小胖台灣便當 (德立大廈)

營業中

休息中

尖沙咀有間好抵食台灣便當，無論午市定係夜晚都係$68一個便當包嘢飲，另外加$14就會有小食，份量足味道都唔錯！🍴鹽酥大雞腿 $68 (7.5/10)雞腿非常貼心，會幫你切開方便食，炸得非常香脆，鹽酥味都幾重，肉質嫩滑，食落唔油膩！便當仲有配菜，包括粉絲，煎蛋角，小棠菜同埋韭菜，但係用咗珍珠米都幾煙銀，飯量係正常，配菜都正常冇咩特別，$68仲要包嘢飲嘅話係抵食，味道唔錯😎🍴梅香脆地瓜 +$14 (7.5/10)地瓜香脆食囉，甜甜地，話梅粉增加咗風味！🍴鹽酥雞 +$14 (7/10)炸得香脆，比較偏乾身少少，鹽酥味都幾出。🍴鹽酥四季豆 +$14 (7.5/10)四季豆炸得，香脆又爽口，同樣鹽酥味都好香。🍴 金萱烏龍 (7/10)正常茶味， 550 mL夠晒大支！推薦指數: 7.5/10尖沙咀嚟講真係抵食，味道唔錯嘅台式便當，想食台灣嘢又想平平哋都會推薦呢一間！

好食評價：🌕🌕🌕🌑🌑CP值：🌕🌕🌕🌑🌑•台灣鐵路大排骨•$70首先排骨數量係足料！味道唔咸 味道可以！肉質嚟講 佢一啲都唔“鞋”！其實幾唔錯！湯麵口感都可以 唔係淋曬湯底有台灣濃郁嘅味道😂仲有啲肉燥料係面 仲有幾條菜！野飲方面 免費包咗某幾款泡茶 其他選擇就要+$不過芺香蘋果泡茶 真係唔係人人都啱飲有啲似山楂味 但又未去到好濃 怪怪地咁P.s. 尖咀打工仔飯堂 快餐點形式 落咗單再揾位算係平㗎喇 尖咀區嚟講 呢間都係最平$6x就食到

- 小胖台灣便當 -尖沙咀加連威老道21A-21B號德立大廈地下及1樓位於尖沙咀新開無奈既小胖台灣便當有一次經過就試下入去食因為個招牌好大幾搶眼下😹入邊主打平價台灣便當，都幾多款揀咗呢款蓮藕好入味！排骨都好多 唔好見佢細細碗都幾飽除咗尖沙咀之外，觀塘，沙田都有分店不過只限外賣～經過又鍾意食台灣野既不妨試下🤤

雞髀勁大舊 好貼心切開上下髀外皮比較似豪大大 但係酥脆過佢咬落去唔會因為脆硬棒棒 肉質極嫩外皮鎖死肉汁 一咬開肉就有肉汁同熱氣流出便當有唔同嘅蔬菜配搭 唔會太油膩尤其係南瓜溶 完全感覺唔到有影響口感嘅渣而且跟餐仲有冷泡菜 進一步解膩鹽酥雞就一般般 唔太特別 不過唔算貴整體可以 82蚊

一個人係尖沙咀唔知食咩好？ 平平地又好味揀左小胖， 之前係沙田食過， 尖沙咀呢間要上一層， 環境大好多， 坐得舒適，套餐六十幾蚊配飲品，好抵食。仲有自助區可以斟水， 提供紙巾、牙籤同醬油區。♡三杯蜜汁烤雞排麵 $64蜜汁好好味， 唔辣， 雞皮燒到脆脆地有驚喜🤩 雞肉好滑， 份量好大塊， 台灣麵配冬菇肉燥。堂食同紙碗即棄餐具， 餐具有自家包裝，質量唔錯。♡芙香蘋果茶套餐附冷熱飲共3款， 冷泡茶好大枝， 酸酸地好開胃🤤 最後飲唔曬拎走左。

The One對面開左呢一間台或便當餐廳，樓高2層而且便當形式都真係好似去左台灣叫外賣咁，好有特式～😋三杯蜜汁烤雞排面＄64雞排大塊，細心咁切開另上，厚身肉嫩又juice！湯底有好香排骨味，配白色素麵幾夾，如果再爽口D相信會更加好食～👍😋台灣鐵路大排骨便當 ＄68台式排骨多好而且大塊又扁身，食落肉質易咬飯的份量超多，入面配料仲有粟米+菜脯蛋餅+粉絲+菜等等，一個女仔真係食唔曬一個呀我😆😋百香Q果綠茶 +$6百香果綠茶味道酸酸甜甜，仲有好多百香果同珍珠一齊食好滿足🤩開胃解口乾🤤😋🌟酥酥咸香香菇＄32超驚喜的小食～估唔到原來佢係咸蛋黃醬包裹著炸菇。有少少炸但又會忍唔係係咁食，咸香味太好食了！虎咬豬刈包＄38虎咬雞刈包＄38佢地新出左刈包緊係要試下～蒸熟左的刈包好鬆；無論係豬肉定雞肉同樣香濃惹味，加上有好多酸菜﹑芫茜、花生粉等材料配製，食落口感100分～

價錢可接受，鹽酥大雞腿好鹹好多味精。堂食提供自助攞水，但只供應全滾水，問服務員可否給常温水，一句：唔好意思，無！其實我係有叫飲品（個餐包埋），但現金都市人好多會在餐前食健康片，或有此客人需要食藥，杯水熱辣辣，點食藥？

已經係第二次黎😊係尖沙咀百物騰貴嘅地區，想搵間平民餐廳都幾難，呢間算係性價比較高的🍽️呢間野就係the one 後門對面。幾鐘意佢店內設計，牆身寫的「一碗滿滿的幸福」，感覺係到食碗麵都係小確幸🥰今次叫左三汁蜜汁烤雞扒便當，雞扒加左蜜汁好惹味，而且肉都算嫰口👍🏻個肉燥麵線爽口彈牙，對我黎講粗幼度適中～ 加上杯冬瓜茶～ 成個餐食完的確有種滿足同埋幸福感！而家晚上去人流唔算多，座位都坐得舒服～ 服務都算幾好～ 下次會再encore💖

20:45😢最近成日忙到好夜先食飯，好彩尖沙咀啲食店叫做開得晏啲先仲有得食。就好似依間店咁，就21:30先last order!!!!其實次次行完The One都會比小胖台灣便當2/F嘅大大隻招牌吸引，但一直未有機會試，終於係機緣巧合之下同男朋友試到佢。店面唔算好大，相信平時食飯時間都會幾逼人。我同男朋友一人嗌咗一個便當，包兩杯野飲，再加多個小食，總數$174。便當會跟粟米、粉絲、兩條大白菜、炒雜菜、紅色一條條同一片簿簿嘅雞蛋，所有配菜味道都唔錯，全部都有味。男朋友嗌咗個期間限定嘅逢甲香烤豬軟骨便當，豬軟骨好淋好入味，啲骨位唔會有脆或硬嘅感覺，美中不足嘅係啲肉有啲啲韌。我就嗌咗個三杯蜜汁烤雞便當，雞扒肉質好滑，而且唔乾，味道就冇乜驚喜，似係蜜糖雞扒嘅味道。而全店最大驚喜就係個炸大腸！！！！首先個炸大腸一定係即叫即炸，因為上枱個時係熱辣辣嘅，啲炸大腸炸到好脆，但又唔會太乾身，食落口感極佳！而炸大腸表面有啲平時食鹽酥雞上面嘅粉，所以帶有咸香咸香嘅感覺，但又保留到大腸嘅味道。我同男朋友都表示可以為咗依個大腸encore食依間野（因為宜家炸大腸好難搵到好食😢）。而所有便當都會免費跟熱飲或冷泡茶

咁啱喺The one附近做完嘢 又到咗3點嘅時間☕️咁啱睇緊附近有咩食就見到對面街有呢間台式便當🍱🍃下午茶A$48南部滷肉飯份量適中 味道上都正正常常 但冇話特別好食 如果個份量可以再多啲會再好啲！追加小食：鹽蒜四季豆四季豆呢啲炸物 超級香口 落咗蒜鹽仲有炸蒜食完之後真係一條接一條 停唔到口🤣日月潭檸檬紅茶檸檬茶大大杯 平時出面獨立買嘅手搖冇分別 其實都幾抵因為平時就咁買一杯都廿零三十蚊ʕ •ᴥ•ʔ🐿🍃價錢喺尖沙咀區來講算係平 位置寬躺又冇咩人 有自助區俾你拎熱水調味料 嗰個area 真係好台式 比較似快餐店😂

途經尖沙咀嘅小胖台灣便當，見佢裝修幾cute幾搶眼，我地又鍾意食台灣野就去試試。餐廳分兩層，地下喺外賣機，上到一樓超闊落，梳化位多，比一般台式餐廳舒服。叫咗兩個主食、兩個小食同兩杯飲品，出餐非常快，一喺收銀處落完單轉頭已有飲品，珍珠奶茶有甜度冰度選擇，我揀嘅係近期大熱嘅冷泡茶，茶味好出，啱晒食完炸物解膩。主食叫咗一麵一飯，麵配嘅係鐵路炸豬扒，炸得幾鬆軟又入味；飯係三杯雞扒，加咗蜜糖所以甜味更突出。小食水準好有驚喜，炸魷魚鬚用咗地瓜粉，好鬆脆，魷魚本身都唔韌；茄子好香濃，送飯就啱啱好。

尖沙咀新開的台灣便當，走去試吓！午餐時間非常多人排隊輪候⋯心諗咁多人食應該好食叫了一個午餐，連埋飲品$70多元，個面欠單s個餸非常之咸，實在令我很失望⋯非常之難飲，杯飲品又好難飲所以不會再來了⋯⋯

評價🗣 價錢💰：🌕🌕🌕🌕🌑味道😋：🌕🌕🌕🌕🌑環境🏡：🌕🌕🌕🌕🌑 座位好寬敞，侍應服務態度都幾好，同埋唔駛加一👍🏻👍🏻。蜜汁雞扒好大份😍😍，誠意推薦大家試。滷肉飯有好多滷肉同粉絲😋，雖然加左12蚊，不過都值得一試。鹽酥雞炸得好脆，同埋有好多粒😌。啲麵都幾彈牙，我地試左佢新出嘅沙茶湯底，比起豬骨湯更加濃味，但又唔係好鹹🤤🤤。🍽三杯蜜汁烤雞扒便當：HK $94 加左滷肉飯同小食🍽️三杯蜜汁烤雞扒湯麵： HK $87 加左小食🗣立即follow @hkfoodgasm定期爲大家送上最真實嘅飲食情報💌❗️💕 🤤💁🏼‍♀️

☞ 尖沙咀 小胖台灣便當 ☜ ———————————————Logo好可愛嘅台式餐廳，冷泡茶有驚喜🙈———————————————◊ 士林鹽酥大雞腿便當+套餐小食鹽酥雞+珍珠冬瓜茶($68+14+6) ◊雞髀炸得好酥脆，肉厚得嚟又唔會炸到乾晒，而且雞髀本身都醃得夠入味。重要上枱已經係砍好兩件，每件得一條直骨，食得好方便。個飯嘅份量都幾多，而且好多配菜，好豐富。鹽酥雞一樣炸得酥脆，而且唔會好厚粉，香口又唔會好咸。冬瓜茶清甜，而且珍珠大大粒又煙韌😆美味程度: ㊣㊣㊣㊣.5/5◊ 台灣鐵路大排骨手工湯麵+套餐小食五味醬拌茄子+芙香蘋果茶 ($70+14+0) ◊麵條彈牙，湯底飲完唔會頸渴。排骨已經去骨，熱辣辣食嘅時候比較香脆，肉質同樣唔會乾。茄子juicy，配埋個甜甜地嘅醬，仲有啲木魚碎喺上面。蘋果茶係所有嘢入面我嘅至愛，甜度好低，好清新，茶味都好香😍美味程度: ㊣㊣㊣㊣.5/5———————————————📍:小胖台灣便當尖沙咀加連威老道21A-21B號德立大廈地下及1樓#為食豬在尖沙咀 #尖沙咀美食#foodblog #台灣菜 #台式便當 #炸雞髀 #香酥排骨 #鹽酥雞 #茄子 #冬瓜茶

尖沙咀樓上臺式便當，🔥人氣好旺，非常受歡迎！南投紅燒牛腩（麻辣湯）湯麵 $72牛腩燜得好淋好香，🐮肉味好出。古早味酸梅汁 +$6底下有開胃山楂同酸梅粒，😍清涼解渴。追加小食：鹽蒜四季豆 $14乾燜香口，🧄有脆口蒜粒。椒麻豬柳配肉燥 $68推薦！肉質好似叉燒，🐷非常脆口，又多汁。日月潭檸檬紅茶 +$6酸甜檸檬，🍋解渴紅茶。追加小食：五味醬拌茄子 $14面頭有木魚花，好似章魚小丸子，🍆茄子特別香軟。