小魚兒 (金馬大廈)

營業中

休息中

❤️條海驢魚好大條，兩個人好勉強先可以食曬😂！下次要帶多個人黎！🧡因為唔敢食辣，就叫左蒜香味！😍d蒜炸過，就咁食好好食！💛唔好睇小條魚嘅份量之餘，個煲仲有好多配料！寬粉、四舊香香滑滑嘅大豆腐、好多爽口木耳、仲有好多芫荽！對於我呢個芫荽控🌿黎講真係太驚喜了，足足一大碗！香噴噴🥰另外點了皇帝菜！👇🏻💚因為烤魚好大條，所以只係點左一個牛肉串小食！好長😂可能有20cm嘅肉肉！好味！唔會太鹹，少少鹽味帶出牛肉味！每次食烤肉串都點牛牛，好過癮！🩵因為烤魚始終熱氣，所以點左杯竹蔗茅根！好清甜解渴🥰

尖沙咀炭火烤魚川菜的美食秘點熊本熊和Kiwibird小朋友今晚來到尖沙咀的一間川菜店,預先一星期訂座,否則應該沒有座位吧?今晚座無虛席,可能因為天氣轉冷的關係~餐廳霓虹的裝修風格，主打川菜:有烤魚、麻辣香鍋和雞煲~肉身厚實的烤魚口味款式多而且配料豐富,喜歡吃烤魚的朋友不容錯過~豆品三重奏醬香豆花(BB辣)-海鱸魚三重奏其實有四種豆製品:滑豆腐/豆腐卜/豆腐卜/豆皮,意外地跟海鱸烤魚好夾~味道出色又滑溜,十分惹味~鱸魚肉身豐滿多肉,兩人竟然都吃不完!非常推薦此店的豆品三重奏,在大陸都少見地出色~額外選配了少量配菜:寬粉/黃金組合(金針菇/薯仔片/蓮藕/海帶),寬粉一定要叫,因為彈牙爽口,吸汁力一流!小魚兒 (金馬大廈)尖沙咀金馬倫道16號金馬大廈1樓

之前同朋友講起今個冬天好似無食過烤魚同雞煲，上星期就約咗朋友嚟尖沙咀「小魚兒」食烤魚，呢度既烤魚&雞煲都有超多選擇。因為得兩個人，我哋最後揀咗食「老壇酸菜豆花烤海鱸魚」。鮮嫩既魚肉搭配酸菜與豆花，平時唔係好食得辣既我然可以食到小辣，滑順口感層次豐富，令人一試驚艷。香蒜燒茄子亦好值得一試，茄子吸收咗香蒜濃郁風味，口感柔軟，令人回味無窮。我哋仲點咗「炸雙皮奶」，外脆內滑，甜度適中，恰到好處。西柚乳酸爆珠梳打帶來一絲清新，酸甜可口，十分解膩。我哋見隔離檯order咗個蟲草花膠雞煲，好香仲要有大大舊花膠，非常吸引！下次嚟一於要試埋個雞煲😋

呢日行尖沙咀行街，行到攰攰地，我同個friend都想去食川菜，於是就去咗小魚兒。呢度地方夠晒寬敞，仲有啲魚仔嘅擺設，好有特色。老壇酸菜豆花海鱸魚:海鱸魚肉質鮮嫩，食落好滑，酸菜爽口，豆花的滑嫩，成都加埋啲配料，酸酸辣辣，我最鍾意係嗰啲薯粉，夠晒煙靭，簡直食唔停口。椒鹽魷魚鬚:魷魚鬚外酥內嫩，經過椒鹽調味，好香，味道啱啱好！我哋都爭住食😋辣炒椰菜椰菜炒得又香又爽脆，充滿四川嘅風味，辣辣地，食落醒神又開胃。

雞煲惹味 汁濃雞都算多 但都係冰鮮雞 串燒都好食 寬粉一般 掛唔到汁 軟糯qq服務都算快手 但真係貴 性格比唔高 同埋坐得較迫 同隔離貼住坐一樣 成程坐得好唔舒服 同一樣既價錢 真係去任食抵好多

上星期同朋友出尖沙咀突然想食烤魚先前試過銅鑼灣店覺得唔錯~海鱸魚賣晒店員推介江團魚 $ 348未試過過呢款魚都係大骨鮮花椒BB豆花 未試過要左小辣 BB麻 不要蔥花 不要豆芽一上枱真係嘩一聲勁大條，仲要有豆腐、蒿荀、寬粉，真係食完都飽講番條魚，幾滑唔腥，啖啖肉，非常嫰滑，無介紹錯，我呢d唔識食魚既人都無問題寬粉勁入味，口感煙韌，好滿足飲品方面叫左特飲Hoegarrden rosee x Passion fruit $88😆第一餐就飲酒，但係食烤魚唔飲酒好似爭緊d野咁，熱情果味突出，酸酸甜甜好解膩Corona Extra x Lime Soda $78呢款比教清新清爽～

{🍽️ 香港搵食 🍽️｝ 小魚兒呢間川菜餐飯主打雞煲、烤魚等等，而且仲會有串燒同燒烤tim，今次我就試下佢既烤魚🐟 先。烤魚都有三款唔同選擇：海鱸魚、江豚魚同埋寧波魚，今次就先比較多人推薦既黃金蒜香海鱸魚，大大條肉質好厚實，魚骨唔多而且都算大條，就算唔太識得食魚嘅朋友都可以試吓呢一隻魚🐟！！而且乂大量配菜：芽菜、雲耳、洋蔥、豆腐等等！！ 不得不提個豆腐超滑；另外，叫左份番薯粉，點埋啲湯超好食！！蒜蓉燒生蠔🦪，3隻都超大隻，燒到啱啱好！！連埋蒜蓉一齊食，真係👍🏻👍🏻👍🏻📍尖沙咀金馬倫道16號金馬大廈1樓

餐廳位於尖沙咀中心地帶，位置方便。如果想品嚐道地的雞煲和烤魚，呢間餐廳係個選擇➰重慶雞煲半隻 $168重慶雞煲揀左BB辣同BB麻，雞肉食落口感鮮嫩，雞煲湯底微辣濃郁，配上大量芫荽。另外，仲加配圓薯粉、唐生菜同炸魚皮，重慶雞煲湯底真係好惹味。➰燒茄子 $48燒茄子外焦內嫩，搭配特製燒烤醬汁同蒜蓉。➰流心榴連炸彈 $48推薦流心榴連炸彈作為飯後甜品。圓碌碌嘅榴連炸彈外脆內滑，流心的榴槤餡料令人感受到濃郁的榴槤味，食落甜而不膩。➰咸檸七 $26咸檸七清新爽口，一解雞煲嘅香辣味道。➰竹蓆茅根 $38 竹蓆茅根清熱解毒之選，飲落帶有淡淡的草本香氣。

今晚去尖沙咀行街，趁住天氣仲涼涼哋，把握打邊爐嘅季節，見到好耐都冇食雞煲，朋友就帶咗我去咗一間尖沙咀人氣好高嘅雞煲🐓烤魚🐟店，滿足晒我2個願望🥰店舖地點優越，位於金馬倫道，一上樓就香味撲鼻而來，雖然是閑日，但末到7點晚餐時間，舖頭已座無虛席。我哋點咗半隻麻辣雞煲，辣🔥度同麻度都可自己選擇，雞煲濃郁煮得入味且雞件嫩滑，每一口雞件都掛滿汁，配埋裏面嘅洋蔥又濃又甜，層次感十足，讓人忍不住一口接一口。食得雞煲梗係唔會放過用咁惹味嘅雞汁去打邊爐啦！我哋另外仲點左幾款嘅配菜用嚟滾：豆皮 $30土豆🥔$ 36寬粉$ 36食雞煲吸收濃湯精華配搭之選點少得🤗安格斯肥牛$168牛味香濃，稍微肥美了點炸午餐肉粒$ 68外面炸到脆卜卜，鹹鹹脆脆好滋味。最後配埋兩杯夠晒Flash嘅飲品，檸檬可樂同埋草莓荔枝梳打，又解渴，令整餐畫上完美的句號。

自費 自己俾錢㗎呢間係尖沙咀嘅去咗食烤魚，我覺得呢間都唔錯，有啲烤魚真係主打一大條勁好食，仲要係生果都覺得好飽㗎啦，佢個烤魚個味道有得比大家揀嘅佢有好多配料比大家選擇花生啦，仲有粉皮或者河粉，食完超級飽佢仲要係勁大份量肉質鮮艷仲要係唔會諧霎霎嘅跟住勁入味仲可以飲埋啲湯，不過飲完會有少少頸渴，所以我都推薦大家快啲買返去嘅凍飲佢哋仲有好多唔同嘅配菜嘅有少少似打邊爐嘅感覺，所以我都覺得幾正嘅如果鍾意食烤魚嘅朋友你哋都可以嚟食

尖沙嘴收工食川式料理，可以試下金馬倫道的樓上餐廳🍴———小魚兒🐠呢度主打川式風味，最多食既係烤魚同雞煲，仲有串燒，涼菜都好受歡迎👏二人晚餐想食得多樣化D, 主食就食🐔雞煲（半隻雞）$168， BB 辣吾算太辣，而且雞煲味道👅超級香，聞到都流晒口水🤤小食就係勁開胃既涼拌海蜇🪼$88（超級爽）鹽燒🔥牛胸爽 $38（鹽燒味道超滋味），已經夠曬豐富😛甘多菜當然要米飯🍚墊墊肚，呢度居然仲有鮑魚撈飯，宜家係試食價$83， 有大大顆鮑魚，同花膠，食得又補又滋潤啊。最後飲品吾想甘熱氣可以點竹蔗茅根水，我就鍾意飲呢度乳酸爆珠，幾款口味，今次飲荔枝口味的乳酸爆珠🥤邊吃邊喝超爽👍

今晚來到一間位於尖沙咀主打烤魚和雞煲的餐廳。餐廳內裝修別緻，滿佈小魚的裝飾和霓虹燈，環境舒適寬敞。📌老壇酸菜豆花海鱸魚 ($308)辣度和麻度都可以根據自己的喜好選取，我們選了BB辣及BB麻，非常適合像我這樣喜歡微辣但又不想被辣味蓋過食材原味的人。湯底酸辣開胃，海鱸魚的肉質鮮嫩少骨，搭配上酸菜的酸爽和豆腐的滑嫩，以及口感煙靭的寬粉，層次感十足，之後再咬一口青瓜，清新又解膩!📌重慶雞煲半隻 ($168)一樣是選了BB辣及BB麻。雞肉燉煮得非常入味，肉質鮮嫩多汁，辣味和麻味恰到好處，不會過於刺激。雞煲醬汁濃郁惹味，帶有微微的甜味，搭配上雞肉的鮮美，簡直是絕配。雞煲內的配料如芫荽及紫洋蔥，完全吸收了醬汁嘅精華，讓人回味無窮!整體來說，這兩道招牌菜都非常出色，份量十足，員工態度親切，絕對是尖沙咀區值得一試的美食選擇！

黎尖沙咀行街，天氣凍凍地想食熱嘢行過發現呢到有間鋪食烤魚，價錢亦合理就上黎試下啦～叫咗豆品三重奏醬香豆花（BB辣）Sea Bass $308勁大條魚😹都幾厚肉，兩個人係完全食唔曬個湯底係BB辣，只有少少辣味，主要係咸味重，適合重口味人士三重奏其實係有四種豆製品：滑豆腐、豆腐卜、一串嘅豆腐卜同豆皮😹我個人中意滑豆腐😽有豆味同埋好滑另外兩種就好吸湯另外叫咗萵筍$48基本上打邊爐都會叫🤭同埋真係用炭火烤！😻店員會夾住一盤燒著嘅炭放係鍋底下，都幾大火，所以店員都會見到少水就問需唔需要加水，咁就無痴底嘅問題！另外嘢飲叫咁檸樂！食呢啲重口味嘢最啱飲碳酸飲品🥤爽

今日同朋友去咗尖沙咀「小魚兒」食飯，真係好滿足！😍 我哋叫咗個 **一鍋極品鮑魚雞煲**（半隻雞 + 四隻鮑魚），揀咗BB辣同BB麻，辣度啱啱好，麻香十足，雞肉嫩滑到爆，鮑魚彈牙又入味，個汁濃郁到撈飯都一流！💰$272，抵食到喊，食到舔舔脷～ ✨另外加咗兩份菜：**油麥菜**同**唐生菜**，每份$38，新鮮爽脆，吸晒啲煲汁，真係無得頂！🥬 ✨飲品方面，我揀咗 **Hoegaarden Rosée x Passion Fruit**，$88，酸酸甜甜帶少少花香，同個煲好夾，解膩又清新，飲完仲想再飲！🍹

🐱呢間川菜餐廳主打烤魚、香鍋、雞煲等，另外仲有燒烤🍖今次就試左比較多人推薦嘅烤魚🤓老壇酸菜豆花海爐魚：$308🌕🌕🌕🌕/5 烤魚種類有三款：海鱸魚、江團魚、及凌波魚🐟揀左最平既海鱸魚🤭肉質偏厚實而且細嫩😆有少量魚骨，食既時候要小心啲‼️條魚好大條，而且有配菜：芫荽（大量😍）、芽菜、豆腐、青瓜、寬薯粉等，所以幾抵食😚個豆腐真心好滑，而且酸辣湯都遮蓋唔到佢嘅豆香👍🏻推薦酸菜湯😍啲酸菜唔會太鹹，食完都唔覺好油膩😝炸支竹：$48🌕🌕🌕🌕/5 呢個必點🤭配酸菜烤魚💯黑毛豬腩片：$108🌕🌕🌕🌕/5 份量都唔少🤓呢個豬腩片好嚡果啲豬肉，而且係好香豬肉味🐷原來🐷同酸菜湯都好夾備注：有加一💰