜！美國牛小排雪花紋靚到發光，涮3秒入口牛味濃到似喺口腔打風暴；封門柳厚切夠嚼勁，油脂比例啱啱好。QR code點餐仲有超過50款配料，必點「黃金酥蝦」同「香芋脆脆果」——蝦肉彈牙包住鹹蛋黃脆皮，香芋球咬開流心奶黃，邪惡到停唔到口！#港台小食掃街體驗 甜品區仲有驚喜期間限定嘅「港式情懷檔」一定要試！「街頭格仔餅」即叫即製，花生醬煉奶多到漏，仲有「碗

今日收工同班friend吹水，突然好想打邊爐，但成日食麻辣雞煲有啲悶，行過新都會見到「山見」個芫荽皮蛋豬骨鍋海報，好似好吸引咁，原來個湯底係期間限定，即刻同朋友入去試吓。我哋中午時段揀咗Level 3「極品吃到飽」港式情懷，呢個餐包咗港式小食，例如格仔餅、黑毛肚、點心等等，湯底係鴛鴦鍋另一款係椰子雞湯，湯底好清甜，因為用咗新鮮原隻椰青，仲有嫩雞件吊味，成班人未落料已經開始飲湯先。套餐最正係海鮮同牛上枱，松露墨魚滑她彈牙，牛同羊同朋友encore 咗兩轉，另外啲小食同炸物好出色，完全無hea你一上枱全部都係新鮮炸起熱辣辣，除咗可以qr code落單點你想食嘅嘢之外，出面仲有甜品區、飲品區、火鍋配料區、雪糕區等等，多款選擇真係食到飽到嘔🤣。最後要讚佢哋自家製飲品，最鍾意係白桃烏龍冷泡茶同鳳梨烏龍冷泡茶，好解膩唔會太甜。

今期係做港式情懷美食，都幾吸引，因為一向都好鍾意食港式小食，加埋台式火鍋，可以一次有2種享受。佢地嘅湯底都幾多款式，我地就簡咗鴛鴦火鍋，芫荽皮蛋豬骨鍋同鐵路豚骨鍋，2款湯底都好濃郁，要黎打邊爐就最啱。我地選擇咗level3極品吃到飽，呢個level牛肉都幾靚，肥瘦均勻，好重牛味，除咗牛，QR code點餐都仲有好多火鍋配料任點。今期係做港式情懷，我地都叫咗幾款試吓街頭格仔餅，碗仔翅，瑞士雞翼都唔錯，出面仲有好多台式炸物，台灣芋圓炸物同飲品任攞。

這間火鍋店門口有個夾公仔機和一個紅色大郵筒，裝修好有特色，用餐環境闊落舒適。當季主題是「澎湖遊」，點選了Lv4 特選澳洲和牛海鮮吃到飽套餐 (限時120分鐘)，湯底是鴛鴦鍋：古早藥膳牛骨湯底藥味香濃，椰子雞湯滋潤鮮香。先吃些台式小食，黃金酥蝦、金莎芋泥球、黃金蝦球、黃金裹粉柳葉魚和炸九層塔花枝丸等，熱辣辣好香脆。肉類食材好新鮮，以牛肉類為主，牛小排、和牛肩胛肉眼、牛頸脊、封門柳、牛五花和牛爽腩等，淥幾秒就食得，鮮嫩幼滑有牛味，食完當然要再三添食。海鮮類最喜歡原隻駅前海老，大隻又厚肉，蝦肉鮮甜美味。白鱔片好爽脆，竹笙蝦包好得意，蝦肉餡料鮮味，竹笙外皮爽口。還有鮑魚、花膠和遼參，夠曬滋補。華西綜合豆腐花有和黑糖豆腐花等台式甜品，甜潤滑溜。火掌梳打甜香清爽，烏龍珍珠奶茶煙韌甜滑。還有多款飲品和雪糕，暢快滿足。

🥢最近同朋友去咗山見台式火鍋（葵芳新都會廣場），食咗佢哋Lv4特選澳洲和牛海鮮放題，120分鐘食到飽真係食到好滿足！🍲一坐低就見到枱面超整齊，海鮮拼盤即刻上枱，有鮑魚、青口、蝦同扇貝，全部都夠新鮮，落湯即食啖啖肉！和牛方面真係唔得了，油花分布靚，輕輕一燙就入口即化，鍾意食牛嘅朋友一定要試！🫕湯底我揀咗麻辣同藥膳，辣得嚟好香，配和牛一流。配菜款式都多，魚腐、丸類、蔬菜樣樣齊。職員上菜超快，服務態度一流，仲有自助區任你拎飲品、醬料，仲有小甜品收尾，飽到上心口！

主打台灣風味的火鍋放題店.提供多款「吃到飽套餐」由基本款到殿堂級和牛海鮮都有。豐儉由人。湯底選擇也非常豐富。香港有多間分店。//古早藥膳牛骨湯底湯色金黃透亮.濃郁.藥膳香氣十足.帶有淡淡藥香與牛骨的甘甜味。//Lv4 特選澳洲和牛大理石油花分布均勻.風味濃郁.肉質細緻.入口即化. 還有好多款牛肉可以選擇。//新鮮海鮮刺參：身上密集堅挺的刺狀突起而得名.被譽為「海中人參」肉質爽滑有嚼勁。脆卜卜的感覺.具有補腎益精的功效。//多款台式飲品小食味道很好//推薦海鮮粥：鮮味十足。//台式鹵肉飯：地道美食

餐廳主要以台式火鍋放題為主打，提供50多款自助食物任添，裝潢用上火車做主題，提供卡位雅座，坐得舒服。門口有個郵筒可以幫顧客寄明信片，而明信片上竟然係優惠券，可以介紹親朋戚友嚟食。餐廳做緊台灣澎湖主題，除咗提供台灣特色多款小食，仲可以加錢轉古早藥膳牛骨湯，絕對值得一試。我地揀咗Level 3極品套餐100 分鐘食到飽，湯底揀咗鴛鴦鍋分別係古早藥膳牛骨湯和風味沙茶火鍋，藥膳湯底有杞子，當歸、人蔘、紅棗非常補氣血。沙茶湯底帶有濃厚花生醬香，濃郁而清甜。卡樂BEEF、月見封門柳、薄切牛舌芯、美國谷穀黑毛豬、澳洲羊肩肉、牛百葉、肉質嫩滑，牛香濃郁，所有肉類都好新鮮，多吃幾盤都回本。海鮮方面福隆沙白，脹卜卜，好飽滿！浸落藥膳湯底，沙白變得非常清甜。打邊爐材料，除咗一般的水耕菜，仲有蟲草花得多種特別丸類，響鈴，魚子蝦滑，點少得有台灣麻辣鴨血。熟食方面款式眾多，有台式滷肉飯、台式烤腸、茶葉蛋滷水豆腐、澎湖海鮮粥等，仲有獨家專享10款台式小食，例如有蚵仔煎、蔥走餅鹽酥雞飯、一口生煎、黑糖豆腐花，芝麻蝦多士、仲有黑糖豆腐花，豆腐花非常嫩滑加埋甜度適中黑糖，完美。飲品除咗自家茶飲仲有套餐贈送的珍珠奶茶🧋和火

我於今日（2025年6月1日）晚上7:30 。在葵芳山見台式火鍋分店用餐，遺憾的是此次用餐體驗讓我非常不滿，以下幾點問題：1. **啤酒供應問題：** 超伏 我在入座前並未被通知貴店沒有啤酒供應。事前我都知道是另外收費，無問題 。但當湯底上桌後，我才得知啤酒售罄（會唔會早得滯？才7:30，仲要係星期日）。如果我事先知道沒有啤酒，我會選擇其他餐廳，因為打邊爐沒有啤酒我都係第一次 。讓我感到非常非常失望，冇啤酒酒你應該早啲講 。有得選擇，我想即走。 我都算是貴集團嘅常客，我印象我上年惠顧同係葵芳分店山見，那時雪櫃都會有百威啤酒供應 。我不知道係呢間葵芳分店沒有啤酒，還是全線山見都沒有2. **食品售罄問題：** 我於7:30入座，但未到8:30便發現多款食品已經售罄。這樣的情況讓我感到非常不滿，因為我期待Lv 4能夠嘗試各種菜品，而不是在用餐期間只能選擇有限的選項。3. **環境衛生問題：** 我發現我所在的Level 4以上用餐區出餐位門口有一個大型垃圾桶，專門用來放廚餘垃圾。由於我坐在附近，這讓我在用餐時感到視覺上不佳，影響了整體的用餐體驗。 以呢個價錢（Lv4