小胖台灣便當 (德立大廈)

營業中

休息中

阿妹上星期先從台灣番黎，轉個頭又話好掛住台灣既嘢食，於是俾佢捉左去食台灣便當。 2個人各叫了一個套餐，有小食和嘢飲。 🍱台灣古早味烤豬肉便當烤豬肉的肉質非常鮮嫩多汁，一啲都唔柴，表面搽上咗蜜糖和撒滿了白芝麻，食嘅時候蜜糖嘅甜味加上豬肉嘅油脂令豬肉嘅香味更加濃郁，阿妹話同係台灣食到嘅味道一樣。便當亦配上咗各種配菜，有粟米粒、青瓜、粉絲、紅蘿卜粒和小棠菜，送飯之餘亦營養均衡。 🍜南投紅燒牛腩(麻辣湯)湯麵:店家好貼心將牛腩同麻辣湯麵分開，單試一口牛腩燉得好入味，味道濃得嚟而唔會過鹹過甜，食落軟淋淋。麻辣湯麵嘅份量嘅好足，湯麵煮得啱啱好，好爽口，食落飽腹感好強，麻辣湯底對個人而言唔算太辣，唔太食辣嘅朋友都可以挑戰一下。 🥬香蔥油燙青菜同平時食到嘅唔同，香蔥油嘅香蔥味好濃但完全唔咸。 🍗懷念鹽酥雞鹽酥雞炸得好酥脆同乾身，表面放上炸咗既九層塔同灑上胡椒鹽，味道不錯。 🥣麻辣鴨血鴨血比平時食到嘅更加滑身，麻味幾突出。 🧋珍珠奶茶珍珠口感較似粉圓，偏軟身，茶味較重，簡左少甜。 🧉芙香蘋果茶淡香蘋果味，茶加入咗話梅浸泡，帶出淡淡嘅甜味，整體飲落非常清新，解膩一流。