小胖台灣便當 (德立大廈)

營業中

休息中

尖沙咀午市時間周圍都人山人海🤪，咁啱見到呢間台式餐廳竟然唔使等位，就入去試吓😆，喺收銀落完單就可以搵個靚位等嘢食送到🤓❣️麻辣鴨血肉燥寛粉配芙香蘋果茶 $64鴨血非常嫩滑，但麻辣味就唔係好多，相反個寬粉就辣好多🤩，因為吸咗個湯，但提提大家要盡快食，如果唔係就會好快索晒啲湯變得太腍唔好食🥸，寬粉份量好多，欣賞餐廳嘅肉燥係切粒嘅豬腩肉，肥瘦加埋一齊食更加香🤪❣️三杯蜜汁烤雞扒湯麵配芙香蘋果茶 $64呢個就較為普通，雞扒有啲嚡，湯麵正常味道，略嫌湯底有啲淡🥸，幸好有少少肉燥調下味🤣❣️芙香蘋果茶 味道有啲過酸，蓋過咗茶味，唔推介🙅🏻‍♀️❣️懷念鹽酥雞用App登記做會員有個迎新優惠🤩，可以免費獲贈一客鹽酥雞，鹽酥雞鮮嫩多汁，加上炸咗嘅九層塔調味，呢個小食有驚喜，復刻到台灣嘅味道😆🏦是次消費總額 $128（人均消費 $64） 👅好味度：7.5（10分滿分）喺尖沙咀用呢個價錢食到一個午餐係十分抵😀，而且份量同個價錢成正比，味道中規中矩，下次可以試下餐廳主力推廣嘅台式便當🤓

生咗b有排唔去得旅行，好在香港大把好嘢食，呢間小胖台灣便當以前係沙田都食過，而家尖沙咀有好方便🥢台式炒塔香雞翼便當🥢台灣鐵路大排骨便當兩款各有各好食，炸得香口金黃，襯飯食一流，醃得入味，另有粟米、菜等，都好豐富🥢九層炸大腸好邪惡但必食，有肥有瘦，自己鐘意瘦嘅多啲，調味好夠🧋珍珠奶茶台灣嘢必飲，茶味奶味均勻🍋日月潭檸檬紅茶要咗少甜，顯得茶味檸檬味更出，好飲🚩小胖台灣便當 (德立大廈) (尖沙咀) @chubbybento.hk 📍尖沙咀加連威老道21A-21B號德立大廈地舖及1樓

上次同事幫手訂著一次雞卑飯好大份，真係覺得好抵食，今次諗住食返一次堂食，點知食到一半聞到一陣消毒水味，我想問，點解明明客人食緊飯，啲服務員可以扮睇唔到一樣，令客人一邊聞消毒水一邊食飯，如果想搞衛生都唔係等到人哋食飯嗰陣時搞啦，再好味都已經沒胃口啦，真係唔明白消毒水有毒咩?

之前係觀塘食過【小胖台灣便當】覺得幾好食、今次同朋友經過唔知食咩，見價錢合理又可以坐下就去TST分店食左個lunch。士林鹽酥大雞腿便當：便當飯配時令配菜、所以日日都可能唔同。今次就包括炒粉絲、青菜、滷蛋、粟米同芋頭肉丸。鹽酥大雞腿超級無敵大隻、炸得非常酥脆又唔會好厚皮、而且裏面肉好juicy。台灣鐵路大排骨便當：配菜同大雞腿便當一樣，但主菜就變左鐵路大排骨，肉質好嫩、調味不錯，切到細細塊、好容易入口。懷念鹽酥雞：分量都算多，椒鹽味濃郁，炸得好香脆juicy。金萱烏龍：烏龍茶偏淡、不過都好解渴芙香蘋果茶：好香蘋果味，有少少微甜，非常特別

好幾次行過The One商場，都會被對面一間餐廳的可愛logo招牌吸引。今晚剛好約了朋友到尖沙咀晚飯，就決定到這間「小胖台灣便當」。沿着樓梯走上1樓，發覺餐廳已坐無虛席，似乎相當受歡迎。雞排厚身，外皮烤至微脆，肉質嫩滑軟腍，而且帶少許蜜香味，鹹中帶甜。便當配菜也有頗多，分別有滷蛋半隻、肉丸、粟米粒、青菜等。配上白飯一起同吃，幾豐富。另一款則有台灣香腸和烤豬肉。烤豬肉入口juicy，質感軟嫩，醬香味濃郁。配菜基本上和雞排便當那款相同。2個套餐都附送冷泡茶，筆者選的是芙香蘋果茶，酸甜味道可以消膩解渴。炸魷魚份量都幾多！魷魚Q彈煙韌的口感，配上經酥炸的脆卜卜外層，鹹香惹味，還原台灣夜巿的味道。

會員招募見到佢做左會員入會會抵食d叫餐生日都有優惠裝左落單又方便快捷，仲有登記完小胖會員app就即刻送你一份小食，仲有儲積分優惠食得愈多積分儲得愈多$5就換到1分，儲到升級優惠仲可以換到電子現金券，食得多獎得愈多積分換領系統。我地叫左一碗台灣鐵路大排骨飯，排骨好大塊又厚身，肉質軟腍唔會好鞋口甘，仲有滷水蛋，粟米，粉絲，酸菜等配料夾埋響飯度好惹味。另外叫左一碗紅燒牛頰肉麵原來佢好貼心甘唔食得辣可以轉豬骨湯底嫁，有辣有唔辣，可以同職員講聲，豬骨湯底好軟腍，牛頰肉好軟熟。

同朋友去開尖沙咀行街，近The One附近有間台式餐廳，主打古早風味便當，款式都幾多選擇，見到餐廳做緊會員app招募，食野就可以儲分換coupon，而家仲有迎新優惠【送】鹽酥雞一份，升級仲【送】$20現金券士林鹽酥大雞腿便當 $74炸雞腿份量足料好大隻，外層炸得酥脆，肉質嫩滑，鹽酥調味適中，帶一點胡椒香，幾惹味配菜有青菜、粟米粒、滷蛋、粉絲同肉丸，整個便當好豐富台灣蒲燒魚腹便當 $74限定推介便當🤩 魚腹用蒲燒醬汁烤得香甜入味，魚肉嫩滑，同樣配菜嘅青菜同粟米粒少少清甜，平衡到整體味道五味醬拌茄子 $32茄子比滿滿嘅柴魚片覆蓋住，茄子入口軟綿，加上醬汁甜帶鹹，開胃又惹味古早味酸梅汁 +$6酸梅汁味道濃郁，帶微酸後勁，梅香十足，飲落解膩，幾解渴。珍珠冬瓜茶 +$6冬瓜茶甜度適中，茶底清香唔澀，配上彈牙珍珠，口感豐富，台灣風味十足原來餐廳仲有電子預付儲值，每次充值都有回贈同額外積分，啱晒係附近返工嘅打工仔😆

今年冇去到台灣旅行，唯有搵間台式餐廳食飯補償吓自己個胃，行完尖沙咀喺Google Maps同埋OpenRice睇吓附近有咩台灣餐廳，發現喺The One商場有間小胖便當，所以就上咗樓食，結果好有驚喜▪️ 士林鹽酥大雞腿便當：侍應親自送餐到我面前，一睇見到好大大隻嘅雞腿，見到皮炸到非常鬆脆，而食落口肉質仍然係細嫩多汁同好滑溜美味指數:🌟🌟🌟🌟🌟▪️ 夜市炸魷魚：份量非常十足填滿整個碗仔，炸粉唔厚但係表皮酥脆鬆化，咬落內在厚實食到魷魚嘅爽口，而且非常Q彈美味指數:🌟🌟🌟🌟，▪️ 熱柑橘檸檬：呢杯可能係去過咁多餐廳飲過最好飲嘅柑橘檸檬，好濃嘅檸檬汁開胃醒神美味指數:🌟🌟🌟🌟🌟今次仲download 埋app登記成為小胖會員，之後去食就可以享有更多嘅優惠，而且越食得多獎勵亦會更多，食完儲分可以喺app度換領電子優惠券，依家仲有迎新優惠，可以免費有一客鹽酥雞小食，又有升級優惠 $20現金券，如果大家有興趣食都可以先download app先登記做會員！

行行下尖沙咀想食台灣嘢又唔想食得咁Heavy就諗到食呢間入面好多座位坐得好舒服叫完嘢食之後攞咗個牌有人會送餐過嚟非常方便🧡士林鹽酥大雞腿便當大雞腿果然好大隻，見到啲肉好厚炸到熱辣辣，咬落去仲有肉汁便當上面有粉絲，煮得好入味仲有滷水雞蛋同埋拌菜🧡小香腸烤豬肉便當小香腸都肥嘟嘟啖啖肉烤豬扒都燒得好香，味道唔會太鹹而便當嘅配菜都係一樣🧡百香Q果綠茶，日月潭檸檬紅茶兩杯嘢飲都好大杯Q果好似蒟蒻咁，入面仲有啲珍珠添檸檬茶就好香茶味🧡九層炸大腸超級新鮮熱辣，應該係即叫即炸大腸仲非常肥美，一啲都唔銀

📍小胖台灣便當（尖沙咀）超抵台灣菜，食物種類好豐富，有飯、麵、包，仲有地道台灣小食。鍾意食台灣嘢就一定唔好錯過了。每個套餐包埋一杯飲品，加小食都好抵，而且幾大份食完真的full！餐廳環境闊落舒服，唔會坐到好逼，出餐亦好快。地道台灣便當系列：🔶紅燒牛頰肉便當紅燒牛頰肉份量大，牛肉燜得好淋，紅燒汁味道濃香，牛肉肉質爽滑好q彈而且超級入味，整體油而不膩。配菜好豐富，有滷肉蛋、粉絲、菜、醃蘿蔔、粟米，健康又好味。🔶 椒麻微辣豬柳便當有些少椒麻味，豬柳一粒粒食落好入味，醬汁鹹香，比起紅燒牛肉更加煙韌。亦都有好幾樣配菜：滷肉蛋、粉絲、菜、醃蘿蔔、粟米，營養均衡搭配。單點小食：🔶夜市炸魷魚炸得好好，食起身酥脆鬆化，內在有肉好緊實。炸粉唔會好厚而且味道好足，可以食到魷魚味，值得一試！依家佢哋仲推出咗小胖會員app，會員都好抵玩，食得越多，獎越多。仲有積分換領系統（$5=1分）、迎新優惠（免費鹽酥雞一份）、升級優惠等！手搖茶系列：-熱金橘檸檬茶-芙香蘋果茶兩杯都好清新，金橘檸檬茶偏甜，淡淡金桔味適合冬天。蘋果香氣很足，茶底很清香。♡♡♡♡♡♡♡♡♡♡♡♡♡♡♡♡♡🍴餐廳：小胖台灣便當 (德立大廈) (尖

小胖真係幾出名，食lunch時間勁多人。佢地便當同係台灣食嘅差唔多，近近地就可以好似返左台灣咁。坐低之後先出去比錢落單，仲有app可以做會員會有迎新優惠，食住儲積分有得換禮物幾好炸雞扒炸得夠熱夠脆，好多芝士好香仲可以拉絲。食落唔覺太油膩，好夠味個醬汁幾濃有D杰身，食到有蕃茄同滷水味，仲帶少少辣。牛頰肉好嫩，仲紅蘿蔔煮得好淋。仲有D粉絲同埋辣菜譜，青菜同一粒牛丸，都好豐富，食完好飽台灣鐵路大排骨便當排骨大塊，加左D椒鹽食落唔太鹹，個炸皮薄薄地。配料上每個便當一樣，食落好飽珍珠奶茶 / 珍珠冬瓜茶D珍珠QQ彈彈好食，似台灣珍奶一樣。冬瓜茶就偏甜左少少，但都唔差，解下油膩感

今日發現尖沙咀有間台灣料理在尖沙咀。搵到一些貼地價的台灣料理😅。 當然要去試下味道啦⋯⋯（5⭐️最高）台灣古早味烤豬肉便當 (5⭐️)烤豬肉完全入了古早味的精髓👏🏻、超入味。我比較欣賞他的菜蒲、超爽口、又彈牙💋。小香腸烤豬肉便當（5⭐️)台灣小香腸永遠都是最好食🤤爽口之餘，又夠Juice。而且入口香脆的肉質，充斥着口腔🥰。九層塔雞翼（5⭐️）香脆的九層塔入口有餘，小薯片一樣超爽口💜又惹味。雞翼亦都非常入味充滿鮮甜嘅雞香味.💕熱柑桔檸檬香濃嘅金橘味，充斥住整杯飲品

今日係尖沙咀同frd食咗平時食開既飯堂，係the one 對面既小肥,60-70蚊就有一個飯餐連埋嘢飲，幾抵食#鐵路大排骨便當 （$68） - 佢係酥炸大排骨嚟，豬扒既炸粉好乾身唔油膩，豬扒好鬆軟而且好入味😋😋便當跟咗幾款配菜，滷蛋好好味#三杯蜜汁烤雞扒便當 （$62） - 烤雞扒好嫩滑多汁，雞扒都幾大塊同厚身，可以啖啖肉🤤🤤便當會跟埋嘢飲㗎，我哋揀咗兩款冷泡茶-梔子花綠茶同埋蘋果茶，兩款茶都唔甜好有茶香。#烤魷魚 （$42） - 另外仲叫咗個小食share,魷魚份量好多食極都有😂😂炸衣唔厚身好酥脆👍🏻👍🏻平時都食開所以一早做咗會員，每5蚊一分可以用分換野㗎👍🏻👍🏻同埋新做會員仲送鹽酥雞添😱

成日經過尖沙咀都會見到呢間舖頭今次決定試一試😋士林鹽酥大雞腿便當🍗外脆內嫩 炸到金黃酥脆😚 一口雞腿肉配一口飯🍚芙香蘋果茶🍎清新蘋果香氣平衡左雞腿既油膩感台灣鐵路大排骨便當大排骨便當配蔬菜令整體味道更為均衡 😙排骨較薄 易入口金萱烏龍🍵口感順滑 淡淡茶香鹽酥雞腿菇外皮脆准鹽入味😋內裡鮮嫩非常出汁總結:地點便利去尖沙咀想食下便價台灣野可以尼尼間餐廳食物質素都ok又幾多野揀地方都大所以好易揾位😉

今日係尖沙咀做完facial 就係附近啲餐廳食lunch ，我朋友就suggest位於尖沙咀的德立大廈的小胖台灣便當，環境寬敞明亮，服務人員友善😛😛小食:鹽蒜四季豆 蒜香味濃郁帶有適度的鹹味，即炸食落熱辣辣🤤口感脆嫩，食唔停口😆主食🧡台灣古早味烤豬肉便當 烤豬肉外焦內嫩，醬汁香甜，而且好juicy 😆超好送飯。加上配菜都好新鮮，整體味道唔錯😬🧡台灣鐵路大排骨便當 排骨肉質柔嫩，炸完唔會好dry仲保持到肉汁😍搭配滷蛋和蔬菜，整體份量十足，吃完簡直係大滿足。飲品百香Q果綠茶百香果的酸同落嘅syrup平衡得宜，而珍珠都好a 彈，算係一款清爽的飲品，十分解渴😗葵香蘋果茶 這款飲品口感清新，蘋果的香甜與同茶香，相得益彰，食完炸野再飲，可以解膩❤️