小胖台灣便當 (德立大廈)

營業中

休息中

🙌🏻前牌去尖沙咀食飯，試咗呢間望落去好吸引嘅台灣便當餐廳。👻見到個招牌覺得好可愛，🤣佢哋嘅便當，亦都大份又抵食，值得一試。.🐷 士林鹽酥大雞腿便當 👅8/10 $88🐔雞髀超級大隻，份量勁足。👻外皮非常脆，入面嘅肉質仲好Juice一啲都唔鞋。除咗雞髀之外，便當入邊仲有好多唔同嘅配料，🌽有炒菜粟米等等，每一樣味道都唔錯，👍🏻撈埋一齊食夠晒味、勁滿足。小食加咗梅香脆地瓜，🍠分量俾咗一大兜，夠晒同朋友一齊share。💕梅粉味道酸酸甜甜，同埋炸番薯超夾。.🐷台灣古早味烤豬肉便當 👅7/10 $82烤肉嘅味道甜甜地，👍🏻味道唔錯。加埋小食叫咗鹽酥雞，🥰識落唔會覺得太油，調味亦都啱啱好夠晒入味。

今次經過見到黎醫醫肚餐廳喺第二層，上到去環境乾淨企理，空間都好闊落有飯/麵/小食/飲品選擇，我地order了兩個set，包括:⭐1. 台灣鐵路大排骨飯+五味醬拌茄子+珍珠奶茶⭐2. 南投紅燒牛腩(麻辣湯)麵+鹽酥雞+金萱烏龍飯既分量都好大份，味道唔錯。大排骨醃製入味，好大塊，飯粒粒粒分明；茄子新鮮炸起，好熱辣好好食；紅燒牛腩麵既麻辣湯惹味香辣，辣度都唔低但我中意，燜牛腩有番茄味，麵內仲有肉燥；鹽酥雞皮薄，調味剛剛好，有時好驚過鹹，呢個唔會配餐可以揀冷泡茶或者珍珠奶茶等台式特飲，平平地一個套餐，可以食齊各款台式食物同飲品，方便快捷，又乾淨，係附近翻工放工放學之選~

小胖台灣便當🤩原來喺尖沙咀都開咗分店，位置正正喺The One商場對面。仲未有schedule去到台灣，去小胖重溫下🇼🇸台灣古早味先。小胖logo真係好鬼cute🥰，好鍾意佢呀！·🍱便當/🍜麵食套餐均附冷泡茶🍵或熱飲，加$6可升級🧋手搖凍飲。另外套餐仲可以+$14追加小食~·🍗士林鹽酥大雞腿（地道台灣便當） HKD$68酥炸雞腿真係超級大隻😍!! 邪惡外皮好香脆😈，咬落「索索聲」，啖啖肉必定能滿足一班食肉獸。店家將雞腿切開兩半🔪，唔怕食到太論盡，好貼心💕。·🐖椒麻豬柳配肉燥（台灣麵食） HKD$68個人偏愛呢款椒麻豬柳😋，好夠麻但又唔會辣得嗆喉👍🏻，豬柳肉質軟腍，一口一粒；而店家自製嘅手工湯麵🍜唔會煮得好腍，幾有咬口，而且都幾掛湯。·🐥懷念鹽酥雞 / 🍆五味醬拌茄子鹽酥雞炸得酥脆😚，感覺唔會好油，啖啖肉。涼拌茄子，醬汁帶微甜😊。·🍵金萱烏龍茶 / 芙香蘋果茶茶味濃郁清澈🍃，解渴解膩。·📍小胖台灣便當尖沙咀加連威老道21A-21B號德立大廈地下及1樓

成功發掘好味嘅台灣菜！🔖三杯蜜汁烤雞扒便當💰62呢個便當好豐富啊！雞扒好大塊，肉質都算爽彈🐣所謂嘅三杯即係米酒、麻油、醬油，今次再加埋蜜汁，味道好正😍唔洗擔心會好濃郁，好重味，因為餐廳係調味方面控制得啱啱好😋入味，但唔會覺得好膩😌便當仲有好多唔同嘅配料，包括有小棠菜、紅蘿蔔、粟米、紫薯同菜脯蛋☺️高質便當！💫推薦指數: 9/10🔖南投紅燒牛腩麵🌟💰72呢個牛腩麵餐牌上標明會係麻辣口味，但係食落去係微辣，唔係好食得辣嘅朋友都一定會接受到😝紅燒牛腩肉質軟腍，帶有少少油脂香，而且同樣好入味🤘🏼比較特別嘅地方係呢到嘅牛腩係同麵分開上，而麵本身係配咗滷肉~所以我諗分開上嘅原因係因為係唔想將滷肉同牛腩嘅醬汁mix埋一齊，令到太濃味🙈💫推薦指數: 8/10🔖鹽蒜四季豆💰14 (套餐加配價)四季豆口感爽脆，鹽蒜嘅味道控制得啱啱好💃都幾香口！💫推薦指數: 7.5/10🔖梅香脆地瓜💰14 (套餐加配價)以$14套餐追加小食嚟講，地瓜嘅份量都幾多😆外面有少少脆脆哋，而入面好軟糯綿密🤓食落去都幾香甜🤓加上梅子粉，增添咗酸酸哋嘅味道，開胃🤭💫推薦指數: 8.5/10-🌟餐廳推薦菜式-溫馨提示👉🏻套餐有包冷泡茶同熱

台灣最出名不離夜市既鹽酥雞腿、鹽酥雞粒、鹽酥炸豬扒…今日Lunch就黎到呢間位於尖沙咀既台灣飯店，座位幾舒服，幾岩吹水既地方，店內有限制寫住用餐時間60分鐘，但因為唔多人，應該都唔會趕人走掛。不過我地都係食完飯就走啦，無over時間。上到去店員會比餐牌你自己可以座低慢慢揀完再出去cashier購買。必食推介：士林鹽酥大雞腿飯$68配飲品：珍珠奶茶 +$6 （大大柸）雞腿夠脆，熱辣辣，睇個樣已經好吸引，另外每款飯都會有少少菜附送，好有色彩甘其次order左台灣鐵路大排骨飯 $68配飲品加$6 珍珠奶茶（大大柸）呢個飯既大豬扒，就比較無甘吸引，不過都幾大塊，豬扒都幾好食，係唔夠雞腿吸引P.S: 大家入店買飯前，記得掃描左枱上既QR code,登記左做會員先，可以即時有個鹽酥雞粒送，又有得儲分，抵好多，我就豬左，買完先入會，要留返下次食個免費小食啦

今次又黎分享台灣菜俾大家啦😝今次我係尖沙咀試左呢間CP值好高嘅小胖台灣便當🍱佢哋嘅食物質素真心唔錯，好值得推薦俾大家🔅南投紅燒牛腩便當($68)我今次就叫左南投紅燒牛腩便當😝佢嘅味道真係幾正☺️紅燒牛腩煮得好入味好夠淋，整體食落香甜得黎又嫩滑，仲要肥瘦適中🥰超啱用黎餸飯👍🏻加上佢啲配菜同飯吸曬紅燒牛腩嘅醬汁😋夾埋一齊食真係好好味🔅懷念鹽酥雞 (+$14)另外，我仲加配左佢哋嘅鹽酥雞㗎🥰呢款鹽酥雞除左外皮夠薄之外，仲真係炸得啱啱好👍🏻所以啲雞肉嫩得黎又夠香口，配搭埋味粉真係好惹味🔅麻辣鴨血肉燥寬粉($64)呢個係愛吃辣同鴨血嘅你哋必試㗎😋因為真係好好味🤤佢嘅鴨血新鮮得黎又夠嫩😋湯底辣得黎又夠香👍🏻配埋超掛湯又煙韌嘅寬粉😍真心又香又滿足😋食到我有啲停唔到口🔅五味醬拌茄子(+$14) 我跟呢個餐就加左佢哋嘅五味醬拌茄子🍆呢個都幾好食🤤佢嘅茄子煮得夠淋又夠入味，配埋辣醬同木魚絲，開胃又香口😍推薦大家都可以試下另外，我哋仲叫左珍珠奶茶(+$6)同芙香蘋果茶，兩款都好好飲😘尤其係佢嘅芙香蘋果茶，飲落好香蘋果味😝超似飲蘋果汁🤤大家可以試下

今日經過尖沙咀見到依間叫小胖嘅餐廳佢地主打係食台式便當同招牌炸雞扒入到去餐廳比想像中大以快餐形式點完餐付款有人送到你面前速度都算快 鍾意佢哋設計嘅手繪圖案好細緻好用心食台灣野一定要試紅燒牛肉依款南投紅燒牛腩炆到好淋而且好夠入味便當仲好色彩繽紛裡面有萵筍 蘿蔔 洋蔥 冬菇 粟米 蛋 醃菜等等豐富又健康而古早味烤豬肉便當都一樣好多配菜不過口感似薄身豬扒再曬上芝麻味道再更香我地再追加左小食 鹽蒜四季豆佢唔會炸到好油膩嘅感覺鹽酥雞已切好一件件好方便食另外野飲點咗珍珠奶茶同埋酸梅汁酸梅汁入邊見到有粒添飲落陣陣酸梅香味

呢日同好朋友係尖沙咀行街，行行下又想飲珍奶🤣經過見到呢間台灣便當幾抵食😍就入去試下😎.➡️士林鹽酥大雞腿 $68鹽蒜四季豆+$14，珍珠奶茶+$6➡️ 麻辣鴨血肉燥寬粉 $64五味醬拌茄子+$14，冬瓜茶.份量真係超多😍大大隻鹽酥雞腿厚肉超脆口，加少少辣椒油仲好食😋飯仲有炒蛋紫薯粟米紅蘿蔔西蘭花作伴菜健康👍🏻鴨血又係有驚喜，厚身有咬口，香辣惹味辣度剛好，粉爽滑硬度剛好，台灣風味無諗過咁正！.小食份量一樣多，四季豆好多炸蒜口味重我鐘意🤣茄子喜歡燒汁甜甜地上面仲有木魚花😍，一邊食一邊飲住我最愛的珍奶🧋滿足🥰.呢間真係平靚正，無諗過咁好食👍🏻仲有滿喜歡打卡位，食完好飽真的一碗滿滿的幸福💕

想念台灣嗎？去唔到住就食住非常地道台灣風味嘅 ［小胖台灣便當 ］頂住癮先，小胖一共有三間分店，分別響沙田，觀塘同尖沙咀，單睇餐牌已經係滿滿台灣風味，主打台式地道便當，麵食，路邊攤小吃，台式飲品，以套餐為主價錢非常相宜👍🏻🍱士林鹽酥大雞腿便當 $ 94🍛升級南部滷肉飯 🍗巨型大雞腿炸到雞皮超級香脆，雞肶肉好嫩滑，味道充滿鹽酥鹹香，夠入味，滷肉飯就像台灣吃的一樣味道，豬肉肥瘦適中，滷肉汁微微香甜，加上飯中好多配菜，有粟米，蔬菜，南瓜，蛋皮，豐富好味🥦追加小食：鹽蒜四季豆 ，香脆爽口，配上鹽蒜，鹹鹹香香好香口🍹芙香蘋果茶～濃郁蘋果香微微甜，味道好清新🍱南投紅燒牛腩便當 $ 94 🍛升級南部滷肉飯🥩牛腩炆得超級淋滑又入味，紅燒醬汁好惹味，伴上米飯好滋味，鍾意撈汁朋友就最啱🥬追加小食：番蔥油燙青菜，路邊攤的風味🍹梔子花綠茶～清淡得來又帶點點花香，好解渴

尖沙咀The One對面有間裝修十分可愛嘅台式餐廳, 平時lunch hour總係大排長龍, 今晚一於黎試下! 首先點左一份士林鹽酥大鷄腿飯, 追加一客蔥油燙青菜🥬同一杯生津潤喉嘅熱柑桔檸檬茶。大大隻即叫即炸雞腿, 皮脆肉嫩非常香口, 餐廳好細心地將雞髀切開一半食起黎方便好多💖😌便當裡面仲有多種唔同配料包括粟米粒、翠肉瓜粒、紅蘿蔔、煎蛋、青菜等配料十分豐富😊👍🏻 友人點左一份台灣鐵路大排骨便當🍱 大排骨滷汁味道香濃, 份量超多兩個人分享先食得哂! 排骨魯得好入味又炸到外脆內軟。同樣地配料非常多每一啖都係餸菜😇 另加配一份鹽蒜四季豆同埋凍珍珠冬瓜茶, 夠哂台式風味

今日去The One睇戲 睇之前食個快的晚餐在The One加連威老道門口對面見到有間台灣餐廳餐廳在1樓，有自己的樓梯上餐牌上有多款台灣便當小吃及台式飲品先在收銀台落單，店員稍後會送餐 //士林鹽酥大雞腿 $68// 超大塊鹽酥雞腿即叫即炸欣賞廚師預先切開兩邊方便客人食用雞皮香脆可口，雞髀啖啖肉肉嫩滑夠多汁，另外便當中亦包含多款配菜，有煎蛋角，炒粉絲，粟米粒等等令賣相精緻，口感更豐富。飯可以選擇肉燥飯，肥美的豬肉加上香濃的醬汁，即使豬肉燜煮過後依然香嫩可口，鹽酥雞腿拌以這個肉燥飯一起吃，令人想念台灣夜市的味道，真想即刻飛番轉。 //南投紅燒牛腩 (麻辣湯) 湯麵 $72// 湯底香口但不會太鹹，也不會太辣，就算不吃辣的也能食到，牛腩肉質嫩口好淋好入味。台灣麵爽口又好掛汁，另外加入小唐菜加了麻辣口味令這個麵比平時的紅燒牛肉麵更出色。 //梅香脆地瓜 (+$14)// 即叫即做熱辣辣，地瓜外皮炸至脆身，內裡軟綿綿，加埋梅子粉吃起來香甜鬆脆但不油膩，食唔停口 //香蔥油燙青菜 (+$14)// 生菜煮到爽脆，用上蔥油調味，比一般菜加豉油更美味。 //珍珠奶茶 $28 +金橘檸檬茶 $22

剛剛喺附近睇完姊妹裙， 就諗住附近搵野食，望到呢間新開既樓上鋪就衝入去試下。入到去要睇完Menu就要先俾錢，後上菜，我哋分別點咗豬肉同埋雞扒便當，每個便當都有少少蔬菜做配菜，有西蘭花，薯仔粒，仲有一件細細的蛋餅，感覺較為健康。雞扒配上燒汁，不過食落去比較厚身少少，硬身d，淋少少口感會好啲。豬肉便當嘅反而好食啲，豬肉處理得好啲，切得薄身的，食落爽口。飲品叫咗珍珠奶茶同埋金橘檸檬茶，珍珠奶茶幾好飲，茶味幾rich,但金橘檸檬茶完全冇茶味，太甜, 飲咗幾啖就冇飲。因為餐廳新開，環境一定係坐得幾舒服，簡潔乾淨。

外勤工作,lunch係尖沙咀覓食, 無咩頭緒之下係加連威老道個十字路口,望高頭見到個好得意嘅logo 公仔同埋大大個字寫住小胖台灣便當,好啦,唔諗咁多就行上去試吓！ 樓上餐廳面積空間非常闊落, 座位寛敞,裝修親民簡單。店家以台灣便當和台灣小食做主打,款式十分多,午市套餐,一個主食+一個小食+一款飲品,都係$78, 價錢都幾親民呀！ 🔮麻辣鴨血肉燥寬粉舖上台就聞到陣陣的麻辣香,鴨血每片都頗大塊,又滑lulu, 我點咗微辣的麻辣湯底,味道剛剛好,啱哂我呢d唔係好食到辣嘢的朋友 ,寬粉Q彈有嚼口,而且份量都真係好多呀！ 🔮三杯蜜汁烤雞扒便當塊雞扒大到佔咗整個碗面,醃得入味之餘,即使厚切一樣超級juicy , 先煎後烤, 微辣帶甜又香口, 秘製三杯蜜汁又好下飯,伴菜餐還有香甜粟米粒,紅蘿蔔,木耳和青菜,真係淨食餸都飽呀！ 🔮懷念鹽酥雞大大粒,好有台灣家鄉味！ 雞腿肉嫩清彈牙又juicy, 外脆內嫩！還有九層塔脆片伴碟,更加香口！🔮五味拌醬茄子拌醬嘅味道十分惹味, 酸酸咸咸又帶甜,都幾醒胃呀！ 

台灣便當喺香港都有幾間唔同嘅連鎖餐廳做，甘岩係尖沙咀又泊到錶位，唔需要喺商場食，就睇吓附近有啲咩食啦～喺The One望過去見到1樓窗口寫住招牌名，就咁睇已經知道係食咩，所以就行過去試試～台灣鐵路大排骨便當🆗配梔子花綠茶三杯蜜汁雞扒台灣手工麵配蘋果茶加$14配小食 鹽酥雞，梅香脆地瓜麻辣鴨血 我個人覺得最出色係麻辣鴨血湯底，有麻有辣味其次就係手工麵，出邊比較少食到～而便當嘅餸同埋飯就一般般了～所以大家來試嘅話，最好食手工麵～

#fafafoodblog台灣菜 #fafafoodblog尖沙咀🍴士林鹽酥大雞腿便檔🍚 88 蚊配 珍珠奶茶 ☕配 懷念鹽酥雞🔥鹽酥雞雞脾大大隻 外層好香脆 個味帶 d香咸 之後帶 d甜 🐥個飯有蛋皮 蕃茄 小棠菜 青豆 粟 fd真係好似平時台灣搭鐵路既便當 . 鹽酥雞大細適中 夠香咸 外層香脆入面雞肉彈牙 而珍珠奶茶 甜度夠 奶茶夠香滑 珍珠好彈牙 yummy🍴南投紅燒牛腩麻辣湯手工麵🌶️86 蚊配芙香蘋果茶🍎配五味醬拌茄子 14 蚊🍆芙香蘋果茶甜度適中蘋果味香 拌茄子 有木魚同葱花做裝飾 茄子切得厚度適中夠入味 紅燒牛腩 牛肉軟林 帶好多牛肥膏 蘿蔔都整得好淋🐂 手工麵好夠爽口 麻辣味夠香 唔算好辣 帶 d甜味🌶️有少少豬肉粒夠入味 豬油味香🐽#珍珠奶茶 #台灣菜 #牛腩 #鹽酥雞 #雞脾 #珍珠米 #茄子 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~