尚廚

營業中

休息中

諗住近近地喺將軍澳附近食自助餐，慶祝家人生日。一行三人去食，兩人有食蠔，事後又屙又嘔帶眼鏡中年男開蠔師傅手腳極慢，皺晒眉頭又界爛啲蠔。自助餐質素還好，食物選擇不多，呢個價錢可以唔洗encore。事後仲要洗多幾百蚊睇醫生

官網早前有折扣lunch buffet計埋+1$350/位酒店buffet黎講 算幾抵食但款式就真心唔多一round都食哂比較感興趣既野·生蠔 幾新鮮 但個廚師開蠔速度待改進·羊扒 夠羶 但少韌·土耳其烤肉 要夠厚面皮叫師傅拎即切果啲先好食·刺身 得四款 全部試晒 得三文魚可以擺入口·冷盤海鮮 有黃金螺 松葉蟹腳 青口 蝦 蜆蝦同蜆幾新鮮 厚實 黃金螺ok既 有少少沙 松葉蟹腳好鹹😭青口唔新鮮 可skip·葡撻 好食！甜品款式都唔算多 食雪糕好過·雪糕 係哈根大師 味道選擇都算多·飲品得4款 茶 咖啡 兩款特飲，汽水要+$$其他都係啲 煮下麵 煮下海鮮粥 食下點心 炒下菜 燒味飯 咁個人而言 對呢啲不太感興趣

同同事一大班人貪近過來試吓不過沒期望就沒失望雖然價錢折左但係食物質素都打折生蠔🦪細隻到跟本吃不到肉，要排多幾轉去攞全場爆滿但只有一個職員負責開蠔，開場時排隊等得比較慢其他海鮮/刺身都只是不過不失，長腳蟹腳很幼很少基本上主攻熟食為主，但是燒羊架同一口牛都煮得好靭好蘇部分食物只出一次就沒有再出，手快有手慢無蛋糕甜品種類算多，全部都係一啖大細，雪糕不是獨立杯裝，口味都算多平日如果隨便找一間都應該很多選擇

呢間自助餐，呢幾年都幫襯過不下10次無他嘅，又平，又方便，質素又唔差，呢個價錢嚟講都算多嘢食我早餐，午餐，下午茶，晚餐都有食過，由疫情前未有”staycation”呢個概念，我已經會嚟食，耐唔耐想食buffet又唔捨得食咁貴又會嚟食吓。呢度食評不嬲好壞參半，個個人標準唔同，有人覺得好麻麻，我都會照嚟。環境係一般d，但始終覺得性價比高。可惜，今日嚟食，出現咗d我接受唔到嘅嘢。我寧願食到昆蟲，起碼最多腸胃炎，痾嘔吓。但係今次個炒菇入面有舊玻璃🥶🥶🥶🥶🥶🥶好彩屋企人見到，冇畢埋入口⋯⋯唔好話吞落肚咁驚，放咗入口𠝹親咀，或者梗親牙都咁好啦雖說係酒店，但係經理收咗個碟，話叫廚師check吓就完喇🥶🥶🥶 嗰陣先係啱啱開始食沙律，但嗰個section嘅嘢我哋都唔敢再食喇🥶🥶🥶 唔知會唔會有d碎d嘅玻璃就大鑊🥶🥶🥶

呢間我8年前食過，仲記得有片皮鴨。今次再食，我比起以前更著重味道多過款式，太多花巧野只會忽略美味。海鮮有生蠔，龍蝦，松葉蟹，青口，螺，鮮蝦，蜆；刺身有三文魚，馬刀貝，希零魚，吞拿魚；前菜有沙律吧，冷麵，壽司，芝士，南瓜忌廉湯；熟食有燒味，蒸比目魚，鐵板燒例如一口牛，雞軟骨，八爪魚，豬肉片，秋葵，冬菇；肉食有牛西冷，雲耳蒸雞，燒排骨，吉列蠔，肉丸，魚柳，鴨肝；麵檔有喇沙湯底，雜丸；甜品有巴斯克芝士蛋糕，焦糖泡芙，拿破倫，芝麻竹炭卷，TIRAMISU，歌劇院，黑森林，朱古力噴泉，可麗餅，HAAGEN-DAZS，雞蛋仔，葡撻。水果奶茶咖啡。龍蝦無味，松葉蟹都仲有鹹味，蝦都新鮮，想有特色，可以剝蟹肉龍蝦肉落南瓜忌廉湯，提昇層次享受。熟食就正正常常，鐵板燒系列比較鹹，喇沙湯底比較辣。甜品比較出色既係歌劇院，香滑朱古力味，但巴斯克芝士蛋糕太淡芝士味。地點:皇冠假日酒店入面，POPCORN有出口去到酒店門口。環境:攞野食位置都方便，一眼睇曬，行出行入距離唔會太遠，但冇環境可言。價錢:$550一位，平食之選。服務:可能我地坐太入，執碟比較慢。

因為疫情都好耐冇去食自助餐，見雙11其間有優惠就應朋友安排兼為友人慶祝生日，老遠由九龍走到入將軍澳食晚飯，可惜實在太令人失望，唔會再有下次，亦唔會推介，見議可以的勿選！其實西式自助餐來來去去食物都係咁上下，有啲熱食，冷盤，壽司，少許鱼生刺身，甜品之類一般，都冇乜驚喜。客人主要都係想能夠與友人團聚開開心心食返餐，希望環境服務可以補救，卻兩者都欠奉！🤬客人早到未能安排入座要在外等候是理解的，等候片刻跟著排隊掃安心做了一大堆功夫可以放行，原以為進入餐廳後放下背包手袋就可以開開心心去取食物，誰知只差幾分鐘，就在我想取食物時突然被喝停，廚部侍應從遠邊極冇禮貌一路大叫的走過來：喂，未夠鐘呀小姐，啲食物唔攞得！嚇得我以為自己係賊唔知偷食咗佢啲乜嘢食，但其實啲食物已經预早擺放好！跟著就同佢理論，既然外面接待已經讓客進場而又冇特別指示，兼距離正餐時間都不過5分鐘，為何酒店員工可以這麽不禮貌呼喝叫停客人？！酒店經理過來了解事件，卻又不停跟我說係原則問題。既然你咁守原則，5分鐘前接待就唔好讓客人入餐廳啦！究竟客人來食餐定食你啲所謂原則？！酒店業服務態度以禮待客啲原則又去哂邊呀？一進場就令到客人咁唔開心，實在

剛剛星期六日係皇冠酒店2日一晚的staycation，本來都唔想comment佢嘅自助餐早餐有幾差———可以話係我哩2年系香港8-10次洒店staycation 中最差的一個早餐。因為個自助早餐完全冇料到冇乜嘢食，所以亦冇影相（因為原本無諗住comment所以無影相）但今日上OpenRice 睇完佢一個今年2022/8/8 嘅post(主題係不一様的早餐）覺得好奇怪，個食客非常讚酒店的自助早餐非常豐富，post出嚟嘅相片上嘅食物的確非常豐富，但同我哋剛剛食完嘅自助早餐完全天淵之別，我就好奇怪打去酒店問個究竟，酒店回覆話個post上的食物內容係2年前佢地早餐內容，酒店話佢哋都覺得好奇怪喎⋯⋯如洒店所說所實，究竟點解個食客會post 番2年前的野，箇中原因就自行去考究。（哩個就係我comment的原因總之哩間洒店嘅早餐就無好野食，屋企人話仲衰過快餐店，快餐店都有塊牛扒😅。究竟哩間酒店有咩食，見下面參考：-update左（打交叉） 上前食客2022/8/8post上的食物內容-肉類：見過好薄嘅漢堡扒，但第一轉見過吓，第二轉想夾來試吓已經無啦，之後亦無再出現過，亦無見過有其他肉類。-三角薯丁1

沙律螺絲粉幾好食，熱食普遍還好，但覺得普遍都偏鹹。甜點方面，確實有點失望，大多都外表好睇但唔好食，只有雞蛋仔和葡撻還可，豆腐花完全唔滑，「鞋」過豆腐。最後，個人認為碗碟衛生麻麻地，有可見污漬（不是水漬），只好放低拎過第2隻😅

仔仔的慶生飯.都唔知食乜好.突然想起將軍澳嘅（假日皇冠酒店-尚廚）呢間Buffet我哋之前已經食過兩次.兩次都令我哋都算唔錯.啲嘢食都好多選擇.每次都有食生蠔🦪.啲蠔都幾鮮美.經過家人相量.便決定揀選「尚廚」作為仔仔啲慶生飯.便在綱上預定咗今日星期四嘅「蠔得喜自助午餐Buffet」共四位.用餐時段12:00至14:30 .我哋喺「PopCom」商場平台花園進入尚廚.這個門口進入便是接侍處.估唔到今日係平日都咁爆.入座排隊都等咗十分鐘.好彩四個人被安排到牆身一角四人枱唔使係大堂正中同人迫.之前我哋嚟食都唔係咁多人.環境清幽.食物款式超級之煩多.依家好嘈好熱鬧.好似係大酒樓飲茶咁.行去睇吓有啲乜嘢食.已經被人撞到幾次.啲人好似唔使錢咁.今日入座率都有九乘九.唔理咁多睇吓有乜嘢食先.總括來講比之前少咗款式.我哋係綱上預定閑日七五折.再加1服務費費.即係實際每位＄288元但係呢個價錢都還算可以啦！呢度係有生蠔🦪食.生蠔🦪唔算大隻.食落都好鮮味.有少少海水鹹味.無沙.每人每次祗可有兩隻.要食就要排多幾次隊.日本🇯🇵和食刺身祗有四款唔多.本人喜愛三文魚.其他的沒有點選。海洋有蜆🥠/東風螺🐚中蝦🦐📌

上網買咗佢哋個自助餐套票，轉系食生蠔嘅，嚟到嘅時候出邊非常之多人排隊，不過職員都非常之有禮貌，而且安排得非常之好。入到去食嘢嘅時候，佢哋生蠔嘅質素呢都非常之新鮮，另外都有其他嘅海鮮例如松葉蟹，青口，蠔，蜆肉，，各樣海鮮都唔錯。至於刺身方面，佢哋嘅三文魚同埋白蠟都好正，赤身就爭少少。最滿意嘅一點都係佢哋嘅甜品，佢哋嘅甜品種類非常之多，而且仲好易任食Häagen-Dazs嘅雪糕。其中最推薦佢哋一個忌廉泡芙，幾乎只可以攞到一轉，之後已經俾人攞晒，另外佢哋個奶凍都好正，雖然好似轉移左視線但係佢哋各樣食物嘅質素都唔錯，值得一試

之前去staycation 食過黃金海岸同北角海逸酒店既自助餐，都覺得好好食，好享受。所以完全都冇諗過今次幫襯既酒店自助餐，水準可以差到甘😢。完全係用難受黎形容。主打既 松葉蟹，好咸😢好霉，我懷疑係咪要咸味黎遮蓋猩味？第二主打係蠔，好細隻😢吾太新鮮同猩；第三主打鴨肝，食左半啖冇期望過，吾識形容。刺身方面得4款，三文魚 吞拿魚 馬刀貝 黃色吾記得咩魚，總之得呢4款，連我最其望亦覺得最基本既蝦都冇。。。冇。。。壽司得4款…我想講樓下爭鮮啲壽司仲好食😭 老公原本好期待食牛同羊，點知啲牛好生…啲羊架好似岩岩係微波爐叮出黎既甘。天，每人4百幾五百蚊，究竟食左啲咩落肚…未試過食自助餐或者放題，食完可以甘空虛😮‍💨 我哋全家一張相都冇影，食自助餐可以冇意欲影相，大家自己估我哋有幾失望。

又要前文提要吓先，由於同老婆入咗嚟將軍澳嘅「九龍東智選假日酒店」宅渡假，整個套票包入住當日自助午餐、標準客房、免費借用單車及翌日自助早餐（$1,100+10%），都算抵玩。前文就分享咗個自助午餐，依篇就講講個自助早餐，享用地點都喺晌番對面「九龍東皇冠假日酒店」嘅「尚廚」。噚日自助午餐嘅入座率就可以講空前盛況咁，目測都有9乘滿，而今朝（喺星期六嚟），可能時間尚早，才7:30am左右，成間餐廳暫得幾枱客，環氣氛變得較清靜，點坐都得，當然揀番個窗口位啦，加上高樓底環境，悠閒舒服。自助早餐唔知收幾錢位，而確認信亦話只喺「simple breakfast buffet」，睇過啲食評都知唔會好多嘢食，所以，可能打咗底，以早餐計，選擇都唔少，又覺得OK喎。不過，好老實，跟之前同樣喺宅渡假時包早餐嘅酒店比較，如「黃金海岸」、「帝逸」、「富諾特東薈城」，呢度確喺明顯低一、兩班。但既來之，則安之，事事比較亦意義唔大，反正，食得幾多吖，夠食、啱食咪OK囉。飲品區對比噚日午餐，除咗種類選擇少咗，每個種類嘅款式亦無咁多，就以飲品為例，主要就喺茶啡同橙汁，再有啲檸檬片沖吓檸水、檸茶。先一杯橙汁配沙律，之後就再一杯

今次透過kkday book午市自助餐，時段為14:15-16:15可以食到兩個鐘，嚟到九龍東皇冠假日酒店嘅尚廚食buffet。而午餐嘢食其中以特色凍海鮮盤為賣點，包括即開生蠔每人每次可拎兩隻、松葉蟹腳、青口、黃金螺、白蜆、熟蝦.... 除此之外，仲有四款刺身、六款壽司、沙律、八款頭盤、中西餐湯、黑椒燒牛肋條、意式焗蟹肉蘑菇蛋餅、燒紐西蘭草飼肉眼牛扒、燒羊脾、中東旋轉烤肉檔、即煮海鮮粥檔、即煮粉麵檔、鐵板燒。十多款甜品、七款口味的Haagen-Dazs雪糕及朱古力噴泉，以及任飲即磨咖啡、紅茶、果茶、檸檬水。比起其他自助餐都算抵食，雖然熟食選擇唔算太多，但都對得住呢個價錢。

種類少 d 食物唔refill 重要收埋唔再出蠔細但味道還好 但太早收 就唔好厚住面皮話任食啦燉湯/甜品還可以晚餐都咁慳皮 午餐更加唔洗諗 地方遠 質素普通 種煩少 收得貴 雖然買一送一優惠先去食 但真心唔抵x

由於疫情關係，仍未出外旅行嘅機會，除咗行吓山、郊遊吓，「宅渡假」就成為另一放鬆心靈選項。之前好幾次「宅渡假」都喺揀晌新界區或離島區，而今次就揀咗入嚟將軍澳嘅「九龍東智選假日酒店」，整個套票包入住當日自助午餐、標準客房、免費借用單車及翌日自助早餐（$1,100 + 10%），都算抵玩。不過，雖然入住喺「假日酒店」，但午餐、早餐都喺晌對面「九龍東皇冠假日酒店」嘅「尚廚」餐廳享用，皆因「假日」本身喺無餐廳。酒店正正位處「將軍澳」站上蓋，黐住「PopCorn」個大商場，位置就非常便利。作為酒店食自助餐嘅地方，一般個場都幾大，呢度樓底都幾夠高，一邊又喺落地大玻璃窗，對住商場平台，所以，感覺都幾唔錯。而最估唔到，今日喺星期五，即喺閒日，入座率目測都應該有9乘，可見大家都要靠食餐自助餐嚟舒緩吓抗疫疲勞。 我哋原本喺被安排住晌裡面近食物枱嘅位置，雖然，枱與枱之間都有啲高身嘅透明膠板隔住，但始終都多人，老婆就想食得安心少少，所以，要求坐出「門口」位得唔得，相信呢組位置喺以前客滿時，想多做幾組客人而設，依家就啱晒我哋，得幾個人同我哋諗法一樣坐出嚟。餐廳有另一個連住平台入口，基本上，喺唔多人行過呢個位置。