小城知味 (德福廣場1期)

營業中

休息中

一家大細出嚟食飯，當然希望搵個坐得舒服又溫馨嘅小菜館啦， 呢日就嚟到九龍灣德福廣場平台嘅呢間新派小菜館- 小城知味。要填滿一家四口嘅胃口唔可以靠主菜，點都要點返幾味小食😆一端上枱麻辣香味撲鼻而來， 麻辣牛舌上灑上花生粒， 花生香味和辣汁驚喜地配搭， 呢個唔係一般醃咗就煮牛舌， 餐廳細心地將牛舌煎香咗，令佢外脆內軟，先再加上辣汁👍👍 真心推薦啲款麻辣小餛飩， 唔好睇佢細細隻， 每一隻都皮薄餡靚， 肉餡明顯冇加味精， 有新鮮肉汁流出嚟， 鍾意食辣嘅朋友點返啲辣油就更滋味啦， 一啖一隻， 十分滿足！跟住就到主菜啦！喺咁多個麵食之中，得呢款比餐廳稱為招牌菜，果然唔係浪得虛名。 牛坑腩肥瘦適中， 煎煮時間剛好， 香脆得來保持牛坑腩嘅鮮嫩， 牛味香濃， 食得出係靚牛肉。蔥油撈麵嘅質地都唔錯， 蔥油另上，食客可以自己調教口味💕餐廳開業唔係好耐，但明顯見到短時間內已經增加多咗好多菜式， 咁多滋味小菜就唔驚食厭啦！

晚上經過九龍灣, 見到平台都開左唔少食店, 除左泰國野之外仲有中菜。加上未食飯, 所以同男朋友入左其中一間食中茱, 叫做「小城知味」。個名都幾有詩意! 而且成間店好有空間感, 都不少人收左工黎醫肚! 晚餐的選擇仲好多！價錢都ok! 香蔥裡尋雞就是霸王雞的類似版，香蔥的香加上滾油，超級香口的！也好好送飯，雖然已經係夜晚九點幾，不過我都已經食咗成碗白飯。個雞夠哂滑，不過偏肥，惟有唔好食雞皮！不過好鍾意乾蔥的味道，半隻雞滿足哂我的胃口！加廿蚊有埋湯，白飯，仲有飲品，絕對夠哂飽肚！香煎牛坑腩湯麵個牛坑腩好滑, 平時食牛腩麵都食得多。本身對呢個都唔係太大期望, 不過又有驚喜！煎香左鎖住左肉汁, 切得薄片的牛坑腩十分有口感！又唔會太漏，同一般食到的麵有好大分別!龍湯野菌浸竹笙食到咁上下點可以唔叫翻d清清地？呢個竹苼好好食，而且只係三十八蚊！絕對親民！簡簡單單又一餐，最緊要就係質素都幾有保證。下次再試吓其他小菜！

德福近排開左好多新餐廳，呢間就好隱秘比較難搵，唔係行去平台個邊都幾難發現。新開關係店門外都有staff拎住menu招徠客人，睇過menu都幾有新鮮感，就決定一試～呢度既菜式我會形容為新舊交融，中菜通常俾人傳統既感覺，但係佢又加入左啲新興既元素，成件事就年輕好多～牛坑腩肉質好軟淋鬆化，好濃郁肉味又有油香，雖然價錢略貴，不過我覺得都值既，而伴碟係微辣既菜脯，我平時唔多食菜脯，不過呢度切到細細粒，少少辣加少少甜，加埋落撈麵度出奇地開胃，所以我都清晒！其實就似避風塘炸雞翼咁，係一道非常香口惹味既小食，有5隻咁多，份量都唔少，而且單⻣食起上黎好方便！每條竹笙都好肥好厚，好似海綿咁索滿晒鮮甜既龍蝦上湯，配埋其他什菌清清地又不失美味！本來想食羽衣甘藍菜肉餃，覺得幾特別係其他地方都未見過，但係店員話未有貨...有啲失望...於是就叫左麻辣小雲吞，麻辣都係我飛佛黎既，原來都有啲驚喜，真係幾重口味，食完條脷真係麻左，唔hea架喎！最後想食個甜品滋潤下，湯圓有兩款，黃色皮紫色餡個隻係蕃薯味，甜度適中蕃薯味都幾濃，幾有特色，另外就係芝麻湯圓，就正常味道啦，薑汁唔夠濃，再辣啲就好！

九龍灣德福花園最近有新餐廳進駐今夜晚餐就來嚐鮮先來一杯夠薑熱豆漿薑味輕盈而且低糖健康香煎魚餅魚香味濃但如果再煎香一點會更好香煎美國牛坑腩乾蔥撈麵非常惹味麵和餸分開奉上牛肉味濃郁而且不柴口配上乾蔥香味昇華另外點了骨膠原豬軟骨乾蔥撈麵豬軟骨肉質軟綿嫩滑白蘿蔔清甜無渣是一碗恰到好處的撈麵麻辣牛舌有一層紅油浮面麻味辛味比例剛剛好風沙單骨雞翼稍嫌太乾身撒上炸蒜粒十分惹味一夜彷似充滿中國風的晚膳粵系味道仍暗暗隱藏其中

上次食泰國菜的時候，看到旁邊開了這間中菜餐廳，今日就約了朋友試一試好唔好食。晚市有小菜餐，但因為不太餓，又想試下小食，所以就散叫。價錢適中，不會太貴。*夠薑皇室保濕豬扒湯米線 ($78)首先點了一個主菜開心SHARE，始終有個麵食好好一點。上面好似肉鬆的，是炸薑絲，我就不太吃薑的，所以放棄了！這個保濕豬扒真的很保濕，肉質好嫩，咬落好水潤，真的好少可可以咁樣形容一塊豬扒，我同朋友都讚不絕口！*麻辣牛舌 ($48)麻多過辣的牛舌，好岩我呢個唔食得辣又想食辣既人！牛舌好淋，雖然好多辣油，但係味道麻大過辣，唔錯唔錯。*風沙單骨雞翼 ($38)雖然冇數到有幾多隻雞翼，但感覺好似食唔完咁！單骨雞翼方便食；雞翼炸得好詐，但又冇焦，很香口。*栥飯 ($25)這個栥飯真的很好食！飯的份量比起街買到的少，所以不會太膩；中間夾住好多肉鬆；油炸鬼仍然很脆口；不過飯粒吃到尾有少少乾。*韮菜雞肉扭紋腸 ($35)這個扭紋腸如果冇點的話真的會後悔！腸粉好滑好薄，一夾盲斷了；配上韮菜雞肉，感覺不會太HEAVY。*夠薑熱豆漿 ($18)熱豆漿幼滑，不會太甜，但薑味如果可以濃一點就更好！

今晚同老婆探完娘家果邊，近近地就係附近食飯！小城知味係德福廣場平台，見menu有幾多款小菜，就揀左呢間！點左兩個小菜一個小食，個小菜加$$轉套餐，有飯有湯有o野飲！我飲豆漿，老婆再加左$5 轉飲紅棗蜜糖茶，養血補氣！老婆話紅棗味幾濃，清清甜甜小食嗌左麻辣牛舌，好惹味好好食，個麻辣汁整得好香！加D脆花生好有咬口！厚切牛舌！不錯的開胃小食！小菜嗌左黑椒豬手煲，隔離係師傅靚湯！老婆貪豬手有骨膠原！呢到D豬手燜得好軟淋，非常嫩滑！個煲撈飯食一流岀街都要食下菜，嗌左個西蘭花炒蝦球，色香味俱全整體o黎講係水準不錯的餐廳，D小菜整得幾好，有家常風味！

見德福新開一家中菜就試試，裝修都幾靚。朋友喜歡食餃子之類的食物，就點了拍蒜小雲吞當小食。雲吞餡料很充實，味道不錯。霸王雞（半隻）十分吸引，拍得住酒樓出品。半隻的份量也不少，而且有雞脾！雞肉嫩滑，醬汁入味。另一個小菜是西蘭花炒蝦球，賣相頗精美。蝦球清理得好乾淨，蝦肉爽彈。另加了 $15 配絲苗白飯和師傳靚湯。還點了一個招牌香煎美國牛坑腩湯面，非常出色！牛肉肉味濃郁，肉質幼嫩，煎得剛剛好。麵質有口感，相當推介！

$78 的西蘭花蝦球，只有5隻蝦，數顆西蘭花，本人覺得不值，唔通而家出外用膳，這個價錢只是得這個質量，哈哈，真是不知道。7時半前落單，牛腩冇，熱飲冇， 筷子得1隻，碗有漬。

德福呢頭開左唔少新既餐廳，朋友話想試下，見到menu 價錢ok唔錯,就幫親下小城知味。Lunch time 仲有中式菜提供，睇黎呢到好多fusion.豉汁蒸爐魚$65雖然係半條魚，但好貼心咁開左半，冇骨的，好方便。魚肉都幾新鮮，就咁豉汁蒸已經唔錯。豬頸肉炒翠肉瓜$58豬頸肉本身已有調味，加埋翠肉瓜好爽口。龍湯浸竹笙什菌$38叫返個菜比較健康，什菌既份量都幾多，有龍湯唔會淡。黑松露巨魚蛋$32雖然賣相中等，亦唔算大粒，但味道還可接受。黑松露汁幾特別。餐飲都值得一讚，特別係檸檬蕙米水好清新。

早餐平價 大份 抵食 炒麵略干 沒有炒均勻 但是不會油膩 作為早餐很舒服 豬肉排骨菜粥口味清淡 冇味精 麻醬和甜醬非常好味 似自家製造 早餐還提供姿飯 腸粉 下次有機會願意嘗試 份量真的很足

呢間係食中式叫餸食飯，叫咗黑椒豬手煲。等咗四個字，對佢充滿期待，嚟到啲配料蓋過晒，仲要問返啲職員，佢哋都猶疑呢個究竟係唔係豬手煲，搵晒成個煲得個四片，仲要碎晒。咁就收我68蚊喇

德福商場在二期擴充及原有的餐廳進行替換後，真的多了很多選擇。今早剛到此，本想去文華冰廳，但人實太多了，在門外已經需要排隊，所以選了在一期平台的小城知味去食早餐。在旁的泰廚房子及茜廊與小城知味都是同一集團營運，三間雖然都會提供早餐，但是各有特色，茜廊提供西式及港式午餐，而泰廚房子則提供泰式早餐，而小城知味就提供粥及腸粉做早餐。可能仍早的關係，人不是太多，其實也令我可以在一個清靜的環境下做饍。早餐餐牌只得一個，分別有連豬骨粥及沒有豬骨粥的套餐。我叫了一個港式腸粉及一個蒸糯米雞連粥的兩個套餐。粥很足料，有菜乾、豬骨在內，粥內已含有濃郁的味道。糯米雞就不過不失吧。至於港式腸粉，形狀不是一般豬粉腸，而是有扭紋在上面，而且還有炸菜在裡頭，這個比較特別。隨套還有豆漿附上，感覺都健康點。

＂德福廣場＂近期新開了一些餐廳，呢間＂小城知味＂就是其中的一間。店堂不大，卻也企理整潔。吃過午飯了，簡單食個下午茶——粢飯 + 豆漿，HK$ 41 另收加一。賣相及味道都極其普通，沒有任何驚喜。最後奉上餐牌供食家參閱。